काकिनीस्तोत्रम् Shri Kakini Stotram

अथैकोनषष्टितमः पटलःश्रीआनन्दभैरवी उवाचज्ञानेश्वरी शुभकरी परिभावनीयायोगेश्वरैर्हरिहरैर्गुरुभिर्महेन्द्रैः ।तां काकिनीं परशिवां परमेशपत्नींसंस्तौमि चारुहृदयाम्बुजपीठमध्ये ॥ ५९१॥

athaikonaṣaṣṭitamaḥ paṭalaḥśrīānandabhairavī uvācajñāneśvarī śubhakarī paribhāvanīyāyogeśvarairhariharairgurubhirmahendraiḥ |tāṃ kākinīṃ paraśivāṃ parameśapatnīṃsaṃstaumi cāruhṛdayāmbujapīṭhamadhye || 591||

एकाकिनी त्रिजगतामतिनाशकालेत्वां काकिनीं समरकार्णा(ण्ड) ककाकपत्नीम् ।त्वं साक्षिणी भुवनभङ्गविधौ सकास्तेभूषण्डकाकमहिषीव वयं भजामः ॥ ५९२॥

ekākinī trijagatāmatināśakāletvāṃ kākinīṃ samarakārṇā(ṇḍa) kakākapatnīm |tvaṃ sākṣiṇī bhuvanabhaṅgavidhau sakāstebhūṣaṇḍakākamahiṣīva vayaṃ bhajāmaḥ || 592||

एकाकिनीं सकलधारणकालयोगेआधार्य देहसमये सति काकिनीं त्वाम् ।वाय्वासने मनस आशु विकारनाशेकाकेन्द्रचञ्चुचलितामहमेवमीडे ॥ ५९३॥

ekākinīṃ sakaladhāraṇakālayogeādhārya dehasamaye sati kākinīṃ tvām |vāyvāsane manasa āśu vikāranāśekākendracañcucalitāmahamevamīḍe || 593||

भावोदये प्रणयिनीमगतौ च भावाआह्लादयोगविभवे भुवनेश्वरीं त्वाम् ।मन्दारहाररुचिरे परमेश्वरि त्वंरक्षां कुरु प्रथमतो मतिमाश्रयामि ॥ ५९४॥

bhāvodaye praṇayinīmagatau ca bhāvāāhlādayogavibhave bhuvaneśvarīṃ tvām |mandārahārarucire parameśvari tvaṃrakṣāṃ kuru prathamato matimāśrayāmi || 594||

चन्द्रोदये सुखमयी द्युतिकोटिदीप्तागोप्यागमे सुमतिभिः स्वमनांसि शुद्धा ।सा त्वं सुखात्त्वं भव भावविपूजनीयेरक्षां कुरु प्रथमभास्करमङ्घ्रिमीडे ॥ ५९५॥

candrodaye sukhamayī dyutikoṭidīptāgopyāgame sumatibhiḥ svamanāṃsi śuddhā |sā tvaṃ sukhāttvaṃ bhava bhāvavipūjanīyerakṣāṃ kuru prathamabhāskaramaṅghrimīḍe || 595||

ते पादपङ्कजमजस्रमहं भजामिसानन्दबिन्दु विमलासनभावपुञ्जे ।गुञ्जावटीविमलमाल्यसुशोभिताङ्गेस्यामेव मे चरमभावसमूहदात्री ॥ ५९६॥

te pādapaṅkajamajasramahaṃ bhajāmisānandabindu vimalāsanabhāvapuñje |guñjāvaṭīvimalamālyasuśobhitāṅgesyāmeva me caramabhāvasamūhadātrī || 596||

पञ्चानने दशभुजे सकलास्त्रयुक्तेविद्ये भये नरहरे नरहारभूषे ।प्रेतासने त्रिनयने जननी त्वमेवरक्षे शुभे चरणपङ्कजमाश्रयामि ॥ ५९७॥

pañcānane daśabhuje sakalāstrayuktevidye bhaye narahare narahārabhūṣe |pretāsane trinayane jananī tvamevarakṣe śubhe caraṇapaṅkajamāśrayāmi || 597||

श्री सुन्दरि प्रणतरक्षिणि वेदमातस्तारेश्वरी त्वमपि रक्ष विनाशकाले ।यद्येकभक्त इतिहासपुराणवक्तानित्यानुरक्तहरपादसरोजमीडे ॥ ५९८॥

śrī sundari praṇatarakṣiṇi vedamātastāreśvarī tvamapi rakṣa vināśakāle |yadyekabhakta itihāsapurāṇavaktānityānuraktaharapādasarojamīḍe || 598||

ते श्रीपदं भुवनसारमनन्तसेव्यंयोगास्पदं कृतिभिराश्रयमेकयोगम् ।सर्वे भजन्ति निजमोक्षफलाय नित्यंदीनोऽहमम्ब भुवनेशि मुदा भजामि ॥ ५९९॥

te śrīpadaṃ bhuvanasāramanantasevyaṃyogāspadaṃ kṛtibhirāśrayamekayogam |sarve bhajanti nijamokṣaphalāya nityaṃdīno'hamamba bhuvaneśi mudā bhajāmi || 599||

