कालीकवचं वैरिनाशनम् Vairinashanam Kalikavacham

अथ वैरिनाशनं कालीकवचम् ।कैलास शिखरारूढं शङ्करं वरदं शिवम् ।देवी पप्रच्छ सर्वज्ञं सर्वदेव महेश्वरम् ॥ १॥

atha vairināśanaṃ kālīkavacam |kailāsa śikharārūḍhaṃ śaṅkaraṃ varadaṃ śivam |devī papraccha sarvajñaṃ sarvadeva maheśvaram || 1||

श्रीदेव्युवाचभगवन् देवदेवेश देवानां भोगद प्रभो ।प्रब्रूहि मे महादेव गोप्यमद्यापि यत् प्रभो ॥ २॥

śrīdevyuvācabhagavan devadeveśa devānāṃ bhogada prabho |prabrūhi me mahādeva gopyamadyāpi yat prabho || 2||

शत्रूणां येन नाशः स्यादात्मनो रक्षणं भवेत् ।परमैश्वर्यमतुलं लभेद्येन हि तद् वद ॥ ३॥

śatrūṇāṃ yena nāśaḥ syādātmano rakṣaṇaṃ bhavet |paramaiśvaryamatulaṃ labhedyena hi tad vada || 3||

वक्ष्यामि ते महादेवि सर्वधर्मविदाम्वरे ।अद्भुतं कवचं देव्याः सर्वकामप्रसाधकम् ॥ ४॥

vakṣyāmi te mahādevi sarvadharmavidāmvare |adbhutaṃ kavacaṃ devyāḥ sarvakāmaprasādhakam || 4||

विशेषतः शत्रुनाशं सर्वरक्षाकरं नृणाम् ।सर्वारिष्टप्रशमनंअभिचारविनाशनम् ॥ ५॥

viśeṣataḥ śatrunāśaṃ sarvarakṣākaraṃ nṛṇām |sarvāriṣṭapraśamanaṃabhicāravināśanam || 5||

सुखदं भोगदं चैव वशीकरणमुत्तमम् ।शत्रुसङ्घाः क्षयं यान्ति भवन्ति व्याधिपीडिताः ।दुःखिनो ज्वरिणश्चैव स्वानिष्टपतितास्तथा ॥ ६॥

sukhadaṃ bhogadaṃ caiva vaśīkaraṇamuttamam |śatrusaṅghāḥ kṣayaṃ yānti bhavanti vyādhipīḍitāḥ |duḥkhino jvariṇaścaiva svāniṣṭapatitāstathā || 6||

विनियोगःॐ अस्य श्रीकालिकाकवचस्य भैरवऋषये नमः\, शिरसि ।गायत्री छन्दसे नमः\, मुखे । श्रीकालिकादेवतायै नमः\, हृदि ।ह्रीं बीजाय नमः\, गुह्ये । ह्रूँ शक्तये नमः\, पादयोः ।क्लीं कीलकाय नमः\, सर्वाङ्गे ।शत्रुसङ्घनाशनार्थे पाठे विनियोगः ।इति विन्यस्य क्रां क्रीं क्रूं क्रैं क्रौं क्रः ।इति करषडङ्गन्यासादिकं कुर्यात् ।ध्यानम्ध्यायेत् कालीं महामायां त्रिनेत्रां बहुरूपिणीम् ।चतुर्भुजां ललज्जिह्वां पूर्णचन्द्रनिभाननाम् ॥ ७॥

viniyogaḥoṃ asya śrīkālikākavacasya bhairavaṛṣaye namaḥ\, śirasi |gāyatrī chandase namaḥ\, mukhe | śrīkālikādevatāyai namaḥ\, hṛdi |hrīṃ bījāya namaḥ\, guhye | hrūm̐ śaktaye namaḥ\, pādayoḥ |klīṃ kīlakāya namaḥ\, sarvāṅge |śatrusaṅghanāśanārthe pāṭhe viniyogaḥ |iti vinyasya krāṃ krīṃ krūṃ kraiṃ krauṃ kraḥ |iti karaṣaḍaṅganyāsādikaṃ kuryāt |dhyānamdhyāyet kālīṃ mahāmāyāṃ trinetrāṃ bahurūpiṇīm |caturbhujāṃ lalajjihvāṃ pūrṇacandranibhānanām || 7||

नीलोत्पलदलश्यामां शत्रुसङ्घविदारिणीम् ।नरमुण्डं तथा खड्गं कमलं वरदं तथा ॥ ८॥

nīlotpaladalaśyāmāṃ śatrusaṅghavidāriṇīm |naramuṇḍaṃ tathā khaḍgaṃ kamalaṃ varadaṃ tathā || 8||

