दुर्गास्तोत्रम् १७ Devaih Kritam 07 Durga Stotram

देवा ऊचुः ।जय दुर्गे महेशानि जयात्मीयजनप्रिये ।त्रैलोक्यत्राणकारिण्यै शिवायै ते नमो नमः ॥ ३॥

devā ūcuḥ |jaya durge maheśāni jayātmīyajanapriye |trailokyatrāṇakāriṇyai śivāyai te namo namaḥ || 3||

नमो मुक्तिप्रदायिन्यै पराम्बायै नमो नमः ।नमः समस्तसंसारोत्पत्तिस्थित्यन्तकारिके ॥ ४॥

namo muktipradāyinyai parāmbāyai namo namaḥ |namaḥ samastasaṃsārotpattisthityantakārike || 4||

कालिकारूपसम्पन्ने नमस्काराकृते नमः ।छिन्नमस्तास्वरूपायै श्रीविद्यायै नमोऽस्तु ते ॥ ५॥

kālikārūpasampanne namaskārākṛte namaḥ |chinnamastāsvarūpāyai śrīvidyāyai namo'stu te || 5||

भुवनेशि नमस्तुभ्यं नमस्ते भैरवाकृते ।नमोऽस्तु बगलामुख्यै धूमावत्यै नमो नमः ॥ ६॥

bhuvaneśi namastubhyaṃ namaste bhairavākṛte |namo'stu bagalāmukhyai dhūmāvatyai namo namaḥ || 6||

नमस्त्रिपुरसुन्दर्य्यै मातङ्ग्यै ते नमोनमः ।अजितायै नमस्तुभ्यं विजयायै नमो नमः ॥ ७॥

namastripurasundaryyai mātaṅgyai te namonamaḥ |ajitāyai namastubhyaṃ vijayāyai namo namaḥ || 7||

जयायै मङ्गलायै ते विलासिन्यै नमो नमः ।दोग्ध्रीरूपे नमस्तुभ्यं नमो घोराकृतेऽस्तु ते ॥ ८॥

jayāyai maṅgalāyai te vilāsinyai namo namaḥ |dogdhrīrūpe namastubhyaṃ namo ghorākṛte'stu te || 8||

मनोऽपराजिताकारे नित्याकारे नमो नमः ।शरणागतपालिन्यै रुद्राण्यै ते नमो नमः ॥ ९॥

mano'parājitākāre nityākāre namo namaḥ |śaraṇāgatapālinyai rudrāṇyai te namo namaḥ || 9||

नमो वेदान्तवेद्यायै नमस्ते परमात्मने ।अनन्तकोटिब्रह्माण्डनायिकायै नमो नमः ॥ १०॥

namo vedāntavedyāyai namaste paramātmane |anantakoṭibrahmāṇḍanāyikāyai namo namaḥ || 10||

इति शिवपुराणे उमासंहितायां सप्तचत्वारिंशाध्यायान्तर्गतंदेवैः कृतं दुर्गास्तोत्रं साप्तम् ।शिवपुराण । उमासंहिता । अध्याय ४७/३१०॥शिवपुराण । उमासंहिता । अध्याय ४७/३-१०॥

iti śivapurāṇe umāsaṃhitāyāṃ saptacatvāriṃśādhyāyāntargataṃdevaiḥ kṛtaṃ durgāstotraṃ sāptam |śivapurāṇa | umāsaṃhitā | adhyāya 47/310||śivapurāṇa | umāsaṃhitā | adhyāya 47/3-10||