यमगीतास्तवनम् Yamagitastavanam

श्रीगणेशाय नमः । श्रीलक्ष्मीनृसिंहाय नमः ।ॐ नमो भगवते तस्मै नृसिंहाय महात्मने ।यन्नाम कीर्तनात्सद्यो नरकाग्निः प्रशाम्यति ॥ १॥

śrīgaṇeśāya namaḥ | śrīlakṣmīnṛsiṃhāya namaḥ |oṃ namo bhagavate tasmai nṛsiṃhāya mahātmane |yannāma kīrtanātsadyo narakāgniḥ praśāmyati || 1||

भक्तप्रियाय देवाय रक्षाय हरये नमः ।लोकनाथाय शान्ताय यज्ञेशायादिमूर्तये ॥ २॥

bhaktapriyāya devāya rakṣāya haraye namaḥ |lokanāthāya śāntāya yajñeśāyādimūrtaye || 2||

अनन्तायाप्रमेयाय नारसिंहाय ते नमः ।नारायणाय गुरवे शङ्खचक्रगदाभृते ॥ ३॥

anantāyāprameyāya nārasiṃhāya te namaḥ |nārāyaṇāya gurave śaṅkhacakragadābhṛte || 3||

वेदप्रियाय महते विक्रमाय नमोनमः ।वाराहायाप्रतर्क्याय वेदाङ्गाय महीभृते ॥ ४॥

vedapriyāya mahate vikramāya namonamaḥ |vārāhāyāpratarkyāya vedāṅgāya mahībhṛte || 4||

नमो द्युतिमते नित्यं ब्राह्मणाय नमोनमः ।वामनाय बहुज्ञाय वेदवेदाङ्गधारिणे ॥ ५॥

namo dyutimate nityaṃ brāhmaṇāya namonamaḥ |vāmanāya bahujñāya vedavedāṅgadhāriṇe || 5||

बलिबन्धनदत्ताय वेदपालाय ते नमः ।विष्णवे सुरनाथाय व्यापिने परमात्मने ॥ ६॥

balibandhanadattāya vedapālāya te namaḥ |viṣṇave suranāthāya vyāpine paramātmane || 6||

चतुर्भुजाय शुद्धाय शुद्धद्रव्याय ते नमः ।जामदग्न्याय रामाय दुष्टक्षत्रान्तकारिणे ॥ ७॥

caturbhujāya śuddhāya śuddhadravyāya te namaḥ |jāmadagnyāya rāmāya duṣṭakṣatrāntakāriṇe || 7||

रामाय रावणान्ताय नमस्तुभ्यं महात्मने ।अस्मान्नुद्धर गोविन्द पूतिगन्धान्नमोऽस्तु ते ॥ ८॥

rāmāya rāvaṇāntāya namastubhyaṃ mahātmane |asmānnuddhara govinda pūtigandhānnamo'stu te || 8||

व्यास उवाचइति सङ्कीर्तिते विष्णौ नारकैर्भक्तिपूर्वकम् ।तदा सा नारकी पीडा गता तेषां महात्मनाम् ॥ ९॥

vyāsa uvācaiti saṅkīrtite viṣṇau nārakairbhaktipūrvakam |tadā sā nārakī pīḍā gatā teṣāṃ mahātmanām || 9||

कृष्णरूपधराः सर्वे दिव्यवस्त्रविभूषिताः ।दिव्यगन्धानुलिप्ताङ्गाः दिव्याभरणभूषिताः ॥ १०॥

kṛṣṇarūpadharāḥ sarve divyavastravibhūṣitāḥ |divyagandhānuliptāṅgāḥ divyābharaṇabhūṣitāḥ || 10||

तानारोप्य विमानेषु दिव्येषु हरिपूरुषाः ।तर्जयित्वा यमभटान् नीतास्ते केशवालयम् ॥ ११॥

tānāropya vimāneṣu divyeṣu haripūruṣāḥ |tarjayitvā yamabhaṭān nītāste keśavālayam || 11||

नारकेषु च सर्वेषु नीतेषु हरिपूरुषैः ।विष्णुलोकं यमो भूयो नमश्चक्रे तदा हरिम् ॥ १२॥

nārakeṣu ca sarveṣu nīteṣu haripūruṣaiḥ |viṣṇulokaṃ yamo bhūyo namaścakre tadā harim || 12||

यन्नामकीर्तनाद्याताः नारका केशवालयम् ।तन्नमामि सदा देवं नारसिंहमहं गुरुम् ॥ १३॥

yannāmakīrtanādyātāḥ nārakā keśavālayam |tannamāmi sadā devaṃ nārasiṃhamahaṃ gurum || 13||

तस्य वै नरसिंहस्य विष्णोरमिततेजसः ।प्रणामं येऽपि कुर्वन्ति तेभ्योऽपीह नमोनमः ॥ १४॥

tasya vai narasiṃhasya viṣṇoramitatejasaḥ |praṇāmaṃ ye'pi kurvanti tebhyo'pīha namonamaḥ || 14||

दृष्ट्वा प्रशान्तं नरकाग्निमुग्रंयन्त्रादि सर्वं विपरीतमत्र ।पुनः स शिक्षार्थमथात्मदूतान्यमो हि वक्रं कृतवान्मनः स्वयम् ॥ १५॥

dṛṣṭvā praśāntaṃ narakāgnimugraṃyantrādi sarvaṃ viparītamatra |punaḥ sa śikṣārthamathātmadūtānyamo hi vakraṃ kṛtavānmanaḥ svayam || 15||

इति श्रीनरसिंहपुराणे यमगीतानाम स्तवनं सम्पूर्णमस्तु ।

iti śrīnarasiṃhapurāṇe yamagītānāma stavanaṃ sampūrṇamastu |