सावित्रीस्तोत्रम् Narayanaproktam Savitri Stotram

नारायण उवाच ।शृणु ध्यानं च सावित्र्याश्चोक्तं माध्यन्दिने च यत् ।स्तोत्रं पूजाविधानं च मन्त्रं च सर्वकामदम् ॥ ४६॥

nārāyaṇa uvāca |śṛṇu dhyānaṃ ca sāvitryāścoktaṃ mādhyandine ca yat |stotraṃ pūjāvidhānaṃ ca mantraṃ ca sarvakāmadam || 46||

तप्तकाञ्चनवर्णाभां ज्वलन्तीं ब्रह्मतेजसा ।ग्रीष्ममध्याह्नमार्त्तण्डसहस्रसमसुप्रभाम् ॥ ४७॥

taptakāñcanavarṇābhāṃ jvalantīṃ brahmatejasā |grīṣmamadhyāhnamārttaṇḍasahasrasamasuprabhām || 47||

ईषद्धास्यप्रसन्नास्यां रत्नभूषणभूषिताम् ।वह्निशुद्धांशुकाधानां भक्तानुग्रहकातराम् ॥ ४८॥

īṣaddhāsyaprasannāsyāṃ ratnabhūṣaṇabhūṣitām |vahniśuddhāṃśukādhānāṃ bhaktānugrahakātarām || 48||

सुखदां मुक्तिदां शान्तां कान्तां च जगतां विधेः ।सर्वसम्पत्स्वरूपां च प्रदात्रीं सर्वसम्पदाम् ॥ ४९॥

sukhadāṃ muktidāṃ śāntāṃ kāntāṃ ca jagatāṃ vidheḥ |sarvasampatsvarūpāṃ ca pradātrīṃ sarvasampadām || 49||

वेदाधिष्ठातृदेवीं च वेदशास्त्रस्वरूपिणीम् ।वेदे बीजस्वरूपां च भजे त्वां वेदमातरम् ॥ ५०॥

vedādhiṣṭhātṛdevīṃ ca vedaśāstrasvarūpiṇīm |vede bījasvarūpāṃ ca bhaje tvāṃ vedamātaram || 50||

ध्यात्वा ध्यानेन चानेन दत्त्वा पुष्पं स्वमूर्द्धनि ।पुनर्ध्यात्वा घटे भक्त्या देवीमावाहयेद्व्रती ॥ ५१॥

dhyātvā dhyānena cānena dattvā puṣpaṃ svamūrddhani |punardhyātvā ghaṭe bhaktyā devīmāvāhayedvratī || 51||

इति ब्रह्मवैवर्तपुराणे प्रकृतिखण्डे त्रयोविंशाध्यायान्तर्गतंनारायणप्रोक्तं सावित्रीस्तोत्रं समाप्तम् ।ब्रह्मवैवर्तपुराण । प्रकृतिखण्ड । अध्याय २३/४७५०; ७९८४॥ब्रह्मवैवर्तपुराण । प्रकृतिखण्ड । अध्याय २३/४७-५०; ७९-८४॥

iti brahmavaivartapurāṇe prakṛtikhaṇḍe trayoviṃśādhyāyāntargataṃnārāyaṇaproktaṃ sāvitrīstotraṃ samāptam |brahmavaivartapurāṇa | prakṛtikhaṇḍa | adhyāya 23/4750; 7984||brahmavaivartapurāṇa | prakṛtikhaṇḍa | adhyāya 23/47-50; 79-84||