अष्टमुखगण्डभेरुण्डनृसिंहस्तवः Ashtamukha Gandabherunda Nrisimha Stava

ॐ नमो भगवन्विष्णो आदिवैकुण्ठनायक ।परात्पराय देवाय परेशाय नमो नमः ॥ १॥

oṃ namo bhagavanviṣṇo ādivaikuṇṭhanāyaka |parātparāya devāya pareśāya namo namaḥ || 1||

परब्रह्माय विश्वाय विश्वनाथाय ते नमः ।परमात्माय गुह्याय जगज्जननहेतवे ।सृष्टिस्थित्यन्तरूपाय आदिभूताय ते नमः ॥ २॥

parabrahmāya viśvāya viśvanāthāya te namaḥ |paramātmāya guhyāya jagajjananahetave |sṛṣṭisthityantarūpāya ādibhūtāya te namaḥ || 2||

नमस्ते नारसिंहाय गण्डभेरुण्डरूपिणे ।नमस्ते व्याघ्रवक्त्राय सर्वदुःखविनाशिने ॥ ३॥

namaste nārasiṃhāya gaṇḍabheruṇḍarūpiṇe |namaste vyāghravaktrāya sarvaduḥkhavināśine || 3||

नमस्ते अश्ववक्त्राय सर्वविद्याप्रदायिने ।नमो वराहवक्त्राय सर्वसम्पत्प्रदायिने ॥ ४॥

namaste aśvavaktrāya sarvavidyāpradāyine |namo varāhavaktrāya sarvasampatpradāyine || 4||

नमो वानरवक्त्राय सर्वशत्रुविनाशिने ।नमो गरुडवक्त्राय दुष्टपन्नगहारिणे ॥ ५॥

namo vānaravaktrāya sarvaśatruvināśine |namo garuḍavaktrāya duṣṭapannagahāriṇe || 5||

नमो भल्लुकवक्त्राय शत्रुस्तम्भनकारिणे ।अष्टास्य गण्डभेरुण्डरूपाय शीघ्रगामिने ॥ ६॥

namo bhallukavaktrāya śatrustambhanakāriṇe |aṣṭāsya gaṇḍabheruṇḍarūpāya śīghragāmine || 6||

कल्पान्तकालनिर्घोषगर्जितायोग्ररूपिणे ।अनेककोटि शरभभक्षणाय महात्मने ॥ ७॥

kalpāntakālanirghoṣagarjitāyograrūpiṇe |anekakoṭi śarabhabhakṣaṇāya mahātmane || 7||

द्वात्रिंशत्कोटिहस्ताय द्वात्रिंशायुधधारिणे ।महते भीमरूपाय नारसिंहाय ते नमः ॥ ८॥

dvātriṃśatkoṭihastāya dvātriṃśāyudhadhāriṇe |mahate bhīmarūpāya nārasiṃhāya te namaḥ || 8||

॥ श्री अष्टमुखगण्डभेरुण्डनृसिंहकल्पेब्रह्मसनत्कुमारसंवादे शरभशिवकृतः स्तवस्सुसम्पूर्णः ॥वन्देऽहं क्रूरघोरप्रबलतरमहागण्डभेरुण्डसिंहव्याघ्राश्वक्रोडशाखामृगवरखगराड्भल्लुकाद्यष्टवक्त्रम् ।द्वात्रिंशत्कोटिबाहुं हलमुसलगदाशङ्खचक्रादिहेतीःबिभ्राणं भीमदंष्ट्रं शरभखगगजान् भक्षयन्तं नृसिंहम् ॥

|| śrī aṣṭamukhagaṇḍabheruṇḍanṛsiṃhakalpebrahmasanatkumārasaṃvāde śarabhaśivakṛtaḥ stavassusampūrṇaḥ ||vande'haṃ krūraghoraprabalataramahāgaṇḍabheruṇḍasiṃhavyāghrāśvakroḍaśākhāmṛgavarakhagarāḍbhallukādyaṣṭavaktram |dvātriṃśatkoṭibāhuṃ halamusalagadāśaṅkhacakrādihetīḥbibhrāṇaṃ bhīmadaṃṣṭraṃ śarabhakhagagajān bhakṣayantaṃ nṛsiṃham ||