दक्षिणकालिकास्तवः Dakshinakalika Stava

(श्यामारहस्ये)महाकालभैरव उवाच ।स्तवराजं शृणु राम ! सर्वकालमनोहरम् ।यस्य स्मरणमात्रेण कालिका सम्प्रसीदति ॥ १॥

(śyāmārahasye)mahākālabhairava uvāca |stavarājaṃ śṛṇu rāma ! sarvakālamanoharam |yasya smaraṇamātreṇa kālikā samprasīdati || 1||

यज्ञक्तस्त्वं यदेवासि भृगुवंशसमुद्भव ! ।गोपनीयं प्रयत्न एन पठनीयं परात्परम् ॥ २॥

yajñaktastvaṃ yadevāsi bhṛguvaṃśasamudbhava ! |gopanīyaṃ prayatna ena paṭhanīyaṃ parātparam || 2||

कालीस्तोत्रं मम प्रेयः कस्मैचिन्न प्रकाशितम् ।कथ्यते त्वदनुरोधात् सर्वपापप्रणाशनम् ॥ ३॥

kālīstotraṃ mama preyaḥ kasmaicinna prakāśitam |kathyate tvadanurodhāt sarvapāpapraṇāśanam || 3||

शृणु राम ! शृणु राम ! शृणु राम ! सदैव हि ।गोपनीयं गोपनीयं गोपनीयं न संशयः ॥ ४॥

śṛṇu rāma ! śṛṇu rāma ! śṛṇu rāma ! sadaiva hi |gopanīyaṃ gopanīyaṃ gopanīyaṃ na saṃśayaḥ || 4||

अथ स्तोत्रम् ।गणरात्रे मुक्तकेशो नग्नः शक्तिसुसङ्गतः ।रक्तचन्दनसिन्दूरैस्तथा पञ्चोपचारकैः ॥ १॥

atha stotram |gaṇarātre muktakeśo nagnaḥ śaktisusaṅgataḥ |raktacandanasindūraistathā pañcopacārakaiḥ || 1||

मत्स्यमांससुराद्यैश्च ताम्बूलैश्च विशेषतः ।पूजयित्वा महाकालीं महाकालरतातुराम् ॥ २॥

matsyamāṃsasurādyaiśca tāmbūlaiśca viśeṣataḥ |pūjayitvā mahākālīṃ mahākālaratāturām || 2||

तीर्थपानं विधायादौ ताम्बूलं भक्षयेत्ततः ।भगलिङ्गामृतं मध्ये निवेदयेत् सुसाधकः ॥ ३॥

tīrthapānaṃ vidhāyādau tāmbūlaṃ bhakṣayettataḥ |bhagaliṅgāmṛtaṃ madhye nivedayet susādhakaḥ || 3||

जपित्वा च महामन्त्रं कालीरूपं मनोहरम् ।मनसा चिन्तयेत्कालीं पठन् स्तोत्रन्तु साधकः ॥ ४॥

japitvā ca mahāmantraṃ kālīrūpaṃ manoharam |manasā cintayetkālīṃ paṭhan stotrantu sādhakaḥ || 4||

रक्षोयक्षपिशाचेभ्यो नित्यं रक्षाकरं परम् ।प्रसन्ना कालिका तस्य पुत्रत्वेनानुकम्पते ॥ ५॥

rakṣoyakṣapiśācebhyo nityaṃ rakṣākaraṃ param |prasannā kālikā tasya putratvenānukampate || 5||

दक्षिणे कालिके ! मातर्मुण्डमालाविभूषिते ! ।भक्तत्राणव्यग्रचित्ते ! यमजाड्यं विनाशय ॥ ६॥

dakṣiṇe kālike ! mātarmuṇḍamālāvibhūṣite ! |bhaktatrāṇavyagracitte ! yamajāḍyaṃ vināśaya || 6||

ज्वलच्चिताग्निमध्यस्थे ! परिवारसमन्विते ।त्वत्पदाम्भोजमापन्नं रक्ष मां पुत्रवत् सदा ॥ ७॥

jvalaccitāgnimadhyasthe ! parivārasamanvite |tvatpadāmbhojamāpannaṃ rakṣa māṃ putravat sadā || 7||

महामेघच्छविन्यासे ! मुक्तकेशि ! चतुर्भुजे ! ।पाण्डित्यं कविताञ्चैव मह्यं देहि महेश्वरि ! ॥ ८॥

mahāmeghacchavinyāse ! muktakeśi ! caturbhuje ! |pāṇḍityaṃ kavitāñcaiva mahyaṃ dehi maheśvari ! || 8||

वामोर्द्ध्वे च महाखड्गं विधारयसि शङ्करि ! ।अधोलसच्छिन्नमुण्डे ! मम विघ्नं विनाशय ॥ ९॥

vāmorddhve ca mahākhaḍgaṃ vidhārayasi śaṅkari ! |adholasacchinnamuṇḍe ! mama vighnaṃ vināśaya || 9||

