सुदर्शननामस्तोत्रम् Shrisudarshananamastotram

(सहस्रनामस्तोत्रमिति व्यासनारदसंवादे । परं ५७५ नामान्येव सन्ति ।)प्रणम्य शिरसा देवं नारायणमशेषगम् ।रमावक्षोजकस्तूरीपङ्कमुद्रितवक्षसम् ॥ १॥

(sahasranāmastotramiti vyāsanāradasaṃvāde | paraṃ 575 nāmānyeva santi |)praṇamya śirasā devaṃ nārāyaṇamaśeṣagam |ramāvakṣojakastūrīpaṅkamudritavakṣasam || 1||

सर्वशास्त्रार्थतत्त्वज्ञः पाराशर्यस्तपोधनः ।हिताय सर्वजगतां नारदं मुनिमब्रवीत् ॥ २॥

sarvaśāstrārthatattvajñaḥ pārāśaryastapodhanaḥ |hitāya sarvajagatāṃ nāradaṃ munimabravīt || 2||

ज्ञानविद्याविशेषज्ञं कर्पूरधवलाकृतिम् ।वीणावादनसन्तुष्टमानसं मरुतां परम् ॥ ३॥

jñānavidyāviśeṣajñaṃ karpūradhavalākṛtim |vīṇāvādanasantuṣṭamānasaṃ marutāṃ param || 3||

हिरण्यगर्भसम्भूतं हिरण्याक्षादिसेवितम् ।पुण्यराशिं पुराणज्ञं पावनीकृतदिक्तटम् ॥ ४॥

hiraṇyagarbhasambhūtaṃ hiraṇyākṣādisevitam |puṇyarāśiṃ purāṇajñaṃ pāvanīkṛtadiktaṭam || 4||

व्यास उवाचदेवर्षे नारद श्रीमन्साक्षाद्ब्रह्माङ्गसम्भव ।भवानशेषविद्यानां पारगस्तपसां निधिः ॥ ५॥

vyāsa uvācadevarṣe nārada śrīmansākṣādbrahmāṅgasambhava |bhavānaśeṣavidyānāṃ pāragastapasāṃ nidhiḥ || 5||

वेदान्तपारगः सर्वशास्त्रार्थप्रतिभोज्ज्वलः ।परब्रह्मणि निष्णातः सच्चिदानन्दविग्रहः ॥ ६॥

vedāntapāragaḥ sarvaśāstrārthapratibhojjvalaḥ |parabrahmaṇi niṣṇātaḥ saccidānandavigrahaḥ || 6||

जगद्धिताय जनितः साक्षादेव चतुर्मुखात् ।हन्यन्ते भवता दैत्या दैत्यारिभुजविक्रमैः ॥ ७॥

jagaddhitāya janitaḥ sākṣādeva caturmukhāt |hanyante bhavatā daityā daityāribhujavikramaiḥ || 7||

कालोऽनुग्रहकर्ता त्वं त्रैलोक्यं त्वद्वशेऽनघ ।मनुष्या ऋषयो देवास्त्वया जीवन्ति सत्तम ॥ ८॥

kālo'nugrahakartā tvaṃ trailokyaṃ tvadvaśe'nagha |manuṣyā ṛṣayo devāstvayā jīvanti sattama || 8||

कर्तृत्वे लोककार्याणां वरत्वे परिनिष्ठित ।पृच्छामि त्वामशेषज्ञं निदानं सर्वसम्पदाम् ॥ ९॥

kartṛtve lokakāryāṇāṃ varatve pariniṣṭhita |pṛcchāmi tvāmaśeṣajñaṃ nidānaṃ sarvasampadām || 9||

सर्वसंसारनिर्मुक्तं चिद्घनं शान्तमानसम् ।यः सर्वलोकहितकृद्यं प्रशंसन्ति योगिनः ॥ १०॥

sarvasaṃsāranirmuktaṃ cidghanaṃ śāntamānasam |yaḥ sarvalokahitakṛdyaṃ praśaṃsanti yoginaḥ || 10||

इदं चराचरं विश्वं धृतं येन महामुने ।स्पृहयन्ति च यत्प्रीत्या यस्मै ब्रह्मादिदेवताः ॥ ११॥

idaṃ carācaraṃ viśvaṃ dhṛtaṃ yena mahāmune |spṛhayanti ca yatprītyā yasmai brahmādidevatāḥ || 11||

