देवीमङ्गलाष्टकम् ३ Shri Devi Mangala Ashtakam

जगन्मात्रे लसत्फाललोचनायै समध्यमे ।आदिशक्त्यै शिवायै च राजेश्वर्यै सुमङ्गलम् ॥ १॥

jaganmātre lasatphālalocanāyai samadhyame |ādiśaktyai śivāyai ca rājeśvaryai sumaṅgalam || 1||

महिषासुरसंहर्त्ये मायायै माधवानुजे ।माहेश्वर्यैह्युमायैच दुर्गायै ते सुमङ्गलम् ॥ २॥

mahiṣāsurasaṃhartye māyāyai mādhavānuje |māheśvaryaihyumāyaica durgāyai te sumaṅgalam || 2||

सौवर्णाम्बरधारिण्यै ललितायै च शोभनेकामेश्वर्यै चण्डिकायै बालायै ते सुमङ्गलम् ॥ ३॥

sauvarṇāmbaradhāriṇyai lalitāyai ca śobhanekāmeśvaryai caṇḍikāyai bālāyai te sumaṅgalam || 3||

शाकम्बर्यै कोकवद्यै जयिन्यै विश्वभोगदे ।सर्वदुःखक्षयङ्कर्यै कालिकायै ते सुमङ्गलम् ॥ ४॥

śākambaryai kokavadyai jayinyai viśvabhogade |sarvaduḥkhakṣayaṅkaryai kālikāyai te sumaṅgalam || 4||

हिमवन्मेनकापुत्र्यै तपस्विन्यै शवार्थिनि ।शङ्करार्धाङ्गवासिन्यै पार्वत्यै ते सुमङ्गलम् ॥ ५॥

himavanmenakāputryai tapasvinyai śavārthini |śaṅkarārdhāṅgavāsinyai pārvatyai te sumaṅgalam || 5||

वीणापुस्तकधारिण्यै ज्ञानमुद्राङ्कितात्मने ।मन्दस्मितायै वाण्यै च विधिपत्न्यै सुमङ्गलम् ॥ ६॥

vīṇāpustakadhāriṇyai jñānamudrāṅkitātmane |mandasmitāyai vāṇyai ca vidhipatnyai sumaṅgalam || 6||

विष्णुवक्षनिवासिन्यै जगन्मङ्गलकारिणी ।सदाचारप्रिये तुभ्यं महालक्ष्मी सुमङ्गलम् ॥ ७॥

viṣṇuvakṣanivāsinyai jaganmaṅgalakāriṇī |sadācārapriye tubhyaṃ mahālakṣmī sumaṅgalam || 7||

अर्धन्दुमौळयै शम्भुप्रियायै परदेवते ।त्रिपुरायै च नन्दिन्यै च भवान्यै ते सुमङ्गलम् ॥ ८॥

ardhandumauḷayai śambhupriyāyai paradevate |tripurāyai ca nandinyai ca bhavānyai te sumaṅgalam || 8||

राजेश्वरी च दुर्गा च बाला वाणी च कालिकापार्वती च महालक्ष्मी भवानीत्यष्टकं महत् ॥ ९॥

rājeśvarī ca durgā ca bālā vāṇī ca kālikāpārvatī ca mahālakṣmī bhavānītyaṣṭakaṃ mahat || 9||

स्मरणेन शुभां बुद्धिं जयं भाग्य सुतादिकंददात्मभीष्टमिति मे निश्चयं प्रतिभातिहि ॥ १०॥

smaraṇena śubhāṃ buddhiṃ jayaṃ bhāgya sutādikaṃdadātmabhīṣṭamiti me niścayaṃ pratibhātihi || 10||

इति श्रीदेवी मङ्गलाष्टकं सम्पूर्णम् ।

iti śrīdevī maṅgalāṣṭakaṃ sampūrṇam |