शिवसहस्रनामस्तोत्रम् (स्कन्दपुराणान्तर्गतं श्रीशिवः शिवदो भव्यो) Shri Shiva Sahasranama Stotram

श्रीगणेशाय नमः ।श्रीभैरवाय नमः ।श्रीउमामहेश्वराभ्यां नमः ॥अरुन्धत्युवाच ।मुने वद महाभाग नारदेन यथा स्तुतः ।सहस्रनामभिः पुण्यैः पापघ्नैः सर्वकामदैः ॥ १॥

śrīgaṇeśāya namaḥ |śrībhairavāya namaḥ |śrīumāmaheśvarābhyāṃ namaḥ ||arundhatyuvāca |mune vada mahābhāga nāradena yathā stutaḥ |sahasranāmabhiḥ puṇyaiḥ pāpaghnaiḥ sarvakāmadaiḥ || 1||

यानि यानि च नामानि नारदोक्तानि वै मुने ।रागोत्पत्तिं विस्तरेण नामानि च वद प्रिय ॥ २॥

yāni yāni ca nāmāni nāradoktāni vai mune |rāgotpattiṃ vistareṇa nāmāni ca vada priya || 2||

वसिष्ठ उवाच ।साधु साधु महाभागे शिवभक्तिर्यतस्त्वयि ।तपःशुद्धो नारदोऽसौ ददर्श परमेश्वरम् ॥ ३॥

vasiṣṭha uvāca |sādhu sādhu mahābhāge śivabhaktiryatastvayi |tapaḥśuddho nārado'sau dadarśa parameśvaram || 3||

दृष्ट्वा तद्वै परं ब्रह्म सर्वज्ञो मुनिपुङ्गवः ।सस्मार प्रियनामानि शिवोक्तानि प्रियां प्रति ॥ ४॥

dṛṣṭvā tadvai paraṃ brahma sarvajño munipuṅgavaḥ |sasmāra priyanāmāni śivoktāni priyāṃ prati || 4||

नारदोऽस्य ऋषिः प्रोक्तोऽनुष्टुप्च्छन्दः प्रकीर्तितः ।श्रीशिवः परमात्मा वै देवता समुदाहृता ॥ ५॥

nārado'sya ṛṣiḥ prokto'nuṣṭupcchandaḥ prakīrtitaḥ |śrīśivaḥ paramātmā vai devatā samudāhṛtā || 5||

धर्मार्थकाममोक्षेषु विनियोगः प्रकीर्तितः ।सर्वारम्भप्रसिद्।ह्ध्यर्थमाधिव्याधिनिवृत्तये ॥ ६॥

dharmārthakāmamokṣeṣu viniyogaḥ prakīrtitaḥ |sarvārambhaprasid|hdhyarthamādhivyādhinivṛttaye || 6||

अस्य श्रीशिवसहस्रनामस्तोत्रमहामन्त्रस्य नारद ऋषिः ।अनुष्टुप् छन्दः । परमात्मा श्रीशिवो देवता ।धर्मार्थकाममोक्ष चतुर्विधपुरुषार्थसिध्यर्थे सर्व कर्म(कामना)सिध्यर्थे सर्व आधि व्याधि निवृत्यर्थे सहस्रनामजपे विनियोगः ॥नारद उवाच ।ॐ श्रीशिवः शिवदो भव्यो भावगम्यो वृषाकपिः ।वृषध्वजो वृषारूढो वृषक वृषेश्वरः ॥ ७॥

asya śrīśivasahasranāmastotramahāmantrasya nārada ṛṣiḥ |anuṣṭup chandaḥ | paramātmā śrīśivo devatā |dharmārthakāmamokṣa caturvidhapuruṣārthasidhyarthe sarva karma(kāmanā)sidhyarthe sarva ādhi vyādhi nivṛtyarthe sahasranāmajape viniyogaḥ ||nārada uvāca |oṃ śrīśivaḥ śivado bhavyo bhāvagamyo vṛṣākapiḥ |vṛṣadhvajo vṛṣārūḍho vṛṣaka vṛṣeśvaraḥ || 7||

शिवाधिपः शितः शम्भुः स्वयम्भूरात्मविद्विभुः ।सर्वज्ञोबहुहन्ताचभवानीपतिरच्युतः ॥ ८॥

śivādhipaḥ śitaḥ śambhuḥ svayambhūrātmavidvibhuḥ |sarvajñobahuhantācabhavānīpatiracyutaḥ || 8||

तन्त्रशास्त्रप्रमोदी च तन्त्रशास्त्रप्रदर्शकः ।तन्त्रप्रियस्तन्त्रग्मयोतन्त्रोवानन्ततन्त्रकः ॥ ९॥

tantraśāstrapramodī ca tantraśāstrapradarśakaḥ |tantrapriyastantragmayotantrovānantatantrakaḥ || 9||

तन्त्रीनादप्रियोदेवोभक्ततन्त्रविमोहितः ।तन्त्रात्मातन्त्रनिलयस्तन्त्रदर्शीसुतन्त्रकः ॥ १०॥

tantrīnādapriyodevobhaktatantravimohitaḥ |tantrātmātantranilayastantradarśīsutantrakaḥ || 10||

महादेव उमाकान्तश्चन्द्रशेखर ईश्वरः ।धूर्ज्जटिस्त्र्यम्बको धूर्तो धूर्तशत्रुरमावसुः ॥ ११॥

mahādeva umākāntaścandraśekhara īśvaraḥ |dhūrjjaṭistryambako dhūrto dhūrtaśatruramāvasuḥ || 11||

वामदेवो मृडः शम्भुः सुरेशो दैत्यमर्दनः ।अन्धकारहरो दण्डो ज्योतिष्मान् हरिवल्लभः ॥ १२॥

vāmadevo mṛḍaḥ śambhuḥ sureśo daityamardanaḥ |andhakāraharo daṇḍo jyotiṣmān harivallabhaḥ || 12||

गङ्गाधरो रमाकान्तः सर्वनाथः सुरारिहा ।प्रचण्डदैत्यविध्वंसी जम्भारातिररिन्दमः ॥ १३॥

gaṅgādharo ramākāntaḥ sarvanāthaḥ surārihā |pracaṇḍadaityavidhvaṃsī jambhārātirarindamaḥ || 13||

दानप्रियो दानदो दानतृप्तो दानवान्तकः ।करिदानप्रियो दानी दानात्मा दानपूजितः ॥ १४॥

dānapriyo dānado dānatṛpto dānavāntakaḥ |karidānapriyo dānī dānātmā dānapūjitaḥ || 14||

दानगम्यो ययातिश्च दयासिन्धुर्दयावहः ।भक्तिगम्यो भक्तसेव्यो भक्तिसन्तुष्टमानसः ॥ १५॥

dānagamyo yayātiśca dayāsindhurdayāvahaḥ |bhaktigamyo bhaktasevyo bhaktisantuṣṭamānasaḥ || 15||

