शाकिनीस्तोत्रम् Shakini Stotram

अथ सप्तषष्टितमः पटलःश्रीआनन्दभैरवी उवाचकुरु नाथ वन्दनं भो पूजनं कवचं पठ ।वर्णाध्यानं कण्ठपद्मे स्थिरो भव जगत्पते ॥ ६७१॥

atha saptaṣaṣṭitamaḥ paṭalaḥśrīānandabhairavī uvācakuru nātha vandanaṃ bho pūjanaṃ kavacaṃ paṭha |varṇādhyānaṃ kaṇṭhapadme sthiro bhava jagatpate || 671||

परमा शाकिनी विद्या महामोहनिवारिणी ।योगिनीकोटिभिः सार्धं राजते सूर्यवत् सदा ॥ ६७२॥

paramā śākinī vidyā mahāmohanivāriṇī |yoginīkoṭibhiḥ sārdhaṃ rājate sūryavat sadā || 672||

वाराणसीपुरे स्थित्वा कण्ठपद्मस्थितां भज ।स्तोत्रेणानेन विधिना भक्तिं कुरु महाशिवे ॥ ६७३॥

vārāṇasīpure sthitvā kaṇṭhapadmasthitāṃ bhaja |stotreṇānena vidhinā bhaktiṃ kuru mahāśive || 673||

अखण्डे नीलपङ्केरुहविमलकरे स्थापितां षोडशारेहेमाभां विद्युताभां सुकणकवलयां चन्द्रकोटिप्रभावाम् ।श्रीकन्यां शाकिनीशां त्रिपुरहरकराम्भोजपूजाविनोदींकामाख्यां रुद्रमायां वधुनयनयुतां शक्रकान्तप्रकाशाम् ॥ ६७४॥

akhaṇḍe nīlapaṅkeruhavimalakare sthāpitāṃ ṣoḍaśārehemābhāṃ vidyutābhāṃ sukaṇakavalayāṃ candrakoṭiprabhāvām |śrīkanyāṃ śākinīśāṃ tripuraharakarāmbhojapūjāvinodīṃkāmākhyāṃ rudramāyāṃ vadhunayanayutāṃ śakrakāntaprakāśām || 674||

सिन्धुस्थां भावयामि प्रमथगणवधूप्रोज्ज्वलां वेदयुक्तांयोगेन्द्रानन्दकर्त्रीं कमलवलयां नीलजीमूतनेत्राम् ।ओङ्कारां कारणाख्यां मधुगृहनिकरामष्टगेहप्रकाशामानन्दज्ञाननित्यां द्विविनदलकलां कण्ठवैकुण्ठशोभाम् ॥ ६७५॥

sindhusthāṃ bhāvayāmi pramathagaṇavadhūprojjvalāṃ vedayuktāṃyogendrānandakartrīṃ kamalavalayāṃ nīlajīmūtanetrām |oṅkārāṃ kāraṇākhyāṃ madhugṛhanikarāmaṣṭagehaprakāśāmānandajñānanityāṃ dvivinadalakalāṃ kaṇṭhavaikuṇṭhaśobhām || 675||

धर्मार्थज्ञानदात्रीं त्रिभुवनभुविकाह्लादहेतोः प्रकाश्यांविन्ध्यस्थां पीठकन्यां त्रिकमलनयनां वेदहस्तां प्रसन्नाम् ।स्मेरास्यां चन्द्रवक्त्रां हरिहरविधिभिर्ध्यानगम्यां कदाचिच्छम्भुस्थां चारुरूपां भवभयहरणीं तारिणीं भावयामि ॥ ६७६॥

dharmārthajñānadātrīṃ tribhuvanabhuvikāhlādahetoḥ prakāśyāṃvindhyasthāṃ pīṭhakanyāṃ trikamalanayanāṃ vedahastāṃ prasannām |smerāsyāṃ candravaktrāṃ hariharavidhibhirdhyānagamyāṃ kadācicchambhusthāṃ cārurūpāṃ bhavabhayaharaṇīṃ tāriṇīṃ bhāvayāmi || 676||

