देवीध्यानरत्नमाला Shri Devi Dhyana Ratnamala

ॐ नमो भवान्यै ॥भक्तानुग्रहकारिणी भगवती देवाधिदेवेश्वरीदीनानाथ कृपावती स्वजननी भक्तानुरक्ता सती ।ॐ काराक्षरवासिनी सुरनुता सर्वेश्वरी सर्वदाभूयान्नो वरदा सदा ह्यभयदा कामेश्वरी कामदा ॥ १॥

oṃ namo bhavānyai ||bhaktānugrahakāriṇī bhagavatī devādhideveśvarīdīnānātha kṛpāvatī svajananī bhaktānuraktā satī |oṃ kārākṣaravāsinī suranutā sarveśvarī sarvadābhūyānno varadā sadā hyabhayadā kāmeśvarī kāmadā || 1||

वराङ्कुशौ पाशमभीतिमुद्रां करैर्वहन्तीं कमलासनस्थाम् ।बालार्ककोटिप्रतिभां त्रिनेत्रां भजेहमाद्यां भुवनेश्वरीं ताम् ॥ २॥

varāṅkuśau pāśamabhītimudrāṃ karairvahantīṃ kamalāsanasthām |bālārkakoṭipratibhāṃ trinetrāṃ bhajehamādyāṃ bhuvaneśvarīṃ tām || 2||

माता भवानी च पिता भवानी बन्धुर्भवानी च गुरुर्भवानी ।विद्या भवानी द्रविणं भवानी यतो यतो यामि ततो भवानी ॥ ३॥

mātā bhavānī ca pitā bhavānī bandhurbhavānī ca gururbhavānī |vidyā bhavānī draviṇaṃ bhavānī yato yato yāmi tato bhavānī || 3||

श्रीशङ्खचक्रमुसलाम्बुजयुग्महस्तांनागेन्द्रहारबलयाङ्कितकण्ठमालाम् ।सिन्दूरकुङ्कुमसहस्रमरीचिदीप्तांश्रीशारिकां त्रिनयनां हृदये स्मरामि ॥ ४॥

śrīśaṅkhacakramusalāmbujayugmahastāṃnāgendrahārabalayāṅkitakaṇṭhamālām |sindūrakuṅkumasahasramarīcidīptāṃśrīśārikāṃ trinayanāṃ hṛdaye smarāmi || 4||

बालार्ककोटिद्युतिमिन्दुचूडां वरासिचक्राभयबाह्यमाद्याम् ।सिंहाधिरूढां शिववामदेहलीनां भजे चेतसि शारिकेशीम् ॥ ५॥

bālārkakoṭidyutiminducūḍāṃ varāsicakrābhayabāhyamādyām |siṃhādhirūḍhāṃ śivavāmadehalīnāṃ bhaje cetasi śārikeśīm || 5||

या कुन्देन्दुतुषारहारधवला या शुभ्रवस्त्रान्विताया वीणावरदण्डमण्डितकरा या श्वेतपद्मासना ।या ब्रह्माच्युतशङ्करप्रभृतिभिर्देवैः सदा वन्दितासा मां पातु सरस्वती भगवती निःशेषजाड्यापहा ॥ ६॥

yā kundendutuṣārahāradhavalā yā śubhravastrānvitāyā vīṇāvaradaṇḍamaṇḍitakarā yā śvetapadmāsanā |yā brahmācyutaśaṅkaraprabhṛtibhirdevaiḥ sadā vanditāsā māṃ pātu sarasvatī bhagavatī niḥśeṣajāḍyāpahā || 6||

या श्रीर्वेदमुखी तपःफलमुखी, नित्यं च निद्रामुखीनानारूपधरी सदा जयकरी, विद्याधरी शङ्करी ।गौरी पीनपयोधरी रिपुहरी मालास्थिमालाधरीसा मां पातु सरस्वती भगवती, निशेषजाड्यापहा ॥ ७॥

yā śrīrvedamukhī tapaḥphalamukhī, nityaṃ ca nidrāmukhīnānārūpadharī sadā jayakarī, vidyādharī śaṅkarī |gaurī pīnapayodharī ripuharī mālāsthimālādharīsā māṃ pātu sarasvatī bhagavatī, niśeṣajāḍyāpahā || 7||