भक्ताभयप्रदो भक्तो भक्ताभीष्टप्रदायकः ।भानुमान् भानुनेत्रश्च भानुवृन्दसमप्रभः ॥ १६॥

bhaktābhayaprado bhakto bhaktābhīṣṭapradāyakaḥ |bhānumān bhānunetraśca bhānuvṛndasamaprabhaḥ || 16||

सहस्रभानुः स्वर्भानुरात्मभानुर्जयावहः ।जयन्तो जयदो यज्ञो यज्ञात्मा यज्ञविज्जयः ॥ १७॥

sahasrabhānuḥ svarbhānurātmabhānurjayāvahaḥ |jayanto jayado yajño yajñātmā yajñavijjayaḥ || 17||

जयसेनो जयत्सेनो विजयो विजयप्रियः ।जाज्वल्यमानो ज्यायांश्च जलात्मा जलजो जवः ॥ १८॥

jayaseno jayatseno vijayo vijayapriyaḥ |jājvalyamāno jyāyāṃśca jalātmā jalajo javaḥ || 18||

पुरातनः पुरारातिस्त्रिपुरघ्नो रिपुघ्नकः ।पुराणः पुरुषः पुण्यः पुण्यगम्योऽतिपुण्यदः ॥ १९॥

purātanaḥ purārātistripuraghno ripughnakaḥ |purāṇaḥ puruṣaḥ puṇyaḥ puṇyagamyo'tipuṇyadaḥ || 19||

प्रभञ्जनः प्रभु पूर्णः पूर्णदेवः प्रतापवान् ।प्रबलोऽतिबलो देवो वेदवेद्यो जनाधिपः ॥ २०॥

prabhañjanaḥ prabhu pūrṇaḥ pūrṇadevaḥ pratāpavān |prabalo'tibalo devo vedavedyo janādhipaḥ || 20||

नरेशो नारदो मानी दैत्यमानविमर्दनः ।अमानो निर्ममो मान्यो मानवो मधुसूदनः ॥ २१॥

nareśo nārado mānī daityamānavimardanaḥ |amāno nirmamo mānyo mānavo madhusūdanaḥ || 21||

मनुपुत्रो मयारातिर्मङ्गलो मङ्गलास्पदः ।मालवो मलयावासो महोभिः संयुतोनलः ॥ २२॥

manuputro mayārātirmaṅgalo maṅgalāspadaḥ |mālavo malayāvāso mahobhiḥ saṃyutonalaḥ || 22||

नलाराध्यो नीलवासा नलात्मा नलपूजितः ।नलाधीशो नैगमिको निगमेन सुपूजितः ॥ २३॥

nalārādhyo nīlavāsā nalātmā nalapūjitaḥ |nalādhīśo naigamiko nigamena supūjitaḥ || 23||

निगमावेद्यरूपो हि धन्यो धेनुरमित्रहा ।कल्पवृक्षः कामधेनुर्धनुर्धारी महेश्वरः ॥ २४॥

nigamāvedyarūpo hi dhanyo dhenuramitrahā |kalpavṛkṣaḥ kāmadhenurdhanurdhārī maheśvaraḥ || 24||

दामनो दामिनीकान्तो दामोदर हरेश्वरः ।दमो दान्ता दयावान्श्च दानवेशो दनुप्रियः ॥ २५॥

dāmano dāminīkānto dāmodara hareśvaraḥ |damo dāntā dayāvānśca dānaveśo danupriyaḥ || 25||

दन्वीश्वरो दमी दन्ती दन्वाराध्यो जनुप्रदः ।आनन्दकन्दो मन्दारिर्मन्दारसुमपूजितः ॥ २६॥

danvīśvaro damī dantī danvārādhyo janupradaḥ |ānandakando mandārirmandārasumapūjitaḥ || 26||

नित्यानन्दो महानन्दो रमानन्दो निराश्रयः ।निर्जरो निर्जरप्रीतो निर्जरेश्वरपूजितः ॥ २७॥

nityānando mahānando ramānando nirāśrayaḥ |nirjaro nirjaraprīto nirjareśvarapūjitaḥ || 27||

कैलासवासी विश्वात्मा विश्वेशो विश्वतत्परः ।विश्वम्भरो विश्वसहो विश्वरूपो महीधरः ॥ २८॥

kailāsavāsī viśvātmā viśveśo viśvatatparaḥ |viśvambharo viśvasaho viśvarūpo mahīdharaḥ || 28||

केदारनिलयो भर्ता धर्ता हर्ता हरीश्वरः ।विष्णुसेव्यो जिष्णुनाथो जिष्णुः कृष्णो धरापतिः ॥ २९॥

kedāranilayo bhartā dhartā hartā harīśvaraḥ |viṣṇusevyo jiṣṇunātho jiṣṇuḥ kṛṣṇo dharāpatiḥ || 29||

बदरीनायको नेता रामभक्तो रमाप्रियः ।रमानाथो रामसेव्यः शैब्यापतिरकल्मषः ॥ ३०॥

badarīnāyako netā rāmabhakto ramāpriyaḥ |ramānātho rāmasevyaḥ śaibyāpatirakalmaṣaḥ || 30||

धराधीशो महानेत्रस्त्रिनेत्रश्चारुविक्रमः ।त्रिविक्रमो विक्रमेशस्त्रिलोकेशस्त्रयीमयः ॥ ३१॥

dharādhīśo mahānetrastrinetraścāruvikramaḥ |trivikramo vikrameśastrilokeśastrayīmayaḥ || 31||

वेदगम्यो वेदवादी वेदात्मा वेदवर्द्धनः ।देवेश्वरो देवपूज्यो वेदान्तार्थप्रचारकः ॥ ३२॥

vedagamyo vedavādī vedātmā vedavarddhanaḥ |deveśvaro devapūjyo vedāntārthapracārakaḥ || 32||

वेदान्तवेद्यो वैष्णवश्च कविः काव्यकलाधरः ।कालात्मा कालहृत्कालः कलात्मा कालसूदनः ॥ ३३॥

vedāntavedyo vaiṣṇavaśca kaviḥ kāvyakalādharaḥ |kālātmā kālahṛtkālaḥ kalātmā kālasūdanaḥ || 33||

केलीप्रियः सुकेलिश्च कलङ्करहितः क्रमः ।कर्मकर्ता सुकर्मा च कर्मेशः कर्मवर्जितः ॥ ३४॥

kelīpriyaḥ sukeliśca kalaṅkarahitaḥ kramaḥ |karmakartā sukarmā ca karmeśaḥ karmavarjitaḥ || 34||

मीमांसाशास्त्रवेत्ता यः शर्वो मीमांसकप्रियः ।प्रकृतिः पुरुषः पञ्चतत्त्वज्ञो ज्ञानिनां वरः ॥ ३५॥

mīmāṃsāśāstravettā yaḥ śarvo mīmāṃsakapriyaḥ |prakṛtiḥ puruṣaḥ pañcatattvajño jñānināṃ varaḥ || 35||