सूक्ष्मां स्थूलप्रभाढ्यां चरणतलविभाकोटिबन्धूककान्तिंकान्तानां कामकान्तां जयरतिभवतीं शाकिनीं शोकहन्त्रीम् ।शब्दान्तःप्रान्तरस्थां स्थितिलयगगनां पद्मरागस्रजाढ्यांकान्त्या विश्वं ज्वलन्तीं मदनवधुरमाबीजमालां स्मरामि ॥ ६७७॥

sūkṣmāṃ sthūlaprabhāḍhyāṃ caraṇatalavibhākoṭibandhūkakāntiṃkāntānāṃ kāmakāntāṃ jayaratibhavatīṃ śākinīṃ śokahantrīm |śabdāntaḥprāntarasthāṃ sthitilayagaganāṃ padmarāgasrajāḍhyāṃkāntyā viśvaṃ jvalantīṃ madanavadhuramābījamālāṃ smarāmi || 677||

व्याघ्रस्थां व्याघ्रवस्त्रां हरिणनयनकैः केवलानन्दरूपांवामां शक्तिं प्रवालां त्रिकुलजलकलां कालराजेश्वरीं याम् ।आनन्दाब्धौ प्रभान्तीं प्रभुगणभयहां मातृकाबीजभूषांघोरामट्टाट्टहास्यां दशनसुहसनां चारुनेत्रां भजामि ॥ ६७८॥

vyāghrasthāṃ vyāghravastrāṃ hariṇanayanakaiḥ kevalānandarūpāṃvāmāṃ śaktiṃ pravālāṃ trikulajalakalāṃ kālarājeśvarīṃ yām |ānandābdhau prabhāntīṃ prabhugaṇabhayahāṃ mātṛkābījabhūṣāṃghorāmaṭṭāṭṭahāsyāṃ daśanasuhasanāṃ cārunetrāṃ bhajāmi || 678||

बालादित्यायुताभां चरमपदमदां मद्यमाधुर्यभक्षांक्षोणीसिंहासनस्थां मणिमयजपमालाभिर्वरानन्दहस्ताम् ।मातल्लीलाकलापां तरतनुविमलां चामले कण्ठपद्मेनित्यज्ञानप्रकाशां भजति मम सदानन्दचित्तावसन्नाम् ॥ ६७९॥

bālādityāyutābhāṃ caramapadamadāṃ madyamādhuryabhakṣāṃkṣoṇīsiṃhāsanasthāṃ maṇimayajapamālābhirvarānandahastām |mātallīlākalāpāṃ taratanuvimalāṃ cāmale kaṇṭhapadmenityajñānaprakāśāṃ bhajati mama sadānandacittāvasannām || 679||

हालापानोद्यताङ्गीं परमसुखमयीं वेदसन्तानकर्त्रींयोगानन्दादिकर्त्रीं तरुणघनघटाघोररूपां करालाम् ।आकाशाम्भोजमध्येऽविकलकरयुषा व्यापकाङ्गप्रकाशांसा माता श्रीं वहन्तीं परिसमयकलौ मोक्षभक्तिं भजे त्वाम् ॥ ६७१०॥

hālāpānodyatāṅgīṃ paramasukhamayīṃ vedasantānakartrīṃyogānandādikartrīṃ taruṇaghanaghaṭāghorarūpāṃ karālām |ākāśāmbhojamadhye'vikalakarayuṣā vyāpakāṅgaprakāśāṃsā mātā śrīṃ vahantīṃ parisamayakalau mokṣabhaktiṃ bhaje tvām || 6710||

सा विद्याधर्मचिन्तामणिगुणजनिता योजिता जातु भीतौशब्दब्रह्मैकहेतुस्थलनिलयमहाज्ञानसाक्षिप्रतीता ।त्वं माता वेदमाता हर हर कलुषं बालिशं तारयन्तीजीवात्मानं द्विरक्षक्षयमरणभयभ्रान्तिमाभञ्जयन्ती ॥ ६७११॥

sā vidyādharmacintāmaṇiguṇajanitā yojitā jātu bhītauśabdabrahmaikahetusthalanilayamahājñānasākṣipratītā |tvaṃ mātā vedamātā hara hara kaluṣaṃ bāliśaṃ tārayantījīvātmānaṃ dvirakṣakṣayamaraṇabhayabhrāntimābhañjayantī || 6711||