या देवी शिवकेशवादिजननी यावैजगद्रूपिणीया ब्रह्मादिपिपीलिकान्तजनतानन्दैकसन्दायिनी ।या पञ्चप्रणमन्निलिम्पनयनी या चित्कलामालिनीसा पायात्परदेवता भगवती श्रीराजराजेश्वरी ॥ ८॥

yā devī śivakeśavādijananī yāvaijagadrūpiṇīyā brahmādipipīlikāntajanatānandaikasandāyinī |yā pañcapraṇamannilimpanayanī yā citkalāmālinīsā pāyātparadevatā bhagavatī śrīrājarājeśvarī || 8||

या माया मधुकैटभप्रमथिनी या माहिषोन्मूलिनीया धूम्रेक्षणचण्डमुण्डमथिनी या रक्तबीजाशनी ।शक्तिः शुम्भनिशुम्भदैत्यदलिनी या सिद्धलक्ष्मीः परासा देवी नवकोटिमूर्तिसहिता मां पातु माहेश्वरी ॥ ९॥

yā māyā madhukaiṭabhapramathinī yā māhiṣonmūlinīyā dhūmrekṣaṇacaṇḍamuṇḍamathinī yā raktabījāśanī |śaktiḥ śumbhaniśumbhadaityadalinī yā siddhalakṣmīḥ parāsā devī navakoṭimūrtisahitā māṃ pātu māheśvarī || 9||

या खड्गं डमरुं त्रिशूलपरशू खट्वाङ्गपाशौ गदांचक्रं मुद्गरचापबाणावरदाभीतीः कपालाङ्कुशौ ।धत्ते तोमरपुस्तके च मुसुलं दोर्भिर्दशात्ताष्टभिर्देवीभिः परिवारिता शशिधरा सा शारिका पातु नः ॥ १०॥

yā khaḍgaṃ ḍamaruṃ triśūlaparaśū khaṭvāṅgapāśau gadāṃcakraṃ mudgaracāpabāṇāvaradābhītīḥ kapālāṅkuśau |dhatte tomarapustake ca musulaṃ dorbhirdaśāttāṣṭabhirdevībhiḥ parivāritā śaśidharā sā śārikā pātu naḥ || 10||

बीजैः सप्तभिरुज्ज्वलाकृतिरसौ या सप्तसप्तिद्युतिःसप्तर्षिप्रणताङ्घ्रिपङ्कजयुगा या सप्तलोकार्तिहृत् ।काश्मीरप्रवरेशमध्यनगरीप्रद्यमन्पीठे स्थितादेवीसप्तकसंयुता भगवती श्रीशारिका पातु नः ॥ ११॥

bījaiḥ saptabhirujjvalākṛtirasau yā saptasaptidyutiḥsaptarṣipraṇatāṅghripaṅkajayugā yā saptalokārtihṛt |kāśmīrapravareśamadhyanagarīpradyamanpīṭhe sthitādevīsaptakasaṃyutā bhagavatī śrīśārikā pātu naḥ || 11||

ब्रह्माणं च पुरन्दरं शिवहरी देवान्समस्तान्मुनीन्या द्रष्ट्या दयया विलोकयति सा देव्यम्बिका पार्वती ।चक्रस्था निजबोधभासितजगच्छान्तात्मिका सर्वगासान्द्रानन्दप्रदा परा भगवती पायात्सदाशारिका ॥ १२॥

brahmāṇaṃ ca purandaraṃ śivaharī devānsamastānmunīnyā draṣṭyā dayayā vilokayati sā devyambikā pārvatī |cakrasthā nijabodhabhāsitajagacchāntātmikā sarvagāsāndrānandapradā parā bhagavatī pāyātsadāśārikā || 12||

