बृहस्पतिकवचम् Brihaspati Kavacham

श्रीगणेशाय नमः ।अस्य श्रीबृहस्पतिकवचस्तोत्रमन्त्रस्य ईश्वर ऋषिः\,अनुष्टुप् छन्दः\, गुरुर्देवता\, गं बीजं\, श्रीशक्तिः\,क्लीं कीलकं\, गुरुप्रीत्यर्थं जपे विनियोगः ।अभीष्टफलदं देवं सर्वज्ञं सुरपूजितम् ।अक्षमालाधरं शान्तं प्रणमामि बृहस्पतिम् ॥ १॥

śrīgaṇeśāya namaḥ |asya śrībṛhaspatikavacastotramantrasya īśvara ṛṣiḥ\,anuṣṭup chandaḥ\, gururdevatā\, gaṃ bījaṃ\, śrīśaktiḥ\,klīṃ kīlakaṃ\, guruprītyarthaṃ jape viniyogaḥ |abhīṣṭaphaladaṃ devaṃ sarvajñaṃ surapūjitam |akṣamālādharaṃ śāntaṃ praṇamāmi bṛhaspatim || 1||

बृहस्पतिः शिरः पातु ललाटं पातु मे गुरुः ।कर्णौ सुरगुरुः पातु नेत्रे मेऽभीष्टदायकः ॥ २॥

bṛhaspatiḥ śiraḥ pātu lalāṭaṃ pātu me guruḥ |karṇau suraguruḥ pātu netre me'bhīṣṭadāyakaḥ || 2||

जिह्वां पातु सुराचार्यो नासां मे वेदपारगः ।मुखं मे पातु सर्वज्ञो कण्ठं मे देवतागुरुः ॥ ३॥

jihvāṃ pātu surācāryo nāsāṃ me vedapāragaḥ |mukhaṃ me pātu sarvajño kaṇṭhaṃ me devatāguruḥ || 3||

भुजावाङ्गिरसः पातु करौ पातु शुभप्रदः ।स्तनौ मे पातु वागीशः कुक्षिं मे शुभलक्षणः ॥ ४॥

bhujāvāṅgirasaḥ pātu karau pātu śubhapradaḥ |stanau me pātu vāgīśaḥ kukṣiṃ me śubhalakṣaṇaḥ || 4||

नाभिं देवगुरुः पातु मध्यं पातु सुखप्रदः ।कटिं पातु जगद्वन्द्य ऊरू मे पातु वाक्पतिः ॥ ५॥

nābhiṃ devaguruḥ pātu madhyaṃ pātu sukhapradaḥ |kaṭiṃ pātu jagadvandya ūrū me pātu vākpatiḥ || 5||

जानुजङ्घे सुराचार्यो पादौ विश्वात्मकस्तथा ।अन्यानि यानि चाङ्गानि रक्षेन्मे सर्वतो गुरुः ॥ ६॥

jānujaṅghe surācāryo pādau viśvātmakastathā |anyāni yāni cāṅgāni rakṣenme sarvato guruḥ || 6||

इत्येतत्कवचं दिव्यं त्रिसन्ध्यं यः पठेन्नरः ।सर्वान्कामानवाप्नोति सर्वत्र विजयी भवेत् ॥ ७॥

ityetatkavacaṃ divyaṃ trisandhyaṃ yaḥ paṭhennaraḥ |sarvānkāmānavāpnoti sarvatra vijayī bhavet || 7||

॥ इति श्रीब्रह्मयामलोक्तं बृहस्पतिकवचं सम्पूर्णम् ॥

|| iti śrībrahmayāmaloktaṃ bṛhaspatikavacaṃ sampūrṇam ||