पद्मावतीस्तोत्रम् ३ Shri Padmavatistotram 3

जय जय जगदानन्ददायिनि ! जय जय धरणेन्द्रवलभे ! सुभगे !देवि ! फणत्रयधारिणि ! त्वं जय पद्मानने ! पद्मे ! ॥ १॥

jaya jaya jagadānandadāyini ! jaya jaya dharaṇendravalabhe ! subhage !devi ! phaṇatrayadhāriṇi ! tvaṃ jaya padmānane ! padme ! || 1||

विजया जयाऽजिता त्वं अपराजिता शिवा गौरी ।रम्भा त्वं वैरोट्या प्रज्ञप्तिर्भद्रकाली च ॥ २॥

vijayā jayā'jitā tvaṃ aparājitā śivā gaurī |rambhā tvaṃ vairoṭyā prajñaptirbhadrakālī ca || 2||

काली च महाकाली शिवङ्करी शङ्करी पद्मनेत्रा ।हिमवत्तनया लक्ष्मीर्धृतिमतिभुवनेश्वरी देवी ॥ ३॥

kālī ca mahākālī śivaṅkarī śaṅkarī padmanetrā |himavattanayā lakṣmīrdhṛtimatibhuvaneśvarī devī || 3||

त्वं वुद्धिसिद्धिवृद्धिस्त्वं ज्वालामालिनीश्वरी बाला ।कामाक्षा जगदम्बा अम्बा जगदीश्वरी तारा ॥ ४॥

tvaṃ vuddhisiddhivṛddhistvaṃ jvālāmālinīśvarī bālā |kāmākṣā jagadambā ambā jagadīśvarī tārā || 4||

त्वमम्विकाऽन्नपूर्णा श्रीर्विद्यात्रिपुरन्दरीजननी ।त्वं भगवती भवानी मातङ्गी राजमातङ्गी ॥ ५॥

tvamamvikā'nnapūrṇā śrīrvidyātripurandarījananī |tvaṃ bhagavatī bhavānī mātaṅgī rājamātaṅgī || 5||

त्वं भैरवी त्रिनेत्री शक्तिस्त्वं हिङ्गुलाजहीङ्गोली ।त्वं वाग्वादिनीशारदा सरस्वती सत्यदेवी च ॥ ६॥

tvaṃ bhairavī trinetrī śaktistvaṃ hiṅgulājahīṅgolī |tvaṃ vāgvādinīśāradā sarasvatī satyadevī ca || 6||

ज्वालामुखि भो बाला पीठा शाकम्भरी च त्यमनन्ता ।शीतला तोतला भद्रा वज्रा कूष्माण्डी चक्रधरा ॥ ७॥

jvālāmukhi bho bālā pīṭhā śākambharī ca tyamanantā |śītalā totalā bhadrā vajrā kūṣmāṇḍī cakradharā || 7||

चामुण्डी महामाया गायत्री सर्वविश्वविख्याता ।श्रुतदेवी जिनवाणी त्वं विद्या वर्द्धमानस्य ॥ ८॥

cāmuṇḍī mahāmāyā gāyatrī sarvaviśvavikhyātā |śrutadevī jinavāṇī tvaṃ vidyā varddhamānasya || 8||

नागकुमारकुमारी देवी कात्यायनी मधुमती च ।कुण्डलिनी ह्रीङ्कारी आई माई च दुर्गोमा ॥ ९॥

nāgakumārakumārī devī kātyāyanī madhumatī ca |kuṇḍalinī hrīṅkārī āī māī ca durgomā || 9||

भोगी चानन्दकरी त्वं वरदानन्ददायिनी नित्या ।ब्रह्माणी बाहुवली सिंहमराले समारूढा ॥ १०॥

bhogī cānandakarī tvaṃ varadānandadāyinī nityā |brahmāṇī bāhuvalī siṃhamarāle samārūḍhā || 10||

त्वं चैकाक्षरनामा अक्षरी त्र्यक्षरी षडक्षरी माता ।पञ्चदशाक्षरगर्भिता त्वं भुवनत्रयस्य सौख्यकरी ॥ ११॥

tvaṃ caikākṣaranāmā akṣarī tryakṣarī ṣaḍakṣarī mātā |pañcadaśākṣaragarbhitā tvaṃ bhuvanatrayasya saukhyakarī || 11||

त्रिजगन्नाप्तशरीरा जनजाड्यविभञ्जना रविकराभा ।सेवकवाच्छितफलदा पद्मदला भास्वरी सेव्या ॥ १२॥

trijagannāptaśarīrā janajāḍyavibhañjanā ravikarābhā |sevakavācchitaphaladā padmadalā bhāsvarī sevyā || 12||

श्रीपार्श्वनाथपदपङ्कजभक्तिलीना पद्मासना प्रवरकुर्कुटसर्पयाना ।दारिद्र्यदुःखरिपुवर्गविनाशनोत्का पद्मावती भवतु मे खलु सा प्रसन्ना ॥ १३॥

śrīpārśvanāthapadapaṅkajabhaktilīnā padmāsanā pravarakurkuṭasarpayānā |dāridryaduḥkharipuvargavināśanotkā padmāvatī bhavatu me khalu sā prasannā || 13||

इति श्रीपद्मावतीस्तोत्रं सम्पूर्णम् ।

iti śrīpadmāvatīstotraṃ sampūrṇam |