चन्द्राष्टाविंशतिनामस्तोत्रम् Chandrashtavimshatinamastotram

श्रीगणेशाय नमः ।अस्य श्रीचन्द्राष्टाविंशतिनामस्तोत्रस्य गौतम ऋषिः\,सोमो देवता\, विराट् छन्दः\, चन्द्रप्रीत्यर्थे जपे विनियोगः ॥चन्द्रस्य शृणु नामानि शुभदानि महीपते ।यानि श्रुत्वा नरो दुःखान्मुच्यते नात्र संशयः ॥ १॥

śrīgaṇeśāya namaḥ |asya śrīcandrāṣṭāviṃśatināmastotrasya gautama ṛṣiḥ\,somo devatā\, virāṭ chandaḥ\, candraprītyarthe jape viniyogaḥ ||candrasya śṛṇu nāmāni śubhadāni mahīpate |yāni śrutvā naro duḥkhānmucyate nātra saṃśayaḥ || 1||

सुधाकरश्च सोमश्च ग्लौरब्जः कुमुदप्रियः ।लोकप्रियः शुभ्रभानुश्चन्द्रमा रोहिणीपतिः ॥ २॥

sudhākaraśca somaśca glaurabjaḥ kumudapriyaḥ |lokapriyaḥ śubhrabhānuścandramā rohiṇīpatiḥ || 2||

शशी हिमकरो राजा द्विजराजो निशाकरः ।आत्रेय इन्दुः शीतांशुरोषधीशः कलानिधिः ॥ ३॥

śaśī himakaro rājā dvijarājo niśākaraḥ |ātreya induḥ śītāṃśuroṣadhīśaḥ kalānidhiḥ || 3||

जैवातृको रमाभ्राता क्षीरोदार्णवसम्भवः ।नक्षत्रनायकः शम्भुशिरश्चूडामणिर्विभुः ॥ ४॥

jaivātṛko ramābhrātā kṣīrodārṇavasambhavaḥ |nakṣatranāyakaḥ śambhuśiraścūḍāmaṇirvibhuḥ || 4||

तापहर्ता नभोदीपो नामान्येतानि यः पठेत् ।प्रत्यहं भक्तिसंयुक्तस्तस्य पीडा विनश्यति ॥ ५॥

tāpahartā nabhodīpo nāmānyetāni yaḥ paṭhet |pratyahaṃ bhaktisaṃyuktastasya pīḍā vinaśyati || 5||

तद्दिने च पठेद्यस्तु लभेत्सर्वं समीहितम् ।ग्रहादीनां च सर्वेषां भवेच्चन्द्रबलं सदा ॥ ६॥

taddine ca paṭhedyastu labhetsarvaṃ samīhitam |grahādīnāṃ ca sarveṣāṃ bhaveccandrabalaṃ sadā || 6||

॥ इति श्रीचन्द्राष्टाविंशतिनामस्तोत्रं सम्पूर्णम् ॥

|| iti śrīcandrāṣṭāviṃśatināmastotraṃ sampūrṇam ||