त्रिपुरातिलकम् Tripuratilakam

श्रीगणेशाय नमः ।कल्पशाखिगणसत्प्रसूनमधुपानकेलिकुतुकभ्रमत्षट्पदारवमनोहरे कनकभूधरे ललितमण्डपे ।अत्युदारमणिपीठमध्यविनिवासिनीमखिलमोहिनींभक्तियोगसुलभां भजे भुवनमातरं त्रिपुरसुन्दरीम् ॥ १॥

śrīgaṇeśāya namaḥ |kalpaśākhigaṇasatprasūnamadhupānakelikutukabhramatṣaṭpadāravamanohare kanakabhūdhare lalitamaṇḍape |atyudāramaṇipīṭhamadhyavinivāsinīmakhilamohinīṃbhaktiyogasulabhāṃ bhaje bhuvanamātaraṃ tripurasundarīm || 1||

एककालसमुदीयमानतरुणार्ककोटिसदृशस्फुरद्देहकान्तिभरधोरणीमिलनलोहितीकृतदिगन्तराम् ।वागधीतविभवां विपद्यभयदायिनीमखिलमोहिनींआगमार्थमणिदीपिकामनिशमाश्रये त्रिपुरसुन्दरिम् ॥ २॥

ekakālasamudīyamānataruṇārkakoṭisadṛśasphuraddehakāntibharadhoraṇīmilanalohitīkṛtadigantarām |vāgadhītavibhavāṃ vipadyabhayadāyinīmakhilamohinīṃāgamārthamaṇidīpikāmaniśamāśraye tripurasundarim || 2||

ईषदुन्मिषदमर्त्यशाखिकुसुमावलीविमलतारकावृन्दसुन्दरसुधांशुखण्डसुभगीकृतातिगुरुकैशिकाम् ।नीलकुञ्चितघनालकां निटिलभुषणायतविलोचनांनीलकण्ठसुकृतोन्नतिं सततमाश्रये त्रिपुरसुन्दरीम् ॥ ३॥

īṣadunmiṣadamartyaśākhikusumāvalīvimalatārakāvṛndasundarasudhāṃśukhaṇḍasubhagīkṛtātigurukaiśikām |nīlakuñcitaghanālakāṃ niṭilabhuṣaṇāyatavilocanāṃnīlakaṇṭhasukṛtonnatiṃ satatamāśraye tripurasundarīm || 3||

लक्ष्महीनविधुलक्षनिर्जितविचक्षणाननसरोरुहांइक्षुकार्मुकशरासनोपमितचिल्लिकायुगमतल्लिकाम् ।लक्षये मनसि सन्ततं सकलदुष्कृतक्षयविधायिनींउक्षवाहनतपोविभूतिमहदक्षरां त्रिपुरसुन्दरीम् ॥ ४॥

lakṣmahīnavidhulakṣanirjitavicakṣaṇānanasaroruhāṃikṣukārmukaśarāsanopamitacillikāyugamatallikām |lakṣaye manasi santataṃ sakaladuṣkṛtakṣayavidhāyinīṃukṣavāhanatapovibhūtimahadakṣarāṃ tripurasundarīm || 4||

ह्रीमदप्रमदकामकौतुककृपादिभावपिशुनायतस्निग्धमुग्धविशदत्रिवर्णविमलालसालसविलोचनाम् ।सुन्दराधरमणिप्रभामिलितमन्दहासनवचन्द्रिकांचन्द्रशेखरकुटुम्बिनीमनिशमाश्रये त्रिपुरसुन्दरीम् ॥ ५॥

hrīmadapramadakāmakautukakṛpādibhāvapiśunāyatasnigdhamugdhaviśadatrivarṇavimalālasālasavilocanām |sundarādharamaṇiprabhāmilitamandahāsanavacandrikāṃcandraśekharakuṭumbinīmaniśamāśraye tripurasundarīm || 5||

