ताराकवचं अथवा उग्रताराकवचम् Tarakavacham

श्रीगणेशाय नमः ।ईश्वर उवाच ।कोटितन्त्रेषु गोप्या हि विद्यातिभयमोचिनी ।दिव्यं हि कवचं तस्याः शृणुष्व सर्वकामदम् ॥ १॥

śrīgaṇeśāya namaḥ |īśvara uvāca |koṭitantreṣu gopyā hi vidyātibhayamocinī |divyaṃ hi kavacaṃ tasyāḥ śṛṇuṣva sarvakāmadam || 1||

अस्य ताराकवचस्य अक्षोभ्य ऋषिः \, त्रिष्टुप् छन्दः \,भगवती तारा देवता \, सर्वमन्त्रसिद्धिसमृद्धये जपे विनियोगः ।प्रणवो मे शिरः पातु ब्रह्मरूपा महेश्वरी ।ललाटे पातु ह्रींकारो बीजरूपा महेश्वरी ॥ २॥

asya tārākavacasya akṣobhya ṛṣiḥ \, triṣṭup chandaḥ \,bhagavatī tārā devatā \, sarvamantrasiddhisamṛddhaye jape viniyogaḥ |praṇavo me śiraḥ pātu brahmarūpā maheśvarī |lalāṭe pātu hrīṃkāro bījarūpā maheśvarī || 2||

स्त्रींकारो वदने नित्यं लज्जारूपा महेश्वरी ।हूँकारः पातु हृदये भवानीरूपशक्तिधृक् ॥ ३॥

strīṃkāro vadane nityaṃ lajjārūpā maheśvarī |hūm̐kāraḥ pātu hṛdaye bhavānīrūpaśaktidhṛk || 3||

फट्कारः पातु सर्वाङ्गे सर्वसिद्धिफलप्रदा ।खर्वा मां पातु देवेशी गण्डयुग्मे भयापहा ॥ ४॥

phaṭkāraḥ pātu sarvāṅge sarvasiddhiphalapradā |kharvā māṃ pātu deveśī gaṇḍayugme bhayāpahā || 4||

निम्नोदरी सदा स्कन्धयुग्मे पातु महेश्वरी ।व्याघ्रचर्मावृता कट्यां पातु देवी शिवप्रिया ॥ ५॥

nimnodarī sadā skandhayugme pātu maheśvarī |vyāghracarmāvṛtā kaṭyāṃ pātu devī śivapriyā || 5||

पीनोन्नतस्तनी पातु पार्श्वयुग्मे महेश्वरी ।रक्तवर्तुलनेत्रा च कटिदेशे सदाऽवतु ॥ ६॥

pīnonnatastanī pātu pārśvayugme maheśvarī |raktavartulanetrā ca kaṭideśe sadā'vatu || 6||

ललजिह्वा सदा पातु नाभौ मां भुवनेश्वरी ।करालास्या सदा पातु लिङ्गे देवी हरप्रिया ॥ ७॥

lalajihvā sadā pātu nābhau māṃ bhuvaneśvarī |karālāsyā sadā pātu liṅge devī harapriyā || 7||

पिङ्गोग्रैकजटा पातु जङ्घायां विघ्ननाशिनी ।प्रेतखर्परभृद्देवी जानुचक्रे महेश्वरी ॥ ८॥

piṅgograikajaṭā pātu jaṅghāyāṃ vighnanāśinī |pretakharparabhṛddevī jānucakre maheśvarī || 8||

नीलवर्णा सदा पातु जानुनी सर्वदा मम ।नागकुण्डलधर्त्री च पातु पादयुगे ततः ॥ ९॥

nīlavarṇā sadā pātu jānunī sarvadā mama |nāgakuṇḍaladhartrī ca pātu pādayuge tataḥ || 9||

नागहारधरा देवी सर्वाङ्गं पातु सर्वदा ।नागकङ्कधरा देवी पातु प्रान्तरदेशतः ॥ १०॥

nāgahāradharā devī sarvāṅgaṃ pātu sarvadā |nāgakaṅkadharā devī pātu prāntaradeśataḥ || 10||

चतुर्भुजा सदा पातु गमने शत्रुनाशिनी ।खड्गहस्ता महादेवी श्रवणे पातु सर्वदा ॥ ११॥

caturbhujā sadā pātu gamane śatrunāśinī |khaḍgahastā mahādevī śravaṇe pātu sarvadā || 11||

