कालिकाकवचम् १ श्मशानकालिकाकवचम् Vairinashanam Kalikakavacham

श्मशानकालिकाकवचम् चश्रीगणेशाय नमः ।कैलासशिखरासीनं देवदेवं जगद्गुरुम् ।शङ्करं परिपप्रच्छ पार्वती परमेश्वरम् ॥ १॥

śmaśānakālikākavacam caśrīgaṇeśāya namaḥ |kailāsaśikharāsīnaṃ devadevaṃ jagadgurum |śaṅkaraṃ paripapraccha pārvatī parameśvaram || 1||

वर्कैलासशिखरारूढं शङ्करं वरदं शिवम् ।देवी पप्रच्छ सर्वज्ञं सर्वदेव महेश्वरम् ॥ १॥

varkailāsaśikharārūḍhaṃ śaṅkaraṃ varadaṃ śivam |devī papraccha sarvajñaṃ sarvadeva maheśvaram || 1||

पार्वत्युवाचभगवन् देवदेवेश देवानां भोगद प्रभो ।प्रब्रूहि मे महादेव गोप्यं चेद्यदि हे प्रभो ॥ २॥

pārvatyuvācabhagavan devadeveśa devānāṃ bhogada prabho |prabrūhi me mahādeva gopyaṃ cedyadi he prabho || 2||

शत्रूणां येन नाशः स्यादात्मनो रक्षणं भवेत् ।परमैश्वर्यमतुलं लभेद्येन हि तद्वद ॥ ३॥

śatrūṇāṃ yena nāśaḥ syādātmano rakṣaṇaṃ bhavet |paramaiśvaryamatulaṃ labhedyena hi tadvada || 3||

भैरव उवाचवक्ष्यामि ते महादेवि सर्वधर्मविदां वरे ।अद्भुतं कवचं देव्याः सर्वकामप्रसाधकम् ॥ ४॥

bhairava uvācavakṣyāmi te mahādevi sarvadharmavidāṃ vare |adbhutaṃ kavacaṃ devyāḥ sarvakāmaprasādhakam || 4||

विशेषतः शत्रुनाशं सर्वरक्षाकरं नृणाम् ।सर्वारिष्टप्रशमनं सर्वाभद्रविनाशनम् ॥ ५॥

viśeṣataḥ śatrunāśaṃ sarvarakṣākaraṃ nṛṇām |sarvāriṣṭapraśamanaṃ sarvābhadravināśanam || 5||

सुखदं भोगदं चैव वशीकरणमुत्तमम् ।शत्रुसंघाः क्षयं यान्ति भवन्ति व्याधिपीडिताः ॥ ६॥

sukhadaṃ bhogadaṃ caiva vaśīkaraṇamuttamam |śatrusaṃghāḥ kṣayaṃ yānti bhavanti vyādhipīḍitāḥ || 6||

दुःखिनो ज्वरिणश्चैव स्वाभीष्टद्रोहिणस्तथा ।भोगमोक्षप्रदं चैव कालिकाकवचं पठेत् ॥ ७॥

duḥkhino jvariṇaścaiva svābhīṣṭadrohiṇastathā |bhogamokṣapradaṃ caiva kālikākavacaṃ paṭhet || 7||

ॐ अस्य श्रीकालिकाकवचस्य भैरव ऋषिः । अनुष्टुप्छन्दः ।श्रीकालिका देवता । शत्रुसंहारार्थ जपे विनियोगः ।ध्यानम्ॐ ध्यायेत्कालीं महामायां त्रिनेत्रां बहुरूपिणीम् ।चतुर्भुजां ललज्जिह्वां पूर्णचन्द्रनिभाननाम् ॥ ८॥

oṃ asya śrīkālikākavacasya bhairava ṛṣiḥ | anuṣṭupchandaḥ |śrīkālikā devatā | śatrusaṃhārārtha jape viniyogaḥ |dhyānamoṃ dhyāyetkālīṃ mahāmāyāṃ trinetrāṃ bahurūpiṇīm |caturbhujāṃ lalajjihvāṃ pūrṇacandranibhānanām || 8||

नीलोत्पलदलश्यामां शत्रुसंघविदारिणीम् ।नरमुण्डं तथा खड्गं कमलं च वरं तथा ॥ ९॥

nīlotpaladalaśyāmāṃ śatrusaṃghavidāriṇīm |naramuṇḍaṃ tathā khaḍgaṃ kamalaṃ ca varaṃ tathā || 9||

निर्भयां रक्तवदनां दंष्ट्रालीघोररूपिणीम् । वर् विभ्राणां रक्तनयनांसाट्टहासाननां देवीं सर्वदां च दिगम्बरीम् ॥ १०॥

nirbhayāṃ raktavadanāṃ daṃṣṭrālīghorarūpiṇīm | var vibhrāṇāṃ raktanayanāṃsāṭṭahāsānanāṃ devīṃ sarvadāṃ ca digambarīm || 10||

