चन्द्रस्तोत्रम् १ Chandrastotram

नमश्चन्द्रमसे ॥नमश्चन्द्राय सोमायेन्दवे कुमुदबन्धवे ।विलोहिताय शुभ्राय शुक्लाम्बरधराय च ॥ १॥

namaścandramase ||namaścandrāya somāyendave kumudabandhave |vilohitāya śubhrāya śuklāmbaradharāya ca || 1||

त्वमेव सर्वलोकानामाप्यायनकरः सदा ।क्षीरोद्भवाय देवाय नमः शङ्गरशेखर ॥ २॥

tvameva sarvalokānāmāpyāyanakaraḥ sadā |kṣīrodbhavāya devāya namaḥ śaṅgaraśekhara || 2||

युगानां युगकर्ता त्वं निशानाथो निशाकरः ।संवत्सराणां मासानामृतूनां तु तथैव च ॥ ३॥

yugānāṃ yugakartā tvaṃ niśānātho niśākaraḥ |saṃvatsarāṇāṃ māsānāmṛtūnāṃ tu tathaiva ca || 3||

ग्रहाणां च त्वमेकोऽसि सौम्यः सोमकरः प्रभुः ।ओषधीपतये तुभ्यं रोहिणीपतये नमः ॥ ४॥

grahāṇāṃ ca tvameko'si saumyaḥ somakaraḥ prabhuḥ |oṣadhīpataye tubhyaṃ rohiṇīpataye namaḥ || 4||

इदं तु पठते स्तोत्रं प्रातरुत्थाय यो नरः ।दिवा वा यदि वा रात्रौ बद्धचित्तो हि यो नरः ॥ ५॥

idaṃ tu paṭhate stotraṃ prātarutthāya yo naraḥ |divā vā yadi vā rātrau baddhacitto hi yo naraḥ || 5||

न भयं विद्यते तस्य कार्यसिद्धिर्भविष्यति ।अहोरात्रकृत्तं पापं पठनादेव नश्यति ॥ ६॥

na bhayaṃ vidyate tasya kāryasiddhirbhaviṣyati |ahorātrakṛttaṃ pāpaṃ paṭhanādeva naśyati || 6||

द्विजराजो महापुण्यस्तारापतिर्विशेषतः ।ओषधीनां च यो राजा स सोमः प्रीयतां मम ॥ ७॥

dvijarājo mahāpuṇyastārāpatirviśeṣataḥ |oṣadhīnāṃ ca yo rājā sa somaḥ prīyatāṃ mama || 7||

इति चन्द्रस्तोत्रं सम्पूर्णम् ।

iti candrastotraṃ sampūrṇam |