निर्माणस्थितिसंहारा यतो विश्वस्य सत्तम ।यस्य प्रसादाद्ब्रह्माद्या लभन्ते वाञ्छितं फलम् ॥ १२॥

nirmāṇasthitisaṃhārā yato viśvasya sattama |yasya prasādādbrahmādyā labhante vāñchitaṃ phalam || 12||

दारिद्र्यनाशो जायेत यस्मिन् श्रुतिपथं गते ।विवक्षितार्थनिर्वाहा मुखान् सरतीह गीः ॥ १३॥

dāridryanāśo jāyeta yasmin śrutipathaṃ gate |vivakṣitārthanirvāhā mukhān saratīha gīḥ || 13||

नृपाणां राज्यहीनानां येन राज्यं भविष्यति ।अपुत्रः पुत्रवान्येन वन्ध्या पुत्रवती भवेत् ॥ १४॥

nṛpāṇāṃ rājyahīnānāṃ yena rājyaṃ bhaviṣyati |aputraḥ putravānyena vandhyā putravatī bhavet || 14||

शत्रूणामचिरान्नाशो ज्ञानं ज्ञानैषिणामपि ।चतुर्वर्गफलं यस्य क्षणाद्भवति सुव्रत ॥ १५॥

śatrūṇāmacirānnāśo jñānaṃ jñānaiṣiṇāmapi |caturvargaphalaṃ yasya kṣaṇādbhavati suvrata || 15||

भूतप्रेतपिशाचाद्या यक्षराक्षसपन्नगाः ।भूतज्वरादिरोगाश्च यस्य स्मरणमात्रतः ॥ १६॥

bhūtapretapiśācādyā yakṣarākṣasapannagāḥ |bhūtajvarādirogāśca yasya smaraṇamātrataḥ || 16||

मुच्यन्ते मुनिशार्दूल येनाखिलजगद्धृतम् ।तदेतदिति निश्चित्य सर्वशास्त्रविशारद ॥ १७॥

mucyante muniśārdūla yenākhilajagaddhṛtam |tadetaditi niścitya sarvaśāstraviśārada || 17||

सर्वलोकहितार्थाय ब्रूहि मे सकलं गुरो ।इत्युक्तस्तेन मुनिना व्यासेनामिततेजसा ॥ १८॥

sarvalokahitārthāya brūhi me sakalaṃ guro |ityuktastena muninā vyāsenāmitatejasā || 18||

बद्धाञ्जलिपुटो भूत्वा सादरं नारदो मुनिः ।नमस्कृत्य जगन्मूलं लक्ष्मीकान्तं परात्परम् ॥ १९॥

baddhāñjalipuṭo bhūtvā sādaraṃ nārado muniḥ |namaskṛtya jaganmūlaṃ lakṣmīkāntaṃ parātparam || 19||

उवाच परमप्रीतः करुणामृतधारया ।आप्याययन्मुनीन्सर्वान् व्यासावादीन् ब्रह्मतत्परान् ॥ २०॥

uvāca paramaprītaḥ karuṇāmṛtadhārayā |āpyāyayanmunīnsarvān vyāsāvādīn brahmatatparān || 20||

नारदःबहिरन्तस्तमच्छेदि ज्योतिर्वन्दे सुदर्शनम् ।येनाव्याहतसङ्कल्पं वस्तु लक्ष्मीधरं विदुः ॥ २१॥

nāradaḥbahirantastamacchedi jyotirvande sudarśanam |yenāvyāhatasaṅkalpaṃ vastu lakṣmīdharaṃ viduḥ || 21||

