दत्तस्तवराजः Shri Datta Shtavarajah

श्रीगणेशाय नमः ।श्रीशुक उवाचमहादेव महादेव देवदेव महेश्वर ।दत्तात्रेयस्तवं दिव्यं श्रोतुमिच्छाम्यहं प्रभो ॥ १॥

śrīgaṇeśāya namaḥ |śrīśuka uvācamahādeva mahādeva devadeva maheśvara |dattātreyastavaṃ divyaṃ śrotumicchāmyahaṃ prabho || 1||

तदस्य वद माहात्म्यं देवदेव दयानिधे ।दत्तात्परतरं नास्ति पुरा व्यासेन कीर्तितम् ॥ २॥

tadasya vada māhātmyaṃ devadeva dayānidhe |dattātparataraṃ nāsti purā vyāsena kīrtitam || 2||

जगद्गुरुर्जगन्नाथो गीयते नारदादिभिः ।तत्सर्वं ब्रूहि मे देव करुणाकर शङ्कर ॥ ३॥

jagadgururjagannātho gīyate nāradādibhiḥ |tatsarvaṃ brūhi me deva karuṇākara śaṅkara || 3||

महादेव उवाचशृणु व्यासात्मजात त्वं गुह्याद्गुह्यतरं महत् ।यस्य स्मरणमात्रेण मुच्यते सर्वबन्धनात् ॥ ४॥

mahādeva uvācaśṛṇu vyāsātmajāta tvaṃ guhyādguhyataraṃ mahat |yasya smaraṇamātreṇa mucyate sarvabandhanāt || 4||

दत्तं सनातनं बह्म निर्विकारं निरञ्जनम् ।आदिदेवं निराकारं व्यक्तं गुणविवर्जितम् ॥ ५॥

dattaṃ sanātanaṃ bahma nirvikāraṃ nirañjanam |ādidevaṃ nirākāraṃ vyaktaṃ guṇavivarjitam || 5||

नामरूपक्रियातीतं निःसङ्गं देववन्दितम् ।नारायणं शिवं शुद्धं दृश्यदर्शनवर्जितम् ॥ ६॥

nāmarūpakriyātītaṃ niḥsaṅgaṃ devavanditam |nārāyaṇaṃ śivaṃ śuddhaṃ dṛśyadarśanavarjitam || 6||

परेशं पार्वतीकान्तं रमाधीशं दिगम्बरम् ।निर्मलो नित्यतृप्तात्मा नित्यानन्दो महेश्वरः ॥ ७॥

pareśaṃ pārvatīkāntaṃ ramādhīśaṃ digambaram |nirmalo nityatṛptātmā nityānando maheśvaraḥ || 7||

ब्रह्मा विष्णुः शिवः साक्षाद् गोविन्दो गतिदायकः ।पीताम्बरधरो देवः माधवः सुरसेवितः ॥ ८॥

brahmā viṣṇuḥ śivaḥ sākṣād govindo gatidāyakaḥ |pītāmbaradharo devaḥ mādhavaḥ surasevitaḥ || 8||

मृत्युञ्जयो महारुद्रः कार्तवीर्यवरप्रदः ।ओमित्येकाक्षरं बीजं क्षराक्षरपदं हरिः ॥ ९॥

mṛtyuñjayo mahārudraḥ kārtavīryavarapradaḥ |omityekākṣaraṃ bījaṃ kṣarākṣarapadaṃ hariḥ || 9||

गया काशी कुरुक्षेत्रं प्रयागं बदरिकाश्रमः ।एतत्सर्वं कृतं तेन दत्त इत्यक्षरद्वयम् ॥ १०॥

gayā kāśī kurukṣetraṃ prayāgaṃ badarikāśramaḥ |etatsarvaṃ kṛtaṃ tena datta ityakṣaradvayam || 10||

गोमती जाह्नवी भीमा गण्डकी च सरस्वती ।एतत्सर्वं कृतं तेन दत्त इत्यक्षरद्वयम् ॥ ११॥

gomatī jāhnavī bhīmā gaṇḍakī ca sarasvatī |etatsarvaṃ kṛtaṃ tena datta ityakṣaradvayam || 11||