नीलाम्बरधरा देवी पातु मां विघ्ननाशिनी ।कर्त्रिहस्ता सदा पातु विवादे शत्रुमध्यतः ॥ १२॥

nīlāmbaradharā devī pātu māṃ vighnanāśinī |kartrihastā sadā pātu vivāde śatrumadhyataḥ || 12||

ब्रह्मरूपधरा देवी सङ्ग्रामे पातु सर्वदा ।नागकङ्कणधर्त्री च भोजने पातु सर्वदा ॥ १३॥

brahmarūpadharā devī saṅgrāme pātu sarvadā |nāgakaṅkaṇadhartrī ca bhojane pātu sarvadā || 13||

शवकर्णा महादेवी शयने पातु सर्वदा ।वीरासनधरा देवी निद्रायां पातु सर्वदा ॥ १४॥

śavakarṇā mahādevī śayane pātu sarvadā |vīrāsanadharā devī nidrāyāṃ pātu sarvadā || 14||

धनुर्बाणधरा देवी पातु मां विघ्नसङ्कुले ।नागाञ्चितकटी पातु देवी मां सर्वकर्मसु ॥ १५॥

dhanurbāṇadharā devī pātu māṃ vighnasaṅkule |nāgāñcitakaṭī pātu devī māṃ sarvakarmasu || 15||

छिन्नमुण्डधरा देवी कानने पातु सर्वदा ।चितामध्यस्थिता देवी मारणे पातु सर्वदा ॥ १६॥

chinnamuṇḍadharā devī kānane pātu sarvadā |citāmadhyasthitā devī māraṇe pātu sarvadā || 16||

द्वीपिचर्मधरा देवी पुत्रदारधनादिषु ।अलङ्कारान्विता देवी पातु मां हरवल्लभा ॥ १७॥

dvīpicarmadharā devī putradāradhanādiṣu |alaṅkārānvitā devī pātu māṃ haravallabhā || 17||

रक्ष रक्ष नदीकुञ्जे हूं हूं फट् सुसमन्विते ।बीजरूपा महादेवी पर्वते पातु सर्वदा ॥ १८॥

rakṣa rakṣa nadīkuñje hūṃ hūṃ phaṭ susamanvite |bījarūpā mahādevī parvate pātu sarvadā || 18||

मणिभृद्वज्रिणी देवी महाप्रतिसरे तथा ।रक्ष रक्ष सदा हूं हूं ॐ ह्रीं स्वाहा महेश्वरी ॥ १९॥

maṇibhṛdvajriṇī devī mahāpratisare tathā |rakṣa rakṣa sadā hūṃ hūṃ oṃ hrīṃ svāhā maheśvarī || 19||

पुष्पकेतुरजार्हेति कानने पातु सर्वदा ।ॐ ह्रीं वज्रपुष्पं हुं फट् प्रान्तरे सर्वकामदा ॥ २०॥

puṣpaketurajārheti kānane pātu sarvadā |oṃ hrīṃ vajrapuṣpaṃ huṃ phaṭ prāntare sarvakāmadā || 20||

ॐ पुष्पे पुष्पे महापुष्पे पातु पुत्रान्महेश्वरी ।हूं स्वाहा शक्तिसंयुक्ता दारान् रक्षतु सर्वदा ॥ २१॥

oṃ puṣpe puṣpe mahāpuṣpe pātu putrānmaheśvarī |hūṃ svāhā śaktisaṃyuktā dārān rakṣatu sarvadā || 21||

ॐ आं हूं स्वाहा महेशानी पातु द्यूते हरप्रिया ।ॐ ह्रीं सर्वविघ्नोत्सारिणी देवी विघ्नान्मां सदाऽवतु ॥ २२॥

oṃ āṃ hūṃ svāhā maheśānī pātu dyūte harapriyā |oṃ hrīṃ sarvavighnotsāriṇī devī vighnānmāṃ sadā'vatu || 22||

ॐ पवित्रवज्रभूमे हुंफट्स्वाहा समन्विता ।पूरिका पातु मां देवी सर्वविघ्नविनाशिनी ॥ २३॥

oṃ pavitravajrabhūme huṃphaṭsvāhā samanvitā |pūrikā pātu māṃ devī sarvavighnavināśinī || 23||

ॐ आः सुरेखे वज्ररेखे हुंफट्स्वाहासमन्विता ।पाताले पातु सा देवी लाकिनी नामसंज्ञिका ॥ २४॥

oṃ āḥ surekhe vajrarekhe huṃphaṭsvāhāsamanvitā |pātāle pātu sā devī lākinī nāmasaṃjñikā || 24||