त्रैलोक्यपूजितपदं हृदयाम्बुजस्थंचित्तप्रकाशकमले स्वसुखानुभूतम् ।मायाश्रयं सकलसिद्धिनिदानरूपंमञ्जीरहारविनतं वरमाश्रयामि ॥ ५९१०॥

trailokyapūjitapadaṃ hṛdayāmbujasthaṃcittaprakāśakamale svasukhānubhūtam |māyāśrayaṃ sakalasiddhinidānarūpaṃmañjīrahāravinataṃ varamāśrayāmi || 5910||

कौटीरहारकमलप्रियमाल्यशोभेशोभाकरे स्थिरतरा भव मे हृदब्जे ।भूमण्डले हि बलवान्कृतकृत्य एवत्वामीश्वरीं हृदि मुदा सुखमाश्रयामि ॥ ५९११॥

kauṭīrahārakamalapriyamālyaśobheśobhākare sthiratarā bhava me hṛdabje |bhūmaṇḍale hi balavānkṛtakṛtya evatvāmīśvarīṃ hṛdi mudā sukhamāśrayāmi || 5911||

नित्ये पुरा भजति योगसुसिद्धयेऽसौशम्भुर्गिरीश इति चेश्वरपार्श्वगामि ।सायुज्यनाथपदवीं गत ईशकान्तेएकाकिनी कुलवताङ्घ्रियुगं किमन्यैः ॥ ५९१२॥

nitye purā bhajati yogasusiddhaye'sauśambhurgirīśa iti ceśvarapārśvagāmi |sāyujyanāthapadavīṃ gata īśakānteekākinī kulavatāṅghriyugaṃ kimanyaiḥ || 5912||

ध्यायन्ति योगिन इहाघसमूहशैलंसंहार हेतुकसदाघविनाशनाय ।चित्तोत्सवाय विभवाय जयाय भूमेःदीनोऽहमाशु विभजामि पदं श्रिये ते ॥ ५९१३॥

dhyāyanti yogina ihāghasamūhaśailaṃsaṃhāra hetukasadāghavināśanāya |cittotsavāya vibhavāya jayāya bhūmeḥdīno'hamāśu vibhajāmi padaṃ śriye te || 5913||

कृष्णे सिते विमलपीतनिभे सुरक्तेवर्णाश्रये त्वमव मामतिदीनमेकम् ।पुत्रं तवैव चरणाम्बुजमेव कान्तंनीलाम्बुजे स्थिरतरं कुरु कामदात्रि ॥ ५९१४॥

kṛṣṇe site vimalapītanibhe suraktevarṇāśraye tvamava māmatidīnamekam |putraṃ tavaiva caraṇāmbujameva kāntaṃnīlāmbuje sthirataraṃ kuru kāmadātri || 5914||

सर्वेश्वरी प्रियकरि भवभावहन्त्रिनाना ध्वनिप्रणतकामदुघे विचित्रे ।रत्नाम्बरे सुखपदं यदि देहि दास्यंत्वं चारुवर्णगलिते पदमाश्रयामि ॥ ५९१५॥

sarveśvarī priyakari bhavabhāvahantrinānā dhvanipraṇatakāmadughe vicitre |ratnāmbare sukhapadaṃ yadi dehi dāsyaṃtvaṃ cāruvarṇagalite padamāśrayāmi || 5915||

रत्नाकरे सकरुणेऽरुणकोटिवर्णेस्वर्णादिनिर्मितसृजापविशोभिताङ्गी ।त्वं काकिनी यदि कटाक्षनिपातमेकंसर्वं कुरुष्व सुखमोक्षपथप्रमोदी ॥ ५९१६॥

ratnākare sakaruṇe'ruṇakoṭivarṇesvarṇādinirmitasṛjāpaviśobhitāṅgī |tvaṃ kākinī yadi kaṭākṣanipātamekaṃsarvaṃ kuruṣva sukhamokṣapathapramodī || 5916||

आद्ये प्रवालविमलेऽमलमाल्यशोभेसूक्ष्मेऽतिसूक्ष्मनिकरे करुणानिधाने ।(क ) बाले वले प्रचले चपले प्रलापेयोगेशि पादकमलं कुलमाश्रयामि ॥ ५९१७॥

ādye pravālavimale'malamālyaśobhesūkṣme'tisūkṣmanikare karuṇānidhāne |(ka ) bāle vale pracale capale pralāpeyogeśi pādakamalaṃ kulamāśrayāmi || 5917||

(ख ) त्वं षोडशी खरतरा खरखड्गहस्तेखड्गेश्वरी प्रखरवाक्यमथाढ्यवक्त्रे ।खर्जूरहाररुचिरे खलहन्त्रि तुभ्यंनित्यं नमो नम उपेन्द्रगिरीन्द्रसेव्ये ॥ ५९१८॥

(kha ) tvaṃ ṣoḍaśī kharatarā kharakhaḍgahastekhaḍgeśvarī prakharavākyamathāḍhyavaktre |kharjūrahārarucire khalahantri tubhyaṃnityaṃ namo nama upendragirīndrasevye || 5918||

