शिवषडक्षरस्तोत्रम् २ Shri Shivashadakshara Stotram

ओङ्कारसञ्जातसमस्तवेदपुराणपुण्यागमपूजिताय ।ओङ्कारवर्णप्रतिपादिताय ओङ्काररूपाय नमः शिवाय ॥ १॥

oṅkārasañjātasamastavedapurāṇapuṇyāgamapūjitāya |oṅkāravarṇapratipāditāya oṅkārarūpāya namaḥ śivāya || 1||

नगाधिवासाय निरामयाय भस्माङ्गरागाय भयापहाय ।देवादिदेवाय दिगम्बराय तस्मै नकाराय नमः शिवाय ॥ २॥

nagādhivāsāya nirāmayāya bhasmāṅgarāgāya bhayāpahāya |devādidevāya digambarāya tasmai nakārāya namaḥ śivāya || 2||

मत्तेभचर्माम्बरभूषणाय मारान्तकाराय महेश्वराय ।चन्द्रार्कवैश्वानरलोचनाय तस्मै मकाराय नमः शिवाय ॥ ३॥

mattebhacarmāmbarabhūṣaṇāya mārāntakārāya maheśvarāya |candrārkavaiśvānaralocanāya tasmai makārāya namaḥ śivāya || 3||

शिवाय गौरीवदनारविन्द सूर्याय दक्षाध्वरनाशनाय ।श्रीनीलकण्ठाय शिवाप्रियाय तस्मै शिकाराय नमः शिवाय ॥ ४॥

śivāya gaurīvadanāravinda sūryāya dakṣādhvaranāśanāya |śrīnīlakaṇṭhāya śivāpriyāya tasmai śikārāya namaḥ śivāya || 4||

वागीशकुम्भोद्भवगौतमादिमुनीन्द्रवन्द्याय मुनीश्वराय ।त्रैलोक्यनाथाय पुरान्तकाय तस्मै वकाराय नमः शिवाय ॥ ५॥

vāgīśakumbhodbhavagautamādimunīndravandyāya munīśvarāya |trailokyanāthāya purāntakāya tasmai vakārāya namaḥ śivāya || 5||

यज्ञस्वरूपाय जटाधराय पिनाकहस्ताय सनातनाय ।नित्याय शुद्धाय निरञ्जनाय तस्मै यकाराय नमः शिवाय ॥ ६॥

yajñasvarūpāya jaṭādharāya pinākahastāya sanātanāya |nityāya śuddhāya nirañjanāya tasmai yakārāya namaḥ śivāya || 6||

षडक्षरमिदं स्तोत्रं यः पठेञ्छिवसन्निधौ ।शिवलोकमवाप्नोति शिवेन सह मोदते ॥ ७॥

ṣaḍakṣaramidaṃ stotraṃ yaḥ paṭheñchivasannidhau |śivalokamavāpnoti śivena saha modate || 7||

प्रातःकाले शिवं दृष्ट्वा निशापापं विनश्यति ।मध्याह्ने कृतमाजन्म सायाह्वे सप्तजन्मसु ॥ ८॥

prātaḥkāle śivaṃ dṛṣṭvā niśāpāpaṃ vinaśyati |madhyāhne kṛtamājanma sāyāhve saptajanmasu || 8||

मेरुकाञ्चनदत्तानां गवां कोटिशतैरपि ।पञ्चकोटीतुरङ्गानां तत्फलं (शिव)लिङ्गदर्शनम् ॥ ९॥

merukāñcanadattānāṃ gavāṃ koṭiśatairapi |pañcakoṭīturaṅgānāṃ tatphalaṃ (śiva)liṅgadarśanam || 9||

॥ इति श्रीशिवषडक्षरस्तोत्रं सम्पूर्णम् ॥

|| iti śrīśivaṣaḍakṣarastotraṃ sampūrṇam ||