ॐ अस्य श्रीसुदर्शनरसहस्रनामस्तोत्रमहामन्त्रस्यअहिर्बुध्न्यो भगवानृषिः अनुष्टुप् छन्दः श्रीसुदर्शनमहाविष्णुर्देवता रं बीजम्, हुं शक्तिः, फटञ्चकलिकम्,रां रीं रूं रैं रौं रः इति मन्त्रः, श्रीसुदर्शनप्रसादसिद्ध्यर्थे जपेविनियोगः । ॐ रां अङ्गुष्ठाभ्यां नमः, ॐ रीं तर्जनीभ्यां नमः,ॐ रूं मध्यमाभ्यां नमः, ॐ रैं अनामिकाभ्यां नमः, ॐ रौंकनिष्ठिकाभ्यां नमः, ॐ रः करतलकरपृष्ठाभ्यां नमः ।एवं हृदयादिन्यासः ॐ रां ज्ञानाय हृदयाय नमःॐ रीं ऐश्वर्याय शिरसे स्वाहा, ॐ रूं शक्त्यै शिखायै वषट्ॐ रैं बलाय कवचाय हुं, ॐ रौं वीर्यायास्त्राय फट्, ॐ रः तेजसेनेत्राभ्यां वौषट् इति वा ।अथ दिग्बन्धः ॐ ठण्ठं पूर्वां दिशं चक्रेण बध्नामि नमश्चक्रायहुं फट् स्वाहा, ॐ ठण्ठं आग्नेयीं दिशं, ॐ ठण्ठं याम्यां दिशं,ॐ ठण्ठं नैरृत्यां दिशं, ॐ ठण्ठं वारुणीं दिशं, ॐ ठण्ठं वायवींदिशं, ॐ ठण्ठं कौबेरीं दिशं, ॐ ठण्ठं ऐशानीं दिशं, ॐ ठण्ठंऊर्ध्वां दिशं, ॐ ठण्ठं अधरां दिशं, ॐ ठण्ठं सर्वा दिशःचक्रेण बध्नामि नमश्चक्राय हुं फट् स्वाहा । इति दिग्बन्धः ।ध्यानम्कल्पान्तार्कप्रकाशं त्रिभुवनमखिलं तेजसा पूरयन्तंरक्ताक्षं पिङ्गकेशं रिपुकुलभयदं भीमदंष्ट्राट्टहासम् ।शङ्खं चक्रं गदाब्जं पृथुतरमुसलं चापपाशाङ्कुशादीन्बिभ्राणं दोर्भिराद्यं मनसि मुररिपोर्भावये चक्रराजम् ॥शङ्खं चक्रं गदाब्जं शरमसिमिषुधिं चापपाशाङ्कुशादीन्बिभ्राणं वज्रखेटं हलमुसललसकुन्तमत्युग्रदंष्ट्रम् ।ज्वालाकेशं त्रिनेत्रं ज्वलदनलनिभं हारकेयूरभूषंध्यायेत्षट्कोणसंस्थं सकलरिपुजनप्राणसंहारचक्रम् ॥कल्याणगुणसम्पन्नः कल्याणवसनोज्ज्वलः ।कल्याणाचलगम्भीरः कल्याणजनरञ्जकः ॥ १॥

oṃ asya śrīsudarśanarasahasranāmastotramahāmantrasyaahirbudhnyo bhagavānṛṣiḥ anuṣṭup chandaḥ śrīsudarśanamahāviṣṇurdevatā raṃ bījam, huṃ śaktiḥ, phaṭañcakalikam,rāṃ rīṃ rūṃ raiṃ rauṃ raḥ iti mantraḥ, śrīsudarśanaprasādasiddhyarthe japeviniyogaḥ | oṃ rāṃ aṅguṣṭhābhyāṃ namaḥ, oṃ rīṃ tarjanībhyāṃ namaḥ,oṃ rūṃ madhyamābhyāṃ namaḥ, oṃ raiṃ anāmikābhyāṃ namaḥ, oṃ rauṃkaniṣṭhikābhyāṃ namaḥ, oṃ raḥ karatalakarapṛṣṭhābhyāṃ namaḥ |evaṃ hṛdayādinyāsaḥ oṃ rāṃ jñānāya hṛdayāya namaḥoṃ rīṃ aiśvaryāya śirase svāhā, oṃ rūṃ śaktyai śikhāyai vaṣaṭoṃ raiṃ balāya kavacāya huṃ, oṃ rauṃ vīryāyāstrāya phaṭ, oṃ raḥ tejasenetrābhyāṃ vauṣaṭ iti vā |atha digbandhaḥ oṃ ṭhaṇṭhaṃ pūrvāṃ diśaṃ cakreṇa badhnāmi namaścakrāyahuṃ phaṭ svāhā, oṃ ṭhaṇṭhaṃ āgneyīṃ diśaṃ, oṃ ṭhaṇṭhaṃ yāmyāṃ diśaṃ,oṃ ṭhaṇṭhaṃ nairṛtyāṃ diśaṃ, oṃ ṭhaṇṭhaṃ vāruṇīṃ diśaṃ, oṃ ṭhaṇṭhaṃ vāyavīṃdiśaṃ, oṃ ṭhaṇṭhaṃ kauberīṃ diśaṃ, oṃ ṭhaṇṭhaṃ aiśānīṃ diśaṃ, oṃ ṭhaṇṭhaṃūrdhvāṃ diśaṃ, oṃ ṭhaṇṭhaṃ adharāṃ diśaṃ, oṃ ṭhaṇṭhaṃ sarvā diśaḥcakreṇa badhnāmi namaścakrāya huṃ phaṭ svāhā | iti digbandhaḥ |dhyānamkalpāntārkaprakāśaṃ tribhuvanamakhilaṃ tejasā pūrayantaṃraktākṣaṃ piṅgakeśaṃ ripukulabhayadaṃ bhīmadaṃṣṭrāṭṭahāsam |śaṅkhaṃ cakraṃ gadābjaṃ pṛthutaramusalaṃ cāpapāśāṅkuśādīnbibhrāṇaṃ dorbhirādyaṃ manasi murariporbhāvaye cakrarājam ||śaṅkhaṃ cakraṃ gadābjaṃ śaramasimiṣudhiṃ cāpapāśāṅkuśādīnbibhrāṇaṃ vajrakheṭaṃ halamusalalasakuntamatyugradaṃṣṭram |jvālākeśaṃ trinetraṃ jvaladanalanibhaṃ hārakeyūrabhūṣaṃdhyāyetṣaṭkoṇasaṃsthaṃ sakalaripujanaprāṇasaṃhāracakram ||kalyāṇaguṇasampannaḥ kalyāṇavasanojjvalaḥ |kalyāṇācalagambhīraḥ kalyāṇajanarañjakaḥ || 1||