विभ्राणां रक्तवदनां दंष्ट्रालीं घोररूपिणीम् ।अट्टाट्टहासनिरतां सर्वदा च दिगम्बराम् ॥ ९॥

vibhrāṇāṃ raktavadanāṃ daṃṣṭrālīṃ ghorarūpiṇīm |aṭṭāṭṭahāsaniratāṃ sarvadā ca digambarām || 9||

शवासनस्थितां देवीं मुण्डमालाविभूषणाम् ।इति ध्यात्वा महादेवीं ततस्तु कवचं पठेत् ॥ १०॥

śavāsanasthitāṃ devīṃ muṇḍamālāvibhūṣaṇām |iti dhyātvā mahādevīṃ tatastu kavacaṃ paṭhet || 10||

कालिका घोररूपाद्या सर्वकामफलप्रदा ।सर्वदेवस्तुता देवी शत्रुनाशं करोतु मे ॥११॥

kālikā ghorarūpādyā sarvakāmaphalapradā |sarvadevastutā devī śatrunāśaṃ karotu me ||11||

ॐ ह्रीं स्वरूपिणीं चैव ह्राँ ह्रीं ह्रूँ रूपिणी तथा ।ह्राँ ह्रीं ह्रैं ह्रौं स्वरूपा च सदा शत्रून् प्रणश्यतु ॥ १२॥

oṃ hrīṃ svarūpiṇīṃ caiva hrām̐ hrīṃ hrūm̐ rūpiṇī tathā |hrām̐ hrīṃ hraiṃ hrauṃ svarūpā ca sadā śatrūn praṇaśyatu || 12||

श्रीं ह्रीं ऐं रूपिणी देवी भवबन्धविमोचिनी ।ह्रीं सकलां ह्रीं रिपुश्च सा हन्तु सर्वदा मम ॥ १३॥

śrīṃ hrīṃ aiṃ rūpiṇī devī bhavabandhavimocinī |hrīṃ sakalāṃ hrīṃ ripuśca sā hantu sarvadā mama || 13||

यथा शुम्भो हतो दैत्यो निशुम्भश्च महासुरः ।वैरिनाशाय वन्दे तां कालिकां शङ्करप्रियाम् ॥ १४॥

yathā śumbho hato daityo niśumbhaśca mahāsuraḥ |vairināśāya vande tāṃ kālikāṃ śaṅkarapriyām || 14||

ब्राह्मी शैवी वैष्णवी च वाराही नारसिंहिका ।कौमार्यैन्द्री च चामुण्डा खादन्तु मम विद्विषः ॥ १५॥

brāhmī śaivī vaiṣṇavī ca vārāhī nārasiṃhikā |kaumāryaindrī ca cāmuṇḍā khādantu mama vidviṣaḥ || 15||

सुरेश्वरी घोररूपा चण्डमुण्डविनाशिनी ।मुण्डमाला धृताङ्गी च सर्वतः पातु मा सदा ॥ १६॥

sureśvarī ghorarūpā caṇḍamuṇḍavināśinī |muṇḍamālā dhṛtāṅgī ca sarvataḥ pātu mā sadā || 16||

अथ मन्त्रः ह्रां ह्रीं कालिके घोरदंष्ट्रे च रुधिरप्रिये ।रूधिरापूर्णवक्त्रे च रूधिरेणावृतस्तनि ॥ १७॥

atha mantraḥ hrāṃ hrīṃ kālike ghoradaṃṣṭre ca rudhirapriye |rūdhirāpūrṇavaktre ca rūdhireṇāvṛtastani || 17||

मम सर्वशत्रून् खादय खादय हिंस हिंस मारय मारय भिन्धि भिन्धिछिन्धि छिन्धि उच्चाटय उच्चाटय विद्रावय विद्रावय शोषय शोषयस्वाहा ।ह्रां ह्रीं कालिकायै मदीयशत्रून् समर्पय स्वाहा ।ॐ जय जय किरि किरि किट किट मर्द मर्द मोहय मोहय हर हर ममरिपून् ध्वंसय ध्वंसय भक्षय भक्षय त्रोटय त्रोटय यातुधानान्चामुण्डे सर्वजनान् राजपुरुषान् स्त्रियो मम वश्याः कुरु कुरु अश्वान् गजान्दिव्यकामिनीः पुत्रान् राजश्रियं देहि देहि तनु तनु धान्यं धनं यक्षंक्षां क्षूं क्षैं क्षौं क्षं क्षः स्वाहा । इति मन्त्रः ।फलश्रुतिःइत्येतत् कवचं पुण्यं कथितं शम्भुना पुरा ।ये पठन्ति सदा तेषां ध्रुवं नश्यन्ति वैरिणः ॥ १८॥

