चन्द्रकवचम् Chandrakavacham

श्रीगणेशाय नमः ।अस्य श्रीचन्द्रकवचस्तोत्रमन्त्रस्य गौतम् ऋषिः ।अनुष्टुप् छन्दः\, श्रीचन्द्रो देवता\, चन्द्रप्रीत्यर्थं जपे विनियोगः ।समं चतुर्भुजं वन्दे केयूरमुकुटोज्ज्वलम् ।वासुदेवस्य नयनं शङ्करस्य च भूषणम् ॥ १॥

śrīgaṇeśāya namaḥ |asya śrīcandrakavacastotramantrasya gautam ṛṣiḥ |anuṣṭup chandaḥ\, śrīcandro devatā\, candraprītyarthaṃ jape viniyogaḥ |samaṃ caturbhujaṃ vande keyūramukuṭojjvalam |vāsudevasya nayanaṃ śaṅkarasya ca bhūṣaṇam || 1||

एवं ध्यात्वा जपेन्नित्यं शशिनः कवचं शुभम् ।शशी पातु शिरोदेशं भालं पातु कलानिधिः ॥ २॥

evaṃ dhyātvā japennityaṃ śaśinaḥ kavacaṃ śubham |śaśī pātu śirodeśaṃ bhālaṃ pātu kalānidhiḥ || 2||

चक्षुषी चन्द्रमाः पातु श्रुती पातु निशापतिः ।प्राणं क्षपाकरः पातु मुखं कुमुदबान्धवः ॥ ३॥

cakṣuṣī candramāḥ pātu śrutī pātu niśāpatiḥ |prāṇaṃ kṣapākaraḥ pātu mukhaṃ kumudabāndhavaḥ || 3||

पातु कण्ठं च मे सोमः स्कन्धे जैवातृकस्तथा ।करौ सुधाकरः पातु वक्षः पातु निशाकरः ॥ ४॥

pātu kaṇṭhaṃ ca me somaḥ skandhe jaivātṛkastathā |karau sudhākaraḥ pātu vakṣaḥ pātu niśākaraḥ || 4||

हृदयं पातु मे चन्द्रो नाभिं शङ्करभूषणः ।मध्यं पातु सुरश्रेष्ठः कटिं पातु सुधाकरः ॥ ५॥

hṛdayaṃ pātu me candro nābhiṃ śaṅkarabhūṣaṇaḥ |madhyaṃ pātu suraśreṣṭhaḥ kaṭiṃ pātu sudhākaraḥ || 5||

ऊरू तारापतिः पातु मृगाङ्को जानुनी सदा ।अब्धिजः पातु मे जङ्घे पातु पादौ विधुः सदा ॥ ६॥

ūrū tārāpatiḥ pātu mṛgāṅko jānunī sadā |abdhijaḥ pātu me jaṅghe pātu pādau vidhuḥ sadā || 6||

सर्वाण्यन्यानि चाङ्गानि पातु चन्दूऽखिलं वपुः ।एतद्धि कवचं दिव्यं भुक्तिमुक्तिप्रदायकम् ।यः पठेच्छृणुयाद्वापि सर्वत्र विजयी भवेत् ॥ ७॥

sarvāṇyanyāni cāṅgāni pātu candū'khilaṃ vapuḥ |etaddhi kavacaṃ divyaṃ bhuktimuktipradāyakam |yaḥ paṭhecchṛṇuyādvāpi sarvatra vijayī bhavet || 7||

॥ इति श्रीचन्द्रकवचं सम्पूर्णम् ॥

|| iti śrīcandrakavacaṃ sampūrṇam ||