बालास्तवराजः २ Shri Bala Stavaraja 2

भजे निरामयं वस्तु जगत्त्रयविमोहनम् ।अशेषव्यवहाराणां स्वामिनीं संविदं पराम् ॥ १॥

bhaje nirāmayaṃ vastu jagattrayavimohanam |aśeṣavyavahārāṇāṃ svāminīṃ saṃvidaṃ parām || 1||

उद्यत्सूर्यसहस्राभां दाडिमीकुसुमप्रभाम् ।जपाकुसुमसङ्काशां पद्मरागघसमप्रभाम् ॥ २॥

udyatsūryasahasrābhāṃ dāḍimīkusumaprabhām |japākusumasaṅkāśāṃ padmarāgaghasamaprabhām || 2||

विद्युत्पुञ्जनिभां तप्तकाञ्चनाभां सुरेश्वरीम् ।रक्तोत्पलदलाकारपादपल्लवराजिताम् ॥ ३॥

vidyutpuñjanibhāṃ taptakāñcanābhāṃ sureśvarīm |raktotpaladalākārapādapallavarājitām || 3||

अनर्घ्यरत्नखचितमञ्जीरचरणद्वयाम् ।पादाङ्गुलीयकक्षिप्तरत्नतेजोविराजिताम् ॥ ४॥

anarghyaratnakhacitamañjīracaraṇadvayām |pādāṅgulīyakakṣiptaratnatejovirājitām || 4||

कदलीललितस्तम्भसुकुमारोरुकोमलाम् ।अलक्ष्यमध्यमां निम्ननाभिं शातोदरीं पराम् ॥ ५॥

kadalīlalitastambhasukumārorukomalām |alakṣyamadhyamāṃ nimnanābhiṃ śātodarīṃ parām || 5||

अनर्घ्यमौक्तिकस्यूतहारभारविराजिताम् ।उद्यदादित्यसङ्काशताटङ्ककुसुमप्रभाम् ॥ ६॥

anarghyamauktikasyūtahārabhāravirājitām |udyadādityasaṅkāśatāṭaṅkakusumaprabhām || 6||

पूर्णचन्द्रमुखीं पद्मवदनां वरनासिकाम् ।स्फुरन्मादनकोदण्डसुभ्रुवं पद्मलोचनाम् ॥ ७॥

pūrṇacandramukhīṃ padmavadanāṃ varanāsikām |sphuranmādanakodaṇḍasubhruvaṃ padmalocanām || 7||

ललाटपट्टसंराजद्रत्नाढ्यतिलकाञ्चिताम् ।मुक्तामाणिक्यघटितमकुटस्थलकिङ्किणीम् ॥ ८॥

lalāṭapaṭṭasaṃrājadratnāḍhyatilakāñcitām |muktāmāṇikyaghaṭitamakuṭasthalakiṅkiṇīm || 8||

स्फुरच्चन्द्रकलाराजन्मकुटां लोचनत्रयीम् ।प्रवालपल्लवलसद्बाहुवल्लीचतुष्टयाम् ॥ ९॥

sphuraccandrakalārājanmakuṭāṃ locanatrayīm |pravālapallavalasadbāhuvallīcatuṣṭayām || 9||

इक्षुकोदण्डपुष्पेषुपाशाङ्कुशचतुर्भुजाम् ।सर्वदेवमयीं बालां श्रीमत्त्रिपुरसुन्दरीम् ॥ १०॥

ikṣukodaṇḍapuṣpeṣupāśāṅkuśacaturbhujām |sarvadevamayīṃ bālāṃ śrīmattripurasundarīm || 10||

सर्वतीर्थमयीं विद्यां सर्वकामप्रपूरणीम् ।सर्वाम्नायमयीं विद्यां सर्वदेवोपशोभिताम् ॥ ११॥

sarvatīrthamayīṃ vidyāṃ sarvakāmaprapūraṇīm |sarvāmnāyamayīṃ vidyāṃ sarvadevopaśobhitām || 11||

एवं ध्यात्वा परां बालां वामनासापुटक्रमात् ।त्रिकोणमुद्रया बिन्दौ महापद्ममनुस्मरेत् ॥ १२॥

evaṃ dhyātvā parāṃ bālāṃ vāmanāsāpuṭakramāt |trikoṇamudrayā bindau mahāpadmamanusmaret || 12||

आवाह्य बालां तन्मन्त्रं पठन्पीठे स्थितां स्मरेत् ॥ १३॥

āvāhya bālāṃ tanmantraṃ paṭhanpīṭhe sthitāṃ smaret || 13||

इति मन्त्ररहस्यान्तर्गतं श्रीबालास्तवराजः (२) सम्पूर्णः ।

iti mantrarahasyāntargataṃ śrībālāstavarājaḥ (2) sampūrṇaḥ |