परशुरामस्तुतिः अगस्त्यकृता Agastyakrita Parashuramastutih

अगस्त्य उवाच ।जामदग्न्यं तनालोक्य रामं सर्वाङ्गसुन्दरम् ।मुदा परमयोपेतः शिरसा समवन्दिषम् ॥ १॥

agastya uvāca |jāmadagnyaṃ tanālokya rāmaṃ sarvāṅgasundaram |mudā paramayopetaḥ śirasā samavandiṣam || 1||

कृत्तो वनस्पतिरिव पातितो धरणीतले ।विग्रहो मे मुनिश्रेष्ठाः रामस्य पवपद्मयोः ॥ २॥

kṛtto vanaspatiriva pātito dharaṇītale |vigraho me muniśreṣṭhāḥ rāmasya pavapadmayoḥ || 2||

अनुज्ञातः समुत्याय तोषयामास तं प्रभुम् ।उच्चैः स्वरं समासाद्य पुण्डरीकाक्षविद्यया ॥ ३॥

anujñātaḥ samutyāya toṣayāmāsa taṃ prabhum |uccaiḥ svaraṃ samāsādya puṇḍarīkākṣavidyayā || 3||

जितन्ते पुण्डरीकाक्ष नमस्ते विश्वभावन ।नमस्तेऽस्तु हृषीकेश महापुरुषपूर्वज ॥ ४॥

jitante puṇḍarīkākṣa namaste viśvabhāvana |namaste'stu hṛṣīkeśa mahāpuruṣapūrvaja || 4||

नमस्ते वासुदेवाय शान्तानन्दचिदात्मने ।अजिताय नमस्तुभ्यं षाड्गुण्यनिधमे नमः ॥ ५॥

namaste vāsudevāya śāntānandacidātmane |ajitāya namastubhyaṃ ṣāḍguṇyanidhame namaḥ || 5||

महाविभूतिसंस्थाय नमस्ते पुरुषोत्तम ।सहस्रशिरसे तुभ्यं सहस्रचरणाय ते ॥ ६॥

mahāvibhūtisaṃsthāya namaste puruṣottama |sahasraśirase tubhyaṃ sahasracaraṇāya te || 6||

सहस्रबाहवे तुभ्यं सहस्रनयनाय ते ।अमूर्ताय नमस्तुभ्यमेकमूर्ताय ते नमः ॥ ७॥

sahasrabāhave tubhyaṃ sahasranayanāya te |amūrtāya namastubhyamekamūrtāya te namaḥ || 7||

अनेकमूर्तये तुभ्यमक्षराय च ते नमः ।व्यापिने वेदवेद्याय नमस्ते परमात्मने ॥ ८॥

anekamūrtaye tubhyamakṣarāya ca te namaḥ |vyāpine vedavedyāya namaste paramātmane || 8||

चिन्मात्ररूपिणे तुभ्यं नमस्त्रैयन्तमूर्तये ।अणिष्ठाय स्थविष्ठाय महिष्ठाय च ते नमः ॥ ९॥

cinmātrarūpiṇe tubhyaṃ namastraiyantamūrtaye |aṇiṣṭhāya sthaviṣṭhāya mahiṣṭhāya ca te namaḥ || 9||

नेदिष्ठाय दविष्ठाय क्षेपिष्ठाय च ते नमः ।वरिष्ठाय वसिष्ठाय कनिष्ठाय च ते नमः ॥ १०॥

nediṣṭhāya daviṣṭhāya kṣepiṣṭhāya ca te namaḥ |variṣṭhāya vasiṣṭhāya kaniṣṭhāya ca te namaḥ || 10||

पञ्चात्मने नमस्तुभयं सर्वान्तर्यामिणे नमः ।कल्पनाक्रोसडरूपाय सृष्टिस्थित्यन्तहेतवे ॥ ११॥

pañcātmane namastubhayaṃ sarvāntaryāmiṇe namaḥ |kalpanākrosaḍarūpāya sṛṣṭisthityantahetave || 11||

नमस्ते गुणरूपाय गुणरूपानुवतिनेव्यस्ताय च समस्ताय समस्तव्यस्तरूपिणे ॥ १२॥

namaste guṇarūpāya guṇarūpānuvatinevyastāya ca samastāya samastavyastarūpiṇe || 12||

आदिमध्यान्तशून्याय यद्वते च नमो नमः ।प्रणवप्रतिपाद्याय नमः प्रणवरूपिणे ॥ १३॥

ādimadhyāntaśūnyāya yadvate ca namo namaḥ |praṇavapratipādyāya namaḥ praṇavarūpiṇe || 13||

लोकयात्राप्रसिद्।ह्ध्यथं स्रष्टृब्रह्मादिरूपिणे ।नमस्तुभ्यं नृसिंहादिमुर्तिमेदाय विष्णवे ॥ १४॥

lokayātrāprasid|hdhyathaṃ sraṣṭṛbrahmādirūpiṇe |namastubhyaṃ nṛsiṃhādimurtimedāya viṣṇave || 14||

विपाकैः कर्मणां क्लेशैरस्पृष्टवपुवे नमः ।नमो ब्रह्मण्यदेवाय तेजसां निधये नमः ॥ १५॥

vipākaiḥ karmaṇāṃ kleśairaspṛṣṭavapuve namaḥ |namo brahmaṇyadevāya tejasāṃ nidhaye namaḥ || 15||

नित्यासाधारणानेकलोकरक्षापरिच्छदे ।सच्चिदानन्दरूपाय वरेण्याय नमो नमः ॥ १६॥

nityāsādhāraṇānekalokarakṣāparicchade |saccidānandarūpāya vareṇyāya namo namaḥ || 16||

यजमानाय यज्ञाय यष्टव्याय नमो नमः ।इज्याफलात्मने तुभ्यं नमः स्वाध्यायशालिने ॥ १७॥

yajamānāya yajñāya yaṣṭavyāya namo namaḥ |ijyāphalātmane tubhyaṃ namaḥ svādhyāyaśāline || 17||

नमः परमहंसाय नमः सर्वगुणाय ते ।स्थिताय परमे व्योम्नि भूयो भूयो नमो नमः ॥ १८॥

namaḥ paramahaṃsāya namaḥ sarvaguṇāya te |sthitāya parame vyomni bhūyo bhūyo namo namaḥ || 18||

इति भार्गवतन्त्रान्तर्गता अगस्त्यकृता परशुरामस्तुतिः समाप्ता ।भार्गवतन्त्र । अध्याय १ । २३४०॥

iti bhārgavatantrāntargatā agastyakṛtā paraśurāmastutiḥ samāptā |bhārgavatantra | adhyāya 1 | 2340||

भार्गवतन्त्र । अध्याय १ । २३-४०॥

bhārgavatantra | adhyāya 1 | 23-40||