पर्वतवर्धिनीसहस्रनामस्तोत्रम् Shri Parvatavardhini Sahasranama Stotram

ॐ श्रीगणेशाय नमः ।हरिः ॐ ।ॠषयःसूत श्रुतानि बहुशः पुण्यतीर्थानि ते मुखात् ।शिवशक्ति रमाविष्णुतुष्टानि पृथिवीतले ॥ १॥

oṃ śrīgaṇeśāya namaḥ |hariḥ oṃ |ṝṣayaḥsūta śrutāni bahuśaḥ puṇyatīrthāni te mukhāt |śivaśakti ramāviṣṇutuṣṭāni pṛthivītale || 1||

तत्र सेतुप्रशंसायां यदुक्तं भवता पुरा ।नाम्नां सहस्रं दिव्यानां चिन्तितार्थैकसाधनम् ॥ २॥

tatra setupraśaṃsāyāṃ yaduktaṃ bhavatā purā |nāmnāṃ sahasraṃ divyānāṃ cintitārthaikasādhanam || 2||

मैत्रावरुणिना प्रोक्तं राघवाय महात्मने ।तद्वयं श्रोतुमिच्छामो विस्तरेण यथातथम् ॥ ३॥

maitrāvaruṇinā proktaṃ rāghavāya mahātmane |tadvayaṃ śrotumicchāmo vistareṇa yathātatham || 3||

ब्रूहि नः श्रद्दधानानां तत्फलञ्चापि यादृशम् ।साधु पृष्टं महाभागाः कथयाम्यथ विस्तरात् ॥ ४॥

brūhi naḥ śraddadhānānāṃ tatphalañcāpi yādṛśam |sādhu pṛṣṭaṃ mahābhāgāḥ kathayāmyatha vistarāt || 4||

नाम्नां सहस्रं दिव्यानां कुम्भजेन यथोदितम् ।देव्याः पर्वतवर्धिन्याः रामायाद्भुतकर्मणे ॥ ५॥

nāmnāṃ sahasraṃ divyānāṃ kumbhajena yathoditam |devyāḥ parvatavardhinyāḥ rāmāyādbhutakarmaṇe || 5||

फलं तस्य च वक्ष्यामि शृणुध्वं मुनिपुङ्गवाः ।पूर्वं संस्थाप्य रामेशमर्चयित्वा यथाविधि ॥ ६॥

phalaṃ tasya ca vakṣyāmi śṛṇudhvaṃ munipuṅgavāḥ |pūrvaṃ saṃsthāpya rāmeśamarcayitvā yathāvidhi || 6||

तस्य दक्षिणपार्श्वे च देवीं पर्वतवर्धिनीम् ।वराभयकराम्भोजां पद्मकैरवधारिणीम् ॥ ७॥

tasya dakṣiṇapārśve ca devīṃ parvatavardhinīm |varābhayakarāmbhojāṃ padmakairavadhāriṇīm || 7||

चक्रराजोपरि स्थाप्यां महादेवीं मनोन्मनीम् ।परिवारसमायुक्तां पञ्चावरणमध्यगाम् ॥ ८॥

cakrarājopari sthāpyāṃ mahādevīṃ manonmanīm |parivārasamāyuktāṃ pañcāvaraṇamadhyagām || 8||

अगस्त्यप्रोक्तविधिना यथाशास्त्रमपूजयत् ।सर्वोपचारैस्सम्पूज्य देवीं पर्वतवर्धिनीम् ॥ ९॥

agastyaproktavidhinā yathāśāstramapūjayat |sarvopacāraissampūjya devīṃ parvatavardhinīm || 9||

ससीतालक्ष्मणो रामः कुम्भजञ्चेदमब्रवीत् ।ब्रह्मन् नामसहस्रेण सुवर्णकमलैरहम् ॥ १०॥

sasītālakṣmaṇo rāmaḥ kumbhajañcedamabravīt |brahman nāmasahasreṇa suvarṇakamalairaham || 10||

पूजयिष्येऽघशान्त्यर्थं देवीं पर्वतवर्धिनीम् ।तं मह्यं श्रद्दधानाय ब्रूहि नामसहस्रकम् ॥ ११॥

pūjayiṣye'ghaśāntyarthaṃ devīṃ parvatavardhinīm |taṃ mahyaṃ śraddadhānāya brūhi nāmasahasrakam || 11||

रामेशवल्लभा येन तुष्टा भवति पूजिता ।श्रीसूतःतत्तस्य वचनं श्रुत्वा सन्तुष्टः कुम्भजो मुनिः ॥ १२॥

rāmeśavallabhā yena tuṣṭā bhavati pūjitā |śrīsūtaḥtattasya vacanaṃ śrutvā santuṣṭaḥ kumbhajo muniḥ || 12||

