प्रकारान्तरम्भगमालिनीरजस्वलास्तोत्रम् Prakarantaram Bhagamalini Rajasvala Stotram

श्री पार्वत्युवाचदेवीभक्तश्चदेवेशाचारः कीदृशो भवेत् ।धर्मार्थकाममोक्षाणां सिद्धिस्तस्य कथं भवेत् ॥ १॥

śrī pārvatyuvācadevībhaktaścadeveśācāraḥ kīdṛśo bhavet |dharmārthakāmamokṣāṇāṃ siddhistasya kathaṃ bhavet || 1||

ईश्वरोवाचस्त्रीसङ्गञ्च सदाभाव्यं सुन्दरीति विशेषतः ।स्त्रियोदेवा स्त्रियोः प्राणा स्त्रिय एवममीषिणः ॥ २॥

īśvarovācastrīsaṅgañca sadābhāvyaṃ sundarīti viśeṣataḥ |striyodevā striyoḥ prāṇā striya evamamīṣiṇaḥ || 2||

तासां प्रहारं निन्दाच कौटित्यं नैव कारयेत् ।सर्वथा नैव कर्तव्यम्मन्यथा सिद्धिरोधकृत् ॥ ३॥

tāsāṃ prahāraṃ nindāca kauṭityaṃ naiva kārayet |sarvathā naiva kartavyammanyathā siddhirodhakṛt || 3||

स्त्रीमयञ्च जगत्सर्वं भावयेन्मतोमान्तरः ।सुन्दरीं युवतीं वीक्ष्यनमस्कुर्यात्समाहितः ॥ ४॥

strīmayañca jagatsarvaṃ bhāvayenmatomāntaraḥ |sundarīṃ yuvatīṃ vīkṣyanamaskuryātsamāhitaḥ || 4||

बालां वायौवनोन्मत्तां वृद्धां वा सुन्दरी तथा ।कुच्छितां वा महादुष्टां सर्वोदेवीं विभावयेत् ॥ ५॥

bālāṃ vāyauvanonmattāṃ vṛddhāṃ vā sundarī tathā |kucchitāṃ vā mahāduṣṭāṃ sarvodevīṃ vibhāvayet || 5||

स्त्रीदेषो नैव कर्तव्यः प्रीयन्तासां समाचरेत् ।स्त्रीयङ्गच्छन्न ध्यायन्कृतार्थास्मीतिभावयेत् ॥ ६॥

strīdeṣo naiva kartavyaḥ prīyantāsāṃ samācaret |strīyaṅgacchanna dhyāyankṛtārthāsmītibhāvayet || 6||

ऋतुवत्या भगं पश्यन् जपतेयादि साधकः ।केवलं गुप्तभावेन सतुविद्यानिधिर्भवेत् ॥ ७॥

ṛtuvatyā bhagaṃ paśyan japateyādi sādhakaḥ |kevalaṃ guptabhāvena satuvidyānidhirbhavet || 7||

संस्कृताः प्राकृताः शब्दा लौकिका वैदिकास्तथा ।वशमायान्ति ते सर्वे साधकस्य च नान्यथा ॥ ८॥

saṃskṛtāḥ prākṛtāḥ śabdā laukikā vaidikāstathā |vaśamāyānti te sarve sādhakasya ca nānyathā || 8||

रजस्वलाधोमुखन्दृष्ट्वा सर्वपापं व्यपोहति ।भाषणङ्कुरुतेराज अश्वमेधादिकं फलम् ॥ ९॥

rajasvalādhomukhandṛṣṭvā sarvapāpaṃ vyapohati |bhāṣaṇaṅkuruterāja aśvamedhādikaṃ phalam || 9||

तस्य स्पृश्यमात्रेण लभ्यते फलचतुर्विधम् ।यस्य सङ्गममात्रेण त्रैलोक्यक्षोभनक्षमः ॥ १०॥

tasya spṛśyamātreṇa labhyate phalacaturvidham |yasya saṅgamamātreṇa trailokyakṣobhanakṣamaḥ || 10||

श्रद्धायां पूजितं भक्त्यो भगं स रजशोभितम् ।न्यासङ्कृत्वा स्वदेहेच कलाभिः कामषोडशैः ॥ ११॥

śraddhāyāṃ pūjitaṃ bhaktyo bhagaṃ sa rajaśobhitam |nyāsaṅkṛtvā svadeheca kalābhiḥ kāmaṣoḍaśaiḥ || 11||

मात्रिकान्यास देहेषु अनुलोम विलोमतः ।शिवरूपं विचिन्त्यस्य भगपूजा समाचरेत् ॥ १२॥

mātrikānyāsa deheṣu anuloma vilomataḥ |śivarūpaṃ vicintyasya bhagapūjā samācaret || 12||