सरयूस्तुङ्गभद्रा च यमुना पयवाहिनी ।एतत्सर्वं कृतं तेन दत्त इत्यक्षरद्वयम् ॥ १२॥

sarayūstuṅgabhadrā ca yamunā payavāhinī |etatsarvaṃ kṛtaṃ tena datta ityakṣaradvayam || 12||

ताम्रपर्णी प्रणीता च गौतमी तापनाशिनी ।एतत्सर्वं कृतं तेन दत्त इत्यक्षरद्वयम् ॥ १३॥

tāmraparṇī praṇītā ca gautamī tāpanāśinī |etatsarvaṃ kṛtaṃ tena datta ityakṣaradvayam || 13||

नर्मदा सिन्धु कावेरी कृष्णवेणी तथैव च ।एतत्सर्वं कृतं तेन दत्त इत्यक्षरद्वयम् ॥ १४॥

narmadā sindhu kāverī kṛṣṇaveṇī tathaiva ca |etatsarvaṃ kṛtaṃ tena datta ityakṣaradvayam || 14||

अवन्ती द्वारका माया मल्लिनाथस्य दर्शनम् ।एतत्सर्वं कृतं तेन दत्त इत्यक्षरद्वयम् ॥ १५॥

avantī dvārakā māyā mallināthasya darśanam |etatsarvaṃ kṛtaṃ tena datta ityakṣaradvayam || 15||

द्वादश ज्योतिर्लिङ्गं च वाराहे पुष्करे तथा ।एतत्सर्वं कृतं तेन दत्त इत्यक्षरद्वयम् ॥ १६॥

dvādaśa jyotirliṅgaṃ ca vārāhe puṣkare tathā |etatsarvaṃ kṛtaṃ tena datta ityakṣaradvayam || 16||

ज्वालामुखी हिङ्गुला च सप्तशृङ्गस्तथैव च ।एतत्सर्वं कृतं तेन दत्त इत्यक्षरद्वयम् ॥ १७॥

jvālāmukhī hiṅgulā ca saptaśṛṅgastathaiva ca |etatsarvaṃ kṛtaṃ tena datta ityakṣaradvayam || 17||

अयोध्या मथुरा काञ्ची रेणुका सेतुबन्धनम् ।एतत्सर्वं कृतं तेन दत्त इत्यक्षरद्वयम् ॥ १८॥

ayodhyā mathurā kāñcī reṇukā setubandhanam |etatsarvaṃ kṛtaṃ tena datta ityakṣaradvayam || 18||

अहोबिलं त्रिपथगां गङ्गा सागरमेव च ।एतत्सर्वं कृतं तेन दत्त इत्यक्षरद्वयम् ॥ १९॥

ahobilaṃ tripathagāṃ gaṅgā sāgarameva ca |etatsarvaṃ kṛtaṃ tena datta ityakṣaradvayam || 19||

करवीरमहास्थानं रङ्गनाथं तथैव च ।एतत्सर्वं कृतं तेन दत्त इत्यक्षरद्वयम् ॥ २०॥

karavīramahāsthānaṃ raṅganāthaṃ tathaiva ca |etatsarvaṃ kṛtaṃ tena datta ityakṣaradvayam || 20||

एकादशीव्रतं चैव अष्टाङ्गैर्योगसाधनम् ।एतत्सर्वं कृतं तेन दत्त इत्यक्षरद्वयम् ॥ २१॥

ekādaśīvrataṃ caiva aṣṭāṅgairyogasādhanam |etatsarvaṃ kṛtaṃ tena datta ityakṣaradvayam || 21||

शाकम्भरी च मूकाम्बा कार्तिकस्वामिदर्शनम् ।एतत्सर्वं कृतं तेन दत्त इत्यक्षरद्वयम् ॥ २२॥

śākambharī ca mūkāmbā kārtikasvāmidarśanam |etatsarvaṃ kṛtaṃ tena datta ityakṣaradvayam || 22||

व्रतं निष्ठा तपो दानं सामगानं तथैव च ।एतत्सर्वं कृतं तेन दत्त इत्यक्षरद्वयम् ॥ २३॥

vrataṃ niṣṭhā tapo dānaṃ sāmagānaṃ tathaiva ca |etatsarvaṃ kṛtaṃ tena datta ityakṣaradvayam || 23||