भक्तानां सिद्धिदात्री नलिनयुगकरा श्वेतपद्मासनस्थालक्ष्मीरूपा त्रिनेत्रा हिमकरवदना सर्वदैत्येन्द्रहर्त्री ।वागीशी सिद्धिकर्त्री सकलमुनिजनैः सेविता या भवानीनौम्यहं नौम्यहं त्वां हरिहरप्रणतां शारिकां नौमि नौमि ॥ १३॥

bhaktānāṃ siddhidātrī nalinayugakarā śvetapadmāsanasthālakṣmīrūpā trinetrā himakaravadanā sarvadaityendrahartrī |vāgīśī siddhikartrī sakalamunijanaiḥ sevitā yā bhavānīnaumyahaṃ naumyahaṃ tvāṃ hariharapraṇatāṃ śārikāṃ naumi naumi || 13||

आरक्ताभां त्रिनेत्रां मणिमुकुटवतीं रत्नताटङ्करम्यांहस्ताम्भोजैः सपाशाङ्कुशमदनधनुःसायकैर्विस्फुरन्तीम् ।आपीनोत्तुङ्गवक्षोरुहतटविलुठत्तारहारोज्ज्वलाङ्गीम् ।ध्यायाम्यम्भोरुहस्थामरुणविवसनामीश्वरीमीश्वरानाम ॥ १४॥

āraktābhāṃ trinetrāṃ maṇimukuṭavatīṃ ratnatāṭaṅkaramyāṃhastāmbhojaiḥ sapāśāṅkuśamadanadhanuḥsāyakairvisphurantīm |āpīnottuṅgavakṣoruhataṭaviluṭhattārahārojjvalāṅgīm |dhyāyāmyambhoruhasthāmaruṇavivasanāmīśvarīmīśvarānāma || 14||

ज्वालापर्वतसंस्थितां त्रिनयनां पीठत्रयाधिष्ठितांज्वालाडम्बरभूषितां सुवदनां नित्यामदृश्यां जनैः ।षट्चक्राम्बुजमध्यगां वरगदाम्भोजाभयान्बिभ्रतींचिद्रूपां सकलार्थदीपनकरीं ज्वालामुखीं नौम्यहम् ॥ १५॥

jvālāparvatasaṃsthitāṃ trinayanāṃ pīṭhatrayādhiṣṭhitāṃjvālāḍambarabhūṣitāṃ suvadanāṃ nityāmadṛśyāṃ janaiḥ |ṣaṭcakrāmbujamadhyagāṃ varagadāmbhojābhayānbibhratīṃcidrūpāṃ sakalārthadīpanakarīṃ jvālāmukhīṃ naumyaham || 15||

दैत्यानां भटकोटिकोटिमुकुटा टोपानधः कुर्वतींविघ्नानां कटकान्यतीव कटुकान्यापाटयन्तीं स्फुटम् ।भक्तानामभयं वरं च दधतीं शान्तात्मनां सर्वदाषड्वक्त्रेण जितां क्रिया विरहतो ज्वालामुखीं नौम्यहम् ॥ १६॥

daityānāṃ bhaṭakoṭikoṭimukuṭā ṭopānadhaḥ kurvatīṃvighnānāṃ kaṭakānyatīva kaṭukānyāpāṭayantīṃ sphuṭam |bhaktānāmabhayaṃ varaṃ ca dadhatīṃ śāntātmanāṃ sarvadāṣaḍvaktreṇa jitāṃ kriyā virahato jvālāmukhīṃ naumyaham || 16||

ब्रह्माणं मधुकैटभौ वधपरो सन्त्रासयन्तौ परंनानारूपधरावतीव भयदौ स्थूलोन्नतो संयुगे ।तौ हत्वा विनि वर्तितां कृतवतीं तन्मेदस मेदिनींसर्वेषां शुभदायिनीं भगवतीं ज्वालामुखीं नौम्यहम् ॥ १७॥

brahmāṇaṃ madhukaiṭabhau vadhaparo santrāsayantau paraṃnānārūpadharāvatīva bhayadau sthūlonnato saṃyuge |tau hatvā vini vartitāṃ kṛtavatīṃ tanmedasa medinīṃsarveṣāṃ śubhadāyinīṃ bhagavatīṃ jvālāmukhīṃ naumyaham || 17||

