परब्रह्मशक्ति अथवा परशक्तिसहस्रनामस्तोत्रम् Shri Parabrahmashakti Athava Parashaktisahasranamastotram

आनन्दभैरव्युवाचभगवन् सर्वतत्त्वज्ञ सर्वसिद्धेश्वरेश्वर ।रहस्यं परमानन्दं ब्रूहि मे करुणानिधे ॥ १॥

ānandabhairavyuvācabhagavan sarvatattvajña sarvasiddheśvareśvara |rahasyaṃ paramānandaṃ brūhi me karuṇānidhe || 1||

यन्नामकीर्तनान्मर्त्यो जीवन्मुक्तो भवेत्क्षणात् ।परं ब्रह्म विजानीयात् तन्मे कथय सुव्रत ॥ २॥

yannāmakīrtanānmartyo jīvanmukto bhavetkṣaṇāt |paraṃ brahma vijānīyāt tanme kathaya suvrata || 2||

आनन्दभैरव उवाचशृणु देवि प्रवक्ष्यामि परं तत्त्वमनुत्तमम् ।रहस्यानां रहस्यं च सर्वमन्त्रौघमूर्धजम् ॥ ३॥

ānandabhairava uvācaśṛṇu devi pravakṣyāmi paraṃ tattvamanuttamam |rahasyānāṃ rahasyaṃ ca sarvamantraughamūrdhajam || 3||

परब्रह्मचैतन्यसहस्रनामसंज्ञितम् ।दिव्यं गुह्यातिगुह्यं च देवैरपि सुदुर्लभम् ॥ ४॥

parabrahmacaitanyasahasranāmasaṃjñitam |divyaṃ guhyātiguhyaṃ ca devairapi sudurlabham || 4||

अस्य श्रीपरब्रह्मचैतन्यसहस्रनामस्तोत्रमन्त्रस्यआदिपुरुषप्रकृतिरमृतं ऋषिः, गायत्र्यनुष्टुप्छन्दः,सर्वव्यापी परब्रह्मशक्तिर्देवता, प्रणवः बीजम्, लज्जाबीजं शक्तिः,वाग्भवबीजं कीलकम्, कूर्चबीजं अस्त्रम्, सोऽहमिति कवचम्,आत्मज्ञानप्रयोजनसिद्धये विनियोगः ॥प्रणवं समुपोच्चार्य लज्जाबीजं ततः परम् ।एषा परब्रह्मकुलूका सर्वतन्त्रेषु गोपिता ॥ ५॥

asya śrīparabrahmacaitanyasahasranāmastotramantrasyaādipuruṣaprakṛtiramṛtaṃ ṛṣiḥ, gāyatryanuṣṭupchandaḥ,sarvavyāpī parabrahmaśaktirdevatā, praṇavaḥ bījam, lajjābījaṃ śaktiḥ,vāgbhavabījaṃ kīlakam, kūrcabījaṃ astram, so'hamiti kavacam,ātmajñānaprayojanasiddhaye viniyogaḥ ||praṇavaṃ samupoccārya lajjābījaṃ tataḥ param |eṣā parabrahmakulūkā sarvatantreṣu gopitā || 5||

तारं लज्जाद्वयं पश्चात् तारमुच्चारयेत् पुनः ।मुखशोधनमेतत् स्यात् परं ब्रह्मप्रकाशकम् ॥ ६॥

tāraṃ lajjādvayaṃ paścāt tāramuccārayet punaḥ |mukhaśodhanametat syāt paraṃ brahmaprakāśakam || 6||

आदौ प्रणवमुच्चार्य सेतुरुक्तो मनीषिभिः ।महासेतुस्तथैवोक्तो वर्णभेदेन गोपितः ॥ ७॥

ādau praṇavamuccārya seturukto manīṣibhiḥ |mahāsetustathaivokto varṇabhedena gopitaḥ || 7||

विप्राणां प्रणवः सेतुः क्षत्रियाणां तथा श्रुतिः ।बीजं मायामयमुद्दिष्टं वैश्यानां कीर्तितं पुरा ॥ ८॥

viprāṇāṃ praṇavaḥ setuḥ kṣatriyāṇāṃ tathā śrutiḥ |bījaṃ māyāmayamuddiṣṭaṃ vaiśyānāṃ kīrtitaṃ purā || 8||

शूद्राणां वाग्भवं बीजं महासेतुरयं स्मृतः ।एवं न्यासं पुरा कृत्वा स्तोत्रराजं पठेन्नरः ॥ ९॥

śūdrāṇāṃ vāgbhavaṃ bījaṃ mahāseturayaṃ smṛtaḥ |evaṃ nyāsaṃ purā kṛtvā stotrarājaṃ paṭhennaraḥ || 9||

