बालास्तवराजः १ Shri Bala Stavaraja 1

श्रीमतः परमेशतल्पनिलये वन्दारुवृन्दानुतेसिन्दूरद्रवकुङ्कुमोदकजपापुष्पप्रभे मङ्गले ।श्रीबीजेन समन्वितं तव मनुं भक्त्या जपन्तं सदाभक्तं मामवलोकयाशु कृपया लक्ष्म्या सहैवाम्बिका ॥ १॥

śrīmataḥ parameśatalpanilaye vandāruvṛndānutesindūradravakuṅkumodakajapāpuṣpaprabhe maṅgale |śrībījena samanvitaṃ tava manuṃ bhaktyā japantaṃ sadābhaktaṃ māmavalokayāśu kṛpayā lakṣmyā sahaivāmbikā || 1||

ऐमित्यक्षरमम्बिके शशिनिभं बालार्ककोट्युज्ज्वलेबालानामपि वाग्विजृम्भणपटुप्रख्यातविद्याप्रदम् ।बीजं बिम्बविडम्बिदन्तिरदने विद्यामुखे सर्वदाबालायाः कलयामि कल्पलतिके भक्तिप्रसन्ने शिवे ॥ २॥

aimityakṣaramambike śaśinibhaṃ bālārkakoṭyujjvalebālānāmapi vāgvijṛmbhaṇapaṭuprakhyātavidyāpradam |bījaṃ bimbaviḍambidantiradane vidyāmukhe sarvadābālāyāḥ kalayāmi kalpalatike bhaktiprasanne śive || 2||

क्लीमित्येकमहेशमानिनि सदा मन्दस्मिते मङ्गलेबन्धूकारुणपाणिपल्लवलसत्पुण्ड्रेक्षुपाशोज्ज्वले ।नानारत्नविभूषिते सुरनुते रत्काम्बरालङ्कृतेत्वद्रूपं हृदि चिन्तयामि सततं सर्वार्थसिद्धिप्रदम् ॥ ३॥

klīmityekamaheśamānini sadā mandasmite maṅgalebandhūkāruṇapāṇipallavalasatpuṇḍrekṣupāśojjvale |nānāratnavibhūṣite suranute ratkāmbarālaṅkṛtetvadrūpaṃ hṛdi cintayāmi satataṃ sarvārthasiddhipradam || 3||

सौवर्णं कमलासनस्य दयिते वैश्वानरार्चिर्मयीकर्पूरोज्ज्वलवीटिकापरिलसद्बिम्बाधरोद्यन्मुखे ।साधारे च तुरीयया च परया सम्पूजिताङ्घ्रिद्वयेयस्त्वां ध्यायति मन्त्रवर्यमसकृज्जप्त्वापि वाग्मी भवेत् ॥ ४॥

sauvarṇaṃ kamalāsanasya dayite vaiśvānarārcirmayīkarpūrojjvalavīṭikāparilasadbimbādharodyanmukhe |sādhāre ca turīyayā ca parayā sampūjitāṅghridvayeyastvāṃ dhyāyati mantravaryamasakṛjjaptvāpi vāgmī bhavet || 4||

ऐं क्लीं सौः सकलापदार्तिशमनं तार्तीयखण्डोग्रगंयो वा भक्तिपुरस्सरो मृदुभुजे सौवर्णपीठोज्ज्वले ।कामेशे कलयामि कुन्दरदने कन्दर्पबीजोज्ज्वलेमन्त्रं ते मदभीष्टदं दिनकरज्योतिर्मयं सर्वदा ॥ ५॥

aiṃ klīṃ sauḥ sakalāpadārtiśamanaṃ tārtīyakhaṇḍogragaṃyo vā bhaktipurassaro mṛdubhuje sauvarṇapīṭhojjvale |kāmeśe kalayāmi kundaradane kandarpabījojjvalemantraṃ te madabhīṣṭadaṃ dinakarajyotirmayaṃ sarvadā || 5||

कल्याणं तव रूपमम्बरमणीदृष्ट्या कुचत्वं गतौचन्द्रो विस्मितजालमीशवनिते ताघस्तसैन्यं गता ।त्वद्रूपं किमु तर्पयामि वद मे कन्दर्पविद्यात्मिकेकामेशोऽपि तवावलोकनवशादर्धाङ्गनात्वं गतः ॥ ६॥

kalyāṇaṃ tava rūpamambaramaṇīdṛṣṭyā kucatvaṃ gataucandro vismitajālamīśavanite tāghastasainyaṃ gatā |tvadrūpaṃ kimu tarpayāmi vada me kandarpavidyātmikekāmeśo'pi tavāvalokanavaśādardhāṅganātvaṃ gataḥ || 6||

एतामेव विभावयन्ति मुनयः सायुज्यमुक्तिप्रदांएकान्ते रविमण्डलेभ्यवलये हेमादिर्षृङ्गे बुधौ ।आनन्दामृतसिन्धुमग्नहृदया रोकुञ्चमानोभवात्वां देवीमनुचिन्तयामि सततं चित्ते भजे मामके ॥ ७॥

etāmeva vibhāvayanti munayaḥ sāyujyamuktipradāṃekānte ravimaṇḍalebhyavalaye hemādirṣṛṅge budhau |ānandāmṛtasindhumagnahṛdayā rokuñcamānobhavātvāṃ devīmanucintayāmi satataṃ citte bhaje māmake || 7||

लक्ष्मीप्रदानसमये नवविद्रुमाभांविद्याप्रदानसमये शरदिन्दुशुभ्राम् ।विद्वेषिवर्गविजये च तमालनीलांबालां त्रिलोकजननीं शरणं प्रपद्ये ॥ ८॥

lakṣmīpradānasamaye navavidrumābhāṃvidyāpradānasamaye śaradinduśubhrām |vidveṣivargavijaye ca tamālanīlāṃbālāṃ trilokajananīṃ śaraṇaṃ prapadye || 8||

इति श्रीबालास्तवराजः ।जयतु जयतु बाला भारती ब्रह्मरूपाजयतु जयतु बाला वैष्णवी विष्णुरूपा ।जयतु जयतु बाला रौद्रिणी रुद्ररूपाजयतु जयतु बाला चिन्मयी ज्ञानरूपा ॥हृत्पुण्डरीकाननभासमानाचित्कुण्डली चञ्चदुदारमाना ।पुस्ताक्षसूत्रस्फुरदब्जहस्ताबाला धियं यच्छतु नः प्रशस्ता ॥इति श्रीबालास्तवराजः (१) सम्पूर्णः ।

iti śrībālāstavarājaḥ |jayatu jayatu bālā bhāratī brahmarūpājayatu jayatu bālā vaiṣṇavī viṣṇurūpā |jayatu jayatu bālā raudriṇī rudrarūpājayatu jayatu bālā cinmayī jñānarūpā ||hṛtpuṇḍarīkānanabhāsamānācitkuṇḍalī cañcadudāramānā |pustākṣasūtrasphuradabjahastābālā dhiyaṃ yacchatu naḥ praśastā ||iti śrībālāstavarājaḥ (1) sampūrṇaḥ |