ह्रींकारी पातु मां पूर्वे शक्तिरूपा महेश्वरी ।स्त्रींकारी पातु देवेशी वधूरूपा महेश्वरी ॥ २५॥

hrīṃkārī pātu māṃ pūrve śaktirūpā maheśvarī |strīṃkārī pātu deveśī vadhūrūpā maheśvarī || 25||

हूंस्वरूपा महादेवी पातु मां क्रोधरूपिणी ।फट्स्वरूपा महामाया उत्तरे पातु सर्वदा ॥ २६॥

hūṃsvarūpā mahādevī pātu māṃ krodharūpiṇī |phaṭsvarūpā mahāmāyā uttare pātu sarvadā || 26||

पश्चिमे पातु मां देवी फट्स्वरूपा हरप्रिया ।मध्ये मां पातु देवेशी हूंस्वरूपा नगात्मजा ॥ २७॥

paścime pātu māṃ devī phaṭsvarūpā harapriyā |madhye māṃ pātu deveśī hūṃsvarūpā nagātmajā || 27||

नीलवर्णा सदा पातु सर्वतो वाग्भवा सदा ।भवानी पातु भवने सर्वैश्वर्यप्रदायिनी ॥ २८॥

nīlavarṇā sadā pātu sarvato vāgbhavā sadā |bhavānī pātu bhavane sarvaiśvaryapradāyinī || 28||

विद्यादानरता देवी वक्त्रे नीलसरस्वती ।शास्त्रे वादे च सङ्ग्रामे जले च विषमे गिरौ ॥ २९॥

vidyādānaratā devī vaktre nīlasarasvatī |śāstre vāde ca saṅgrāme jale ca viṣame girau || 29||

भीमरूपा सदा पातु श्मशाने भयनाशिनी ।भूतप्रेतालये घोरे दुर्गमा श्रीघनाऽवतु ॥ ३०॥

bhīmarūpā sadā pātu śmaśāne bhayanāśinī |bhūtapretālaye ghore durgamā śrīghanā'vatu || 30||

पातु नित्यं महेशानी सर्वत्र शिवदूतिका ।कवचस्य माहात्म्यं नाहं वर्षशतैरपि ॥ ३१॥

pātu nityaṃ maheśānī sarvatra śivadūtikā |kavacasya māhātmyaṃ nāhaṃ varṣaśatairapi || 31||

शक्नोमि गदितुं देवि भवेत्तस्य फलं च यत् ।पुत्रदारेषु बन्धूनां सर्वदेशे च सर्वदा ॥ ३२॥

śaknomi gadituṃ devi bhavettasya phalaṃ ca yat |putradāreṣu bandhūnāṃ sarvadeśe ca sarvadā || 32||

न विद्यते भयं तस्य नृपपूज्यो भवेच्च सः ।शुचिर्भूत्वाऽशुचिर्वापि कवचं सर्वकामदम् ॥ ३३॥

na vidyate bhayaṃ tasya nṛpapūjyo bhavecca saḥ |śucirbhūtvā'śucirvāpi kavacaṃ sarvakāmadam || 33||

प्रपठन् वा स्मरन्मर्त्यो दुःखशोकविवर्जितः ।सर्वशास्त्रे महेशानि कविराड् भवति ध्रुवम् ॥ ३४॥

prapaṭhan vā smaranmartyo duḥkhaśokavivarjitaḥ |sarvaśāstre maheśāni kavirāḍ bhavati dhruvam || 34||

सर्ववागीश्वरो मर्त्यो लोकवश्यो धनेश्वरः ।रणे द्यूते विवादे च जयस्तत्र भवेद् ध्रुवम् ॥ ३५॥

sarvavāgīśvaro martyo lokavaśyo dhaneśvaraḥ |raṇe dyūte vivāde ca jayastatra bhaved dhruvam || 35||

पुत्रपौतान्वितो मर्त्यो विलासी सर्वयोषिताम् ।शत्रवो दासतां यान्ति सर्वेषां वल्लभः सदा ॥ ३६॥

putrapautānvito martyo vilāsī sarvayoṣitām |śatravo dāsatāṃ yānti sarveṣāṃ vallabhaḥ sadā || 36||

