नृसिंहारात्रिकम् Nrisimha Aratrikam

वन्दे वन्दितपादं भजतां सुखकन्दंयत्पदनखकररञ्जितमुकुटं सुरवृन्दम् ।यच्चरणार्पिततुलसी श्रीमन्मकरन्दंवेदं गायति भजते षट्पदमुनिवृन्दम् ॥जयदेव जयदेव नृहरे गुणनिलया ।पालय मामतिदयया नृहरे श्रमनिलया ॥ जयदेव ॥ १॥

vande vanditapādaṃ bhajatāṃ sukhakandaṃyatpadanakhakararañjitamukuṭaṃ suravṛndam |yaccaraṇārpitatulasī śrīmanmakarandaṃvedaṃ gāyati bhajate ṣaṭpadamunivṛndam ||jayadeva jayadeva nṛhare guṇanilayā |pālaya māmatidayayā nṛhare śramanilayā || jayadeva || 1||

वासितकृष्णासुतटं सिद्धेश्वरनिकटंवारिततृष्णा कपटं भक्तार्पितसुपटम् ।श्रीधृतसत्कटिसुतटं विदितासुरकपटंशोभितमस्तकसुसटं यन्मुखमति विकटम् ॥ जयदेव ॥ २॥

vāsitakṛṣṇāsutaṭaṃ siddheśvaranikaṭaṃvāritatṛṣṇā kapaṭaṃ bhaktārpitasupaṭam |śrīdhṛtasatkaṭisutaṭaṃ viditāsurakapaṭaṃśobhitamastakasusaṭaṃ yanmukhamati vikaṭam || jayadeva || 2||

केसरमण्डिततुण्डं बहुपूरितगण्डंचक्राद्यङ्कितदण्डं दुष्टार्पितदण्डम् ।उदरार्पितगजदण्डमसुराधिपचण्डंप्रह्लादार्पितपिण्डं कमलाधिकमुण्डम् ॥ जयदेव ॥ ३॥

kesaramaṇḍitatuṇḍaṃ bahupūritagaṇḍaṃcakrādyaṅkitadaṇḍaṃ duṣṭārpitadaṇḍam |udarārpitagajadaṇḍamasurādhipacaṇḍaṃprahlādārpitapiṇḍaṃ kamalādhikamuṇḍam || jayadeva || 3||

संसाराम्बुधिघूर्णोद्धारं मां तूर्णंसुतदारैरतिजीर्णं कल्मषगिरिचूर्णम् ।अश्वत्थात्मकपूर्णं शोभितबहुपर्णंरूपं भजतां नः स्याद्यामवातकिरणम् ॥ जयदेव ॥ ४॥

saṃsārāmbudhighūrṇoddhāraṃ māṃ tūrṇaṃsutadārairatijīrṇaṃ kalmaṣagiricūrṇam |aśvatthātmakapūrṇaṃ śobhitabahuparṇaṃrūpaṃ bhajatāṃ naḥ syādyāmavātakiraṇam || jayadeva || 4||

कमलोद्भवकमलाकरवन्दितपदकमलंकरकमलोद्धृतकमलं नाशितकलिजमलम् ।हृतविधिमुखहृत्कमलममलीकृतविमलंमाधवमधुकरकमलं वारित निजशमलम् ॥ जयदेव ॥ ५॥

kamalodbhavakamalākaravanditapadakamalaṃkarakamaloddhṛtakamalaṃ nāśitakalijamalam |hṛtavidhimukhahṛtkamalamamalīkṛtavimalaṃmādhavamadhukarakamalaṃ vārita nijaśamalam || jayadeva || 5||