mama sarvaśatrūn khādaya khādaya hiṃsa hiṃsa māraya māraya bhindhi bhindhichindhi chindhi uccāṭaya uccāṭaya vidrāvaya vidrāvaya śoṣaya śoṣayasvāhā |hrāṃ hrīṃ kālikāyai madīyaśatrūn samarpaya svāhā |oṃ jaya jaya kiri kiri kiṭa kiṭa marda marda mohaya mohaya hara hara mamaripūn dhvaṃsaya dhvaṃsaya bhakṣaya bhakṣaya troṭaya troṭaya yātudhānāncāmuṇḍe sarvajanān rājapuruṣān striyo mama vaśyāḥ kuru kuru aśvān gajāndivyakāminīḥ putrān rājaśriyaṃ dehi dehi tanu tanu dhānyaṃ dhanaṃ yakṣaṃkṣāṃ kṣūṃ kṣaiṃ kṣauṃ kṣaṃ kṣaḥ svāhā | iti mantraḥ |phalaśrutiḥityetat kavacaṃ puṇyaṃ kathitaṃ śambhunā purā |ye paṭhanti sadā teṣāṃ dhruvaṃ naśyanti vairiṇaḥ || 18||

वैरिणः प्रलयं यान्ति व्याधिताश्च भवन्ति हि ।बलहीनाः पुत्रहीनाः शत्रुवस्तस्य सर्वदा ॥ १९॥

vairiṇaḥ pralayaṃ yānti vyādhitāśca bhavanti hi |balahīnāḥ putrahīnāḥ śatruvastasya sarvadā || 19||

सहस्रपठनात् सिद्धिः कवचस्य भवेत्तथा ।ततः कार्याणि सिध्यन्ति यथाशङ्करभाषितम् ॥ २०॥

sahasrapaṭhanāt siddhiḥ kavacasya bhavettathā |tataḥ kāryāṇi sidhyanti yathāśaṅkarabhāṣitam || 20||

श्मशानाङ्गारमादाय चूर्णं कृत्वा प्रयत्नतः ।पादोदकेन पिष्टा च लिखेल्लोहशलाकया ॥ २१॥

śmaśānāṅgāramādāya cūrṇaṃ kṛtvā prayatnataḥ |pādodakena piṣṭā ca likhellohaśalākayā || 21||

भूमौ शत्रून् हीनरूपानुत्तराशिरसस्तथा ।हस्तं दत्त्वा तु हृदये कवचं तु स्वयं पठेत् ॥ २२॥

bhūmau śatrūn hīnarūpānuttarāśirasastathā |hastaṃ dattvā tu hṛdaye kavacaṃ tu svayaṃ paṭhet || 22||

प्राणप्रतिष्ठां कृत्वा वै तथा मन्त्रेण मन्त्रवित् ।हन्यादस्त्रप्रहारेण शत्रो गच्छ यमक्षयम् ॥ २३॥

prāṇapratiṣṭhāṃ kṛtvā vai tathā mantreṇa mantravit |hanyādastraprahāreṇa śatro gaccha yamakṣayam || 23||

ज्वलदङ्गारलेपेन भवन्ति ज्वरिता भृशम् ।प्रोङ्क्षयेद्वामपादेन दरिद्रो भवति ध्रुवम् ॥ २४॥

jvaladaṅgāralepena bhavanti jvaritā bhṛśam |proṅkṣayedvāmapādena daridro bhavati dhruvam || 24||

वैरिनाशकरं प्रोक्तं कवचं वश्यकारकम् ।परमैश्वर्यदं चैव पुत्र पौत्रादि वृद्धिदम् ॥ २५॥

vairināśakaraṃ proktaṃ kavacaṃ vaśyakārakam |paramaiśvaryadaṃ caiva putra pautrādi vṛddhidam || 25||

प्रभातसमये चैव पूजाकाले प्रयत्नतः ।सायङ्काले तथा पाठात् सर्वसिद्धिर्भवेद् ध्रुवम् ॥ २६॥

prabhātasamaye caiva pūjākāle prayatnataḥ |sāyaṅkāle tathā pāṭhāt sarvasiddhirbhaved dhruvam || 26||

शत्रुरुच्चाटनं याति देशाद् वा विच्युतो भवेत् ।पश्चात् किङ्करतामेति सत्यं सत्यं न संशयः ॥ २७॥

śatruruccāṭanaṃ yāti deśād vā vicyuto bhavet |paścāt kiṅkaratāmeti satyaṃ satyaṃ na saṃśayaḥ || 27||

शत्रुनाशकरं देवि सर्वसम्पत्करं शुभम् ।सर्वदेवस्तुते देवि कालिके त्वां नमाम्यहम् ॥ २८॥

śatrunāśakaraṃ devi sarvasampatkaraṃ śubham |sarvadevastute devi kālike tvāṃ namāmyaham || 28||

इति वैरिनाशनं कालीकवचं सम्पूर्णम् ।

iti vairināśanaṃ kālīkavacaṃ sampūrṇam |