गर्वी खर्वी भवत्येव वादी स्खलति दर्शनात् ।मृत्युश्च वश्यतां याति दासास्तस्यावनीभुजः ॥ ३७॥

garvī kharvī bhavatyeva vādī skhalati darśanāt |mṛtyuśca vaśyatāṃ yāti dāsāstasyāvanībhujaḥ || 37||

प्रसङ्गात्कथितं सर्वं कवचं सर्वकामदम् ।प्रपठन्वा स्मरन्मर्त्यः शापानुग्रहणे क्षमः ॥ ३८॥

prasaṅgātkathitaṃ sarvaṃ kavacaṃ sarvakāmadam |prapaṭhanvā smaranmartyaḥ śāpānugrahaṇe kṣamaḥ || 38||

आनन्दवृन्दसिन्धूनामधिपः कविराड् भवेत् ।सर्ववागिश्वरो मर्त्यो लोकवश्यः सदा सुखी ॥ ३९॥

ānandavṛndasindhūnāmadhipaḥ kavirāḍ bhavet |sarvavāgiśvaro martyo lokavaśyaḥ sadā sukhī || 39||

गुरोः प्रसादमासाद्य विद्यां प्राप्य सुगोपिताम् ।तत्रापि कवचं देवि दुर्लभं भुवनत्रये ॥ ४०॥

guroḥ prasādamāsādya vidyāṃ prāpya sugopitām |tatrāpi kavacaṃ devi durlabhaṃ bhuvanatraye || 40||

गुरुर्देवो हरः साक्षात्तत्पत्नी तु हरप्रिया ।अभेदेन भजेद्यस्तु तस्य सिद्धिदूरतः ॥ ४१॥

gururdevo haraḥ sākṣāttatpatnī tu harapriyā |abhedena bhajedyastu tasya siddhidūrataḥ || 41||

मन्त्राचारा महेशानि कथिताः पूर्ववत्प्रिये ।नाभौ ज्योतिस्तथा रक्तं हृदयोपरि चिन्तयेत् ॥ ४२॥

mantrācārā maheśāni kathitāḥ pūrvavatpriye |nābhau jyotistathā raktaṃ hṛdayopari cintayet || 42||

ऐश्वर्यं सुकवित्वं च महावागिश्वरो नृपः ।नित्यं तस्य महेशानि महिलासङ्गमं चरेत् ॥ ४३॥

aiśvaryaṃ sukavitvaṃ ca mahāvāgiśvaro nṛpaḥ |nityaṃ tasya maheśāni mahilāsaṅgamaṃ caret || 43||

पञ्चाचाररतो मर्त्यः सिद्धो भवति नान्यथा ।शक्तियुक्तो भवेन्मर्त्यः सिद्धो भवति नान्यथा ॥ ४४॥

pañcācārarato martyaḥ siddho bhavati nānyathā |śaktiyukto bhavenmartyaḥ siddho bhavati nānyathā || 44||

ब्रह्मा विष्णुश्च रुद्रश्च ये देवासुरमानुषाः ।तं दृष्ट्वा साधकं देवि लज्जायुक्ता भवन्ति ते ॥ ४५॥

brahmā viṣṇuśca rudraśca ye devāsuramānuṣāḥ |taṃ dṛṣṭvā sādhakaṃ devi lajjāyuktā bhavanti te || 45||

स्वर्गे मर्त्ये च पाताले ये देवाः सिद्धिदायकाः ।प्रशंसन्ति सदा देवि तं दृष्ट्वा साधकोत्तमम् ॥ ४६॥

svarge martye ca pātāle ye devāḥ siddhidāyakāḥ |praśaṃsanti sadā devi taṃ dṛṣṭvā sādhakottamam || 46||

विघ्नात्मकाश्च ये देवाः स्वर्गे मर्त्ये रसातले ।प्रशंसन्ति सदा सर्वे तं दृष्ट्वा साधकोत्तमम् ॥ ४७॥

vighnātmakāśca ye devāḥ svarge martye rasātale |praśaṃsanti sadā sarve taṃ dṛṣṭvā sādhakottamam || 47||

इति ते कथितं देवि मया सम्यक्प्रकीर्तितम् ।भुक्तिमुक्तिकरं साक्षात्कल्पवृक्षस्वरूपकम् ॥ ४८॥

iti te kathitaṃ devi mayā samyakprakīrtitam |bhuktimuktikaraṃ sākṣātkalpavṛkṣasvarūpakam || 48||