देव्या नामसहस्रं तु शम्भोर्लब्धमुवाच तम् ।अगस्त्यःपरं गुह्यमिदं नामसहसमघनाशनम् ॥ १३॥

devyā nāmasahasraṃ tu śambhorlabdhamuvāca tam |agastyaḥparaṃ guhyamidaṃ nāmasahasamaghanāśanam || 13||

चिन्तितार्थप्रदं देवीसाक्षात्कारकरन्नृणाम् ।वक्ष्ये राघव ते भक्त्या लोकोपकृतये तथा ॥ १४॥

cintitārthapradaṃ devīsākṣātkārakarannṛṇām |vakṣye rāghava te bhaktyā lokopakṛtaye tathā || 14||

अनेनार्चय रामेशवल्लभां त्वं मनोन्मनीम् ।तत्प्रसादाद्दाशरथे सर्वान् कामानवाप्स्यसि ॥ १५॥

anenārcaya rāmeśavallabhāṃ tvaṃ manonmanīm |tatprasādāddāśarathe sarvān kāmānavāpsyasi || 15||

एतन्नामसहस्रं मे पुरा प्रोवाच शङ्करः ।श्रीसूतःएवमुक्त्वा दाशरथिं कुम्भयोनिर्महातपाः ॥ १६॥

etannāmasahasraṃ me purā provāca śaṅkaraḥ |śrīsūtaḥevamuktvā dāśarathiṃ kumbhayonirmahātapāḥ || 16||

नाम्नां सहस्रं रामाय साक्षादुपदिदेश ह ।लब्धोपदेशो रामोऽथ यदानर्च महेश्वरीम् ॥ १७॥

nāmnāṃ sahasraṃ rāmāya sākṣādupadideśa ha |labdhopadeśo rāmo'tha yadānarca maheśvarīm || 17||

प्रीता च देवी रामाय वरान्यान् प्रददौ शुभान् ।एतन्नामसहस्रस्य देव्युक्तं पाठजं फलम् ॥ १८॥

prītā ca devī rāmāya varānyān pradadau śubhān |etannāmasahasrasya devyuktaṃ pāṭhajaṃ phalam || 18||

तदहं वः प्रवक्ष्यामि शृणुताव्यग्रमानसाः ।आनीय हेमपद्मानि हेमपात्रे निधाय च ॥ १९॥

tadahaṃ vaḥ pravakṣyāmi śṛṇutāvyagramānasāḥ |ānīya hemapadmāni hemapātre nidhāya ca || 19||

सीतया सहितो रामः उपविश्यासने शुचिः ।प्राणायामादिकं कृत्वा कुम्भयोन्युपदेशवत् ॥ २०॥

sītayā sahito rāmaḥ upaviśyāsane śuciḥ |prāṇāyāmādikaṃ kṛtvā kumbhayonyupadeśavat || 20||

चतुर्थ्यन्तैर्नामपदैश्चक्रेऽम्बापादुकार्चनम् ।श्रीरामःॐ अजाऽव्ययाऽनादिबोधाऽनेकरूपाऽग्निहोत्रिणी ॥ २१॥

caturthyantairnāmapadaiścakre'mbāpādukārcanam |śrīrāmaḥoṃ ajā'vyayā'nādibodhā'nekarūpā'gnihotriṇī || 21||

अचिन्त्यविभवाऽनन्तगुणदाऽघविनाशिनी ।अतिसूक्ष्मधियाऽऽराध्याऽणिमाद्यष्टप्रदायिनी ॥ २२॥

acintyavibhavā'nantaguṇadā'ghavināśinī |atisūkṣmadhiyā''rādhyā'ṇimādyaṣṭapradāyinī || 22||

अळिप्रियाऽलिकनेत्राऽमृतवागद्रिकन्यका ।अर्धचन्द्रधराऽर्धेशाऽमोघपादनिषेवणा ॥ २३॥

aḷipriyā'likanetrā'mṛtavāgadrikanyakā |ardhacandradharā'rdheśā'moghapādaniṣevaṇā || 23||

अर्थिताऽर्थिजनाराध्याऽव्यक्तार्थैकप्रकाशिका ।अहर्पतिनिशानाथजातवेदविलोचना ॥ २४॥

arthitā'rthijanārādhyā'vyaktārthaikaprakāśikā |aharpatiniśānāthajātavedavilocanā || 24||