अङ्गुष्ठयोर्न्यसेत् तारं तर्जन्योर्ग्राह्यमायया ।मध्यमयोश्च वाग्बीजं कूर्चबीजं त्वनामिकोः ॥ १०॥

aṅguṣṭhayornyaset tāraṃ tarjanyorgrāhyamāyayā |madhyamayośca vāgbījaṃ kūrcabījaṃ tvanāmikoḥ || 10||

कनिष्ठयोर्न्यसेदस्त्रं करतलकरपृष्ठयोः ।एवमेव हृदाद्यङ्गेष्वङ्गन्यासं समाचरेत् ॥ ११॥

kaniṣṭhayornyasedastraṃ karatalakarapṛṣṭhayoḥ |evameva hṛdādyaṅgeṣvaṅganyāsaṃ samācaret || 11||

ततः परं महादेवि व्यापकन्यासमाचरेत् ।ॐ सच्चिदेकं ब्रह्मेति मन्त्रेण चतुरक्षरात् ॥ १२॥

tataḥ paraṃ mahādevi vyāpakanyāsamācaret |oṃ saccidekaṃ brahmeti mantreṇa caturakṣarāt || 12||

सृष्टिस्थितिलयाकारं त्रिधा न्यासं पृथक् पृथक् ।मूर्ध्नि वक्त्रे च हृदये नाभौ गुह्ये च पादयोः ॥ १३॥

sṛṣṭisthitilayākāraṃ tridhā nyāsaṃ pṛthak pṛthak |mūrdhni vaktre ca hṛdaye nābhau guhye ca pādayoḥ || 13||

सृष्टिन्यासं प्रकुर्वीत ब्रह्मबुद्।ह्ध्या समाहितः ।पादादिमूर्धपर्यन्तं स्थितिन्यासं समाचरेत् ॥ १४॥

sṛṣṭinyāsaṃ prakurvīta brahmabud|hdhyā samāhitaḥ |pādādimūrdhaparyantaṃ sthitinyāsaṃ samācaret || 14||

मूर्ध्नादिपादपर्यन्तं संहारन्यासमुत्तमम् ।कुर्यात् समाहितमनाः परब्रह्ममयो भवेत् ॥ १५॥

mūrdhnādipādaparyantaṃ saṃhāranyāsamuttamam |kuryāt samāhitamanāḥ parabrahmamayo bhavet || 15||

ध्यानंकोटिसूर्यप्रतीकाशं चन्द्रकोटिसुशीतलम् ।अवाङ्मनसगोचरं शक्तिव्याप्तं जगन्मयम् ॥ १६॥

dhyānaṃkoṭisūryapratīkāśaṃ candrakoṭisuśītalam |avāṅmanasagocaraṃ śaktivyāptaṃ jaganmayam || 16||

सच्चिदानन्दरूपं च निर्गुणं सगुणं परम् ।ध्यात्वा परब्रह्मशक्तिं आत्मज्ञानं विन्दति क्षणात् ॥ १७॥

saccidānandarūpaṃ ca nirguṇaṃ saguṇaṃ param |dhyātvā parabrahmaśaktiṃ ātmajñānaṃ vindati kṣaṇāt || 17||

ॐ चित्पुञ्जपिण्डिताखण्डतेजोराशिर्जगत्प्रसूः ।व्योमातीतपदान्तस्था शून्याशून्यविलक्षणा ॥ १८॥

oṃ citpuñjapiṇḍitākhaṇḍatejorāśirjagatprasūḥ |vyomātītapadāntasthā śūnyāśūnyavilakṣaṇā || 18||

निर्विकल्पमहादीप्तिर्निराकारसमुज्ज्वला ।भावशून्या प्रपञ्चार्ता सत्त्वमात्रावभासिनी ॥ १९॥

nirvikalpamahādīptirnirākārasamujjvalā |bhāvaśūnyā prapañcārtā sattvamātrāvabhāsinī || 19||

अदृश्यदृग्रूपधरा गम्भीरागाधवैभवा ।निस्तरङ्गचिदाभासा निष्प्रपञ्चपरामृता ॥ २०॥

adṛśyadṛgrūpadharā gambhīrāgādhavaibhavā |nistaraṅgacidābhāsā niṣprapañcaparāmṛtā || 20||

अवाच्यमहिमोपेता केवलज्ञानमूर्तिमती ।मूर्तामूर्तपरित्यागा महासंविन्मयीश्वरी ॥ २१॥

avācyamahimopetā kevalajñānamūrtimatī |mūrtāmūrtaparityāgā mahāsaṃvinmayīśvarī || 21||