साङ्ख्यशास्त्रप्रमोदी च सङ्ख्यावान्पण्डितः प्रभुः ।असङ्ख्यातगुणग्रामो गुणात्मा गुणवर्जितः ॥ ३६॥

sāṅkhyaśāstrapramodī ca saṅkhyāvānpaṇḍitaḥ prabhuḥ |asaṅkhyātaguṇagrāmo guṇātmā guṇavarjitaḥ || 36||

निर्गुणो निरहङ्कारो रसाधीशो रसप्रियः ।रसास्वादी रसावेद्यो नीरसो नीरजप्रियः ॥ ३७॥

nirguṇo nirahaṅkāro rasādhīśo rasapriyaḥ |rasāsvādī rasāvedyo nīraso nīrajapriyaḥ || 37||

निर्मलो निरनुक्रोशी निर्दन्तो निर्भयप्रदः ।गङ्गाख्योतोयं च मीनध्वजविमर्दनः ॥ ३८॥

nirmalo niranukrośī nirdanto nirbhayapradaḥ |gaṅgākhyotoyaṃ ca mīnadhvajavimardanaḥ || 38||

अन्धकारिबृहद्दंष्ट्रो बृहदश्वो बृहत्तनुः ।बृहस्पतिः सुराचार्यो गीर्वाणगणपूजितः ॥ ३९॥

andhakāribṛhaddaṃṣṭro bṛhadaśvo bṛhattanuḥ |bṛhaspatiḥ surācāryo gīrvāṇagaṇapūjitaḥ || 39||

वासुदेवो महाबाहुर्विरूपाक्षो विरूपकः ।पूष्णो दन्तविनाशी च मुरारिर्भगनेत्रहा ॥ ४०॥

vāsudevo mahābāhurvirūpākṣo virūpakaḥ |pūṣṇo dantavināśī ca murārirbhaganetrahā || 40||

वेदव्यासो नागहारा विषहा विषनायकः ।विरजाः सजलोऽनन्तो वासुकिश्चापराजितः ॥ ४१॥

vedavyāso nāgahārā viṣahā viṣanāyakaḥ |virajāḥ sajalo'nanto vāsukiścāparājitaḥ || 41||

बालो वृद्धो युवा मृत्युर्मुत्युहा भालचन्द्रकः ।बलभद्रो बलारातिर्दृढधन्वावृषध्वजः ॥ ४२॥

bālo vṛddho yuvā mṛtyurmutyuhā bhālacandrakaḥ |balabhadro balārātirdṛḍhadhanvāvṛṣadhvajaḥ || 42||

प्रमथेशो गणपतिः कार्तिकेयो वृकोदरः ।अग्निगर्भोऽग्निनाभश्च पद्मनाभः प्रभाकरः ॥ ४३॥

pramatheśo gaṇapatiḥ kārtikeyo vṛkodaraḥ |agnigarbho'gninābhaśca padmanābhaḥ prabhākaraḥ || 43||

हिरण्यगर्भो लोकेशो वेणुनादः प्रतर्दनः ।वायुर्भगो वसुर्भर्गो दक्षः प्राचेतसो मुनिः ॥ ४४॥

hiraṇyagarbho lokeśo veṇunādaḥ pratardanaḥ |vāyurbhago vasurbhargo dakṣaḥ prācetaso muniḥ || 44||

नादब्रह्मरतो नादी नन्दनावास अम्बरः ।अम्बरीषोम्बुनिलयो जामदग्न्यः परात्परः ॥ ४५॥

nādabrahmarato nādī nandanāvāsa ambaraḥ |ambarīṣombunilayo jāmadagnyaḥ parātparaḥ || 45||

कृतवीर्यसुतो राजा कार्तवीर्यप्रमर्दनः ।जमदग्निर्जातरूपो जातरूपपरिच्छदः ॥ ४६॥

kṛtavīryasuto rājā kārtavīryapramardanaḥ |jamadagnirjātarūpo jātarūpaparicchadaḥ || 46||

कर्पूरगौरो गौरीशो गोपतिर्गोपनायकः ।प्राणीश्वरः प्रमाणज्ञो प्रमेयोऽज्ञाननाशनः ॥ ४७॥

karpūragauro gaurīśo gopatirgopanāyakaḥ |prāṇīśvaraḥ pramāṇajño prameyo'jñānanāśanaḥ || 47||

हंसो हंसगतिर्मीनो ब्रह्मा लोकपितामहः ।यमुनाधीश्वरो याम्यो यमभीतिविमर्दनः ॥ ४८॥

haṃso haṃsagatirmīno brahmā lokapitāmahaḥ |yamunādhīśvaro yāmyo yamabhītivimardanaḥ || 48||

नारायणो नारपूज्यो वसुवर्णो वसुप्रियः ।वासवो बलहा वृत्रहन्ता यन्ता पराक्रमी ॥ ४९॥

nārāyaṇo nārapūjyo vasuvarṇo vasupriyaḥ |vāsavo balahā vṛtrahantā yantā parākramī || 49||

बृहदीशो बृहद्भानुर्वर्द्धनो बालवः परः ।शरभो नरसंहारी कोलशत्रुर्विभाकरः ॥ ५०॥

bṛhadīśo bṛhadbhānurvarddhano bālavaḥ paraḥ |śarabho narasaṃhārī kolaśatrurvibhākaraḥ || 50||

रथचक्रो दशरथो रामः शस्त्रभृतां वरः ।नारदीयो नरानन्दो नायकः प्रमथारिहा ॥ ५१॥

rathacakro daśaratho rāmaḥ śastrabhṛtāṃ varaḥ |nāradīyo narānando nāyakaḥ pramathārihā || 51||

रुद्रो रौद्रौ रुद्रमुख्यो रौद्रात्मा रोमवर्जितः ।जलन्धरहरो हव्यो हविर्द्धामा बृहद्धविः ॥ ५२॥

rudro raudrau rudramukhyo raudrātmā romavarjitaḥ |jalandharaharo havyo havirddhāmā bṛhaddhaviḥ || 52||

रविः सप्तार्चिरनघो द्वादशात्मा दिवाकरः ।प्रद्योतनो दिनपतिः सप्तसप्तिर्मरीचिमान् ॥ ५३॥

raviḥ saptārciranagho dvādaśātmā divākaraḥ |pradyotano dinapatiḥ saptasaptirmarīcimān || 53||

सोमोब्जो ग्लौश्च रात्रीशः कुजो जैवात्रिको बुधः ।शुक्रो दैत्यगुरुर्भौमो भीमो भीमपराक्रमः ॥ ५४॥

somobjo glauśca rātrīśaḥ kujo jaivātriko budhaḥ |śukro daityagururbhaumo bhīmo bhīmaparākramaḥ || 54||