कल्याणदोषनाशश्च कल्याणरुचिराङ्गकः ।कल्याणाङ्गदसम्पन्नः कल्याणाकारसन्निभः ॥ २॥

kalyāṇadoṣanāśaśca kalyāṇarucirāṅgakaḥ |kalyāṇāṅgadasampannaḥ kalyāṇākārasannibhaḥ || 2||

करालवदनोऽत्रासी करालाङ्गोऽभयङ्करः ।करालतनुजोद्दामः करालतनुभेदकः ॥ ३॥

karālavadano'trāsī karālāṅgo'bhayaṅkaraḥ |karālatanujoddāmaḥ karālatanubhedakaḥ || 3||

करञ्जवनमध्यस्थः करञ्जदधिभोजनः ।करञ्जासुरसंहर्ता करञ्जमधुराङ्गकः ॥ ४॥

karañjavanamadhyasthaḥ karañjadadhibhojanaḥ |karañjāsurasaṃhartā karañjamadhurāṅgakaḥ || 4||

खञ्जनानन्दजनकः खञ्जनाहारजूषितः ।खञ्जनायुधभृद्दिव्यखञ्जनाखण्डगर्वहृत् ॥ ५॥

khañjanānandajanakaḥ khañjanāhārajūṣitaḥ |khañjanāyudhabhṛddivyakhañjanākhaṇḍagarvahṛt || 5||

खरान्तकः खररुचिः खरदुःखैरसेवितः ।खरान्तकः खरोदारः खरासुरविभञ्जनः ॥ ६॥

kharāntakaḥ khararuciḥ kharaduḥkhairasevitaḥ |kharāntakaḥ kharodāraḥ kharāsuravibhañjanaḥ || 6||

गोपालो गोपतिर्गोप्ता गोपस्त्रीनाथरञ्जकः ।गोजारुणतनुर्गोजो गोजारतिकृतोत्सवः ॥ ७॥

gopālo gopatirgoptā gopastrīnātharañjakaḥ |gojāruṇatanurgojo gojāratikṛtotsavaḥ || 7||

गम्भीरनाभिर्गम्भीरो गम्भीरार्थसमन्वितः ।गम्भीरवैद्यमरुतो गम्भीरगुणभूषितः ॥ ८॥

gambhīranābhirgambhīro gambhīrārthasamanvitaḥ |gambhīravaidyamaruto gambhīraguṇabhūṣitaḥ || 8||

घनरावो घनरुचिर्घनगम्भीरनिःस्वनः ।घनाधनौघनाशी च घनसन्तानदायकः ॥ ९॥

ghanarāvo ghanarucirghanagambhīraniḥsvanaḥ |ghanādhanaughanāśī ca ghanasantānadāyakaḥ || 9||

घनरोचिर्धनचरो घनचन्दनचर्चितः ।घनहेतिर्घनभुजो घनोऽखिलसुरार्चितः ॥ १०॥

ghanarocirdhanacaro ghanacandanacarcitaḥ |ghanahetirghanabhujo ghano'khilasurārcitaḥ || 10||

