पार्वत्यष्टोत्तरशतनामस्तोत्रम् Shri Parvati Ashtottarashatanama Stotram

महेश्वरी महादेवी महेश्वरविमोहिनी ।महाप्रभा महामाया महासुरनिषूदनी ॥ १॥

maheśvarī mahādevī maheśvaravimohinī |mahāprabhā mahāmāyā mahāsuraniṣūdanī || 1||

उमा कुमारजननी हिमाचलतनूभवा ।भवानी भावनागम्या भवपाशविमोचिनी ॥ २॥

umā kumārajananī himācalatanūbhavā |bhavānī bhāvanāgamyā bhavapāśavimocinī || 2||

शिवा भवाङ्कनिलया मृगाङ्कसदृशानना ।अपङ्का शङ्करी शान्ता हृदयान्तःप्रकाशिनी ॥ ३॥

śivā bhavāṅkanilayā mṛgāṅkasadṛśānanā |apaṅkā śaṅkarī śāntā hṛdayāntaḥprakāśinī || 3||

विजया दुर्जयामेया जयदा जगदीश्वरी ।आर्या परापरमयी त्रिपुरा परमेश्वरी ॥ ४॥

vijayā durjayāmeyā jayadā jagadīśvarī |āryā parāparamayī tripurā parameśvarī || 4||

कात्यायनी हैमवती शाम्भवी सुम्भमर्दिनी ।शाकम्भरी कला कालि भैरवी भयहारिणी ॥ ५॥

kātyāyanī haimavatī śāmbhavī sumbhamardinī |śākambharī kalā kāli bhairavī bhayahāriṇī || 5||

नारायणी प्राणमयी शर्वाणी सर्वमङ्गला ।अरुणा भूरिकरुणा शरणागतवत्सला ॥ ६॥

nārāyaṇī prāṇamayī śarvāṇī sarvamaṅgalā |aruṇā bhūrikaruṇā śaraṇāgatavatsalā || 6||

हरिणाङ्ककलाभूषा हरिणाक्षा हरप्रिया ।भक्तप्रिया भगवती सुदया दनुजादया ॥ ७॥

hariṇāṅkakalābhūṣā hariṇākṣā harapriyā |bhaktapriyā bhagavatī sudayā danujādayā || 7||

पङ्कजाक्षसमाराध्या पङ्कजाक्षसहोदरी ।किङ्करीमूतगीर्वाणा पङ्कजास्त्रोद्भवेक्षणा ॥ ८॥

paṅkajākṣasamārādhyā paṅkajākṣasahodarī |kiṅkarīmūtagīrvāṇā paṅkajāstrodbhavekṣaṇā || 8||

ह्रीङ्कारी शबरी तारा मातङ्गी मङ्गलप्रदा ।अङ्गीकृतहरार्द्धाङ्गा शृङ्गारशरणानना ॥ ९॥

hrīṅkārī śabarī tārā mātaṅgī maṅgalapradā |aṅgīkṛtaharārddhāṅgā śṛṅgāraśaraṇānanā || 9||

शृङ्गारनायिका बाला जया सिंहासनेश्वरी ।कामेश्वरी च कल्याणी सुन्दरी सुरसेविता ॥ १०॥

śṛṅgāranāyikā bālā jayā siṃhāsaneśvarī |kāmeśvarī ca kalyāṇī sundarī surasevitā || 10||

चक्रेश्वरी मधुमती पार्वती पद्मलोचना ।कोदण्डिनी कुण्डलिनी चामुण्डा चण्डिकाम्बिका ॥ ११॥

cakreśvarī madhumatī pārvatī padmalocanā |kodaṇḍinī kuṇḍalinī cāmuṇḍā caṇḍikāmbikā || 11||

चर्च्चिका गिरिजा दुर्गा सर्गस्थित्यन्तकारिणी ।सुभगा ललिता गौरी मातामणिर्गृहेश्वरी ॥ १२॥

carccikā girijā durgā sargasthityantakāriṇī |subhagā lalitā gaurī mātāmaṇirgṛheśvarī || 12||

लोकेश्वरी महाराज्ञी मालिनी मेनकात्मजा ।रुद्राणी शङ्करी शर्मदायिनी सर्वसाक्षिणी ॥ १३॥

lokeśvarī mahārājñī mālinī menakātmajā |rudrāṇī śaṅkarī śarmadāyinī sarvasākṣiṇī || 13||

श्रीविद्या श्रीकरी शक्तिष्षोडशी श्रीदिपूजिता ।वाग्वादिनी विन्दुगृहा भवसङ्कटहारणी ॥ १४॥

śrīvidyā śrīkarī śaktiṣṣoḍaśī śrīdipūjitā |vāgvādinī vindugṛhā bhavasaṅkaṭahāraṇī || 14||

करपङ्कजसंस्पर्शप्रधूतसुरशासना ।पादपल्लवनिष्पिष्टमहिषासुरविग्रहा ॥ १५॥

karapaṅkajasaṃsparśapradhūtasuraśāsanā |pādapallavaniṣpiṣṭamahiṣāsuravigrahā || 15||

तरुणार्कसहस्राभतनुच्छायाविजृम्भणा ।वदनामोदबिभ्राम्यदलिपालिनिभालका ॥ १६॥

taruṇārkasahasrābhatanucchāyāvijṛmbhaṇā |vadanāmodabibhrāmyadalipālinibhālakā || 16||

नवकुङ्कुमकस्तूरीतिलकालङ्कृतालिका ।अधरारुणिमारक्तमुक्ताशोभितनासिका ॥ १७॥

navakuṅkumakastūrītilakālaṅkṛtālikā |adharāruṇimāraktamuktāśobhitanāsikā || 17||

कनत्कपोलयुगलप्रतिबिम्बितकुण्डला ।तमःप्रवाहप्रतिमचिकुरभ्राजिदिङ्मुखा ॥ १८॥

kanatkapolayugalapratibimbitakuṇḍalā |tamaḥpravāhapratimacikurabhrājidiṅmukhā || 18||

इदमष्टोत्तरशतं पार्वत्यास्सर्वकामदम् ।सर्वसम्पत्प्रदं श्रेष्ठं सर्वसौभाग्यपुष्टिदम् ॥ १९॥

idamaṣṭottaraśataṃ pārvatyāssarvakāmadam |sarvasampatpradaṃ śreṣṭhaṃ sarvasaubhāgyapuṣṭidam || 19||

सर्वविद्याप्रदं सर्वपुरुषार्थप्रदं परम् ।रहस्यमिदमुत्कृष्टं न मीमांसमितस्ततः ॥ २०॥

sarvavidyāpradaṃ sarvapuruṣārthapradaṃ param |rahasyamidamutkṛṣṭaṃ na mīmāṃsamitastataḥ || 20||

यः पठेत्परया भक्त्या सन्ध्याकाले समाहितः ।स्मरन्नपि महादेवं पार्वतीसहितं शिवम् ।स भुक्त्वात्र महाभोगान् शिवलोके महीयते ॥ २१॥

yaḥ paṭhetparayā bhaktyā sandhyākāle samāhitaḥ |smarannapi mahādevaṃ pārvatīsahitaṃ śivam |sa bhuktvātra mahābhogān śivaloke mahīyate || 21||

इति पार्वत्यष्टोत्तरशतं सम्पूर्णम् ।

iti pārvatyaṣṭottaraśataṃ sampūrṇam |