अश्वारूढाऽश्विनीपुत्रवैद्यविद्याप्रदायिनी ।अगधन्विप्रियाऽनङ्गसञ्जीवनमहौषधी ॥ २५॥

aśvārūḍhā'śvinīputravaidyavidyāpradāyinī |agadhanvipriyā'naṅgasañjīvanamahauṣadhī || 25||

अलक्ष्मीनाशदाऽऽलक्ष्यावयवाऽसुरमर्दिनी ।अजरामरसिद्धौघनिषेवितपदाम्बुजा ॥ २६॥

alakṣmīnāśadā''lakṣyāvayavā'suramardinī |ajarāmarasiddhaughaniṣevitapadāmbujā || 26||

अटवीवाससन्यासितापसानन्ददायिनी ।अथर्वशिरसि ख्याताऽपवर्गफलदायिनी ॥ २७॥

aṭavīvāsasanyāsitāpasānandadāyinī |atharvaśirasi khyātā'pavargaphaladāyinī || 27||

अमरीवृन्दवन्द्याङ्घ्रिरयदाऽरण्यवासिनी ।अहन्तादिप्रपञ्चैकहेतुभूताऽऽदिरात्मिका ॥ २८॥

amarīvṛndavandyāṅghrirayadā'raṇyavāsinī |ahantādiprapañcaikahetubhūtā''dirātmikā || 28||

अखिलागमवेदोक्तमन्त्रसिद्धिप्रदायिनी ।अजेयाऽसुरवृन्दानाममेयाऽनियतात्मभिः ॥ २९॥

akhilāgamavedoktamantrasiddhipradāyinī |ajeyā'suravṛndānāmameyā'niyatātmabhiḥ || 29||

अकळङ्ककलानाथपूर्णबिम्बसमानना ।आदिरूपाऽऽकाशवासिप्रियाऽऽदिनिधनातिगा ॥ ३०॥

akaḷaṅkakalānāthapūrṇabimbasamānanā |ādirūpā''kāśavāsipriyā''dinidhanātigā || 30||

आत्मारामजनाराध्याऽऽदित्यकोटिसमप्रभा ।आचारचतुराऽऽचार्यमुखज्ञेयस्वरूपिणी ॥ ३१॥

ātmārāmajanārādhyā''dityakoṭisamaprabhā |ācāracaturā''cāryamukhajñeyasvarūpiṇī || 31||

आजिगम्भीरनिनदच्छिन्नदैत्यशिरोधरा ।आतङ्कवर्जिताऽऽदेयाऽऽदित्यादिगणसौख्यदा ॥ ३२॥

ājigambhīraninadacchinnadaityaśirodharā |ātaṅkavarjitā''deyā''dityādigaṇasaukhyadā || 32||

आधारभूता जगतामाधिव्याधिविनाशिनी ।आनन्दनिलयाऽऽनन्दवर्धिन्यानन्ददायिनी ॥ ३३॥

ādhārabhūtā jagatāmādhivyādhivināśinī |ānandanilayā''nandavardhinyānandadāyinī || 33||

आप्यायिन्यापदां हन्त्री नित्याकाशनिवासिनी ।आदिक्षान्ताक्षरमयी सर्वामयविनाशिनी ॥ ३४॥

āpyāyinyāpadāṃ hantrī nityākāśanivāsinī |ādikṣāntākṣaramayī sarvāmayavināśinī || 34||

आयताऽऽरामनिलया शयिता चासवप्रिया ।आदिनाथप्रियाऽऽकाररहिताऽऽकारदायिनी ॥ ३५॥

āyatā''rāmanilayā śayitā cāsavapriyā |ādināthapriyā''kārarahitā''kāradāyinī || 35||

आशापाशक्लेशहराऽऽहुतिरूपाऽध्वरिक्रिया ।आहाररात्रिर्जगतामायुर्दाऽऽरम्भसिद्धिदा ॥ ३६॥

āśāpāśakleśaharā''hutirūpā'dhvarikriyā |āhārarātrirjagatāmāyurdā''rambhasiddhidā || 36||

आसनस्थाऽऽत्मा जगदामयजातनिवारिणी ।इच्छाशक्तिप्रदेयत्तारहितेषुशरासना ॥ ३७॥

āsanasthā''tmā jagadāmayajātanivāriṇī |icchāśaktipradeyattārahiteṣuśarāsanā || 37||

