दक्षिणकालिकाकवचम् ३ Dakshinakalika Kavacham 3

(श्यामारहस्ये)भैरव उवाच ।कालिका या महाविद्या कथिता भुवि दुर्लभा ।तथापि हृदये शल्यमस्ति देवि ! कृपां कुरु ॥ १॥

(śyāmārahasye)bhairava uvāca |kālikā yā mahāvidyā kathitā bhuvi durlabhā |tathāpi hṛdaye śalyamasti devi ! kṛpāṃ kuru || 1||

कवचन्तु महादेवि ! कथयस्वानुकम्पया ।यदि नो कथ्यते मातर्विमुञ्चामि तदा तनुम् ॥ २॥

kavacantu mahādevi ! kathayasvānukampayā |yadi no kathyate mātarvimuñcāmi tadā tanum || 2||

देव्युवाच ।शङ्कापि जायते वत्स ! तव स्नेहात् प्रकाश्यते ।न वक्तव्यं न दातव्यमतिगुह्यतरं महत् ॥ १॥

devyuvāca |śaṅkāpi jāyate vatsa ! tava snehāt prakāśyate |na vaktavyaṃ na dātavyamatiguhyataraṃ mahat || 1||

(ॐ) कालिका जगतां माता शोकदुःखविनाशिनी ।विशेषतः कलियुगे महापातकहारिणी ॥ २॥

(oṃ) kālikā jagatāṃ mātā śokaduḥkhavināśinī |viśeṣataḥ kaliyuge mahāpātakahāriṇī || 2||

कालौ मे पुरतः पातु पृष्ठतश्च कपालिनी ।कुल्ला मे दक्षिणे पातु कुरुकुल्ला तथोत्तरे ॥ ३॥

kālau me purataḥ pātu pṛṣṭhataśca kapālinī |kullā me dakṣiṇe pātu kurukullā tathottare || 3||

विरोधिनी शिरः पातु विप्रचित्ता च चक्षुषी ।उग्रा मे नामिकां पातु कर्णौ चोग्रप्रभा तथा ॥ ४॥

virodhinī śiraḥ pātu vipracittā ca cakṣuṣī |ugrā me nāmikāṃ pātu karṇau cograprabhā tathā || 4||

वदनं पातु मे दीप्ता नीला च चिबुकं तथा ।घना ग्रीवां सदा पातु वलाका बाहुयुग्मकम् ॥ ५॥

vadanaṃ pātu me dīptā nīlā ca cibukaṃ tathā |ghanā grīvāṃ sadā pātu valākā bāhuyugmakam || 5||

मात्रा पातु करद्दन्द्वं वक्ष्यो मुद्रा सदावतु ।मिता पातु स्तनद्वन्द्वं योनिमण्डलदेवताः ॥ ६॥

mātrā pātu karaddandvaṃ vakṣyo mudrā sadāvatu |mitā pātu stanadvandvaṃ yonimaṇḍaladevatāḥ || 6||

ब्राह्मी मे जठरं पातु नाभिं नारायणी तथा ।ऊरू माहेश्वरी पातु चामुण्डा पातु लिङ्गकम् ॥ ७॥

brāhmī me jaṭharaṃ pātu nābhiṃ nārāyaṇī tathā |ūrū māheśvarī pātu cāmuṇḍā pātu liṅgakam || 7||

कौमारी च कटिं पातु जङ्घायुग्मं तथैव च ।अपराजिता च पादौ मे वाराही पातु चाङ्गुली ॥ ८॥

kaumārī ca kaṭiṃ pātu jaṅghāyugmaṃ tathaiva ca |aparājitā ca pādau me vārāhī pātu cāṅgulī || 8||

सन्धिस्थानं नारसिंही पत्रस्था देवताऽवतु ।रक्षाहीनञ्च यत्स्थानं वर्जितं कवचेन तु ॥ ९॥

sandhisthānaṃ nārasiṃhī patrasthā devatā'vatu |rakṣāhīnañca yatsthānaṃ varjitaṃ kavacena tu || 9||

तत्सर्वं रक्ष में देवि ! कालिके घोरदक्षिणे ! ।ऊर्द्ध्वमधस्तथा दिक्षु पातु देवी स्वयं वपुः ॥ १०॥

tatsarvaṃ rakṣa meṃ devi ! kālike ghoradakṣiṇe ! |ūrddhvamadhastathā dikṣu pātu devī svayaṃ vapuḥ || 10||

हिंस्रेभ्यः सर्वदा पातु साधकञ्च जलाधिकात् ।दक्षिणा कालिका देवी व्यापकं मे सदावतु ॥ ११॥

hiṃsrebhyaḥ sarvadā pātu sādhakañca jalādhikāt |dakṣiṇā kālikā devī vyāpakaṃ me sadāvatu || 11||

इदं कवचमज्ञात्वा यो भजेद्घोरदक्षिणाम् ।न पूजाफलमाप्नोति विघ्नस्तस्य पदे पदे ॥ १२॥

idaṃ kavacamajñātvā yo bhajedghoradakṣiṇām |na pūjāphalamāpnoti vighnastasya pade pade || 12||

कवचेनावृतो नित्यं यत्र तत्रैव गच्छति ।तत्र तत्राभयं तस्य न क्षोभं विद्यते क्वचित् ॥ १३॥

kavacenāvṛto nityaṃ yatra tatraiva gacchati |tatra tatrābhayaṃ tasya na kṣobhaṃ vidyate kvacit || 13||

इति श्यामारहस्ये देवीभैरवसंवादे तन्त्रान्तरोक्तं दक्षिणकालिकाकवचं सम्पूर्णम् ।॥ श्यामारहस्यम् । चतुर्थः परिच्छेदः ॥– ॥ श्यामारहस्यम् । चतुर्थः परिच्छेदः ॥

iti śyāmārahasye devībhairavasaṃvāde tantrāntaroktaṃ dakṣiṇakālikākavacaṃ sampūrṇam ||| śyāmārahasyam | caturthaḥ paricchedaḥ ||– || śyāmārahasyam | caturthaḥ paricchedaḥ ||