बगलामुखीवर्णकवचम् Bagalamukhivarnakavacha

श्रीगणेशाय नमः ।अस्यश्रीबगलामुखीवर्णकवचस्य श्रीपरमेश्वरऋषिः \,अनुष्टुप् छन्दः \, श्रीबगलामुखीदेवता \,ॐ बीजं \, ह्लीं शक्तिः \, स्वाहा कीलकं \,बगलाप्रसादसिद्ध्यर्थे जपे विनियोगः ।अथ ध्यानम् ।जिह्वाग्रमादाय करेण देवीं वामेन शत्रून् परिपीडयन्तीम् ।गदाभि घातेन च दक्षिणेन पीताम्बराढ्यां द्विभुजां नमामि ॥ॐ प्रणवो मे शिरः पातु ललाटे ह्लीं सदाऽवतु ।बकारो भ्रूयुगं पातु गकारः पातु लोचने ॥ १॥

śrīgaṇeśāya namaḥ |asyaśrībagalāmukhīvarṇakavacasya śrīparameśvaraṛṣiḥ \,anuṣṭup chandaḥ \, śrībagalāmukhīdevatā \,oṃ bījaṃ \, hlīṃ śaktiḥ \, svāhā kīlakaṃ \,bagalāprasādasiddhyarthe jape viniyogaḥ |atha dhyānam |jihvāgramādāya kareṇa devīṃ vāmena śatrūn paripīḍayantīm |gadābhi ghātena ca dakṣiṇena pītāmbarāḍhyāṃ dvibhujāṃ namāmi ||oṃ praṇavo me śiraḥ pātu lalāṭe hlīṃ sadā'vatu |bakāro bhrūyugaṃ pātu gakāraḥ pātu locane || 1||

लकारः पातु मे जिह्वां मुकारं पातु मे श्रुतिम् ।खीकारं पातु मे तालु सकारं चिबुकं तथा ॥ २॥

lakāraḥ pātu me jihvāṃ mukāraṃ pātu me śrutim |khīkāraṃ pātu me tālu sakāraṃ cibukaṃ tathā || 2||

वकारः पातु मे कण्ठं स्कन्धौ पातु दकारकः ।बाहू ष्टकारकः पातु करौ पातु नकारकः ॥ ३॥

vakāraḥ pātu me kaṇṭhaṃ skandhau pātu dakārakaḥ |bāhū ṣṭakārakaḥ pātu karau pātu nakārakaḥ || 3||

स्तनौ वकारकः पातु चकारो हृदयं मम ।मकारः पातु मे नाभौ खकारो जठरं मम ॥ ४॥

stanau vakārakaḥ pātu cakāro hṛdayaṃ mama |makāraḥ pātu me nābhau khakāro jaṭharaṃ mama || 4||

कुक्षिं पकारकः पातु दकारः पातु मे कटिम् ।स्तकारो जघनं पातु भकारः पातु मे गुदम् ॥ ५॥

kukṣiṃ pakārakaḥ pātu dakāraḥ pātu me kaṭim |stakāro jaghanaṃ pātu bhakāraḥ pātu me gudam || 5||

गुह्यं यकारकः पातु जकारोऽवतु जानुनी ।उरू ह्वकारकः पातु गुल्फौ पातु ककारकः ॥ ६॥

guhyaṃ yakārakaḥ pātu jakāro'vatu jānunī |urū hvakārakaḥ pātu gulphau pātu kakārakaḥ || 6||

पादौ लकारकः पातु यकारो स्छिति सर्वदा ।बुकारः पातु रोमाणि धिकाररस्तु त्वचं तथा ॥ ७॥

pādau lakārakaḥ pātu yakāro schiti sarvadā |bukāraḥ pātu romāṇi dhikārarastu tvacaṃ tathā || 7||

विकारः पातु सर्वाङ्गे नकारः पातु सर्वदा ।प्राच्यां शकारकः पातु दक्षिणाशां यकारकः ॥ ८॥

vikāraḥ pātu sarvāṅge nakāraḥ pātu sarvadā |prācyāṃ śakārakaḥ pātu dakṣiṇāśāṃ yakārakaḥ || 8||

वारुणीं ह्लीं सदा पातु कौबेर्यां प्रणवेन तु ।भूमौ स्वकारकः पातु हकारोर्ध्वं सदाऽवतु ॥ ९॥

vāruṇīṃ hlīṃ sadā pātu kauberyāṃ praṇavena tu |bhūmau svakārakaḥ pātu hakārordhvaṃ sadā'vatu || 9||

ब्रह्मास्त्रदेवता पातु सर्वाङ्गे सर्वसन्धिषु ।इतिते कथितं देवि दिव्यमङ्घपञ्जरम् ॥ १०॥

brahmāstradevatā pātu sarvāṅge sarvasandhiṣu |itite kathitaṃ devi divyamaṅghapañjaram || 10||

आयुरारोग्य सिद्ध्यर्थं महदैश्वर्यदायकम् ।लिखित्वा ताडपत्रे तु कण्ठे बाहौ च धारयेत् ॥ ११॥

āyurārogya siddhyarthaṃ mahadaiśvaryadāyakam |likhitvā tāḍapatre tu kaṇṭhe bāhau ca dhārayet || 11||

देवासुरपिशाचेभ्यो भयं तस्य नहि क्वचित् ।कर्मणेन सन्द्दर्शो त्रिषुलोकेशु सिद्ध्यते ॥ १२॥

devāsurapiśācebhyo bhayaṃ tasya nahi kvacit |karmaṇena sanddarśo triṣulokeśu siddhyate || 12||

महाभये राजे तु शतवारं पठेद्यहम् ।गृहे रणे विवादे च सर्वापत्ति विमुच्यते ॥ १३॥

mahābhaye rāje tu śatavāraṃ paṭhedyaham |gṛhe raṇe vivāde ca sarvāpatti vimucyate || 13||

एतत्कवचमज्ञात्वा यो ब्रह्मास्त्रमुपासते ।न तस्य सिध्यते मन्त्रः कल्पकोटिशतैरपि ॥ १४॥

etatkavacamajñātvā yo brahmāstramupāsate |na tasya sidhyate mantraḥ kalpakoṭiśatairapi || 14||

॥ इति श्री ईश्वरपार्वतिसंवादे बगलावर्णकवचं सम्पूर्णम् ॥

|| iti śrī īśvarapārvatisaṃvāde bagalāvarṇakavacaṃ sampūrṇam ||