अनाख्येयात्मसंस्थाना कूटस्थाचलमङ्गला ।नीलजीमूतसङ्काशव्यालवद्रम्यकुन्तला ॥ २२॥

anākhyeyātmasaṃsthānā kūṭasthācalamaṅgalā |nīlajīmūtasaṅkāśavyālavadramyakuntalā || 22||

प्रफुल्लमीननेत्रान्ता सुवक्त्रा चारुनासिका ।सहस्रबाहुविभवा मन्त्रसिद्धचतुर्भुजा ॥ २३॥

praphullamīnanetrāntā suvaktrā cārunāsikā |sahasrabāhuvibhavā mantrasiddhacaturbhujā || 23||

रागद्वेषलसत्पाशा क्रोधान्कुशविमर्दिनी ।मनोभवेक्षुकोदण्डा तन्मात्रकुसुमायुधा ॥ २४॥

rāgadveṣalasatpāśā krodhānkuśavimardinī |manobhavekṣukodaṇḍā tanmātrakusumāyudhā || 24||

अरुणारुणसङ्काशा बालसूर्यसमप्रभा ।सूर्याचन्द्रमसोद्भासिमुकुटोन्नतशेखरा ॥ २५॥

aruṇāruṇasaṅkāśā bālasūryasamaprabhā |sūryācandramasodbhāsimukuṭonnataśekharā || 25||

नखदीप्तिविनिर्धूतकोटिब्रह्माण्डमण्डला ।नखरोमप्रसूताद्यानेककल्पसुरासुरा ॥ २६॥

nakhadīptivinirdhūtakoṭibrahmāṇḍamaṇḍalā |nakharomaprasūtādyānekakalpasurāsurā || 26||

कोटीशवन्द्यचरणा दुर्गमागमपादुका ।कल्पमन्वन्तरातीता महाकालविहारिणी ॥ २७॥

koṭīśavandyacaraṇā durgamāgamapādukā |kalpamanvantarātītā mahākālavihāriṇī || 27||

अनौपम्यस्वरूपा च समाधिकरहिता सती ।सर्वमयी जगत्पूज्या लेपशून्या चिदम्बरा ॥ २८॥

anaupamyasvarūpā ca samādhikarahitā satī |sarvamayī jagatpūjyā lepaśūnyā cidambarā || 28||

अजन्मा जन्मरहिता पुनरावृत्तिवर्जिता ।निमेषोन्मेषनिग्धूतकोटिकालातिगाविनी ॥ २९॥

ajanmā janmarahitā punarāvṛttivarjitā |nimeṣonmeṣanigdhūtakoṭikālātigāvinī || 29||

महोदयी महापुण्या महासत्त्वा महोज्ज्वला ।गुह्यातिगुह्यगोप्त्री च सर्वतत्त्वमयी परा ॥ ३०॥

mahodayī mahāpuṇyā mahāsattvā mahojjvalā |guhyātiguhyagoptrī ca sarvatattvamayī parā || 30||

अनादिनिधना स्वस्था परब्रह्मात्मिकाद्युतिः ।प्रपञ्चशमनोद्युक्ता महाभैरववल्लभा ॥ ३१॥

anādinidhanā svasthā parabrahmātmikādyutiḥ |prapañcaśamanodyuktā mahābhairavavallabhā || 31||

निष्कला निस्तुलानन्ता विशुद्धज्ञानविग्रहा ।घोरसंसारवारिधिसन्तारणमहातरी ॥ ३२॥

niṣkalā nistulānantā viśuddhajñānavigrahā |ghorasaṃsāravāridhisantāraṇamahātarī || 32||

चिच्छक्तिश्चित्स्वरूपा च परमानन्ददायिनी ।चिद्घना च चिदाकारा चिदुल्लासा चिदञ्चिता ॥ ३३॥

cicchaktiścitsvarūpā ca paramānandadāyinī |cidghanā ca cidākārā cidullāsā cidañcitā || 33||

अमूर्ता मूर्तिकाव्याप्ता सर्वसङ्कल्पवर्जिता ।महामन्त्रमयी माता महातन्त्रप्रकाशिनी ॥ ३४॥

amūrtā mūrtikāvyāptā sarvasaṅkalpavarjitā |mahāmantramayī mātā mahātantraprakāśinī || 34||

व्योमविस्फोटसञ्जातनादब्रह्ममयी परा ।प्रणवोद्गारहृदया महाबिन्दुसमुज्ज्वला ॥ ३५॥

vyomavisphoṭasañjātanādabrahmamayī parā |praṇavodgārahṛdayā mahābindusamujjvalā || 35||

अकारप्रथमाभासा सर्ववर्णशिरोमणिः ।शब्दब्रह्मात्मिका देवी शब्दमालाविभूषिता ॥ ३६॥

akāraprathamābhāsā sarvavarṇaśiromaṇiḥ |śabdabrahmātmikā devī śabdamālāvibhūṣitā || 36||