मुक्तिक्षेत्रं च कामाक्षी तुलजा सिद्धिदेवता ।एतत्सर्वं कृतं तेन दत्त इत्यक्षरद्वयम् ॥ २४॥

muktikṣetraṃ ca kāmākṣī tulajā siddhidevatā |etatsarvaṃ kṛtaṃ tena datta ityakṣaradvayam || 24||

अन्नहोमादिकं दानं मेदिन्यश्वगजान् वृषान् ।एतत्सर्वं कृतं तेन दत्त इत्यक्षरद्वयम् ॥ २५॥

annahomādikaṃ dānaṃ medinyaśvagajān vṛṣān |etatsarvaṃ kṛtaṃ tena datta ityakṣaradvayam || 25||

माघकार्तिकयोः स्नानं सन्यासं ब्रह्मचर्यकम् ।एतत्सर्वं कृतं तेन दत्त इत्यक्षरद्वयम् ॥ २६॥

māghakārtikayoḥ snānaṃ sanyāsaṃ brahmacaryakam |etatsarvaṃ kṛtaṃ tena datta ityakṣaradvayam || 26||

अश्वमेधसहस्राणि मातापितृप्रपोषणम् ।एतत्सर्वं कृतं तेन दत्त इत्यक्षरद्वयम् ॥ २७॥

aśvamedhasahasrāṇi mātāpitṛprapoṣaṇam |etatsarvaṃ kṛtaṃ tena datta ityakṣaradvayam || 27||

अमितं पोषणं पुण्यं उपकारस्तथैव च ।एतत्सर्वं कृतं तेन दत्त इत्यक्षरद्वयम् ॥ २८॥

amitaṃ poṣaṇaṃ puṇyaṃ upakārastathaiva ca |etatsarvaṃ kṛtaṃ tena datta ityakṣaradvayam || 28||

जगन्नाथं च गोकर्णं पाण्डुरङ्गं तथैव च ।एतत्सर्वं कृतं तेन दत्त इत्यक्षरद्वयम् ॥ २९॥

jagannāthaṃ ca gokarṇaṃ pāṇḍuraṅgaṃ tathaiva ca |etatsarvaṃ kṛtaṃ tena datta ityakṣaradvayam || 29||

सर्वदेवनमस्कारः सर्वे यज्ञाः प्रकीर्तिताः ।एतत्सर्वं कृतं तेन दत्त इत्यक्षरद्वयम् ॥ ३०॥

sarvadevanamaskāraḥ sarve yajñāḥ prakīrtitāḥ |etatsarvaṃ kṛtaṃ tena datta ityakṣaradvayam || 30||

शास्त्रषट्कं पुराणानि अष्टौ व्याकरणानि च ।एतत्सर्वं कृतं तेन दत्त इत्यक्षरद्वयम् ॥ ३१॥

śāstraṣaṭkaṃ purāṇāni aṣṭau vyākaraṇāni ca |etatsarvaṃ kṛtaṃ tena datta ityakṣaradvayam || 31||

सावित्री प्रणवं जप्त्वा चतुर्वेदांश्च पारगः ।एतत्सर्वं कृतं तेन दत्त इत्यक्षरद्वयम् ॥ ३२॥

sāvitrī praṇavaṃ japtvā caturvedāṃśca pāragaḥ |etatsarvaṃ kṛtaṃ tena datta ityakṣaradvayam || 32||

कन्यादानानि पुण्यानि वानप्रस्थस्य पोषणम् ।एतत्सर्वं कृतं तेन दत्त इत्यक्षरद्वयम् ॥ ३३॥

kanyādānāni puṇyāni vānaprasthasya poṣaṇam |etatsarvaṃ kṛtaṃ tena datta ityakṣaradvayam || 33||

वापी कूपतटाकानि काननारोपणानि चएतत्सर्वं कृतं तेन दत्त इत्यक्षरद्वयम् ॥ ३४॥

vāpī kūpataṭākāni kānanāropaṇāni caetatsarvaṃ kṛtaṃ tena datta ityakṣaradvayam || 34||

अश्वत्थतुलसी धात्री सेवेत यो नरस्सदा ।एतत्सर्वं कृतं तेन दत्त इत्यक्षरद्वयम् ॥ ३५॥

aśvatthatulasī dhātrī seveta yo narassadā |etatsarvaṃ kṛtaṃ tena datta ityakṣaradvayam || 35||