शवासनस्थितां कालीं मुण्डमालाविभूषिताम् ।इति ध्यात्वा महाकालीं ततस्तु कवचं पठेत् ॥ ११॥

śavāsanasthitāṃ kālīṃ muṇḍamālāvibhūṣitām |iti dhyātvā mahākālīṃ tatastu kavacaṃ paṭhet || 11||

ॐ कालिका घोररूपाढ्या सर्वकामप्रदा शुभा ।सर्वदेवस्तुता देवी शत्रुनाशं करोतु मे ॥ १२॥

oṃ kālikā ghorarūpāḍhyā sarvakāmapradā śubhā |sarvadevastutā devī śatrunāśaṃ karotu me || 12||

ॐ ह्रीं ह्रींरूपिणीं चैव ह्रां ह्रीं ह्रांरूपिणीं तथा ।ह्रां ह्रीं क्षों क्षौंस्वरूपा सा सदा शत्रून्विदारयेत् ॥ १३॥

oṃ hrīṃ hrīṃrūpiṇīṃ caiva hrāṃ hrīṃ hrāṃrūpiṇīṃ tathā |hrāṃ hrīṃ kṣoṃ kṣauṃsvarūpā sā sadā śatrūnvidārayet || 13||

श्रींह्रीं ऐंरूपिणी देवी भवबन्धविमोचनी ।हुंरूपिणी महाकाली रक्षास्मान् देवि सर्वदा ॥ १४॥

śrīṃhrīṃ aiṃrūpiṇī devī bhavabandhavimocanī |huṃrūpiṇī mahākālī rakṣāsmān devi sarvadā || 14||

यया शुम्भो हतो दैत्यो निशुम्भश्च महासुरः ।वैरिनाशाय वन्दे तां कालिकां शङ्करप्रियाम् ॥ १५॥

yayā śumbho hato daityo niśumbhaśca mahāsuraḥ |vairināśāya vande tāṃ kālikāṃ śaṅkarapriyām || 15||

ब्राह्मी शैवी वैष्णवी च वाराही नारसिंहिका ।कौमार्यैन्द्री च चामुण्डा खादन्तु मम विद्विषः ॥ १६॥

brāhmī śaivī vaiṣṇavī ca vārāhī nārasiṃhikā |kaumāryaindrī ca cāmuṇḍā khādantu mama vidviṣaḥ || 16||

सुरेश्वरी घोररूपा चण्डमुण्डविनाशिनी ।मुण्डमालावृताङ्गी च सर्वतः पातु मां सदा ॥ १७॥

sureśvarī ghorarūpā caṇḍamuṇḍavināśinī |muṇḍamālāvṛtāṅgī ca sarvataḥ pātu māṃ sadā || 17||

ह्रीं ह्रीं ह्रीं कालिके घोरे दंष्ट्रेव रुधिरप्रिये ।रुधिरापूर्णवक्त्रे च रुधिरेणावृतस्तनि ॥ १८॥

hrīṃ hrīṃ hrīṃ kālike ghore daṃṣṭreva rudhirapriye |rudhirāpūrṇavaktre ca rudhireṇāvṛtastani || 18||

मम शत्रून् खादय खादय हिंस हिंस मारय मारय भिन्धि भिन्धिछिन्धि छिन्धि उच्चाटय उच्चाटय द्रावय द्रावय शोषय शोषय स्वाहा ।ह्रां ह्रीं कालिकायै मदीयशत्रून् समर्पयामि स्वाहा ।ॐ जय जय किरि किरि किटि किटि कट कट मर्द मर्द मोहय मोहयहर हर मम रिपून ध्वंस ध्वंसभक्षय भक्षय त्रोटय त्रोटय यातुधानान्चामुण्डे सर्वजनान् राज्ञो राजपुरुषान् स्त्रियो मम वश्यान् कुरु कुरुतनु तनु धान्यं धनं मेऽश्वान् गजान् रत्नानि दिव्यकामिनीः पुत्रान्राजश्रियं देहि यच्छ क्षां क्षीं क्षूं क्षैं क्षौं क्षः स्वाहा ।इत्येतत् कवचं दिव्यं कथितं शम्भुना पुरा ।ये पठन्ति सदा तेषां ध्रुवं नश्यन्ति शत्रवः ॥ १९॥