आसाद्याद्यगुरुं प्रसाद्य य इदं कल्पद्रुमालम्बनंमोहेनापि मदेन चापि रहितो जाड्येन वा युज्यते ।सिद्धोऽसौ भुवि सर्वदुःखविपदां पारं प्रयात्यन्तकेमित्रं तस्य नृपाश्च देवि विपदो नश्यन्ति तस्याशु च ॥ ४९॥

āsādyādyaguruṃ prasādya ya idaṃ kalpadrumālambanaṃmohenāpi madena cāpi rahito jāḍyena vā yujyate |siddho'sau bhuvi sarvaduḥkhavipadāṃ pāraṃ prayātyantakemitraṃ tasya nṛpāśca devi vipado naśyanti tasyāśu ca || 49||

तद्गात्रं प्राप्य शस्त्राणि ब्रह्मास्त्रादीनि वै भुवि ।तस्य गेहे स्थिरा लक्ष्मीर्वाणी वक्त्रे वसेद् ध्रुवम् ॥ ५०॥

tadgātraṃ prāpya śastrāṇi brahmāstrādīni vai bhuvi |tasya gehe sthirā lakṣmīrvāṇī vaktre vased dhruvam || 50||

इदं कवचमज्ञात्वा तारां यो भजते नरः ।अल्पायुर्निर्द्धनो मूर्खो भवत्येव न संशयः ॥ ५१॥

idaṃ kavacamajñātvā tārāṃ yo bhajate naraḥ |alpāyurnirddhano mūrkho bhavatyeva na saṃśayaḥ || 51||

लिखित्वा धारयेद्यस्तु कण्ठे वा मस्तके भुजे ।तस्य सर्वार्थसिद्धिः स्याद्यद्यन्मनसि वर्तते ॥ ५२॥

likhitvā dhārayedyastu kaṇṭhe vā mastake bhuje |tasya sarvārthasiddhiḥ syādyadyanmanasi vartate || 52||

गोरोचनाकुङ्कुमेन रक्तचन्दनकेन वा ।यावकैर्वा महेशानि लिखेन्मन्त्रं समाहितः ॥ ५३॥

gorocanākuṅkumena raktacandanakena vā |yāvakairvā maheśāni likhenmantraṃ samāhitaḥ || 53||

अष्टम्यां मङ्गलदिने चतुर्द्दश्यामथापि वा ।सन्ध्यायां देवदेवेशि लिखेद्यन्त्रं समाहितः ॥ ५४॥

aṣṭamyāṃ maṅgaladine caturddaśyāmathāpi vā |sandhyāyāṃ devadeveśi likhedyantraṃ samāhitaḥ || 54||

मघायां श्रवणे वापि रेवत्यां वा विशेषतः ।सिंहराशौ गते चन्द्रे कर्कटस्थे दिवाकरे ॥ ५५॥

maghāyāṃ śravaṇe vāpi revatyāṃ vā viśeṣataḥ |siṃharāśau gate candre karkaṭasthe divākare || 55||

मीनराशौ गुरौ याते वृश्चिकस्थे शनैश्चरे ।लिखित्वा धारयेद्यस्तु उत्तराभिमुखो भवेत् ॥ ५६॥

mīnarāśau gurau yāte vṛścikasthe śanaiścare |likhitvā dhārayedyastu uttarābhimukho bhavet || 56||

श्मशाने प्रान्तरे वापि शून्यागारे विशेषतः ।निशायां वा लिखेन्मन्त्रं तस्य सिद्धिरचञ्चला ॥ ५७॥

śmaśāne prāntare vāpi śūnyāgāre viśeṣataḥ |niśāyāṃ vā likhenmantraṃ tasya siddhiracañcalā || 57||

भूर्जपत्रे लिखेन्मन्त्रं गुरुणा च महेश्वरि ।ध्यानधारणयोगेन धारयेद्यस्तु भक्तितः ॥ ५८॥

bhūrjapatre likhenmantraṃ guruṇā ca maheśvari |dhyānadhāraṇayogena dhārayedyastu bhaktitaḥ || 58||

अचिरात्तस्य सिद्धिः स्यान्नात्र कार्या विचारणा ॥ ५९॥

acirāttasya siddhiḥ syānnātra kāryā vicāraṇā || 59||

॥ इति श्रीरुद्रयामले तन्त्रे उग्रताराकवचं सम्पूर्णम् ॥

|| iti śrīrudrayāmale tantre ugratārākavacaṃ sampūrṇam ||