शनिः पङ्गुर्मदान्धो वै भङ्गाभक्षणतत्परः ।राहुः केतुः सैंहिकेयो ग्रहात्माग्रहपूजितः ॥ ५५॥

śaniḥ paṅgurmadāndho vai bhaṅgābhakṣaṇatatparaḥ |rāhuḥ ketuḥ saiṃhikeyo grahātmāgrahapūjitaḥ || 55||

नक्षत्रेशोऽश्विनीनाथो मैनाकनिलयः शुभः ।विन्ध्याटवीसमाच्छन्नः सेतुबन्धनिकेतनः ॥ ५६॥

nakṣatreśo'śvinīnātho mainākanilayaḥ śubhaḥ |vindhyāṭavīsamācchannaḥ setubandhaniketanaḥ || 56||

कूर्मपर्वतवासी च वागीशो वाग्विदाम्वरः ।योगेश्वरो महीनाथः पातालभुवनेश्वरः ॥ ५७॥

kūrmaparvatavāsī ca vāgīśo vāgvidāmvaraḥ |yogeśvaro mahīnāthaḥ pātālabhuvaneśvaraḥ || 57||

काशिनाथो नीलकेशो हरिकेशो मनोहरः ।उमाकान्तो यमारातिर्बौद्धपर्वतनायकः ॥ ५८॥

kāśinātho nīlakeśo harikeśo manoharaḥ |umākānto yamārātirbauddhaparvatanāyakaḥ || 58||

तटासुरनिहन्ता च सर्वयज्ञसुपूजितः ।गङ्गाद्वारनिवासो वै वीरभद्रो भयानकः ॥ ५९॥

taṭāsuranihantā ca sarvayajñasupūjitaḥ |gaṅgādvāranivāso vai vīrabhadro bhayānakaḥ || 59||

भानुदत्तो भानुनाथो जरासन्धविमर्दनः ।यवमालीश्वरः पारो गण्डकीनिलयो हरः ॥ ६०॥

bhānudatto bhānunātho jarāsandhavimardanaḥ |yavamālīśvaraḥ pāro gaṇḍakīnilayo haraḥ || 60||

शालग्रामशिलावासी नर्मदातटपूजितः ।बाणलिङ्गो बाणपिता बाणधिर्बाणपूजितः ॥ ६१॥

śālagrāmaśilāvāsī narmadātaṭapūjitaḥ |bāṇaliṅgo bāṇapitā bāṇadhirbāṇapūjitaḥ || 61||

बाणासुरनिहन्ता च रामबाणो भयापहः ।रामदूतो रामनाथो रामनारायणोऽव्ययः ॥ ६२॥

bāṇāsuranihantā ca rāmabāṇo bhayāpahaḥ |rāmadūto rāmanātho rāmanārāyaṇo'vyayaḥ || 62||

पार्वतीशः परामृष्टो नारदो नारपूजितः ।पर्वतेशः पार्वतीयः पार्वतीप्राणवल्लभः ॥ ६३॥

pārvatīśaḥ parāmṛṣṭo nārado nārapūjitaḥ |parvateśaḥ pārvatīyaḥ pārvatīprāṇavallabhaḥ || 63||

सर्वेश्वरः सर्वकर्ता लोकाध्यक्षो महामतिः ।निरालम्बो हठाध्यक्षो वननाथो वनाश्रयः ॥ ६४॥

sarveśvaraḥ sarvakartā lokādhyakṣo mahāmatiḥ |nirālambo haṭhādhyakṣo vananātho vanāśrayaḥ || 64||

श्मशानवासी दमनो मदनारिर्मदालयः ।भूतवेतालसर्वस्वः स्कन्दः स्कन्दजनिर्जनः ॥ ६५॥

śmaśānavāsī damano madanārirmadālayaḥ |bhūtavetālasarvasvaḥ skandaḥ skandajanirjanaḥ || 65||

वेतालशतनाथो वै वेतालशतपूजितः ।वेतालो भैरवाकारो वेतालनिलयो बलः ॥ ६६॥

vetālaśatanātho vai vetālaśatapūjitaḥ |vetālo bhairavākāro vetālanilayo balaḥ || 66||

भूर्भुवः स्वर्वषट्कारो भूतभव्यविभुर्महः ।जनो महस्तपः सत्यं पातालनिलयो लयः ॥ ६७॥

bhūrbhuvaḥ svarvaṣaṭkāro bhūtabhavyavibhurmahaḥ |jano mahastapaḥ satyaṃ pātālanilayo layaḥ || 67||

पत्री पुष्पी फली तोयी महीरूपसमाश्रितः ।स्वधा स्वाहा नमस्कारो भद्रो भद्रपतिर्भवः ॥ ६८॥

patrī puṣpī phalī toyī mahīrūpasamāśritaḥ |svadhā svāhā namaskāro bhadro bhadrapatirbhavaḥ || 68||

उमापतिर्व्योमकेशो भीमधन्वा भयानकः ।पुष्टस्तुष्टोधराधारो बलिदो बलिभृद्बली ॥ ६९॥

umāpatirvyomakeśo bhīmadhanvā bhayānakaḥ |puṣṭastuṣṭodharādhāro balido balibhṛdbalī || 69||

ओङ्कारो नृमयो मायी विघ्नहर्ता गणाधिपः ।ह्रीं ह्रौं गम्यो हौं जूँ सः हौं शिवायनमो ज्वरः ॥ ७०॥

oṅkāro nṛmayo māyī vighnahartā gaṇādhipaḥ |hrīṃ hrauṃ gamyo hauṃ jūm̐ saḥ hauṃ śivāyanamo jvaraḥ || 70||

द्राँ द्राँ रूपो दुराधर्षो नादबिन्द्वात्मकोऽनिलः ।रस्तारो नेत्रनादश्च चण्डीशो मलयाचलः ॥ ७१॥

drām̐ drām̐ rūpo durādharṣo nādabindvātmako'nilaḥ |rastāro netranādaśca caṇḍīśo malayācalaḥ || 71||

षडक्षरमहामन्त्रः शस्त्रभृच्छस्त्रनायकः ।शास्त्रवेत्ता तु शास्त्रीशः शस्त्रमन्त्रप्रपूजितः ॥ ७२॥

ṣaḍakṣaramahāmantraḥ śastrabhṛcchastranāyakaḥ |śāstravettā tu śāstrīśaḥ śastramantraprapūjitaḥ || 72||

निर्वपुः सुवपुः कान्तः कान्ताजनमनोहरः ।भगमाली भगो भाग्यो भगहा भगपूजितः ॥ ७३॥

nirvapuḥ suvapuḥ kāntaḥ kāntājanamanoharaḥ |bhagamālī bhago bhāgyo bhagahā bhagapūjitaḥ || 73||