इतिहासपुराणार्थवक्त्री षडसितानना ।इळेडापिङ्गळानाडी वायुसञ्चारदायिनी ॥ ३८॥

itihāsapurāṇārthavaktrī ṣaḍasitānanā |iḷeḍāpiṅgaḷānāḍī vāyusañcāradāyinī || 38||

इतिहयोगत्रयाऽग्निवासिनी ज्यास्वरूपिणी ।इन्दुखण्डधरेष्वासा विद्येशत्वादिमन्त्रिणी ॥ ३९॥

itihayogatrayā'gnivāsinī jyāsvarūpiṇī |indukhaṇḍadhareṣvāsā vidyeśatvādimantriṇī || 39||

इशिराहारदेच्छेषुरिषुमत्करपङ्कजा ।ईश्वरार्धतनूरीशा शश्वदीशित्वदायिनी ॥ ४०॥

iśirāhāradeccheṣuriṣumatkarapaṅkajā |īśvarārdhatanūrīśā śaśvadīśitvadāyinī || 40||

ईडितेशानपञ्चास्यैरीतिभीतिनिवारिणी ।उन्मेषबुधभादीप्तिरुद्यदादित्यरूपिणीउक्ता चोद्धतदैतेया प्रोद्गीता सुरकिन्नरैः ।उद्गीर्णेक्षुधनुःपुष्पबाणपाशाङ्कुशायुधा ॥ ४१॥

īḍiteśānapañcāsyairītibhītinivāriṇī |unmeṣabudhabhādīptirudyadādityarūpiṇīuktā coddhatadaiteyā prodgītā surakinnaraiḥ |udgīrṇekṣudhanuḥpuṣpabāṇapāśāṅkuśāyudhā || 41||

उद्घातशमनी चेहामुत्रभाग्यप्रदायिनी ।उमाऽदनी महापानमुच्छिष्टगणपार्चिता ॥ ४२॥

udghātaśamanī cehāmutrabhāgyapradāyinī |umā'danī mahāpānamucchiṣṭagaṇapārcitā || 42||

उद्गतोच्छिष्टा मातङ्गी तथैवोच्छिन्नकन्दका ।उड्डामरमहामन्त्ररूपिण्युद्दण्डशूलिनी ॥ ४३॥

udgatocchiṣṭā mātaṅgī tathaivocchinnakandakā |uḍḍāmaramahāmantrarūpiṇyuddaṇḍaśūlinī || 43||

उत्थितारातिशमनी चोद्दण्डासुरमर्दिनी ।उत्तारिणी भवाम्भोधेरुत्तमाङ्घ्रिनिषेवणा ॥ ४४॥

utthitārātiśamanī coddaṇḍāsuramardinī |uttāriṇī bhavāmbhodheruttamāṅghriniṣevaṇā || 44||

उन्नतोरोजकलशोद्धृतब्रह्माण्डगोळका ।उपांशुमन्त्रफलदाऽभ्युपजीव्याऽन्यदैवतैः ॥ ४५॥

unnatorojakalaśoddhṛtabrahmāṇḍagoḷakā |upāṃśumantraphaladā'bhyupajīvyā'nyadaivataiḥ || 45||

उपमारहितोद्भूतिस्थितिसंहारकारिणी ।उन्मन्यवस्थाविज्ञेयोत्तमवीरनिषेविता ॥ ४६॥

upamārahitodbhūtisthitisaṃhārakāriṇī |unmanyavasthāvijñeyottamavīraniṣevitā || 46||

उरस्सरोपवीतार्घ्योररीकृतसुखप्रदा ।उल्लासिन्युल्लसद्वक्त्रोल्लूनपापमहाद्रुमा ॥ ४७॥

urassaropavītārghyorarīkṛtasukhapradā |ullāsinyullasadvaktrollūnapāpamahādrumā || 47||

उद्वासितारिभवनोद्वेलामृतमहोदधिः ।उत्तंसवाद्यसन्तुष्टा वेगदुःखनिवारिणी ॥ ४८॥

udvāsitāribhavanodvelāmṛtamahodadhiḥ |uttaṃsavādyasantuṣṭā vegaduḥkhanivāriṇī || 48||

उच्चैःषडासनगतोषत्कालादित्यसन्निभा ।उत्क्षेपणादिकर्मणोक्षवाहमनोरमा ॥ ४९॥

uccaiḥṣaḍāsanagatoṣatkālādityasannibhā |utkṣepaṇādikarmaṇokṣavāhamanoramā || 49||

ऊर्ध्वकेश्यूर्ध्वगतिदोर्जस्वलोर्मिविवर्जिता ।ऊनीकृतसुरारातिरूर्ध्वकायमनुप्रिया ॥ ५०॥

ūrdhvakeśyūrdhvagatidorjasvalormivivarjitā |ūnīkṛtasurārātirūrdhvakāyamanupriyā || 50||