सैन्यानां महिषासुरस्य मृतिदां सिंहाधिरूढामुमांनानाकारविशेषसौख्यजननीं देहान्तरैः संस्थिताम् ।बालामध्यमवृद्धरूपरमणीं श्रीसुन्दरीं वैष्णवींस्त्रीरूपेण जगद्विमोहनकरीं ज्वालामुखीं नौम्यहम् ॥ १८॥

sainyānāṃ mahiṣāsurasya mṛtidāṃ siṃhādhirūḍhāmumāṃnānākāraviśeṣasaukhyajananīṃ dehāntaraiḥ saṃsthitām |bālāmadhyamavṛddharūparamaṇīṃ śrīsundarīṃ vaiṣṇavīṃstrīrūpeṇa jagadvimohanakarīṃ jvālāmukhīṃ naumyaham || 18||

देवानां भयदायकौसुकठिनौ शुम्भौ निशुम्भस्तथानानाशस्त्रधरो रिपु धृतिहरौ तौ चण्डमुण्डाङ्कितौ ।सङ्ग्रामेऽप्यपराजितौ विकसितौ द्वौ रक्तबीजान्वितौहत्वैवं सुबलां प्रसन्नवदनां ज्वालामुखीं नौम्यहम् ॥ १९॥

devānāṃ bhayadāyakausukaṭhinau śumbhau niśumbhastathānānāśastradharo ripu dhṛtiharau tau caṇḍamuṇḍāṅkitau |saṅgrāme'pyaparājitau vikasitau dvau raktabījānvitauhatvaivaṃ subalāṃ prasannavadanāṃ jvālāmukhīṃ naumyaham || 19||

संसारार्णवतारिणीं रविशशिकोटिप्रभां सुप्रभांपापातङ्कनिवारिणीं हरिहरब्रह्मादिभिः संस्तुताम् ।दारिद्र्यस्य विनाशिनीं सुकृतिनां जाड्यं हरन्तीं भृशमज्ञानान्धमतेः कवित्वजननीं ज्वालामुखीं नौम्यहम् ॥ २०॥

saṃsārārṇavatāriṇīṃ raviśaśikoṭiprabhāṃ suprabhāṃpāpātaṅkanivāriṇīṃ hariharabrahmādibhiḥ saṃstutām |dāridryasya vināśinīṃ sukṛtināṃ jāḍyaṃ harantīṃ bhṛśamajñānāndhamateḥ kavitvajananīṃ jvālāmukhīṃ naumyaham || 20||

ज्वालामुखि महाज्वाले ज्वालापिङ्गललोचने ।ज्वालातेजे महातेजे ज्वालामुखि नमोऽस्तुते ॥ २१॥

jvālāmukhi mahājvāle jvālāpiṅgalalocane |jvālāteje mahāteje jvālāmukhi namo'stute || 21||

नमो भगवति ज्वाले कालि त्रिपुरसुन्दरि ।सर्वबीजपालयत्रि ज्वालामुखि नमोऽस्तुते ॥ २२॥

namo bhagavati jvāle kāli tripurasundari |sarvabījapālayatri jvālāmukhi namo'stute || 22||

आकाशे चण्डिका देवी पाताले भुवनेश्वरी ।मर्त्यलोके जयादेवी पायात्त्रिपुरसुन्दरी ॥ २३॥

ākāśe caṇḍikā devī pātāle bhuvaneśvarī |martyaloke jayādevī pāyāttripurasundarī || 23||

श्री श्रीशैले स्थिता या प्रहसितवदना पार्वती शूलहस्ता ।वह्निसूर्येन्दुनेत्रा त्रिभुवनजननी षड्भुजा सर्वशक्तिः ।शाण्डिल्येनोपनीता, जयति भगवती भक्तिगम्यानुयातासा नः सिंहासनस्था, ह्यभिमतफलदा शरदा शं करोतु ॥ २४॥