भगपूजनसन्तुष्टो महाभाग्यसुपूजितः ।पूजारतो विपाप्मा च क्षितिबीजो धरोप्तिकृत् ॥ ७४॥

bhagapūjanasantuṣṭo mahābhāgyasupūjitaḥ |pūjārato vipāpmā ca kṣitibījo dharoptikṛt || 74||

मण्डलो मण्डलाभासो मण्डलार्द्धो विमण्डलः ।चन्द्रमण्डलपूज्यो वै रविमण्डलमन्दिरः ॥ ७५॥

maṇḍalo maṇḍalābhāso maṇḍalārddho vimaṇḍalaḥ |candramaṇḍalapūjyo vai ravimaṇḍalamandiraḥ || 75||

सर्वमण्डलसर्वस्वः पूजामण्डलमण्डितः ।पृथ्वीमण्डलवासश्च भक्तमण्डलपूजितः ॥ ७६॥

sarvamaṇḍalasarvasvaḥ pūjāmaṇḍalamaṇḍitaḥ |pṛthvīmaṇḍalavāsaśca bhaktamaṇḍalapūjitaḥ || 76||

मण्डलात्परसिद्धिश्च महामण्डलमण्डलः ।मुखमण्डलशोभाढ्यो राजमण्डलवर्जितः ॥ ७७॥

maṇḍalātparasiddhiśca mahāmaṇḍalamaṇḍalaḥ |mukhamaṇḍalaśobhāḍhyo rājamaṇḍalavarjitaḥ || 77||

निष्प्रभः प्रभुरीशानो मृगव्याधो मृगारिहा ।मृगाङ्कशोभो हेमाढ्यो हिमात्मा हिमसुन्दरः ॥ ७८॥

niṣprabhaḥ prabhurīśāno mṛgavyādho mṛgārihā |mṛgāṅkaśobho hemāḍhyo himātmā himasundaraḥ || 78||

हेमहेमनिधिर्हेमो हिमानीशो हिमप्रियः ।शीतवातसहः शीतो ह्यशीतिगणसेवितः ॥ ७९॥

hemahemanidhirhemo himānīśo himapriyaḥ |śītavātasahaḥ śīto hyaśītigaṇasevitaḥ || 79||

आशाश्रयो दिगात्मा च जीवो जीवाश्रयः पतिः ।पतिताशी पतिः पान्थो निःपान्थोनर्थनाशकः ॥ ८०॥

āśāśrayo digātmā ca jīvo jīvāśrayaḥ patiḥ |patitāśī patiḥ pāntho niḥpānthonarthanāśakaḥ || 80||

बुद्धिदो बुद्धिनिलयो बुद्धो बुद्धपतिर्धवः ।मेधाकरो मेधमानो मध्यो मध्यो मधुप्रियः ॥ ८१॥

buddhido buddhinilayo buddho buddhapatirdhavaḥ |medhākaro medhamāno madhyo madhyo madhupriyaḥ || 81||

मधुव्यो मधुमान्बन्धुर्धन्धुमारो धवाश्रयः ।धर्मी धर्मप्रियो धन्यो धान्यराशिर्धनावहः ॥ ८२॥

madhuvyo madhumānbandhurdhandhumāro dhavāśrayaḥ |dharmī dharmapriyo dhanyo dhānyarāśirdhanāvahaḥ || 82||

धरात्मजो धनो धान्यो मान्यनाथो मदालसः ।लम्बोदरो लङ्करिष्णुर्लङ्कानाथसुपूजितः ॥ ८३॥

dharātmajo dhano dhānyo mānyanātho madālasaḥ |lambodaro laṅkariṣṇurlaṅkānāthasupūjitaḥ || 83||

लङ्काभस्मप्रियो लङ्को लङ्केशरिपुपूजितः ।समुद्रो मकरावासो मकरन्दो मदान्वितः ॥ ८४॥

laṅkābhasmapriyo laṅko laṅkeśaripupūjitaḥ |samudro makarāvāso makarando madānvitaḥ || 84||

मथुरानाथको तन्द्रो मथुरावासतत्परः ।वृन्दावनमनः प्रीतिर्वृन्दापूजितविग्रहः ॥ ८५॥

mathurānāthako tandro mathurāvāsatatparaḥ |vṛndāvanamanaḥ prītirvṛndāpūjitavigrahaḥ || 85||

यमुनापुलिनावासः कंसचाणूरमर्दनः ।अरिष्टहा शुभतनुर्माधवो माधवाग्रजः ॥ ८६॥

yamunāpulināvāsaḥ kaṃsacāṇūramardanaḥ |ariṣṭahā śubhatanurmādhavo mādhavāgrajaḥ || 86||

वसुदेवसुतः कृष्णः कृष्णाप्रियतमः शुचिः ।कृष्णद्वैपायनो वेधाः सृष्टिसंहारकारकः ॥ ८७॥

vasudevasutaḥ kṛṣṇaḥ kṛṣṇāpriyatamaḥ śuciḥ |kṛṣṇadvaipāyano vedhāḥ sṛṣṭisaṃhārakārakaḥ || 87||

चतुर्विधो विश्वहर्ता धाता धर्मपरायणः ।यातुधानो महाकायो रक्षःकुलविनाशनः ॥ ८८॥

caturvidho viśvahartā dhātā dharmaparāyaṇaḥ |yātudhāno mahākāyo rakṣaḥkulavināśanaḥ || 88||

घण्टानादो महानादो भेरीशब्दपरायणः ।परमेशः पराविज्ञो ज्ञानगम्यो गणेश्वरः ॥ ८९॥

ghaṇṭānādo mahānādo bherīśabdaparāyaṇaḥ |parameśaḥ parāvijño jñānagamyo gaṇeśvaraḥ || 89||

पार्श्वमौलिश्चन्द्रमौलिर्धर्ममौलिः सुरारिहा ।जङ्घाप्रतर्दनो जम्भो जम्भारातिरिन्दमः ॥ ९०॥

pārśvamauliścandramaulirdharmamauliḥ surārihā |jaṅghāpratardano jambho jambhārātirindamaḥ || 90||

ओङ्कारगम्यो नादेशः सोमेशः सिद्धिकारणम् ।अकारोऽमृतकल्पश्च आनन्दो वृषभध्वजः ॥ ९१॥

oṅkāragamyo nādeśaḥ someśaḥ siddhikāraṇam |akāro'mṛtakalpaśca ānando vṛṣabhadhvajaḥ || 91||

आत्मा रतिश्चात्मगम्यो यथार्थात्मा नरारिहा ।इकारश्चेतिकालश्च इति होतिप्रभञ्जनः ॥ ९२॥

ātmā ratiścātmagamyo yathārthātmā narārihā |ikāraścetikālaśca iti hotiprabhañjanaḥ || 92||

