बुधकवचम् Budhakavacham

श्रीगणेशाय नमः ।अस्य श्रीबुधकवचस्तोत्रमन्त्रस्य कश्यप ऋषिः\,अनुष्टुप् छन्दः\, बुधो देवता\, बुधप्रीत्यर्थं जपे विनियोगः ॥बुधस्तु पुस्तकधरः कुङ्कुमस्य समद्युतिः ।पीताम्बरधरः पातु पीतमाल्यानुलेपनः ॥ १॥

śrīgaṇeśāya namaḥ |asya śrībudhakavacastotramantrasya kaśyapa ṛṣiḥ\,anuṣṭup chandaḥ\, budho devatā\, budhaprītyarthaṃ jape viniyogaḥ ||budhastu pustakadharaḥ kuṅkumasya samadyutiḥ |pītāmbaradharaḥ pātu pītamālyānulepanaḥ || 1||

कटिं च पातु मे सौम्यः शिरोदेशं बुधस्तथा ।नेत्रे ज्ञानमयः पातु श्रोत्रे पातु निशाप्रियः ॥ २॥

kaṭiṃ ca pātu me saumyaḥ śirodeśaṃ budhastathā |netre jñānamayaḥ pātu śrotre pātu niśāpriyaḥ || 2||

घ्राणं गन्धप्रियः पातु जिह्वां विद्याप्रदो मम ।कण्ठं पातु विधोः पुत्रो भुजौ पुस्तकभूषणः ॥ ३॥

ghrāṇaṃ gandhapriyaḥ pātu jihvāṃ vidyāprado mama |kaṇṭhaṃ pātu vidhoḥ putro bhujau pustakabhūṣaṇaḥ || 3||

वक्षः पातु वराङ्गश्च हृदयं रोहिणीसुतः ।नाभिं पातु सुराराध्यो मध्यं पातु खगेश्वरः ॥ ४॥

vakṣaḥ pātu varāṅgaśca hṛdayaṃ rohiṇīsutaḥ |nābhiṃ pātu surārādhyo madhyaṃ pātu khageśvaraḥ || 4||

जानुनी रौहिणेयश्च पातु जङ्घेऽखिलप्रदः ।पादौ मे बोधनः पातु पातु सौम्योऽखिलं वपुः ॥ ५॥

jānunī rauhiṇeyaśca pātu jaṅghe'khilapradaḥ |pādau me bodhanaḥ pātu pātu saumyo'khilaṃ vapuḥ || 5||

एतद्धि कवचं दिव्यं सर्वपापप्रणाशनम् ।सर्वरोगप्रशमनं सर्वदुःखनिवारणम् ॥ ६॥

etaddhi kavacaṃ divyaṃ sarvapāpapraṇāśanam |sarvarogapraśamanaṃ sarvaduḥkhanivāraṇam || 6||

आयुरारोग्यशुभदं पुत्रपौत्रप्रवर्धनम् ।यः पठेच्छृणुयाद्वापि सर्वत्र विजयी भवेत् ॥ ७॥

āyurārogyaśubhadaṃ putrapautrapravardhanam |yaḥ paṭhecchṛṇuyādvāpi sarvatra vijayī bhavet || 7||

॥ इति श्रीब्रह्मवैवर्तपुराणे बुधकवचं सम्पूर्णम् ॥

|| iti śrībrahmavaivartapurāṇe budhakavacaṃ sampūrṇam ||