शिवं विष्णुं गणेशं च शक्तिं सूर्यं च पूजनम् ।एतत्सर्वं कृतं तेन दत्त इत्यक्षरद्वयम् ॥ ३६॥

śivaṃ viṣṇuṃ gaṇeśaṃ ca śaktiṃ sūryaṃ ca pūjanam |etatsarvaṃ kṛtaṃ tena datta ityakṣaradvayam || 36||

गोहत्यादिसहस्राणि ब्रह्महत्यास्तथैव च ।प्रायश्चित्तं कृतं तेन दत्त इत्यक्षरद्वयम् ॥ ३७॥

gohatyādisahasrāṇi brahmahatyāstathaiva ca |prāyaścittaṃ kṛtaṃ tena datta ityakṣaradvayam || 37||

मुच्यते सर्वपापेभ्यो दत्त इत्यक्षरद्वयम् ॥ ३८॥

mucyate sarvapāpebhyo datta ityakṣaradvayam || 38||

स्वर्णस्तेयं सुरापानं मातागमनकिल्बिषम् ।प्रायश्चित्तं कृतं तेन दत्त इत्यक्षरद्वयम् ॥ ३९॥

svarṇasteyaṃ surāpānaṃ mātāgamanakilbiṣam |prāyaścittaṃ kṛtaṃ tena datta ityakṣaradvayam || 39||

स्त्रीहत्यादिकं पापं बालहत्यास्तथैव च ॥ ४०॥

strīhatyādikaṃ pāpaṃ bālahatyāstathaiva ca || 40||

प्रायश्चित्तं कृतं तेन सर्वपापप्राणाशनम् ।ब्रह्मत्वं लभ्यते ज्ञानं दत्त इत्यक्षरद्वयम् ॥ ४१॥

prāyaścittaṃ kṛtaṃ tena sarvapāpaprāṇāśanam |brahmatvaṃ labhyate jñānaṃ datta ityakṣaradvayam || 41||

कलिदोष विनाशार्थं जपेदेकाग्रमानसः ।श्री गुरुं परमानन्दं दत्त इत्यक्षरद्वयम् ॥ ४२॥

kalidoṣa vināśārthaṃ japedekāgramānasaḥ |śrī guruṃ paramānandaṃ datta ityakṣaradvayam || 42||

दत्त दत्त त्विदं वाक्यं तारकं सर्वदेहिनाम् ।श्रद्धायुक्तो जपेन्नित्यं दत्त इत्यक्षरद्वयम् ॥ ४३॥

datta datta tvidaṃ vākyaṃ tārakaṃ sarvadehinām |śraddhāyukto japennityaṃ datta ityakṣaradvayam || 43||

केशवं माधवं विष्णुं गोविन्दं गोपतिं हरिम् ।गुरूणां पठ्यते नित्यं तत्सर्वं च शुभावहम् ॥ ४४॥

keśavaṃ mādhavaṃ viṣṇuṃ govindaṃ gopatiṃ harim |gurūṇāṃ paṭhyate nityaṃ tatsarvaṃ ca śubhāvaham || 44||

निरञ्जनं निराकारं देवदेवं जनार्दनम् ।मायामुक्तं जपेन्नित्यं पावनं सर्वदेहिनाम् ॥ ४५॥

nirañjanaṃ nirākāraṃ devadevaṃ janārdanam |māyāmuktaṃ japennityaṃ pāvanaṃ sarvadehinām || 45||

आदिनाथं सुरश्रेष्ठं कृष्णं श्यामं जगद्गुरुम् ।सिद्धराजं गुणातीतं रामं राजीवलोचनम् ॥ ४६॥

ādināthaṃ suraśreṣṭhaṃ kṛṣṇaṃ śyāmaṃ jagadgurum |siddharājaṃ guṇātītaṃ rāmaṃ rājīvalocanam || 46||

नारायणं परं ब्रह्म लक्ष्मीकान्तं परात्परम् ।अप्रमेयं सुरानन्दं नमो दत्तदिगम्बरम् ॥ ४७॥

nārāyaṇaṃ paraṃ brahma lakṣmīkāntaṃ parātparam |aprameyaṃ surānandaṃ namo dattadigambaram || 47||