ज्वाला मालाविलोला कलयति कलुषं शाकिनी सैव मातायातायातप्रभातोदयदिवसनिशाभ्रान्तिमोहारिनाशा ।दासानामामवासा वसति शशिगृहे कातीकेशासुवंशासंसारेऽशादिहंसा चल चल चपलं त्वं कलाषोडशारे ॥ ६७१२॥

jvālā mālāvilolā kalayati kaluṣaṃ śākinī saiva mātāyātāyātaprabhātodayadivasaniśābhrāntimohārināśā |dāsānāmāmavāsā vasati śaśigṛhe kātīkeśāsuvaṃśāsaṃsāre'śādihaṃsā cala cala capalaṃ tvaṃ kalāṣoḍaśāre || 6712||

बीजात्मा यज्ञकुण्डे रचयति चरणाच्छन्दसां गद्यपद्यैःपाताले भूकराले कुलयुगदलके निर्गता वेदशक्तिः ।पश्यन्ती मध्यमाद्या नयनवचनगा वैखरी वाक्स्वरूपाकण्ठे हृत्पद्ममूले कथयति कविता स्तम्भितास्त्वां प्रयामि ॥ ६७१३॥

bījātmā yajñakuṇḍe racayati caraṇācchandasāṃ gadyapadyaiḥpātāle bhūkarāle kulayugadalake nirgatā vedaśaktiḥ |paśyantī madhyamādyā nayanavacanagā vaikharī vāksvarūpākaṇṭhe hṛtpadmamūle kathayati kavitā stambhitāstvāṃ prayāmi || 6713||

परा सा पर्वा सा रहितमतहासा प्रविश मेघनश्यामे वामे द्विकमलललाटेऽतिशिखया ।वहन्ती सिन्दूरं त्रिजपपरयानामपरयामुखाम्भोजे वश्या भवभवयुगं षोडशदले ॥ ६७१४॥

parā sā parvā sā rahitamatahāsā praviśa meghanaśyāme vāme dvikamalalalāṭe'tiśikhayā |vahantī sindūraṃ trijapaparayānāmaparayāmukhāmbhoje vaśyā bhavabhavayugaṃ ṣoḍaśadale || 6714||

रमा लज्जा माया वधुमदनकूर्च्चास्त्रसहितेहिते मातः शाकम्भरि धरणि बाला कमलया ।निशार्धे शत्र्वङ्गं हन हन करे संहर रिपुंत्रितारी षट्कूटा मदनवधुजाह्निजाया हर अघम् ॥ ६७१५॥

ramā lajjā māyā vadhumadanakūrccāstrasahitehite mātaḥ śākambhari dharaṇi bālā kamalayā |niśārdhe śatrvaṅgaṃ hana hana kare saṃhara ripuṃtritārī ṣaṭkūṭā madanavadhujāhnijāyā hara agham || 6715||

योगेन्द्रानन्दमुद्रां तरतनुतपनां तापिनीं तप्तदेहांमुग्धानां मोहमुग्धां मुकुटशशिमणिच्छाययाच्छन्नवेशाम् ।कामाख्यां ब्रह्मबीजध्वनिमदनकुलाद्यादिबीजप्रतिष्ठांस्वाहान्तां भावयामि क्षितिसुरपतिहंसाख्यब्रह्मास्त्रविद्याम् ॥ ६७१६॥

yogendrānandamudrāṃ taratanutapanāṃ tāpinīṃ taptadehāṃmugdhānāṃ mohamugdhāṃ mukuṭaśaśimaṇicchāyayācchannaveśām |kāmākhyāṃ brahmabījadhvanimadanakulādyādibījapratiṣṭhāṃsvāhāntāṃ bhāvayāmi kṣitisurapatihaṃsākhyabrahmāstravidyām || 6716||