śrī śrīśaile sthitā yā prahasitavadanā pārvatī śūlahastā |vahnisūryendunetrā tribhuvanajananī ṣaḍbhujā sarvaśaktiḥ |śāṇḍilyenopanītā, jayati bhagavatī bhaktigamyānuyātāsā naḥ siṃhāsanasthā, hyabhimataphaladā śaradā śaṃ karotu || 24||

मूलाधाराद्भुतवहकलामिश्रितं भूर्भुवःस्वर्ब्रह्मस्थानात्परमगहनात्तत्सवितुर्वरेण्यम् ।भर्गोदेवः शशिकलमयी धीमहीत्येकरूपंधियो योनः परमममृतं चोदयान्नः परं तत् ॥ २५॥

mūlādhārādbhutavahakalāmiśritaṃ bhūrbhuvaḥsvarbrahmasthānātparamagahanāttatsaviturvareṇyam |bhargodevaḥ śaśikalamayī dhīmahītyekarūpaṃdhiyo yonaḥ paramamamṛtaṃ codayānnaḥ paraṃ tat || 25||

प्रातःकाले कुमारी कुमुदकलिकया जप्यमालां जपन्तीमध्याह्ने प्रौढरूपा विकसितवदना चारूनेत्रा विशाला ।सन्ध्यायां वृद्धरूपा गलितकुचयुगे मुण्डमालां वहन्तीसा देवी दिव्यदेहा, हरिहरनमिता पातु नो ह्यादिमुद्रा ॥ २६॥

prātaḥkāle kumārī kumudakalikayā japyamālāṃ japantīmadhyāhne prauḍharūpā vikasitavadanā cārūnetrā viśālā |sandhyāyāṃ vṛddharūpā galitakucayuge muṇḍamālāṃ vahantīsā devī divyadehā, hariharanamitā pātu no hyādimudrā || 26||

चतुर्भुजामर्कसहस्रकोटिभां त्रिलोचनां हारकिरीटशोभिताम् ।चतुर्मुखाङकोपगतां महोज्ज्वलां वेदेश्वरीं पञ्चमुखीं नमाम्यहम् ॥ २७॥

caturbhujāmarkasahasrakoṭibhāṃ trilocanāṃ hārakirīṭaśobhitām |caturmukhāṅakopagatāṃ mahojjvalāṃ vedeśvarīṃ pañcamukhīṃ namāmyaham || 27||

वेदैरनेकैरहमेव वेद्यो वेदान्तकृद्वेदविदेव चाहम् ।न पुण्यपापे ममनास्ति नाशो न जन्म देहेन्द्रियबुद्धिरस्ति ॥ २८॥

vedairanekairahameva vedyo vedāntakṛdvedavideva cāham |na puṇyapāpe mamanāsti nāśo na janma dehendriyabuddhirasti || 28||

पद्मासनस्थां करपङ्कजाभ्यां रक्तोत्पले सन्दधतीं त्रिनेत्राम् ।सम्बिभ्रतीमाभरणानि रक्तां पद्मावतीं पद्ममुखीं नमामि ॥ २९॥

padmāsanasthāṃ karapaṅkajābhyāṃ raktotpale sandadhatīṃ trinetrām |sambibhratīmābharaṇāni raktāṃ padmāvatīṃ padmamukhīṃ namāmi || 29||

पद्मेशपद्मोदभवपद्मबन्धुमुखाः सुराः पादरजोऽपि यस्याः ।चिन्वन्त आप्ता न गताश्च पारं पद्मावती सा मम सद्यम्गास्तात् ॥ ३०॥

padmeśapadmodabhavapadmabandhumukhāḥ surāḥ pādarajo'pi yasyāḥ |cinvanta āptā na gatāśca pāraṃ padmāvatī sā mama sadyamgāstāt || 30||