ईशितारिभवो ऋक्ष ऋकारवरपूजितः ।ऌवर्णरूपो ऌकारो ऌवर्णस्थो ऌरात्मवान् ॥ ९३॥ (लरात्मवान्)

īśitāribhavo ṛkṣa ṛkāravarapūjitaḥ |ḷvarṇarūpo ḷkāro ḷvarṇastho ḷrātmavān || 93|| (larātmavān)

ऐरूपो महानेत्रो जन्ममृत्युविवर्जितः ।ओतुरौतुरन्डजस्थो हन्तहन्ता कलाकरः ॥ ९४॥

airūpo mahānetro janmamṛtyuvivarjitaḥ |oturauturanḍajastho hantahantā kalākaraḥ || 94||

कालीनाथः खञ्जनाक्षो खण्डोखण्डितविक्रमः ।गन्धर्वेशो गणारातिर्घण्टाभरणपूजितः ॥ ९५॥

kālīnāthaḥ khañjanākṣo khaṇḍokhaṇḍitavikramaḥ |gandharveśo gaṇārātirghaṇṭābharaṇapūjitaḥ || 95||

ङकारो ङीप्रत्ययश्च चामरश्चामराश्रयः ।चीराम्बरधरश्चारुश्चारुचञ्चुश्वरेश्वरः ॥ ९६॥

ṅakāro ṅīpratyayaśca cāmaraścāmarāśrayaḥ |cīrāmbaradharaścāruścārucañcuśvareśvaraḥ || 96||

छत्री छत्रपतिश्छात्रश्छत्रेशश्छात्रपूजितः ।झर्झरो झङ्कृतिर्झञ्जा झञ्झेशो झम्परो झरः ॥ ९७॥

chatrī chatrapatiśchātraśchatreśaśchātrapūjitaḥ |jharjharo jhaṅkṛtirjhañjā jhañjheśo jhamparo jharaḥ || 97||

झङ्केशाण्डधरो झारिष्टं कष्टं कारपूजितः ।रोमहारिर्वृषारिश्च ढुण्ढिराजो झलात्मजः ॥ ९८॥

jhaṅkeśāṇḍadharo jhāriṣṭaṃ kaṣṭaṃ kārapūjitaḥ |romahārirvṛṣāriśca ḍhuṇḍhirājo jhalātmajaḥ || 98||

ढोलशब्दरतो ढक्का ढकारेण प्रपूजितः ।तारापतिस्ततस्तन्तुस्तारेशः स्तम्भसंश्रितः ॥ ९९॥

ḍholaśabdarato ḍhakkā ḍhakāreṇa prapūjitaḥ |tārāpatistatastantustāreśaḥ stambhasaṃśritaḥ || 99||

थवर्णस्थूत्करःस्थूलो दनुजो दनुजान्तकृत् ।दाडिमीकुसुमप्रख्यो दान्तारिर्दर्दरातिगः ॥ १००॥

thavarṇasthūtkaraḥsthūlo danujo danujāntakṛt |dāḍimīkusumaprakhyo dāntārirdardarātigaḥ || 100||

दन्तवक्रो दन्तजिह्वा दन्तवक्रविनाशनः ।धवो धवाग्रजो धुन्धुधौन्धुमारिर्धराधरः ॥ १०१॥

dantavakro dantajihvā dantavakravināśanaḥ |dhavo dhavāgrajo dhundhudhaundhumārirdharādharaḥ || 101||

धम्मिल्लिनीजनानन्दो धर्माधर्मविवर्जितः ।नागेशो नागनिलियो नारदादिभिरार्चितः ॥ १०२॥

dhammillinījanānando dharmādharmavivarjitaḥ |nāgeśo nāganiliyo nāradādibhirārcitaḥ || 102||

नन्दो नन्दीपतिर्नन्दी नन्दीश्वरसहायवान् ।पणः प्रणीश्वरः पान्थः पाथेयः पथिकार्चितः ॥ १०३॥

nando nandīpatirnandī nandīśvarasahāyavān |paṇaḥ praṇīśvaraḥ pānthaḥ pātheyaḥ pathikārcitaḥ || 103||

पानीयाधिपतिः पाथः फलवान् फलसंस्कृतः ।फणीशतविभूषा च फणीफूत्कारमण्डितः ॥ १०४॥

pānīyādhipatiḥ pāthaḥ phalavān phalasaṃskṛtaḥ |phaṇīśatavibhūṣā ca phaṇīphūtkāramaṇḍitaḥ || 104||

फालः फल्गुरथः फान्तो वेणुनाथो वनेचरः ।वन्यप्रियो वनानन्दो वनस्पतिगणेश्वरः ॥ १०५॥

phālaḥ phalgurathaḥ phānto veṇunātho vanecaraḥ |vanyapriyo vanānando vanaspatigaṇeśvaraḥ || 105||

वालीनिहन्ता वाल्मीको वृन्दावनकुतूहली ।वेणुनादप्रियो वैद्यो भगणो भगणार्चितः ॥ १०६॥

vālīnihantā vālmīko vṛndāvanakutūhalī |veṇunādapriyo vaidyo bhagaṇo bhagaṇārcitaḥ || 106||

भेरूण्डो भासको भासी भास्करो भानुपूजितः ।भद्रो भाद्रपदो भाद्रो भद्रदो भाद्रतत्परः ॥ १०७॥

bherūṇḍo bhāsako bhāsī bhāskaro bhānupūjitaḥ |bhadro bhādrapado bhādro bhadrado bhādratatparaḥ || 107||

मेनकापतिमन्द्राश्वो महामैनाकपर्वतः ।मानवो मनुनाथश्च मदहा मदलोचनः ॥ १०८॥

menakāpatimandrāśvo mahāmainākaparvataḥ |mānavo manunāthaśca madahā madalocanaḥ || 108||

यज्ञाशी याज्ञिको यामी यमभीतिविमर्दनः ।यमको यमुनावासो यमसंयमदायकः ॥ १०९॥

yajñāśī yājñiko yāmī yamabhītivimardanaḥ |yamako yamunāvāso yamasaṃyamadāyakaḥ || 109||

रक्ताक्षो रक्तदन्तश्च राजसो राजसप्रियः ।रन्तिदेवो रत्नमतीरामनाथो रमाप्रियः ॥ ११०॥

raktākṣo raktadantaśca rājaso rājasapriyaḥ |rantidevo ratnamatīrāmanātho ramāpriyaḥ || 110||

लक्ष्मीकरो लाक्षणिको लक्षेशो लक्षपूजितः ।लम्बोदरो लाङ्गलिको लक्षलाभपितामहः ॥ १११॥

lakṣmīkaro lākṣaṇiko lakṣeśo lakṣapūjitaḥ |lambodaro lāṅgaliko lakṣalābhapitāmahaḥ || 111||