योगिराजोऽत्रिवरदः सुराध्यक्षो गुणान्तकः ।अनसूयात्मजो देवो देवो गतिप्रदायकः ॥ ४८॥

yogirājo'trivaradaḥ surādhyakṣo guṇāntakaḥ |anasūyātmajo devo devo gatipradāyakaḥ || 48||

गोपनीयं प्रयत्नेन यदि देवमुनीश्वरैः ।समस्तऋषिभिः सर्वैः भक्त्या स्तुत्वा महात्मभिः ॥ ४९॥

gopanīyaṃ prayatnena yadi devamunīśvaraiḥ |samastaṛṣibhiḥ sarvaiḥ bhaktyā stutvā mahātmabhiḥ || 49||

नारदेन सुरेन्द्रेण सनकाद्यैर्महात्मभिः ।गौतमेन च गार्गेण व्यासेन कपिलेन च ॥ ५०॥

nāradena surendreṇa sanakādyairmahātmabhiḥ |gautamena ca gārgeṇa vyāsena kapilena ca || 50||

वामदेवेन दक्षेण अत्रिभार्गवमुद्गलैः ।वसिष्ठप्रमुखैः सर्वैः गीयते सर्वदादरात् ॥ ५१॥

vāmadevena dakṣeṇa atribhārgavamudgalaiḥ |vasiṣṭhapramukhaiḥ sarvaiḥ gīyate sarvadādarāt || 51||

विनायकेन रुद्रेण महासेनेन वै सदा ।मार्कण्डेयेन धौम्येन कीर्तितं स्तवमुत्तमम् ॥ ५२॥

vināyakena rudreṇa mahāsenena vai sadā |mārkaṇḍeyena dhaumyena kīrtitaṃ stavamuttamam || 52||

मरीच्यादिमुनीन्द्रैश्च शुककर्दमसत्तमैः ।अङ्गिराकृतपौलस्त्यभृगुकश्यपजैमिनी ॥ ५३॥

marīcyādimunīndraiśca śukakardamasattamaiḥ |aṅgirākṛtapaulastyabhṛgukaśyapajaiminī || 53||

गुरुस्तवमधीयानो विजयी सर्वदा भवेत् ।गुरोः सायुज्यमाप्नोति गुरोर्नाम पठेद्बुधः ॥ ५४॥

gurustavamadhīyāno vijayī sarvadā bhavet |guroḥ sāyujyamāpnoti gurornāma paṭhedbudhaḥ || 54||

गुरोः परतरं नास्ति सत्यं सत्यं न संशयः ।गुरोः पादोदकं पीत्वा गुरुनाम सदा जपेत् ॥ ५५॥

guroḥ parataraṃ nāsti satyaṃ satyaṃ na saṃśayaḥ |guroḥ pādodakaṃ pītvā gurunāma sadā japet || 55||

तेऽपि संन्यासैनो ज्ञेयाः इतरे वेषधारिणः ।गङ्गाद्याः सरितः सर्वे गुरोः पादाम्बुजे सदा ॥ ५६॥

te'pi saṃnyāsaino jñeyāḥ itare veṣadhāriṇaḥ |gaṅgādyāḥ saritaḥ sarve guroḥ pādāmbuje sadā || 56||

गुरुस्तवं न जानाति गुरुनाममुखेन हि ।पशुतुल्यं विजानीयात्सत्यं सत्यं महामुने ॥ ५७॥

gurustavaṃ na jānāti gurunāmamukhena hi |paśutulyaṃ vijānīyātsatyaṃ satyaṃ mahāmune || 57||

इति स्तोत्रं महादिव्यं स्तवराजं मनोहरम् ।पठनाच्छ्रवणाद्वापि सर्वान्कामानवाप्नुयात् ॥ ५८॥

iti stotraṃ mahādivyaṃ stavarājaṃ manoharam |paṭhanācchravaṇādvāpi sarvānkāmānavāpnuyāt || 58||

इति श्रीमन्महादेवशुकसंवादे दत्तस्तवराजः सम्पूर्णः ।

iti śrīmanmahādevaśukasaṃvāde dattastavarājaḥ sampūrṇaḥ |