देवीं शुद्धस्फटिकधवलां पञ्चवक्त्रां त्रिनेत्रांदोर्भिर्युक्तां दशभिरभितः शोभितां रत्नहारैः ।काद्यं मुण्डं सृणिममसृणं शूलमच्छाच्छधारंसारात्सारं वरमनवरं दक्षहस्तैर्वहन्तीम् ॥ ३१॥

devīṃ śuddhasphaṭikadhavalāṃ pañcavaktrāṃ trinetrāṃdorbhiryuktāṃ daśabhirabhitaḥ śobhitāṃ ratnahāraiḥ |kādyaṃ muṇḍaṃ sṛṇimamasṛṇaṃ śūlamacchācchadhāraṃsārātsāraṃ varamanavaraṃ dakṣahastairvahantīm || 31||

उत्खट्वाङ्गं कठिनविकटं टङ्कमूर्जस्वदङ्कंपाशं ज्ञानामृतरसमयं पुस्तकं चाभयं च ।कामं वामैः शुभकरतलैर्बिभ्रतीं विश्ववन्द्यांपद्मां प्रेतोपरिकृतपदां सिद्धलक्ष्मीं नमामि ॥ ३२॥

utkhaṭvāṅgaṃ kaṭhinavikaṭaṃ ṭaṅkamūrjasvadaṅkaṃpāśaṃ jñānāmṛtarasamayaṃ pustakaṃ cābhayaṃ ca |kāmaṃ vāmaiḥ śubhakaratalairbibhratīṃ viśvavandyāṃpadmāṃ pretoparikṛtapadāṃ siddhalakṣmīṃ namāmi || 32||

इच्छाशक्तिप्रथमलहरीमम्बरान्तः प्रवाहगर्भीभूतां त्रिविधमुदितां पञ्चधा प्रस्फुरन्तीम् ।सम्यग्देवीं स्फटिकधवलां, शुद्धकुन्देन्दुवर्णांरुद्रारूढां दशभुजयुतां क्षामगात्रीं नमामि ॥ ३३॥

icchāśaktiprathamalaharīmambarāntaḥ pravāhagarbhībhūtāṃ trividhamuditāṃ pañcadhā prasphurantīm |samyagdevīṃ sphaṭikadhavalāṃ, śuddhakundenduvarṇāṃrudrārūḍhāṃ daśabhujayutāṃ kṣāmagātrīṃ namāmi || 33||

उद्यद्भास्वत्समाभाविहितरविजयां मुण्डखण्डावनद्धाम् ।ज्योतिर्मौलिं त्रिनेत्रां विविधमणिलसत्कुण्डलामण्डिताङ्गीम् ।हारग्रैवेयकाञ्चीगुणमणिनिलयामेक चित्राम्बराढ्यामम्बां पाशाङ्कुशाढ्याभयवरदकरां सिद्धिदात्रीं नमामि ॥ ३४॥

udyadbhāsvatsamābhāvihitaravijayāṃ muṇḍakhaṇḍāvanaddhām |jyotirmauliṃ trinetrāṃ vividhamaṇilasatkuṇḍalāmaṇḍitāṅgīm |hāragraiveyakāñcīguṇamaṇinilayāmeka citrāmbarāḍhyāmambāṃ pāśāṅkuśāḍhyābhayavaradakarāṃ siddhidātrīṃ namāmi || 34||

सन्तःशंसन्त्यमुत्र त्रिजगति जगतीमण्डलं सारभूतंतत्रापि क्ष्माधरं तं त्रिभुवनजननी जन्मने यं प्रपेदे ।तत्राप्याहुः शुभानां विघटितविपदां वेश्म काश्मीरदेशंत्वं तत्रानुग्रहार्थं प्रवहसि भविनामों नमस्ते वितस्ते ॥ ३५॥

santaḥśaṃsantyamutra trijagati jagatīmaṇḍalaṃ sārabhūtaṃtatrāpi kṣmādharaṃ taṃ tribhuvanajananī janmane yaṃ prapede |tatrāpyāhuḥ śubhānāṃ vighaṭitavipadāṃ veśma kāśmīradeśaṃtvaṃ tatrānugrahārthaṃ pravahasi bhavināmoṃ namaste vitaste || 35||