बालको बालकप्रीतो वरेण्यो बालपूजितः ।शर्वः शर्वी शरी शास्त्री शर्वरीगणसुन्दरः ॥ ११२॥

bālako bālakaprīto vareṇyo bālapūjitaḥ |śarvaḥ śarvī śarī śāstrī śarvarīgaṇasundaraḥ || 112||

शाकम्भरीपीठसंस्थः शाकद्वीपनिवासकः ।षोढासमासनिलयः षण्ढः षाढवमन्दिरः ॥ ११३॥

śākambharīpīṭhasaṃsthaḥ śākadvīpanivāsakaḥ |ṣoḍhāsamāsanilayaḥ ṣaṇḍhaḥ ṣāḍhavamandiraḥ || 113||

षाण्डवाडम्बरः षाण्ड्यः षष्ठीपूजनतत्परः ।सर्वेश्वरः सर्वतत्त्वः सामगम्योसमानकः ॥ ११४॥

ṣāṇḍavāḍambaraḥ ṣāṇḍyaḥ ṣaṣṭhīpūjanatatparaḥ |sarveśvaraḥ sarvatattvaḥ sāmagamyosamānakaḥ || 114||

सेतुः संसारसंहर्ता सारः सारस्वतप्रियः ।हर्म्यनाथो हर्म्यकर्ता हेतुहा निहनो हरः ॥ ११५॥

setuḥ saṃsārasaṃhartā sāraḥ sārasvatapriyaḥ |harmyanātho harmyakartā hetuhā nihano haraḥ || 115||

हालाप्रियो हलापाङ्गो हनुमान्पतिरव्ययः ।सर्वायुधधरोभीष्टो भयो भास्वान् भयान्तकृत् ॥ ११६॥

hālāpriyo halāpāṅgo hanumānpatiravyayaḥ |sarvāyudhadharobhīṣṭo bhayo bhāsvān bhayāntakṛt || 116||

कुब्जाम्रकनिवासश्च झिण्टीशो वाग्विदांवरः ।रेणुकादुःखहन्ता च विराटनगरस्थितः ॥ ११७॥

kubjāmrakanivāsaśca jhiṇṭīśo vāgvidāṃvaraḥ |reṇukāduḥkhahantā ca virāṭanagarasthitaḥ || 117||

जमदग्निर्भार्गवो वै पुलस्त्यः पुलहः क्रतुः ।क्रान्तिराजो द्रोणपुत्रोऽश्वत्थामा सुरथी कृपः ॥ ११८॥

jamadagnirbhārgavo vai pulastyaḥ pulahaḥ kratuḥ |krāntirājo droṇaputro'śvatthāmā surathī kṛpaḥ || 118||

कामाख्यनिलयो विश्वनिलयो भुवनेश्वरः ।रघूद्वहो राज्यदाता राजनीतिकरोव्रणः ॥ ११९॥

kāmākhyanilayo viśvanilayo bhuvaneśvaraḥ |raghūdvaho rājyadātā rājanītikarovraṇaḥ || 119||

राजराजेश्वरीकान्तो राजराजसुपूजितः ।सर्वबन्धविनिर्मुक्तः सर्वदारिद्र्यनाशनः ॥ १२०॥

rājarājeśvarīkānto rājarājasupūjitaḥ |sarvabandhavinirmuktaḥ sarvadāridryanāśanaḥ || 120||

जटामण्डलसर्वस्वो गङ्गाधारासुमण्डितः ।जीवदाताशयो धेनुर्यादवो यदुपुङ्गवः ॥ १२१॥

jaṭāmaṇḍalasarvasvo gaṅgādhārāsumaṇḍitaḥ |jīvadātāśayo dhenuryādavo yadupuṅgavaḥ || 121||

मूर्खवागीश्वरो भर्गो मूर्खविद्या दयानिधिः ।दीनदुःखनिहन्ता च दीनदाता दयार्णवः ॥ १२२॥

mūrkhavāgīśvaro bhargo mūrkhavidyā dayānidhiḥ |dīnaduḥkhanihantā ca dīnadātā dayārṇavaḥ || 122||

गङ्गातरङ्गभूषा च गङ्गाभक्तिपरायणः ।भगीरथप्राणदाता ककुत्स्थनृपपूजितः ॥ १२३॥

gaṅgātaraṅgabhūṣā ca gaṅgābhaktiparāyaṇaḥ |bhagīrathaprāṇadātā kakutsthanṛpapūjitaḥ || 123||

मान्धातृजयदो वेणुः पृथुः पृथुयशः स्थिरः ।जाल्मपादो जाल्मनाथो जाल्मप्रीतिविवर्द्धनः ॥ १२४॥

māndhātṛjayado veṇuḥ pṛthuḥ pṛthuyaśaḥ sthiraḥ |jālmapādo jālmanātho jālmaprītivivarddhanaḥ || 124||

सन्ध्याभर्ता रौद्रवपुर्महानीलशिलास्थितः ।शम्भलग्रामवासश्च प्रियानूपमपत्तनः ॥ १२५॥

sandhyābhartā raudravapurmahānīlaśilāsthitaḥ |śambhalagrāmavāsaśca priyānūpamapattanaḥ || 125||

शाण्डिल्यो ब्रह्मशौण्डाख्यः शारदो वैद्यजीवनः ।राजवृक्षो ज्वरघ्नश्च निर्गुण्डीमूलसंस्थितः ॥ १२६॥

śāṇḍilyo brahmaśauṇḍākhyaḥ śārado vaidyajīvanaḥ |rājavṛkṣo jvaraghnaśca nirguṇḍīmūlasaṃsthitaḥ || 126||

अतिसारहरो जातीवल्कबीजो जलं नभः ।जाह्नवीदेशनिलयो भक्तग्रामनिकेतनः ॥ १२७॥

atisāraharo jātīvalkabījo jalaṃ nabhaḥ |jāhnavīdeśanilayo bhaktagrāmaniketanaḥ || 127||

पुराणगम्यो गम्येशः स्कान्दादिप्रतिपादकः ।अष्टादशपुराणानां कर्ता काव्येश्वरः प्रभुः ॥ १२८॥

purāṇagamyo gamyeśaḥ skāndādipratipādakaḥ |aṣṭādaśapurāṇānāṃ kartā kāvyeśvaraḥ prabhuḥ || 128||

जलयन्त्रो जलावासो जलधेनुर्जलोदरः ।चिकित्सको भिषग्वैद्यो निर्लोभो लोभतस्करः ॥ १२९॥

jalayantro jalāvāso jaladhenurjalodaraḥ |cikitsako bhiṣagvaidyo nirlobho lobhataskaraḥ || 129||

चिदानन्दश्चिदाभासचिदात्मा चित्तवर्जितः ।चित्स्वरूपश्चिरायुश्च चिरायुरभिदायकः ॥ १३०॥

cidānandaścidābhāsacidātmā cittavarjitaḥ |citsvarūpaścirāyuśca cirāyurabhidāyakaḥ || 130||

