बृहस्पतिस्तोत्रम् (2) Brihaspati Stotram

श्री गणेशाय नमः ।अस्य श्रीबृहस्पतिस्तोत्रस्य गृत्समद ऋषिः\, अनुष्टुप् छन्दः\,बृहस्पतिर्देवता\, बृहस्पतिप्रीत्यर्थं जपे विनियोगः ॥गुरुर्बृहस्पतिर्जीवः सुराचार्यो विदांवरः ।वागीशो धिषणो दीर्घश्मश्रुः पीताम्बरो युवा ॥ १॥

śrī gaṇeśāya namaḥ |asya śrībṛhaspatistotrasya gṛtsamada ṛṣiḥ\, anuṣṭup chandaḥ\,bṛhaspatirdevatā\, bṛhaspatiprītyarthaṃ jape viniyogaḥ ||gururbṛhaspatirjīvaḥ surācāryo vidāṃvaraḥ |vāgīśo dhiṣaṇo dīrghaśmaśruḥ pītāmbaro yuvā || 1||

सुधादृष्टिर्ग्रहाधीशो ग्रहपीडापहारकः ।दयाकरः सौम्यमूर्तिः सुरार्च्यः कुड्मलद्युतिः ॥ २॥

sudhādṛṣṭirgrahādhīśo grahapīḍāpahārakaḥ |dayākaraḥ saumyamūrtiḥ surārcyaḥ kuḍmaladyutiḥ || 2||

लोकपूज्यो लोकगुरुर्नीतिज्ञो नीतिकारकः ।तारापतिश्चाङ्गिरसो वेदवेद्यः पितामहः ॥ ३॥

lokapūjyo lokagururnītijño nītikārakaḥ |tārāpatiścāṅgiraso vedavedyaḥ pitāmahaḥ || 3||

भक्त्या बृहस्पतिं स्मृत्वा नामान्येतानि यः पठेत् ।अरोगी बलवान् श्रीमान् पुत्रवान् स भवेन्नरः ॥ ४॥

bhaktyā bṛhaspatiṃ smṛtvā nāmānyetāni yaḥ paṭhet |arogī balavān śrīmān putravān sa bhavennaraḥ || 4||

जीवेद्वर्षशतं मर्त्यः पापं नश्यति नश्यति ।यः पूजयेद्गुरुदिने पीतगन्धाक्षताम्बरैः ॥ ५॥

jīvedvarṣaśataṃ martyaḥ pāpaṃ naśyati naśyati |yaḥ pūjayedgurudine pītagandhākṣatāmbaraiḥ || 5||

पुष्पदीपोपहारैश्च पूजयित्वा बृहस्पतिम् ।ब्राह्मणान् भोजयित्वा च पीडाशान्तिर्भवेद्गुरोः ॥ ६॥

puṣpadīpopahāraiśca pūjayitvā bṛhaspatim |brāhmaṇān bhojayitvā ca pīḍāśāntirbhavedguroḥ || 6||

॥ इति श्रीस्कन्दपुराणे बृहस्पतिस्तोत्रं सम्पूर्णम् ॥

|| iti śrīskandapurāṇe bṛhaspatistotraṃ sampūrṇam ||