मातङ्गीस्तोत्रम् २ Matangi Stotram

नमामि वरदां देवीं सुमुखीं सर्वसिद्धिदाम् ।सूर्यकोटिनिभां देवीं वह्निरूपां व्यवस्थिताम् ॥ १॥

namāmi varadāṃ devīṃ sumukhīṃ sarvasiddhidām |sūryakoṭinibhāṃ devīṃ vahnirūpāṃ vyavasthitām || 1||

रक्तवस्त्र नितम्बां च रक्तमाल्योपशोभिताम् ।गुंजाहारस्तनाढ्यान्तां परंज्योतिस्वरूपिणीम् ॥ २॥

raktavastra nitambāṃ ca raktamālyopaśobhitām |guṃjāhārastanāḍhyāntāṃ paraṃjyotisvarūpiṇīm || 2||

मारणं मोहनं वश्यं स्तम्भनाकर्ष दायिनी ।मुण्ड कर्त्रिं शरावामां परंज्योतिस्वरूपिणीम् ॥ ३॥

māraṇaṃ mohanaṃ vaśyaṃ stambhanākarṣa dāyinī |muṇḍa kartriṃ śarāvāmāṃ paraṃjyotisvarūpiṇīm || 3||

स्वयम्भुकुसुम प्रीतां ऋतुयोनिनिवासिनीम् ।शवस्थां स्मेरवदनां परंज्योतिस्वरूपिणीम् ॥ ४॥।

svayambhukusuma prītāṃ ṛtuyoninivāsinīm |śavasthāṃ smeravadanāṃ paraṃjyotisvarūpiṇīm || 4|||

रजस्वला भवेन्नित्यं पूजेष्टफलदायिनी ।मद्यप्रियं रतिमयीं परंज्योतिस्वरूपिणीम् ॥ ५॥

rajasvalā bhavennityaṃ pūjeṣṭaphaladāyinī |madyapriyaṃ ratimayīṃ paraṃjyotisvarūpiṇīm || 5||

शिवविष्णुविरञ्चीनां साद्यां बुद्धिप्रदायिनीम् ।असाध्यं साधिनीं नित्यां परंज्योतिस्वरूपिणीम् ॥ ६॥

śivaviṣṇuvirañcīnāṃ sādyāṃ buddhipradāyinīm |asādhyaṃ sādhinīṃ nityāṃ paraṃjyotisvarūpiṇīm || 6||

रात्रौ पूजा बलियुतां गोमांस रुधिरप्रियाम् ।नानाऽलङ्कारिणीं रौद्रीं पिशाचगणसेविताम् ॥ ७॥

rātrau pūjā baliyutāṃ gomāṃsa rudhirapriyām |nānā'laṅkāriṇīṃ raudrīṃ piśācagaṇasevitām || 7||

इत्यष्टकं पठेद्यस्तु ध्यानरूपां प्रसन्नधीः ।शिवरात्रौ व्रतेरात्रौ वारूणी दिवसेऽपिवा ॥ ८॥

ityaṣṭakaṃ paṭhedyastu dhyānarūpāṃ prasannadhīḥ |śivarātrau vraterātrau vārūṇī divase'pivā || 8||

पौर्णमास्याममावस्यां शनिभौमदिने तथा ।सततं वा पठेद्यस्तु तस्य सिद्धि पदे पदे ॥ ९॥

paurṇamāsyāmamāvasyāṃ śanibhaumadine tathā |satataṃ vā paṭhedyastu tasya siddhi pade pade || 9||

इति एकजटा कल्पलतिका शिवदीक्षायान्तर्गतम् मातङ्गी स्तोत्रं सम्पूर्णम् ॥

iti ekajaṭā kalpalatikā śivadīkṣāyāntargatam mātaṅgī stotraṃ sampūrṇam ||