mama śatrūn khādaya khādaya hiṃsa hiṃsa māraya māraya bhindhi bhindhichindhi chindhi uccāṭaya uccāṭaya drāvaya drāvaya śoṣaya śoṣaya svāhā |hrāṃ hrīṃ kālikāyai madīyaśatrūn samarpayāmi svāhā |oṃ jaya jaya kiri kiri kiṭi kiṭi kaṭa kaṭa marda marda mohaya mohayahara hara mama ripūna dhvaṃsa dhvaṃsabhakṣaya bhakṣaya troṭaya troṭaya yātudhānāncāmuṇḍe sarvajanān rājño rājapuruṣān striyo mama vaśyān kuru kurutanu tanu dhānyaṃ dhanaṃ me'śvān gajān ratnāni divyakāminīḥ putrānrājaśriyaṃ dehi yaccha kṣāṃ kṣīṃ kṣūṃ kṣaiṃ kṣauṃ kṣaḥ svāhā |ityetat kavacaṃ divyaṃ kathitaṃ śambhunā purā |ye paṭhanti sadā teṣāṃ dhruvaṃ naśyanti śatravaḥ || 19||

वैरिणः प्रलयं यान्ति व्याधिता या भवन्ति हि ।बलहीनाः पुत्रहीनाः शत्रवस्तस्य सर्वदा ॥ २०॥

vairiṇaḥ pralayaṃ yānti vyādhitā yā bhavanti hi |balahīnāḥ putrahīnāḥ śatravastasya sarvadā || 20||

सहस्रपठनात्सिद्धिः कवचस्य भवेत्तदा ।तत्कार्याणि च सिध्यन्ति यथा शङ्करभाषितम् ॥ २१॥

sahasrapaṭhanātsiddhiḥ kavacasya bhavettadā |tatkāryāṇi ca sidhyanti yathā śaṅkarabhāṣitam || 21||

श्मशानाङ्गारमादाय चूर्णं कृत्वा प्रयत्नतः ।पादोदकेन पिष्ट्वा तल्लिखेल्लोहशलाकया ॥ २२॥

śmaśānāṅgāramādāya cūrṇaṃ kṛtvā prayatnataḥ |pādodakena piṣṭvā tallikhellohaśalākayā || 22||

भूमौ शत्रून् हीनरूपानुत्तराशिरसस्तथा ।हस्तं दत्त्वा तु हृदये कवचं तु स्वयं पठेत् ॥ २३॥

bhūmau śatrūn hīnarūpānuttarāśirasastathā |hastaṃ dattvā tu hṛdaye kavacaṃ tu svayaṃ paṭhet || 23||

शत्रोः प्राणप्रियष्ठां तु कुर्यान्मन्त्रेण मन्त्रवित् ।हन्यादस्त्रं प्रहारेण शत्रो गच्छ यमक्षयम् ॥ २४॥

śatroḥ prāṇapriyaṣṭhāṃ tu kuryānmantreṇa mantravit |hanyādastraṃ prahāreṇa śatro gaccha yamakṣayam || 24||

ज्वलदङ्गारतापेन भवन्ति ज्वरिता भृशम् ।प्रोञ्छनैर्वामपादेन दरिद्रो भवति ध्रुवम् ॥ २५॥

jvaladaṅgāratāpena bhavanti jvaritā bhṛśam |proñchanairvāmapādena daridro bhavati dhruvam || 25||

वैरिनाशकरं प्रोक्तं कवचं वश्यकारकम् ।परमैश्वर्यदं चैव पुत्रपौत्रादिवृद्धिदम् ॥ २६॥

vairināśakaraṃ proktaṃ kavacaṃ vaśyakārakam |paramaiśvaryadaṃ caiva putrapautrādivṛddhidam || 26||

प्रभातसमये चैव पूजाकाले च यत्नतः ।सायङ्काले तथा पाठात्सर्वसिद्धिर्भवेद्ध्रुवम् ॥ २७॥

prabhātasamaye caiva pūjākāle ca yatnataḥ |sāyaṅkāle tathā pāṭhātsarvasiddhirbhaveddhruvam || 27||

शत्रुरुच्चाटनं याति देशाद्वा विच्युतो भवेत् ।पश्चात्किङ्करतामेति सत्यं सत्यं न संशयः ॥ २८॥

śatruruccāṭanaṃ yāti deśādvā vicyuto bhavet |paścātkiṅkaratāmeti satyaṃ satyaṃ na saṃśayaḥ || 28||

शत्रुनाशकरे देवि सर्वसम्पत्करे शुभे ।सर्वदेवस्तुते देवि कालिके! त्वां नमाम्यहम् ॥ २९॥

śatrunāśakare devi sarvasampatkare śubhe |sarvadevastute devi kālike! tvāṃ namāmyaham || 29||

॥ इति श्रीरुद्रयामले कालिकाकल्पे वैरिहरं श्मशानकाल्याः अथवाकालिकाकवचं सम्पूर्णम् ॥तन्त्रसारेऽनुसन्धेयम्

|| iti śrīrudrayāmale kālikākalpe vairiharaṃ śmaśānakālyāḥ athavākālikākavacaṃ sampūrṇam ||tantrasāre'nusandheyam