बुधस्तोत्रम् Budhastotram
budhastotram
Budhastotram (बुधस्तोत्रम्): a stotra to Navagraha. 10 verses in Sanskrit with Devanagari and IAST.
- Stotra
- Stotra
- Navagraha
- Stotra
बुधस्तोत्रम्
1 / 10
अथ बुधस्तोत्रम् ।अस्य श्रीबुधस्तोत्रमहामन्त्रस्य वसिष्ठ ऋषिः । अनुष्टुप्छन्दः ।बुधो देवता । बुधप्रीत्यर्थे जपे विनियोगः ।ध्यानम् ।भुजैश्चतुर्भिर्वरदाभयासिगदं वहन्तं सुमुखं प्रशान्तम् ।पीतप्रभं चन्द्रसुतं सुरेढ्यं सिम्हे निषण्णं बुधमाश्रयामि ॥पीताम्बरः पीतवपुः पीतध्वजरथस्थितः ।पीयूषरश्मितनयः पातु मां सर्वदा बुधः ॥ १॥
atha budhastotram |asya śrībudhastotramahāmantrasya vasiṣṭha ṛṣiḥ | anuṣṭupchandaḥ |budho devatā | budhaprītyarthe jape viniyogaḥ |dhyānam |bhujaiścaturbhirvaradābhayāsigadaṃ vahantaṃ sumukhaṃ praśāntam |pītaprabhaṃ candrasutaṃ sureḍhyaṃ simhe niṣaṇṇaṃ budhamāśrayāmi ||pītāmbaraḥ pītavapuḥ pītadhvajarathasthitaḥ |pīyūṣaraśmitanayaḥ pātu māṃ sarvadā budhaḥ || 1||
सिंहवाहं सिद्धनुतं सौम्यं सौम्यगुणान्वितम् ।सोमसूनुं सुराराध्यं सर्वदं सौम्यमाश्रये ॥ २॥
siṃhavāhaṃ siddhanutaṃ saumyaṃ saumyaguṇānvitam |somasūnuṃ surārādhyaṃ sarvadaṃ saumyamāśraye || 2||
बुधं बुद्धिप्रदातारं बाणबाणासनोज्ज्वलम् ।भद्रप्रदं भीतिहरं भक्तपालनमाश्रये ॥ ३॥
budhaṃ buddhipradātāraṃ bāṇabāṇāsanojjvalam |bhadrapradaṃ bhītiharaṃ bhaktapālanamāśraye || 3||
आत्रेयगोत्रसञ्जातमाश्रितार्तिनिवारणम् ।आदितेयकुलाराध्यमाशुसिद्धिदमाश्रये ॥ ४॥
ātreyagotrasañjātamāśritārtinivāraṇam |āditeyakulārādhyamāśusiddhidamāśraye || 4||
कलानिधितनूजातं करुणारसवारिधिम् ।कल्याणदायिनं नित्यं कन्याराश्यधिपं भजे ॥ ५॥
kalānidhitanūjātaṃ karuṇārasavāridhim |kalyāṇadāyinaṃ nityaṃ kanyārāśyadhipaṃ bhaje || 5||
मन्दस्मितमुखाम्भोजं मन्मथायुतसुन्दरम् ।मिथुनाधीशमनघं मृगाङ्कतनयं भजे ॥ ६॥
mandasmitamukhāmbhojaṃ manmathāyutasundaram |mithunādhīśamanaghaṃ mṛgāṅkatanayaṃ bhaje || 6||
चतुर्भुजं चारुरूपं चराचरजगत्प्रभुम् ।चर्मखड्गधरं वन्दे चन्द्रग्रहतनूभवम् ॥ ७॥
caturbhujaṃ cārurūpaṃ carācarajagatprabhum |carmakhaḍgadharaṃ vande candragrahatanūbhavam || 7||
पञ्चास्यवाहनगतं पञ्चपातकनाशनम् ।पीतगन्धं पीतमाल्यं बुधं बुधनुतं भजे ॥ ८॥
pañcāsyavāhanagataṃ pañcapātakanāśanam |pītagandhaṃ pītamālyaṃ budhaṃ budhanutaṃ bhaje || 8||
बुधस्तोत्रमिदं गुह्यं वसिष्ठेनोदितं पुरा ।यः पठेच्छृणूयाद्वापि सर्वाभीष्टमवाप्नुयात् ॥ ९॥
budhastotramidaṃ guhyaṃ vasiṣṭhenoditaṃ purā |yaḥ paṭhecchṛṇūyādvāpi sarvābhīṣṭamavāpnuyāt || 9||
इति बुधस्तोत्रं सम्पूर्णम् ।
iti budhastotraṃ sampūrṇam |
॥ इति बुधस्तोत्रम् सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Budhastotram?
Budhastotram has 10 verses on this page, each shown with its number, Devanagari text and transliteration, and meaning where available.
Can I read Budhastotram in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Budhastotram?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
