भैरव्यष्टोत्तरशतनामस्तोत्रम् २ Bhairavi Ashtottarashatanama Stotram

(अथ श्रीकालीविलासतन्त्रे त्रयोदशपटलः ।श्रीवामदेव उवाच ।शृणुत्वं शतनामानि भैरव्याः प्राणवल्लभे ।यस्याः प्रसादमात्रेण महासम्पद्भवेत् कलौ ॥ १॥

(atha śrīkālīvilāsatantre trayodaśapaṭalaḥ |śrīvāmadeva uvāca |śṛṇutvaṃ śatanāmāni bhairavyāḥ prāṇavallabhe |yasyāḥ prasādamātreṇa mahāsampadbhavet kalau || 1||

अस्य श्रीभैरवी शतनाम स्तोत्रस्य श्रीईश्वरऋषिर्गायत्रोच्छन्दः श्रीभैरवी शक्तिभैरवी देवताधर्मार्थकाममोक्षार्थे विनियोगः ॥ॐ ह्रीं भैरवी भगिनी भद्रा भवानी भव चर्चिता ।भुवना भुवनेशानि नानाभरणभूषिता ॥ २॥

asya śrībhairavī śatanāma stotrasya śrīīśvaraṛṣirgāyatrocchandaḥ śrībhairavī śaktibhairavī devatādharmārthakāmamokṣārthe viniyogaḥ ||oṃ hrīṃ bhairavī bhaginī bhadrā bhavānī bhava carcitā |bhuvanā bhuvaneśāni nānābharaṇabhūṣitā || 2||

भवेशीभार्गवाराध्या भुवनानन्दकारिणी ।भगिनी भागिनी भव्या भावनीया भयापहा ॥ ३॥

bhaveśībhārgavārādhyā bhuvanānandakāriṇī |bhaginī bhāginī bhavyā bhāvanīyā bhayāpahā || 3||

भोगेश्वरी भोगरूपा भवदुःखवियोगिनी ।भयङ्करी भयहरा भब दुःखभयापहा ॥ ४॥

bhogeśvarī bhogarūpā bhavaduḥkhaviyoginī |bhayaṅkarī bhayaharā bhaba duḥkhabhayāpahā || 4||

गौराङ्गी दौर्घनयना चतुर्बाहुधराम्बिका ।सुकेशी दीर्घकेशी च कटाक्षी विशिखोज्ज्वला ॥ ५॥

gaurāṅgī daurghanayanā caturbāhudharāmbikā |sukeśī dīrghakeśī ca kaṭākṣī viśikhojjvalā || 5||

रङ्गीरङ्गमयीरङ्गा देहानन्दमयी तथा ।रङ्गणीया शिवाराध्या रङ्गलीला शिवार्चिता ॥ ६॥

raṅgīraṅgamayīraṅgā dehānandamayī tathā |raṅgaṇīyā śivārādhyā raṅgalīlā śivārcitā || 6||

रामपूज्या रणाचार्या रकारवर्णरूपिणी ।रक्तधूलिपरिच्छिन्ना राज्ञी रोगविनाशिनी ॥ ७॥

rāmapūjyā raṇācāryā rakāravarṇarūpiṇī |raktadhūliparicchinnā rājñī rogavināśinī || 7||

रौद्री रौद्रस्वरूपा च रुद्रमूर्तीरणाग्रणीः ।अरुणादित्यवर्णाभा रक्तपद्मदलेक्षणा ॥ ८॥

raudrī raudrasvarūpā ca rudramūrtīraṇāgraṇīḥ |aruṇādityavarṇābhā raktapadmadalekṣaṇā || 8||

रुक्माङ्गदपरिच्छिन्ना रुक्ममालाविभूषिता ।ब्रह्मपूज्या विष्णुपूज्या रुद्रपूज्या तथेश्वरी ॥ ९॥

rukmāṅgadaparicchinnā rukmamālāvibhūṣitā |brahmapūjyā viṣṇupūjyā rudrapūjyā tatheśvarī || 9||

सदार्चिता सदाराध्या महेशपूजिता मही ।मालामय्युन्मयो माला मानार्हा मानदायिनी ॥ १०॥

sadārcitā sadārādhyā maheśapūjitā mahī |mālāmayyunmayo mālā mānārhā mānadāyinī || 10||

वेदाग्री वेदसारा च बालार्कसदृशीति च ।विधाता विफला वेदरूपिणी विष्णुरूपिणी ॥ ११॥

vedāgrī vedasārā ca bālārkasadṛśīti ca |vidhātā viphalā vedarūpiṇī viṣṇurūpiṇī || 11||

वेदान्तरूपिणी विद्या तथा वैकुण्ठरूपिणी ।ब्रह्मण्डरूपिणी रक्षा रूपिणो ब्रह्मरूपिणी ॥ १२॥

vedāntarūpiṇī vidyā tathā vaikuṇṭharūpiṇī |brahmaṇḍarūpiṇī rakṣā rūpiṇo brahmarūpiṇī || 12||

वसुदा सुमहावाला वेदरूपा विनोदिनी ।कालिका च धराधात्री रौद्री च विश्वरूपिणी ॥ १३॥

vasudā sumahāvālā vedarūpā vinodinī |kālikā ca dharādhātrī raudrī ca viśvarūpiṇī || 13||

विरूपाक्षी विशालाक्षी विशाला विषमा विधुः ।विद्यावती रसवती वलावलवती बधूः ॥ १४॥

virūpākṣī viśālākṣī viśālā viṣamā vidhuḥ |vidyāvatī rasavatī valāvalavatī badhūḥ || 14||

वैश्वानरोविशाखा च वेशदेशस्वरूपिणी ।रञ्जनी रङ्गिणी रम्या रामा रासस्वरूपिणी ॥ १५॥

vaiśvānaroviśākhā ca veśadeśasvarūpiṇī |rañjanī raṅgiṇī ramyā rāmā rāsasvarūpiṇī || 15||

रामा श्रीसारसोन्मत्ता रसरूपा रसप्रदा ।राधिका रामरूपा च राध्या रामार्त्ति नाशिनी ॥ १६॥

rāmā śrīsārasonmattā rasarūpā rasapradā |rādhikā rāmarūpā ca rādhyā rāmārtti nāśinī || 16||

शतनाम स्तोत्रमिदं यः पठेत् शिवमन्दिरे ।पठित्वा पाठयित्वा वा सर्वसौभाग्य मालभेत् ॥ १७॥

śatanāma stotramidaṃ yaḥ paṭhet śivamandire |paṭhitvā pāṭhayitvā vā sarvasaubhāgya mālabhet || 17||

त्रिसन्ध्य यः पठेन्नित्यं भक्त्या द्विवत्सरावधि ।सर्वसिद्धीश्वरो भूत्वा गाणपत्यं लभेतसः ॥ १८॥

trisandhya yaḥ paṭhennityaṃ bhaktyā dvivatsarāvadhi |sarvasiddhīśvaro bhūtvā gāṇapatyaṃ labhetasaḥ || 18||

इति श्रीकालीविलासतन्त्रे श्रीभैरवीशतनामस्तवं समाप्तम् ।ॐ तत्सदित्यादि ।इति श्रीकालीविलासतन्त्रे त्रयोदशपटलः समाप्तः ।

iti śrīkālīvilāsatantre śrībhairavīśatanāmastavaṃ samāptam |oṃ tatsadityādi |iti śrīkālīvilāsatantre trayodaśapaṭalaḥ samāptaḥ |