सुदर्शनाष्टकम् Sudarshanashtakam

श्रीमते निगमान्त महादेशिकाय नमः

śrīmate nigamānta mahādeśikāya namaḥ

श्रीमान् वेङ्कटनाथार्यः कवितार्किक केसरी ।वेदान्ताचार्य वर्यो मे सन्निधत्ताम् सदा हृदि ॥प्रतिभटश्रेणि भीषण वरगुणस्तोम भूषणजनिभयस्थान तारण जगदवस्थान कारण ।निखिलदुष्कर्म कर्शन निगमसद्धर्म दर्शनजय जय श्री सुदर्शन जय जय श्री सुदर्शन ॥

śrīmān veṅkaṭanāthāryaḥ kavitārkika kesarī |vedāntācārya varyo me sannidhattām sadā hṛdi ||pratibhaṭaśreṇi bhīṣaṇa varaguṇastoma bhūṣaṇajanibhayasthāna tāraṇa jagadavasthāna kāraṇa |nikhiladuṣkarma karśana nigamasaddharma darśanajaya jaya śrī sudarśana jaya jaya śrī sudarśana ||

शुभजगद्रूप मण्डन सुरगणत्रास खण्डनशतमखब्रह्म वन्दित शतपथब्रह्म नन्दित ।प्रथितविद्वत् सपक्षित भजदहिर्बुध्न्य लक्षितजय जय श्री सुदर्शन जय जय श्री सुदर्शन ॥

śubhajagadrūpa maṇḍana suragaṇatrāsa khaṇḍanaśatamakhabrahma vandita śatapathabrahma nandita |prathitavidvat sapakṣita bhajadahirbudhnya lakṣitajaya jaya śrī sudarśana jaya jaya śrī sudarśana ||

स्फुटतटिज्जाल पिञ्जर पृथुतरज्वाल पञ्जरपरिगत प्रत्नविग्रह पतुतरप्रज्ञ दुर्ग्रह ।प्रहरण ग्राम मण्डित परिजन त्राण पण्डितजय जय श्री सुदर्शन जय जय श्री सुदर्शन ॥

sphuṭataṭijjāla piñjara pṛthutarajvāla pañjaraparigata pratnavigraha patutaraprajña durgraha |praharaṇa grāma maṇḍita parijana trāṇa paṇḍitajaya jaya śrī sudarśana jaya jaya śrī sudarśana ||

निजपदप्रीत सद्गण निरुपधिस्फीत षड्गुणनिगम निर्व्यूढ वैभव निजपर व्यूह वैभव ।हरि हय द्वेषि दारण हर पुर प्लोष कारणजय जय श्री सुदर्शन जय जय श्री सुदर्शन ॥

nijapadaprīta sadgaṇa nirupadhisphīta ṣaḍguṇanigama nirvyūḍha vaibhava nijapara vyūha vaibhava |hari haya dveṣi dāraṇa hara pura ploṣa kāraṇajaya jaya śrī sudarśana jaya jaya śrī sudarśana ||

दनुज विस्तार कर्तन जनि तमिस्रा विकर्तनदनुजविद्या निकर्तन भजदविद्या निवर्तन ।अमर दृष्ट स्व विक्रम समर जुष्ट भ्रमिक्रमजय जय श्री सुदर्शन जय जय श्री सुदर्शन ॥

danuja vistāra kartana jani tamisrā vikartanadanujavidyā nikartana bhajadavidyā nivartana |amara dṛṣṭa sva vikrama samara juṣṭa bhramikramajaya jaya śrī sudarśana jaya jaya śrī sudarśana ||

प्रथिमुखालीढ बन्धुर पृथुमहाहेति दन्तुरविकटमाय बहिष्कृत विविधमाला परिष्कृत ।स्थिरमहायन्त्र तन्त्रित दृढ दया तन्त्र यन्त्रितजय जय श्री सुदर्शन जय जय श्री सुदर्शन ॥

prathimukhālīḍha bandhura pṛthumahāheti danturavikaṭamāya bahiṣkṛta vividhamālā pariṣkṛta |sthiramahāyantra tantrita dṛḍha dayā tantra yantritajaya jaya śrī sudarśana jaya jaya śrī sudarśana ||

महित सम्पत् सदक्षर विहितसम्पत् षडक्षरषडरचक्र प्रतिष्ठित सकल तत्त्व प्रतिष्ठित ।विविध सङ्कल्प कल्पक विबुधसङ्कल्प कल्पकजय जय श्री सुदर्शन जय जय श्री सुदर्शन ॥

mahita sampat sadakṣara vihitasampat ṣaḍakṣaraṣaḍaracakra pratiṣṭhita sakala tattva pratiṣṭhita |vividha saṅkalpa kalpaka vibudhasaṅkalpa kalpakajaya jaya śrī sudarśana jaya jaya śrī sudarśana ||

भुवन नेत्र त्रयीमय सवन तेजस्त्रयीमयनिरवधि स्वादु चिन्मय निखिल शक्ते जगन्मय ।अमित विश्वक्रियामय शमित विश्वग्भयामयजय जय श्री सुदर्शन जय जय श्री सुदर्शन ॥

bhuvana netra trayīmaya savana tejastrayīmayaniravadhi svādu cinmaya nikhila śakte jaganmaya |amita viśvakriyāmaya śamita viśvagbhayāmayajaya jaya śrī sudarśana jaya jaya śrī sudarśana ||

फल श्रुति

phala śruti

द्विचतुष्कमिदं प्रभूतसारं पठतां वेङ्कटनायक प्रणीतम् ।विषमेऽपि मनोरथः प्रधावन् न विहन्येत रथाङ्ग धुर्य गुप्तः ॥

dvicatuṣkamidaṃ prabhūtasāraṃ paṭhatāṃ veṅkaṭanāyaka praṇītam |viṣame'pi manorathaḥ pradhāvan na vihanyeta rathāṅga dhurya guptaḥ ||

॥ इति श्रीवेदान्तदेशिकरचितं सुदर्शनाष्टकं समाप्तम् ॥कवितार्किकसिंहाय कल्याणगुणशालिने ।श्रीमते वेङ्कटेषाय वेदान्तगुरवे नमः ॥

|| iti śrīvedāntadeśikaracitaṃ sudarśanāṣṭakaṃ samāptam ||kavitārkikasiṃhāya kalyāṇaguṇaśāline |śrīmate veṅkaṭeṣāya vedāntagurave namaḥ ||