(ग ) गीतानते तरुतरे प्रणमामि नित्यंगात्रेश्वरी गतिहरे गणनाथसेव्ये ।गायन्ति ते चरणपङ्कजसारगीतंरक्षाप्रचण्डकलुषादनुपेक्षणीयम् ॥ ५९१९॥

(ga ) gītānate tarutare praṇamāmi nityaṃgātreśvarī gatihare gaṇanāthasevye |gāyanti te caraṇapaṅkajasāragītaṃrakṣāpracaṇḍakaluṣādanupekṣaṇīyam || 5919||

(घ ) दीर्घस्वरे घनवरे घनघोरनादेघोरानने नवघने घटनाघनानाम् ।घोरास्पदे घटगते घटशून्यकर्त्रित्वं काकिनी समवतु क्षितिदोषजालात् ॥ ५९२०॥

(gha ) dīrghasvare ghanavare ghanaghoranādeghorānane navaghane ghaṭanāghanānām |ghorāspade ghaṭagate ghaṭaśūnyakartritvaṃ kākinī samavatu kṣitidoṣajālāt || 5920||

(ङ ) आनुस्वरे स्मरहरे ननु रूपविद्येसंयोगिनीप्रबलशत्रुविनाशभूते ।रक्षेऽतिरक्ष करुणां कुरु देहि मोक्षं(च ) चण्डि प्रचण्डनयने चरणं भजे ते ॥ ५९२१॥

(ṅa ) ānusvare smarahare nanu rūpavidyesaṃyoginīprabalaśatruvināśabhūte |rakṣe'tirakṣa karuṇāṃ kuru dehi mokṣaṃ(ca ) caṇḍi pracaṇḍanayane caraṇaṃ bhaje te || 5921||

(छ ) छत्रप्रदे छलहरे छदवासिनी त्वम् ।छद्मस्थिते हृदयपङ्कजदक्षयोगे ।(ज ) त्वां पूजये जयधरे यदुनाथजन्यो ।जाये जयं यदिह देहि पदं भजामि ॥ ५९२२॥

(cha ) chatraprade chalahare chadavāsinī tvam |chadmasthite hṛdayapaṅkajadakṣayoge |(ja ) tvāṃ pūjaye jayadhare yadunāthajanyo |jāye jayaṃ yadiha dehi padaṃ bhajāmi || 5922||

(झ ) झङ्के झनज्वलयतीह रिपुं पिबन्तित्वं कौशिकी सकलदेहविशोधनी त्वम् ।(न ) नित्येऽनुनासिकपदे सकलार्थदे त्वं(ञ ) रक्षां कुरुष्व विपदे कुलपुञ्जगुञ्जे ॥ ५९२३॥

(jha ) jhaṅke jhanajvalayatīha ripuṃ pibantitvaṃ kauśikī sakaladehaviśodhanī tvam |(na ) nitye'nunāsikapade sakalārthade tvaṃ(ña ) rakṣāṃ kuruṣva vipade kulapuñjaguñje || 5923||

(ट ) टङ्कारगेऽट्टहसने टललेऽट्टहासे ।(ठ ) ठाक्कारिणी सठहरा परिनिष्ठिता त्वम् ।सिंहेष्टपृष्ठनिलयेऽस्थिरयोगभावंहृत्पद्मके कुरु सदा सकलार्थदात्रि ॥ ५९२४॥

(ṭa ) ṭaṅkārage'ṭṭahasane ṭalale'ṭṭahāse |(ṭha ) ṭhākkāriṇī saṭhaharā pariniṣṭhitā tvam |siṃheṣṭapṛṣṭhanilaye'sthirayogabhāvaṃhṛtpadmake kuru sadā sakalārthadātri || 5924||

एतत्स्तोत्रं पठेद्धीमान् ध्यानन्यासपरायणः ।विभाव्य स्तौति यो योगी स योगी मोक्षभाग्भवेत् ॥ ५९२५॥

etatstotraṃ paṭheddhīmān dhyānanyāsaparāyaṇaḥ |vibhāvya stauti yo yogī sa yogī mokṣabhāgbhavet || 5925||

हृत्पङ्करुहमध्यस्थं स पश्यति जगत्त्रयम् ।अष्टसिद्धियुतः शीघ्रं जीवन्मुक्तो भवेन्नरः ॥ ५९२६॥

hṛtpaṅkaruhamadhyasthaṃ sa paśyati jagattrayam |aṣṭasiddhiyutaḥ śīghraṃ jīvanmukto bhavennaraḥ || 5926||

इति श्रीरुद्रयामले महातन्त्रोद्दीपने सिद्धमन्त्रप्रकरणेकाकिनीस्तोत्रविन्यासो नामोनषष्टितमः पटलः ॥ ५९॥

iti śrīrudrayāmale mahātantroddīpane siddhamantraprakaraṇekākinīstotravinyāso nāmonaṣaṣṭitamaḥ paṭalaḥ || 59||

ऱुद्रयमल उत्तरतन्त्र।

rudrayamala uttaratantra|