हस्तमृष्टमणिदर्पणोज्ज्वलमनोज्ञदण्डफलकद्वयेबिम्बितानुपमकुण्डलस्तबकमण्डिताननसरोरुहाम् ।स्वर्णपङ्कजदलान्तरुल्लसितकर्णिकासदृशनासिकांकर्णवैरिसखसोदरीमनिशमाश्रये त्रिपुरसुन्दरीम् ॥ ६॥

hastamṛṣṭamaṇidarpaṇojjvalamanojñadaṇḍaphalakadvayebimbitānupamakuṇḍalastabakamaṇḍitānanasaroruhām |svarṇapaṅkajadalāntarullasitakarṇikāsadṛśanāsikāṃkarṇavairisakhasodarīmaniśamāśraye tripurasundarīm || 6||

सन्मरन्दरसमाधुरीतुलनकर्मठाक्षरसमुल्लसन्नर्मपेशलवचोविलासपरिभूतनिर्मलसुधारसाम् ।कम्रवक्त्रपवनाग्रहप्रचलदुन्मिषद्भ्रमरमण्डलांतुर्महे मनसि शर्मदामनिशमम्बिकां त्रिपुरसुन्दरीम् ॥ ७॥

sanmarandarasamādhurītulanakarmaṭhākṣarasamullasannarmapeśalavacovilāsaparibhūtanirmalasudhārasām |kamravaktrapavanāgrahapracaladunmiṣadbhramaramaṇḍalāṃturmahe manasi śarmadāmaniśamambikāṃ tripurasundarīm || 7||

कम्रकान्तिजिततारपूरमणिसूत्रमण्डलसमुल्लसत्कण्ठकाण्डकमनीयतापहृतकम्बुराजरुचिडम्बराम् ।किञ्चिदानतमनोहरां सयुगचुम्बिचारुमणिकर्णिकांपञ्चबाणपरिपन्थिपुण्यलहरीं भजे त्रिपुरसुन्दरीम् ॥ ८॥

kamrakāntijitatārapūramaṇisūtramaṇḍalasamullasatkaṇṭhakāṇḍakamanīyatāpahṛtakamburājaruciḍambarām |kiñcidānatamanoharāṃ sayugacumbicārumaṇikarṇikāṃpañcabāṇaparipanthipuṇyalaharīṃ bhaje tripurasundarīm || 8||

हस्तपद्मलसदिक्षुचापसृणिपाशपुष्पविशिखोज्ज्वलांतप्तहेमरचिताभिरामकटकाङ्गुलीयवलयादिकाम् ।वृत्तनिस्तुलनिरन्तरालकठिनोन्नतस्तनतृणीभवन्मत्तहस्तिवरमस्तकां मनसि चिन्तये त्रिपुरसुन्दरीम् ॥ ९॥

hastapadmalasadikṣucāpasṛṇipāśapuṣpaviśikhojjvalāṃtaptahemaracitābhirāmakaṭakāṅgulīyavalayādikām |vṛttanistulanirantarālakaṭhinonnatastanatṛṇībhavanmattahastivaramastakāṃ manasi cintaye tripurasundarīm || 9||

लक्षगाढपरिरम्भतुष्टहरहासगौरतरलोल्लसत्चारुहारनिकराभिरामकुचभारतान्ततनुमध्यमाम् ।रोमराजिललितोदरीमधिकनिम्ननाभिमवलोकयेकामराजपरदेवतामनिशमाश्रये त्रिपुरसुन्दरीम् ॥ १०॥

lakṣagāḍhaparirambhatuṣṭaharahāsagaurataralollasatcāruhāranikarābhirāmakucabhāratāntatanumadhyamām |romarājilalitodarīmadhikanimnanābhimavalokayekāmarājaparadevatāmaniśamāśraye tripurasundarīm || 10||

हीरमण्डलनिरन्तरोल्लसितजातरूपमयमेखलाचारुकान्तिपरिरम्भसुन्दरसुसूक्ष्मचीनवसनाञ्चिताम् ।मारवीररसचातुरीधृतधुरीणतुङ्गजघनस्थलांधारये मनसि सन्ततं त्रिदशवन्दितां त्रिपुरसुन्दरीम् ॥ ११॥

hīramaṇḍalanirantarollasitajātarūpamayamekhalācārukāntiparirambhasundarasusūkṣmacīnavasanāñcitām |māravīrarasacāturīdhṛtadhurīṇatuṅgajaghanasthalāṃdhāraye manasi santataṃ tridaśavanditāṃ tripurasundarīm || 11||