सायाह्ने कामलक्ष्मीः पवनविधुयुता दीर्घनेत्रा त्रिनेत्रासावित्री मध्यकाले न चलति चलति श्रद्धया मस्तकोर्ध्वे ।कोट्यर्काभासमाना न नमति कुटिलं तेजसा व्याकुलालंकालोल्काकोटिकूटं रमयति धवलास्यारुणाङ्गी प्रभाते ॥ ६७१७॥

sāyāhne kāmalakṣmīḥ pavanavidhuyutā dīrghanetrā trinetrāsāvitrī madhyakāle na calati calati śraddhayā mastakordhve |koṭyarkābhāsamānā na namati kuṭilaṃ tejasā vyākulālaṃkālolkākoṭikūṭaṃ ramayati dhavalāsyāruṇāṅgī prabhāte || 6717||

गायत्री वर्णमात्रामितवनवनिता मानिता भालकूपेहालाकालानलाङ्गी तिमिरहरपदालीढपादारविन्दा ।त्वं विद्या वाग्भवाद्या प्रणवतनुमयी देवलक्ष्मीः प्रसादानादाद्याचार्धचन्द्रोज्ज्वलयुगलं षोडशारे ममारे ॥ ६७१८॥

gāyatrī varṇamātrāmitavanavanitā mānitā bhālakūpehālākālānalāṅgī timiraharapadālīḍhapādāravindā |tvaṃ vidyā vāgbhavādyā praṇavatanumayī devalakṣmīḥ prasādānādādyācārdhacandrojjvalayugalaṃ ṣoḍaśāre mamāre || 6718||

जाया माया विमाया हयमुखि विमले केवले तारहारेहारार्कचित्रिताङ्गि स्ववधुयुगयुगे तारयद्वन्द्वचन्द्रे ।स्वाहा मेधा स्वधा त्वं श्रुतिनुतिसुनतिग्रन्थिवाग्वादिनी त्वंमामेकं रक्षयुग्मं धरणिधरसुखं सञ्चयाग्निप्रियान्ता ॥ ६७१९॥

jāyā māyā vimāyā hayamukhi vimale kevale tārahārehārārkacitritāṅgi svavadhuyugayuge tārayadvandvacandre |svāhā medhā svadhā tvaṃ śrutinutisunatigranthivāgvādinī tvaṃmāmekaṃ rakṣayugmaṃ dharaṇidharasukhaṃ sañcayāgnipriyāntā || 6719||

एतत् स्तववरं पठेद्यदि सदा ध्यात्वा नरेन्द्रः सुखीधन्यः पुण्यमुपैति देवविलयं पीठादिसन्दर्शनम् ।योगानामपि सिद्धिभाक्प्रियतरं ज्ञानं धनं लभ्यतेराजानं वशयन्ति ते च सहसा साक्षात् कटाक्षै रमाम् ॥ ६७२०॥

etat stavavaraṃ paṭhedyadi sadā dhyātvā narendraḥ sukhīdhanyaḥ puṇyamupaiti devavilayaṃ pīṭhādisandarśanam |yogānāmapi siddhibhākpriyataraṃ jñānaṃ dhanaṃ labhyaterājānaṃ vaśayanti te ca sahasā sākṣāt kaṭākṣai ramām || 6720||

इति श्रीरुद्रयामले उत्तरतन्त्रे महातन्त्रोद्दीपने सिद्धमन्त्रप्रकरणेषट्चक्रप्रकाशे भैरवीभैरवसंवादे शाकिनीस्तोत्रविन्यासो नामसप्तषष्टितमः पटलः ॥ ६७॥

iti śrīrudrayāmale uttaratantre mahātantroddīpane siddhamantraprakaraṇeṣaṭcakraprakāśe bhairavībhairavasaṃvāde śākinīstotravinyāso nāmasaptaṣaṣṭitamaḥ paṭalaḥ || 67||

ऱुद्रयमल उत्तरतन्त्र।

rudrayamala uttaratantra|