गङ्गे त्रैलोक्यसारे सकलसुर वधू धौतविस्तीर्णतोयेपुण्ये ब्रह्मस्वरूपे हरिचरणरजोहारिणि स्वर्गमार्गे ।प्रायश्चित्तं परं नस्तव जलकणिका ब्रह्महत्याद्यघानाकस्त्वां स्तोतुं समर्थस्त्रिजगदघहरे देवि गङ्गे प्रसीद ॥ ३६॥

gaṅge trailokyasāre sakalasura vadhū dhautavistīrṇatoyepuṇye brahmasvarūpe haricaraṇarajohāriṇi svargamārge |prāyaścittaṃ paraṃ nastava jalakaṇikā brahmahatyādyaghānākastvāṃ stotuṃ samarthastrijagadaghahare devi gaṅge prasīda || 36||

दृष्टा जन्मशताधर्मं स्पृष्टा जन्मशतत्रयम् ।स्नाता जन्मशतोत्थाघं हन्ति गङ्गा कलौ युगे ॥ ३७॥

dṛṣṭā janmaśatādharmaṃ spṛṣṭā janmaśatatrayam |snātā janmaśatotthāghaṃ hanti gaṅgā kalau yuge || 37||

हरतीयं महापापं गङ्गेश्वरसमुद्भवा ।मातृपितृहिते गङ्गे हरिगङ्गे नमोऽस्तु ते ॥ ३८॥

haratīyaṃ mahāpāpaṃ gaṅgeśvarasamudbhavā |mātṛpitṛhite gaṅge harigaṅge namo'stu te || 38||

अन्नपूर्णे सदापूर्णे शङ्करप्राणवल्लभे ।ज्ञानवैराग्यसिद्।ह्ध्यर्थं भिक्षां देहि नमोऽस्तु ते ॥ ३९॥

annapūrṇe sadāpūrṇe śaṅkaraprāṇavallabhe |jñānavairāgyasid|hdhyarthaṃ bhikṣāṃ dehi namo'stu te || 39||

नमः कल्याणदे देवि नमः शङ्करवल्लभे ।नमो भक्तिप्रेदे देवि अन्नपूर्णे नमोऽस्तु ते ॥ ४०॥

namaḥ kalyāṇade devi namaḥ śaṅkaravallabhe |namo bhaktiprede devi annapūrṇe namo'stu te || 40||

नित्यानन्दकरी वराभयकरी सौन्दर्यरत्नाकरीनिर्धूताखिलघोरपावनकरी प्रत्यक्षमाहेश्वरी ।प्रालेयाचलवंशपावनकरी काशीपुराधीश्वरीभिक्षां देहि कृपावलम्बनकरी मातान्नपूर्णेश्वरी ॥ ४१॥

nityānandakarī varābhayakarī saundaryaratnākarīnirdhūtākhilaghorapāvanakarī pratyakṣamāheśvarī |prāleyācalavaṃśapāvanakarī kāśīpurādhīśvarībhikṣāṃ dehi kṛpāvalambanakarī mātānnapūrṇeśvarī || 41||

उर्वी सर्वजनेश्वरी हिमवतः पुत्री कृपासागरीनारी नीलसमानकुन्तलधरी नित्यान्नदानेश्वरी ।सर्वत्राणकरी सदा सुखकरी काशीपुराधीश्वरीभिक्षां देहि कृपावलम्बनकरी मातान्नपूर्णेश्वरी ॥ ४२॥

urvī sarvajaneśvarī himavataḥ putrī kṛpāsāgarīnārī nīlasamānakuntaladharī nityānnadāneśvarī |sarvatrāṇakarī sadā sukhakarī kāśīpurādhīśvarībhikṣāṃ dehi kṛpāvalambanakarī mātānnapūrṇeśvarī || 42||

इति देवीध्यानरत्नमाला समाप्ता ।

iti devīdhyānaratnamālā samāptā |