सुमङ्गलस्तोत्रम् Sumangala Stotram

सुमङ्गलं मङ्गलमीश्वराय ते सुमङ्गलं मङ्गलमच्युताय ते ।सुमङ्गलं मङ्गलमन्तरात्मने सुमङ्गलं मङ्गलमब्जनाभ ते ॥सुमङ्गलं श्रीनिलयोरुवक्षसे सुमङ्गलं पद्मभवादिसेविते ।सुमङ्गलं पद्मजगन्निवासिने सुमङ्गलं चाश्रितमुक्तिदायिने ॥चाणूरदर्पघ्नसुबाहुदण्डयोः सुमङ्गलं मङ्गलमादिपूरुष ।बालार्ककोटिप्रतिमाय ते विभो चक्राय दैत्येन्द्रविनाशहेतवे ॥शङ्खाय कोटिन्दुसमानतेजसे शार्ङ्गाय रत्नोज्ज्वलदिव्यरूपिणे ।खड्गाय विद्यामयविग्रहाय ते सुमङ्गलं मङ्गलमस्तु ते विभो ॥तदावयोस्तत्त्व विशिष्टशेषिणे शेषित्वसम्बन्धनिबोधनाय ते ।यन्मङ्गलानां च सुमङ्गलाय ते पुनः पुनर्मङ्गलमस्तु सन्ततम् ॥

sumaṅgalaṃ maṅgalamīśvarāya te sumaṅgalaṃ maṅgalamacyutāya te |sumaṅgalaṃ maṅgalamantarātmane sumaṅgalaṃ maṅgalamabjanābha te ||sumaṅgalaṃ śrīnilayoruvakṣase sumaṅgalaṃ padmabhavādisevite |sumaṅgalaṃ padmajagannivāsine sumaṅgalaṃ cāśritamuktidāyine ||cāṇūradarpaghnasubāhudaṇḍayoḥ sumaṅgalaṃ maṅgalamādipūruṣa |bālārkakoṭipratimāya te vibho cakrāya daityendravināśahetave ||śaṅkhāya koṭindusamānatejase śārṅgāya ratnojjvaladivyarūpiṇe |khaḍgāya vidyāmayavigrahāya te sumaṅgalaṃ maṅgalamastu te vibho ||tadāvayostattva viśiṣṭaśeṣiṇe śeṣitvasambandhanibodhanāya te |yanmaṅgalānāṃ ca sumaṅgalāya te punaḥ punarmaṅgalamastu santatam ||

इति श्रीविष्णुचित्तस्वामिकृतं सुमङ्गलस्तोत्रं सम्पूर्णम् ।

iti śrīviṣṇucittasvāmikṛtaṃ sumaṅgalastotraṃ sampūrṇam |