सप्तसप्तकिरणानभिज्ञपरिवर्धमानकदलीतनुस्पर्धिमुग्धमधुरोरुदण्डयुगमन्दितेन्दुधरलोचनाम् ।वृत्तजानुयुगवल्गुभावजितचित्तसम्भवसमुद्गकांनित्यमेव परिशीलये मनसि मुक्तिदां त्रिपुरसुन्दरीम् ॥ १२॥

saptasaptakiraṇānabhijñaparivardhamānakadalītanuspardhimugdhamadhurorudaṇḍayugamanditendudharalocanām |vṛttajānuyugavalgubhāvajitacittasambhavasamudgakāṃnityameva pariśīlaye manasi muktidāṃ tripurasundarīm || 12||

कण्ठकाण्डरुचिकुण्डताकरणलीलया सकलकेकिनांजङ्घया तुलितकेतकीमुकुलसङ्घया भृतमुदञ्चिताम् ।अम्बुजोदरविडम्बिचारुपदपल्लवां हृदयदर्पणेबिम्बितामिव विलोकये सततमम्बिकां त्रिपुरसुन्दरीम् ॥ १३॥

kaṇṭhakāṇḍarucikuṇḍatākaraṇalīlayā sakalakekināṃjaṅghayā tulitaketakīmukulasaṅghayā bhṛtamudañcitām |ambujodaraviḍambicārupadapallavāṃ hṛdayadarpaṇebimbitāmiva vilokaye satatamambikāṃ tripurasundarīm || 13||

लभ्यमानकमलार्चनप्रणतितत्परैरनिशमास्थयाकल्पकोटिशतसञ्चितेन सुकृतेन कैश्चन नरोत्तमैः ।कल्पशाखिगणकल्प्यमानकनकाभिषेकसुभगाकृतिंकल्पयामि हृदि चित्पयोजनवषट्पदीं त्रिपुरसुन्दरीम् ॥ १४॥

labhyamānakamalārcanapraṇatitatparairaniśamāsthayākalpakoṭiśatasañcitena sukṛtena kaiścana narottamaiḥ |kalpaśākhigaṇakalpyamānakanakābhiṣekasubhagākṛtiṃkalpayāmi hṛdi citpayojanavaṣaṭpadīṃ tripurasundarīm || 14||

ह्रीमिति प्रथितमन्त्रमूर्तिरचलात्मजेत्युदधिकन्यकेत्यम्बुजासनकुटुम्बिनीति विविधोपगीतमहिमोदयाम् ।सेवकाभिमतकामधेनुमखिलागमावगमवैभवांभावयामि हृदि भाविताखिलचराचरां त्रिपुरसुन्दरीम् ॥ १५॥

hrīmiti prathitamantramūrtiracalātmajetyudadhikanyaketyambujāsanakuṭumbinīti vividhopagītamahimodayām |sevakābhimatakāmadhenumakhilāgamāvagamavaibhavāṃbhāvayāmi hṛdi bhāvitākhilacarācarāṃ tripurasundarīm || 15||

स्तोत्रराजममुमात्तमोदमहरागमे प्रयतमानसोकीर्तयन्निह नरोत्तमो विजितवित्तपो विपुलसम्पदाम् ।प्रार्थ्यमानपरिरम्भकेलिरबलाजनैरपगतैषणोगात्रमात्रपतनावधावमृतमक्षरं पदमवाप्नुयात् ॥इति त्रिपुरातिलकस्तोत्रं समाप्तम् ॥कल्पशाखिस्तवः

stotrarājamamumāttamodamaharāgame prayatamānasokīrtayanniha narottamo vijitavittapo vipulasampadām |prārthyamānaparirambhakelirabalājanairapagataiṣaṇogātramātrapatanāvadhāvamṛtamakṣaraṃ padamavāpnuyāt ||iti tripurātilakastotraṃ samāptam ||kalpaśākhistavaḥ