तारोपनिषत् (अथर्ववेदे सौभाग्यखण्डे) Taropanishat From Atharvaveda

ॐअथ तारोपनिषत् ।

oṃatha tāropaniṣat |

ॐ तत्सत् । ब्रह्मतद्रूपं प्रकृतिपरं गगननाभं तत्परंपरमं महत्सत्यं तदहं ह्रीङ्कारं रक्तवर्णं मन्नाभिस्त्रीङ्कारंपिङ्गलाभं हूङ्कारं मद्धृदयरूपं विशदाभं भूमण्डलंफट्कारं धूम्रवर्णं मद्खड्गमोङ्कारज्वलद्रूपं मे मस्तकंवेदा मद्धस्ताश्चन्द्रार्कानला मन्नेत्रे दिवानक्तं मत्पादौ सन्ध्येमत्कर्णौ संवत्सरो मदुदरं श्वेतकृष्णपक्षौ मत्पार्श्वैवारर्तवो मदङ्गुल्यो विद्या मन्नखाः पावको मन्मुखं मही मद्रसनाद्यौर्मन्मुखं गगनं मधृदयं भक्तिर्मम चर्मरसं मद्रुधिरंचान्नं वासांसि फलानि निरहङ्कारा अस्थीनि सुधामन्मज्जा स्थावराणिमद्रोमाणि पातालादिलोकौ मत्कुचौ ब्रह्मनादं मन्नाड्यो ज्ञानं मन्मनःक्षमाबुद्धिः शून्यं मदासनं नक्षत्राणि मद्भूषणानि ॥

oṃ tatsat | brahmatadrūpaṃ prakṛtiparaṃ gagananābhaṃ tatparaṃparamaṃ mahatsatyaṃ tadahaṃ hrīṅkāraṃ raktavarṇaṃ mannābhistrīṅkāraṃpiṅgalābhaṃ hūṅkāraṃ maddhṛdayarūpaṃ viśadābhaṃ bhūmaṇḍalaṃphaṭkāraṃ dhūmravarṇaṃ madkhaḍgamoṅkārajvaladrūpaṃ me mastakaṃvedā maddhastāścandrārkānalā mannetre divānaktaṃ matpādau sandhyematkarṇau saṃvatsaro madudaraṃ śvetakṛṣṇapakṣau matpārśvaivārartavo madaṅgulyo vidyā mannakhāḥ pāvako manmukhaṃ mahī madrasanādyaurmanmukhaṃ gaganaṃ madhṛdayaṃ bhaktirmama carmarasaṃ madrudhiraṃcānnaṃ vāsāṃsi phalāni nirahaṅkārā asthīni sudhāmanmajjā sthāvarāṇimadromāṇi pātālādilokau matkucau brahmanādaṃ mannāḍyo jñānaṃ manmanaḥkṣamābuddhiḥ śūnyaṃ madāsanaṃ nakṣatrāṇi madbhūṣaṇāni ||

एतद्वैराटकं मद्वपुः । मदुज्वलं सत्त्वं बिन्दुस्वरूपंमहोङ्कारस्वरूपज्ज्योतिर्मयं विद्धि । शिर उग्रतारां महोग्रां नीलांघनामेकजटां महामायां प्रकृतिं मां विदित्वा यो जपति मद्रूपाणियो वेत्ति मन्मन्त्रं यो जपति मद्रूपकल्पितां यो जपति मद्रूपाणि योवेत्ति मन्मन्त्रं यो जपति मद्रूपकल्पतां यो जपति भगं भजतिनिर्विकल्पः साधकः सदा मद्रूपो भवति ॥

etadvairāṭakaṃ madvapuḥ | madujvalaṃ sattvaṃ bindusvarūpaṃmahoṅkārasvarūpajjyotirmayaṃ viddhi | śira ugratārāṃ mahogrāṃ nīlāṃghanāmekajaṭāṃ mahāmāyāṃ prakṛtiṃ māṃ viditvā yo japati madrūpāṇiyo vetti manmantraṃ yo japati madrūpakalpitāṃ yo japati madrūpāṇi yovetti manmantraṃ yo japati madrūpakalpatāṃ yo japati bhagaṃ bhajatinirvikalpaḥ sādhakaḥ sadā madrūpo bhavati ||

सर्वाणि कर्माणि साध्यानि (कृत्वा) निर्भयो भवति । गुरुन्नत्वावस्त्रभूषणानि दत्त्वा इमानुपनिषद्विद्यां प्राप्य मां यो जपति सजीवन्मुक्तो भवति ॥

sarvāṇi karmāṇi sādhyāni (kṛtvā) nirbhayo bhavati | gurunnatvāvastrabhūṣaṇāni dattvā imānupaniṣadvidyāṃ prāpya māṃ yo japati sajīvanmukto bhavati ||

इत्यथर्ववेदे सौभाग्यकाण्डे तारोपनिषत्समाप्ता ॥

ityatharvavede saubhāgyakāṇḍe tāropaniṣatsamāptā ||