कोटिजन्मार्जितै पुण्यै भक्त्यायां पूजयेद्भगम् ।विषेष्य पूज्यते योनिपुष्पसङ्ख्यानविद्यते ॥ १३॥

koṭijanmārjitai puṇyai bhaktyāyāṃ pūjayedbhagam |viṣeṣya pūjyate yonipuṣpasaṅkhyānavidyate || 13||

महद्यत्नेन देवेशि पुष्पवन्ति सुलक्षणः ।पुष्यते देव्या भक्त्या च पिशितालिङ्गसंयुतम् ॥ १४॥

mahadyatnena deveśi puṣpavanti sulakṣaṇaḥ |puṣyate devyā bhaktyā ca piśitāliṅgasaṃyutam || 14||

नवपात्रन्तु विधिवत् स्वयं भक्त्याघरक्षया ।पिबेत्शेषे सुराज्योति तज्जाड्यं हरते ध्रुवम् ॥ १५॥

navapātrantu vidhivat svayaṃ bhaktyāgharakṣayā |pibetśeṣe surājyoti tajjāḍyaṃ harate dhruvam || 15||

वृत्यैभूतो स्वयं भक्त्या विकल्पेन च चेतसाम् ।पुष्पैर्भूतं भगं पूज्य तन्मध्ये लिङ्गविक्षिपेत् ॥ १६॥

vṛtyaibhūto svayaṃ bhaktyā vikalpena ca cetasām |puṣpairbhūtaṃ bhagaṃ pūjya tanmadhye liṅgavikṣipet || 16||

स्तोत्रपाठं मैथुनं च क्रियते जप पूर्वकम् ।यावत् भुक्तं सुखं जाप्यं जपित्वा च सुरेश्वरि ॥ १७॥

stotrapāṭhaṃ maithunaṃ ca kriyate japa pūrvakam |yāvat bhuktaṃ sukhaṃ jāpyaṃ japitvā ca sureśvari || 17||

महापीठस्य मथनं कुर्याद्वै जपपूर्वकम् ।यावद्रेतं स्वयम्पूर्यात् तावज्जप्त्वा सुरेश्वरी ॥ १८॥

mahāpīṭhasya mathanaṃ kuryādvai japapūrvakam |yāvadretaṃ svayampūryāt tāvajjaptvā sureśvarī || 18||

विसर्जने च पीठस्य पुनः पात्रं निवेदयेत् ।एवं कृते तु वीरेण शिवतुल्यो भवेन्नरः ॥ १९॥

visarjane ca pīṭhasya punaḥ pātraṃ nivedayet |evaṃ kṛte tu vīreṇa śivatulyo bhavennaraḥ || 19||

अत्यन्त गोप्यं देवेशि तस्य योनि विनिक्षिपेत् ।अप्रकास्य कुपात्रस्य गोप्यागोप्यकृतं शुभम् ॥ २०॥

atyanta gopyaṃ deveśi tasya yoni vinikṣipet |aprakāsya kupātrasya gopyāgopyakṛtaṃ śubham || 20||

प्रकाशं परमाद्रहस्यं सद्योमृत्युः न संशयः ।इन्द्रलोकेन देवेशि गोप्यात्सफलं महत् ॥ २१॥

prakāśaṃ paramādrahasyaṃ sadyomṛtyuḥ na saṃśayaḥ |indralokena deveśi gopyātsaphalaṃ mahat || 21||

भक्त्या च यमतेवीरो पूज्यते साधकोभवेत् ।रतिकाले विशेषेण शिवतुल्यो भवेन्नरः ॥ २२॥

bhaktyā ca yamatevīro pūjyate sādhakobhavet |ratikāle viśeṣeṇa śivatulyo bhavennaraḥ || 22||

इति त्रयोदश श्लोकैः स्तवनं परमाद्भुतम् ।रजस्वला समीपेतु पठ्यते सर्वसिद्धिदे ॥ २३॥

iti trayodaśa ślokaiḥ stavanaṃ paramādbhutam |rajasvalā samīpetu paṭhyate sarvasiddhide || 23||

सत्यं सत्यं पुनः सत्यं सत्यं सत्यं न संशय ।सम्पुष्पं भगपूजाच ब्रह्मलोकेऽपिदुर्लभम् ॥ २४॥

satyaṃ satyaṃ punaḥ satyaṃ satyaṃ satyaṃ na saṃśaya |sampuṣpaṃ bhagapūjāca brahmaloke'pidurlabham || 24||

॥ इति श्री गर्भकुलार्णवे ईश्वरपार्वतीसंवादेभगमालिनी रजस्वलास्तोत्रं सम्पूर्णम् ॥॥ श्री ललिताम्बार्पणमस्तु ।

|| iti śrī garbhakulārṇave īśvarapārvatīsaṃvādebhagamālinī rajasvalāstotraṃ sampūrṇam |||| śrī lalitāmbārpaṇamastu |