महादेवीस्तुतिः Himavankrita Mahadevi Stuti

(शिवरहस्यान्तर्गते ईशाख्ये)हिमवानुवाचः ।प्रपद्ये शिवेऽद्यैव ते पादपद्मंहराद्यामविद्यां प्रदेह्याद्यविद्याम् ।न ते मद्यमांसादिमीमांसपूजाप्रकारेऽतिदूरं गिरिं मामवेहि ॥ ३५॥

(śivarahasyāntargate īśākhye)himavānuvācaḥ |prapadye śive'dyaiva te pādapadmaṃharādyāmavidyāṃ pradehyādyavidyām |na te madyamāṃsādimīmāṃsapūjāprakāre'tidūraṃ giriṃ māmavehi || 35||

महाघौघनीहारघोरान्धकारप्रशिक्षानुरूक्षप्रभाऽहस्करा त्वम् ।विदित्वा च नत्वा च स्तुत्वा च वाचासमस्तेषु नान्यो मदन्यो विधन्यः ॥ ३६॥

mahāghaughanīhāraghorāndhakārapraśikṣānurūkṣaprabhā'haskarā tvam |viditvā ca natvā ca stutvā ca vācāsamasteṣu nānyo madanyo vidhanyaḥ || 36||

धराधीशकन्ये शिवे सामिसोमप्रशस्तैकमस्ते नमस्ते सुहस्ते ।त्वदन्यत्र लोके न लोके सशोकंसभूकोपमं यूकवद्भातिमेतत् ॥ ३७॥

dharādhīśakanye śive sāmisomapraśastaikamaste namaste suhaste |tvadanyatra loke na loke saśokaṃsabhūkopamaṃ yūkavadbhātimetat || 37||

न मे द्रापिकान्तोरुपादप्रकाशात्न चेन्द्रेन्द्रलोकेषु वा किं दरिद्रम् ।अतः सान्द्र सौख्यैक निःसीम तन्द्रासुषुप्तौ भजाम्यद्रिकन्यां मदन्याम् ॥ ३८॥

na me drāpikāntorupādaprakāśātna cendrendralokeṣu vā kiṃ daridram |ataḥ sāndra saukhyaika niḥsīma tandrāsuṣuptau bhajāmyadrikanyāṃ madanyām || 38||

न मान्यो न धन्यो भजेद्यस्त्वदन्यांकलङ्की भवेच्चाभजंस्त्वाम्मजस्रम् ।खरः सूकरः सङ्करो वानरो वानरः पामरः कातरो नित्यदुःखी ॥ ३९॥

na mānyo na dhanyo bhajedyastvadanyāṃkalaṅkī bhaveccābhajaṃstvāmmajasram |kharaḥ sūkaraḥ saṅkaro vānaro vānaraḥ pāmaraḥ kātaro nityaduḥkhī || 39||

॥ इति शिवरहस्यान्तर्गते हिमवाङ्कृता महादेवीस्तुतिः सम्पूर्णा ॥॥ श्रीशिवरहस्यम् । ईशाख्यः द्वादशमांशः । अध्यायः ९ गौर्युत्पत्तिः । ३५३९ ॥

|| iti śivarahasyāntargate himavāṅkṛtā mahādevīstutiḥ sampūrṇā |||| śrīśivarahasyam | īśākhyaḥ dvādaśamāṃśaḥ | adhyāyaḥ 9 gauryutpattiḥ | 3539 ||

– ॥ श्रीशिवरहस्यम् ।ईशाख्यः द्वादशमांशः ।अध्यायः ९ गौर्युत्पत्तिः ।३५-३९ ॥

– || śrīśivarahasyam |īśākhyaḥ dvādaśamāṃśaḥ |adhyāyaḥ 9 gauryutpattiḥ | 35-39 ||