पद्मावतीकवचम् २ Shri Padmavatikavacham 2

भगवन् ! सर्वमाख्यातं मन्त्रं यन्त्रं शुभप्रदम् ।पद्मायाः कवचं ब्रूहि यद्यहं तव वल्लभः ॥ १॥

bhagavan ! sarvamākhyātaṃ mantraṃ yantraṃ śubhapradam |padmāyāḥ kavacaṃ brūhi yadyahaṃ tava vallabhaḥ || 1||

महागोप्यं महागुह्यं पद्मायाः सर्वकामदम् ।कवचं मोहनं देवि ! गुरुभक्ताय दीयते ॥ २॥

mahāgopyaṃ mahāguhyaṃ padmāyāḥ sarvakāmadam |kavacaṃ mohanaṃ devi ! gurubhaktāya dīyate || 2||

राज्ये देयं च सर्वस्वं कवचं न प्रकाशयेत् ।गुरुभक्ताय दातव्यमन्यथा सिद्धिदं न हि ॥ ३॥

rājye deyaṃ ca sarvasvaṃ kavacaṃ na prakāśayet |gurubhaktāya dātavyamanyathā siddhidaṃ na hi || 3||

ऐं बीजम् । क्लीँ शक्तिः । ह्सौँ कीलकम् ।पद्मावतीप्रीत्यर्थ जपे विनियोगः ।ॐ परब्रह्मणे नमः शिरसि । अनुष्टुप्छन्दो यो नमः मुखे ।श्रीपद्मावतीशक्तिदेवतायै नमः हृदये । आं बीजाय नम कण्ठे ।ह्रीं शक्तये नमः गुह्ये । क्रौँ कीलकाय नमः पादयोः ।श्रीपद्मावतीकवचसिद्।ह्ध्यर्थं जपे विनियोगः ॥ॐ पद्मा बीजं शिरः पातु ललाटं पञ्चमी परा ।नेत्रे कामप्रदा पातु मुखं भुवनसुन्दरी ॥ ४॥

aiṃ bījam | klīm̐ śaktiḥ | hsaum̐ kīlakam |padmāvatīprītyartha jape viniyogaḥ |oṃ parabrahmaṇe namaḥ śirasi | anuṣṭupchando yo namaḥ mukhe |śrīpadmāvatīśaktidevatāyai namaḥ hṛdaye | āṃ bījāya nama kaṇṭhe |hrīṃ śaktaye namaḥ guhye | kraum̐ kīlakāya namaḥ pādayoḥ |śrīpadmāvatīkavacasid|hdhyarthaṃ jape viniyogaḥ ||oṃ padmā bījaṃ śiraḥ pātu lalāṭaṃ pañcamī parā |netre kāmapradā pātu mukhaṃ bhuvanasundarī || 4||

नाशिकां नागनाथश्च जिह्वां वागीश्वरी तथा ।श्रुतिरूपा जगद्धात्री करौ हृथिमवासिनी ॥ ५॥

nāśikāṃ nāganāthaśca jihvāṃ vāgīśvarī tathā |śrutirūpā jagaddhātrī karau hṛthimavāsinī || 5||

उदरं मोहदमनी कुण्डली नाभिमण्डलम् ।पार्श्व पृष्ठं कटिं गुह्यं शक्तिस्थाननिवासिनी ॥ ६॥

udaraṃ mohadamanī kuṇḍalī nābhimaṇḍalam |pārśva pṛṣṭhaṃ kaṭiṃ guhyaṃ śaktisthānanivāsinī || 6||

ऊरू जङ्घे तथा पादौ सर्वविघ्नविनाशिनी ।रक्ष रक्ष महामाये पद्मे ! पद्मालये शिवे ॥ ७॥

ūrū jaṅghe tathā pādau sarvavighnavināśinī |rakṣa rakṣa mahāmāye padme ! padmālaye śive || 7||

वाञ्छितं पूरयत्याशु पद्मा सा पात सर्वतः ।भवद तु कवचं ढेगृया यो जानाति स मन्त्रवित ॥ ८॥

vāñchitaṃ pūrayatyāśu padmā sā pāta sarvataḥ |bhavada tu kavacaṃ ḍhegṛyā yo jānāti sa mantravita || 8||

राजद्वारे श्मशाने च भूतप्रेतोपचारके ।बन्धने च महादुःखे भये शत्रुसमागमे ॥ ९॥

rājadvāre śmaśāne ca bhūtapretopacārake |bandhane ca mahāduḥkhe bhaye śatrusamāgame || 9||

स्मरणात्कवचस्याम्य भयं किञ्चिन्न जायने ।प्रयोगमुपचार च पद्मायाः कर्तुमिच्छति ॥ १०॥

smaraṇātkavacasyāmya bhayaṃ kiñcinna jāyane |prayogamupacāra ca padmāyāḥ kartumicchati || 10||

कवचं प्रपठेदादौ ततः सिद्धिमवानुप्नुयात् ।भूर्यपत्रे लिखित्वा तु कवचं यस्तु धारयेत् ॥ ११॥

kavacaṃ prapaṭhedādau tataḥ siddhimavānupnuyāt |bhūryapatre likhitvā tu kavacaṃ yastu dhārayet || 11||

देहे च यत्र कुत्रापि सर्वसिद्धिर्भवेद ध्रुवम् ।शस्त्राग्निजं भयं नेव भूतादिभयनाशनम् ॥ १२॥

dehe ca yatra kutrāpi sarvasiddhirbhaveda dhruvam |śastrāgnijaṃ bhayaṃ neva bhūtādibhayanāśanam || 12||

गुरुभक्तिं समासाद्य पद्मायाः स्तवनं कुरु ।सहस्रनामपठने कवचं प्रथमं कुरु ॥ १३॥

gurubhaktiṃ samāsādya padmāyāḥ stavanaṃ kuru |sahasranāmapaṭhane kavacaṃ prathamaṃ kuru || 13||

नन्दिना कथितं देवि ! तवाग्रे तत्प्रकाशितम् ।साङ्गता जायते देवि ! नान्यथा गिरिनन्दिनी ॥ १४॥

nandinā kathitaṃ devi ! tavāgre tatprakāśitam |sāṅgatā jāyate devi ! nānyathā girinandinī || 14||

इद कवचमज्ञात्वा पद्मायाः स्तौति यो नर ।कल्पकोटीशतेनापि न भवेत्सिद्धिदायिनी ॥ १५॥

ida kavacamajñātvā padmāyāḥ stauti yo nara |kalpakoṭīśatenāpi na bhavetsiddhidāyinī || 15||

इति श्रीपद्मावतीकवचं सम्पूर्णम् ।

iti śrīpadmāvatīkavacaṃ sampūrṇam |