बृहस्पतिमङ्गलस्तोत्रम् Brihaspati Mangala Stotram

जीवश्चाङ्गिरगोत्रजोत्तरमुखो दीर्घोत्तरासंस्थितः ।पीतोऽश्वत्थसमिद्धसिन्धुजनितश्चापोऽथ मीनाधिपः ॥ १॥

jīvaścāṅgiragotrajottaramukho dīrghottarāsaṃsthitaḥ |pīto'śvatthasamiddhasindhujanitaścāpo'tha mīnādhipaḥ || 1||

सूर्येन्दुक्षितिजप्रियो बुधसितौ शत्रूसमाश्चापरे ।सप्ताङ्कद्विभवः शुभः सुरगुरुः कुर्यात्सदा मङ्गलम् ॥ २॥

sūryendukṣitijapriyo budhasitau śatrūsamāścāpare |saptāṅkadvibhavaḥ śubhaḥ suraguruḥ kuryātsadā maṅgalam || 2||

प्रार्थनाआवाहनं न जानामि न जानामि विसर्जनम् ।पूजां नैव हि जानामि क्षमस्व परमेश्वर ॥ १॥

prārthanāāvāhanaṃ na jānāmi na jānāmi visarjanam |pūjāṃ naiva hi jānāmi kṣamasva parameśvara || 1||

मन्त्रहीनं क्रियाहीनं भक्तिहीनं सुरेश्वर ।यत् पूजितं मया देव परिपूर्णं तदस्तु मे ॥ २॥

mantrahīnaṃ kriyāhīnaṃ bhaktihīnaṃ sureśvara |yat pūjitaṃ mayā deva paripūrṇaṃ tadastu me || 2||

वेदशास्त्रार्थतत्त्वज्ञः ज्ञानविज्ञानपारग ।विबुधार्तिहरो नित्यं देवाचार्य नमोऽस्तुते ॥ ३॥

vedaśāstrārthatattvajñaḥ jñānavijñānapāraga |vibudhārtiharo nityaṃ devācārya namo'stute || 3||

ॐ अनया पूजया बृहस्पतिदेवः प्रीयताम् ।ॐ बृहस्पतये नमः ॐ जीवाय नमः ॐ सुराचार्याय नमः ।॥ ॐ शान्तिः ॐ शान्तिः ॐ शान्तिः ॐ ॥इति श्रीबृहस्पतिमङ्गलस्तोत्रं सम्पूर्णम् ॥

oṃ anayā pūjayā bṛhaspatidevaḥ prīyatām |oṃ bṛhaspataye namaḥ oṃ jīvāya namaḥ oṃ surācāryāya namaḥ ||| oṃ śāntiḥ oṃ śāntiḥ oṃ śāntiḥ oṃ ||iti śrībṛhaspatimaṅgalastotraṃ sampūrṇam ||