अभयं दक्षिणे चोर्द्ध्वे तथाधःपाणिना वरम् ।कण्ठसंसक्त मुण्डालि ! महाकालि ! नमोऽस्तु ते ॥ १०॥

abhayaṃ dakṣiṇe corddhve tathādhaḥpāṇinā varam |kaṇṭhasaṃsakta muṇḍāli ! mahākāli ! namo'stu te || 10||

फलंसततं त्वत्स्वरूपं ये स्मरन्ति साधकोत्तमाः ।तेषां समस्तशास्त्रेषु गतिरव्याहता सदा ॥ ११॥

phalaṃsatataṃ tvatsvarūpaṃ ye smaranti sādhakottamāḥ |teṣāṃ samastaśāstreṣu gatiravyāhatā sadā || 11||

चिन्तयामि च त्वन्नाम रक्ष मां सर्वतः सदा ।दिगम्बरीं करालास्यां घोरदंष्ट्रां भयानकाम् ॥ १२॥

cintayāmi ca tvannāma rakṣa māṃ sarvataḥ sadā |digambarīṃ karālāsyāṃ ghoradaṃṣṭrāṃ bhayānakām || 12||

कर्णमूले शवयुग्मां स्थूलतुङ्गपयोधराम् ।महारौद्रीं महाघोरां श्मशानालयवासिनीम् ॥ १३॥

karṇamūle śavayugmāṃ sthūlatuṅgapayodharām |mahāraudrīṃ mahāghorāṃ śmaśānālayavāsinīm || 13||

शवपाणिसमूहैश्च कृतकाञ्चीं हसन्मुखीम् ।ओष्ठप्रान्तगलद्रक्तधाराविस्फुरिताननाम् ॥ १४॥

śavapāṇisamūhaiśca kṛtakāñcīṃ hasanmukhīm |oṣṭhaprāntagaladraktadhārāvisphuritānanām || 14||

मुण्डालीसंस्रवद्रक्तैः सर्वाङ्गे चारुचर्चिताम् ।शिवाभिर्घोररावाभिश्चतुर्दिक्षु समन्विताम् ॥ १५॥

muṇḍālīsaṃsravadraktaiḥ sarvāṅge cārucarcitām |śivābhirghorarāvābhiścaturdikṣu samanvitām || 15||

पूजाकाले पठेद्यस्तु सद्भावपुलको बुधः ।स भवेत्कालिकापुत्र इति ख्यातिमुपागतः ॥ १६॥

pūjākāle paṭhedyastu sadbhāvapulako budhaḥ |sa bhavetkālikāputra iti khyātimupāgataḥ || 16||

रजस्वलाभगं पश्यन् जप्त्वा कालीमहामनुम् ।स्तवेनानेन संस्तुत्य साधकः किं न साधयेत् ॥ १४॥

rajasvalābhagaṃ paśyan japtvā kālīmahāmanum |stavenānena saṃstutya sādhakaḥ kiṃ na sādhayet || 14||

अष्टोत्तरशतञ्जप्त्वा योनिमामन्त्र्य मन्त्रवित् ॥ १५॥

aṣṭottaraśatañjaptvā yonimāmantrya mantravit || 15||

सङ्गम्य पठनादस्य सर्वविद्यश्वरो भवेत् ।मातेव दक्षिणा तस्य सर्वत्र हितकारिणी ।तस्य देहे सदा काली वसेद्राम ! न संशयः ॥ १६॥

saṅgamya paṭhanādasya sarvavidyaśvaro bhavet |māteva dakṣiṇā tasya sarvatra hitakāriṇī |tasya dehe sadā kālī vasedrāma ! na saṃśayaḥ || 16||

पूजाजपविहीनाय स्त्रीसुरानिन्दकाय च ।षण्मार्गस्य रोधकाय गुर्वभक्ताय सर्वदा ॥ १७॥

pūjājapavihīnāya strīsurānindakāya ca |ṣaṇmārgasya rodhakāya gurvabhaktāya sarvadā || 17||

शृणु वत्स ! प्रयत्नेन स्तवमेनं न दर्शयेत् ।प्रमादाद्दर्शनाद्वापि तस्य सिद्धिर्भवेन्न हि ॥ १८॥

śṛṇu vatsa ! prayatnena stavamenaṃ na darśayet |pramādāddarśanādvāpi tasya siddhirbhavenna hi || 18||

इति श्यामारहस्यवर्णितं कालिकापरमरहस्ये कालीहृदयेमहाकालभैरवपरशुरामसंवादे श्रीदक्षिणकालिकास्तवः सम्पूर्णः ।॥ श्यामारहस्यम् । चतुर्थः परिच्छेदः ॥– ॥ श्यामारहस्यम् । चतुर्थः परिच्छेदः ॥

iti śyāmārahasyavarṇitaṃ kālikāparamarahasye kālīhṛdayemahākālabhairavaparaśurāmasaṃvāde śrīdakṣiṇakālikāstavaḥ sampūrṇaḥ ||| śyāmārahasyam | caturthaḥ paricchedaḥ ||– || śyāmārahasyam | caturthaḥ paricchedaḥ ||