चीत्कारगुणसन्तुष्टोऽचलोऽनन्तप्रदायकः ।मासः पक्षो ह्यहोरात्रमृतुस्त्वयनरूपकः ॥ १३१॥

cītkāraguṇasantuṣṭo'calo'nantapradāyakaḥ |māsaḥ pakṣo hyahorātramṛtustvayanarūpakaḥ || 131||

संवत्सरः परः कालः कलाकाष्ठात्मकः कलिः ।सत्यं त्रेता द्वापरश्च तथा स्वायम्भुवः स्मृतः ॥ १३२॥

saṃvatsaraḥ paraḥ kālaḥ kalākāṣṭhātmakaḥ kaliḥ |satyaṃ tretā dvāparaśca tathā svāyambhuvaḥ smṛtaḥ || 132||

स्वारोचिषस्तामसश्च औत्तमी रैवतस्तथा ।चाक्षुषो वैवस्वतश्च सावर्णिः सूर्यसम्भवः ॥ १३३॥

svārociṣastāmasaśca auttamī raivatastathā |cākṣuṣo vaivasvataśca sāvarṇiḥ sūryasambhavaḥ || 133||

दक्षसावर्णिको मेरुसावर्णिक इतिप्रभः ।रौच्यो भौत्यस्तथा गव्यो भूतिदश्च तथा दरः ॥ १३४॥

dakṣasāvarṇiko merusāvarṇika itiprabhaḥ |raucyo bhautyastathā gavyo bhūtidaśca tathā daraḥ || 134||

रागज्ञानप्रदो रागी रागी रागपरायणः ।नारदः प्राणनिलयो नीलाम्बरधरोऽव्ययः ॥ १३५॥

rāgajñānaprado rāgī rāgī rāgaparāyaṇaḥ |nāradaḥ prāṇanilayo nīlāmbaradharo'vyayaḥ || 135||

अनेकनामा गङ्गेशो गङ्गातीरनिकेतनः ।गङ्गाजलनिवासश्च गङ्गाजलपरायणः ॥ १३६॥

anekanāmā gaṅgeśo gaṅgātīraniketanaḥ |gaṅgājalanivāsaśca gaṅgājalaparāyaṇaḥ || 136||

वसिष्ठ उवाच ।नाम्नोमेतत्सहस्रं वै नारदेनोदितं तु यत् ।तत्तेद्य कथितं देवि सर्वापत्तिनिवारणम् ॥ १३७॥

vasiṣṭha uvāca |nāmnometatsahasraṃ vai nāradenoditaṃ tu yat |tattedya kathitaṃ devi sarvāpattinivāraṇam || 137||

पठतः स्तोत्रमेतद्वै नाम्नां साहस्रमीशितुः ।दारिद्र्यं नश्यते क्षिप्रं षड्भिर्मासैर्वरानने ॥ १३८॥

paṭhataḥ stotrametadvai nāmnāṃ sāhasramīśituḥ |dāridryaṃ naśyate kṣipraṃ ṣaḍbhirmāsairvarānane || 138||

यस्येदं लिखितं गेहे स्तोत्रं वै परमात्मनः ।नित्यं सन्निहतस्तत्र महादेवः शिवान्वितः ॥ १३९॥

yasyedaṃ likhitaṃ gehe stotraṃ vai paramātmanaḥ |nityaṃ sannihatastatra mahādevaḥ śivānvitaḥ || 139||

स एव त्रिषु लोकेषु धन्यः स्याच्छिवभक्तितः ।शिव एव परं ब्रह्म शिवान्नास्त्यपरः क्वचित् ॥ १४०॥

sa eva triṣu lokeṣu dhanyaḥ syācchivabhaktitaḥ |śiva eva paraṃ brahma śivānnāstyaparaḥ kvacit || 140||

ब्रह्मरूपेण सृजति पाल्यते विष्णुरूपिणा ।रुद्ररूपेण नयति भस्मसात् स चराचरम् ॥ १४१॥ (नश्यति)

brahmarūpeṇa sṛjati pālyate viṣṇurūpiṇā |rudrarūpeṇa nayati bhasmasāt sa carācaram || 141|| (naśyati)

तस्मात्सर्वप्रयत्नेन मुमुक्षुः शिवमभ्यसेत् ।स्तोत्रं सहस्रनामाख्यं पठित्वा श्रीशिवो भवेत् ॥ १४२॥

tasmātsarvaprayatnena mumukṣuḥ śivamabhyaset |stotraṃ sahasranāmākhyaṃ paṭhitvā śrīśivo bhavet || 142||

यं यं चिन्तयते कामं तं तं प्राप्नोत्यसंशयम् ।पुत्रार्थी लभते पुत्रान्धनार्थी लभते धनम् ॥ १४३॥

yaṃ yaṃ cintayate kāmaṃ taṃ taṃ prāpnotyasaṃśayam |putrārthī labhate putrāndhanārthī labhate dhanam || 143||

राज्यार्थी लभते राज्यं यस्त्विदं नियतः पठेत् ।दुःस्वप्ननाशनं पुण्यं सर्वपापप्रणाशनम् ॥ १४४॥

rājyārthī labhate rājyaṃ yastvidaṃ niyataḥ paṭhet |duḥsvapnanāśanaṃ puṇyaṃ sarvapāpapraṇāśanam || 144||

नास्मात्किञ्चिन्महाभागे ह्यन्यदस्ति महीतले ।तावद्गर्जन्ति पापानि शरीरस्थान्यरुन्धति ॥ १४५॥

nāsmātkiñcinmahābhāge hyanyadasti mahītale |tāvadgarjanti pāpāni śarīrasthānyarundhati || 145||

यावन्नपठते स्तोत्रं श्रीशिवस्य परात्मनः ।सिंहचौरग्रहग्रस्तो मुच्यते पठनात्प्रिये ॥ १४६॥

yāvannapaṭhate stotraṃ śrīśivasya parātmanaḥ |siṃhacauragrahagrasto mucyate paṭhanātpriye || 146||

सर्वव्याधिविनिर्मुक्तो लभते परमं सुखम् ।प्रातरुत्थाय यः स्तोत्रं पठेत भक्तितत्परः ॥ १४७॥

sarvavyādhivinirmukto labhate paramaṃ sukham |prātarutthāya yaḥ stotraṃ paṭheta bhaktitatparaḥ || 147||

सर्वापत्तिविनिर्मुक्तो धनधान्यसुतान्वितः ।जायते नात्र सन्देह शिवस्य वचनं यथा ॥ १४८॥

sarvāpattivinirmukto dhanadhānyasutānvitaḥ |jāyate nātra sandeha śivasya vacanaṃ yathā || 148||

इति स्कन्दपुराणान्तर्गतं श्रीशिवसहस्रनामस्तोत्रं सम्पूर्णम् ।

iti skandapurāṇāntargataṃ śrīśivasahasranāmastotraṃ sampūrṇam |