नादपुञ्जपरिष्वङ्गा बिन्दुनादकलान्तगा ।षट्त्रिंशत्तत्त्वसन्दोहा तत्त्वातीता चिदाश्रया ॥ ३७॥

nādapuñjapariṣvaṅgā bindunādakalāntagā |ṣaṭtriṃśattattvasandohā tattvātītā cidāśrayā || 37||

शिवशक्तिद्वयीरूभा सदाशिवपदोन्मुखी ।ईश्वरत्वविधात्री च शुद्धविद्यामयीश्वरी ॥ ३८॥

śivaśaktidvayīrūbhā sadāśivapadonmukhī |īśvaratvavidhātrī ca śuddhavidyāmayīśvarī || 38||

मायामयतरोर्बीजं कलाकालविभेदिनी ।नियत्यर्गलसंरुद्धा विद्याविद्याप्रकाशिनी ॥ ३९॥

māyāmayatarorbījaṃ kalākālavibhedinī |niyatyargalasaṃruddhā vidyāvidyāprakāśinī || 39||

रागरागिणिचित्संस्था पुरुषत्वविधायिनी ।प्रकृतिप्रसवाभिख्या गुणत्रयविभाविनी ॥ ४०॥

rāgarāgiṇicitsaṃsthā puruṣatvavidhāyinī |prakṛtiprasavābhikhyā guṇatrayavibhāvinī || 40||

महत्तत्त्वमहादीप्तिरहङ्कारविकारिणी ।मनोबुद्धीन्द्रियप्राणा पञ्चतन्मात्रमूर्तिमती ॥ ४१॥

mahattattvamahādīptirahaṅkāravikāriṇī |manobuddhīndriyaprāṇā pañcatanmātramūrtimatī || 41||

स्थूलभूतपरिच्छिन्ना विप्रविस्फोटकारिणी ।ब्रह्ममयी ब्रह्मरूपा परब्रह्मप्रकाशिनी ॥ ४२॥

sthūlabhūtaparicchinnā vipravisphoṭakāriṇī |brahmamayī brahmarūpā parabrahmaprakāśinī || 42||

भगवती भगाढ्या च भगरूपप्रपञ्चिनी ।भगवानिति शब्दार्या भगासनसुसंस्थिता ॥ ४३॥

bhagavatī bhagāḍhyā ca bhagarūpaprapañcinī |bhagavāniti śabdāryā bhagāsanasusaṃsthitā || 43||

परमात्मा परं ज्योतिः परमात्माक्षरप्रसूः ।ईश्वरी चेश्वराख्याता सर्वेश्वरहृदाश्रया ॥ ४४॥

paramātmā paraṃ jyotiḥ paramātmākṣaraprasūḥ |īśvarī ceśvarākhyātā sarveśvarahṛdāśrayā || 44||

कूटस्था स्वप्रकाशा च सर्वव्यापिपरान्विता ।जगद्वीजबीजभूता बीजशून्या सनातनी ॥ ४५॥

kūṭasthā svaprakāśā ca sarvavyāpiparānvitā |jagadvījabījabhūtā bījaśūnyā sanātanī || 45||

महामाया महाविद्येत्युच्चार्या वाच्यवर्जिता ।चित्प्रकाशा चिदाल्हादा सच्चिदानन्दविग्रहा ॥ ४६॥

mahāmāyā mahāvidyetyuccāryā vācyavarjitā |citprakāśā cidālhādā saccidānandavigrahā || 46||

नादरूपरसस्पर्शगन्धशब्दातिशायिनी ।महाकारणरूपा च कार्यकारणवर्जिता ॥ ४७॥

nādarūparasasparśagandhaśabdātiśāyinī |mahākāraṇarūpā ca kāryakāraṇavarjitā || 47||

सर्वशून्या सर्वपूर्णा सर्वसत्त्वसमाश्रया ।विश्वोत्पत्तिलयोन्मेषा विश्वपालनतत्परा ॥ ४८॥

sarvaśūnyā sarvapūrṇā sarvasattvasamāśrayā |viśvotpattilayonmeṣā viśvapālanatatparā || 48||

कालरात्रिकलातीता महाकालकलामयी ।अक्षराक्षरसम्बन्धा क्षराक्षरविलक्षणा ॥ ४९॥

kālarātrikalātītā mahākālakalāmayī |akṣarākṣarasambandhā kṣarākṣaravilakṣaṇā || 49||

सर्वज्ञा सर्वकर्त्री च सर्वशक्तिसमन्विता ।अनिर्वाच्यापरानन्दा सच्चिदेकरसात्मिका ॥ ५०॥

sarvajñā sarvakartrī ca sarvaśaktisamanvitā |anirvācyāparānandā saccidekarasātmikā || 50||