ङकारावधिविभवो ङकारो मुनिसम्मतः ।ङकारवीतसहितो ङकाराकारभूषितः ॥ ११॥

ṅakārāvadhivibhavo ṅakāro munisammataḥ |ṅakāravītasahito ṅakārākārabhūṣitaḥ || 11||

चक्रराजश्चक्रपतिश्चक्राधीशः सुचक्रभूः ।चक्रसेव्यश्चक्रधरश्चक्रभूषणभूषितः ॥ १२॥

cakrarājaścakrapatiścakrādhīśaḥ sucakrabhūḥ |cakrasevyaścakradharaścakrabhūṣaṇabhūṣitaḥ || 12||

चक्रराजरुचिश्चक्रश्चक्रपालनतत्परः ।चक्रधृच्चक्रवरदश्चक्रभूषणभूषितः ॥ १३॥

cakrarājaruciścakraścakrapālanatatparaḥ |cakradhṛccakravaradaścakrabhūṣaṇabhūṣitaḥ || 13||

सुचक्रधीः सुचक्राख्यः सुचक्रगुणभूषितः ।विचक्रश्चक्रनिरतश्चक्रसम्पन्नवैभवः ॥ १४॥

sucakradhīḥ sucakrākhyaḥ sucakraguṇabhūṣitaḥ |vicakraścakranirataścakrasampannavaibhavaḥ || 14||

चक्रदोश्चक्रदश्चक्रश्चक्रराजपराक्रमः ।चक्रनादश्चक्रचरश्चक्रगश्चक्रपाशकृत् ॥ १५॥

cakradoścakradaścakraścakrarājaparākramaḥ |cakranādaścakracaraścakragaścakrapāśakṛt || 15||

चक्रव्यापी चक्रगुरुश्चक्रहारी विचक्रभृत् ।चक्राङ्गश्चक्रमहितश्चक्रवाकगुणाकरः ॥ १६॥

cakravyāpī cakraguruścakrahārī vicakrabhṛt |cakrāṅgaścakramahitaścakravākaguṇākaraḥ || 16||

आचक्रश्चक्रधर्मज्ञश्चक्रकश्चक्रमर्दनः ।आचक्रनियमश्चक्रः सर्वपापविधूननः ॥ १७॥

ācakraścakradharmajñaścakrakaścakramardanaḥ |ācakraniyamaścakraḥ sarvapāpavidhūnanaḥ || 17||

चक्रज्वालश्चक्रधरश्चक्रपालितविग्रहः ।चक्रवर्ती चक्रदायी चक्रकारी मदापहः ॥ १८॥

cakrajvālaścakradharaścakrapālitavigrahaḥ |cakravartī cakradāyī cakrakārī madāpahaḥ || 18||

चक्रकोटिमहानादश्चक्रकोटिसमप्रभः ।चक्रराजावनचरश्चक्रराजान्तरोज्ज्वलः ॥ १९॥

cakrakoṭimahānādaścakrakoṭisamaprabhaḥ |cakrarājāvanacaraścakrarājāntarojjvalaḥ || 19||

चश्चलारातिदमनश्चञ्चलस्वान्तरोमकृत् ।चश्चलो मानसोल्लासी चञ्चलाचलभासुरः ॥ २०॥

caścalārātidamanaścañcalasvāntaromakṛt |caścalo mānasollāsī cañcalācalabhāsuraḥ || 20||

चञ्चलारातिनिरतश्चञ्चलाधिकचञ्चलः ।छाययाखिलतापध्नश्छायामदविभञ्जनः ॥ २१॥

cañcalārātinirataścañcalādhikacañcalaḥ |chāyayākhilatāpadhnaśchāyāmadavibhañjanaḥ || 21||

छायाप्रियोऽधिकरुचिच्छायावृक्षसमाश्रयः ।छायान्वितश्छाययार्च्यश्छायाधिकसुखप्रदः ॥ २२॥

chāyāpriyo'dhikarucicchāyāvṛkṣasamāśrayaḥ |chāyānvitaśchāyayārcyaśchāyādhikasukhapradaḥ || 22||

छायाम्बरपरीधानश्छायात्मजनमुञ्चितः ।जलजाक्षीप्रियकरो जलजानन्ददायकः ॥ २३॥

chāyāmbaraparīdhānaśchāyātmajanamuñcitaḥ |jalajākṣīpriyakaro jalajānandadāyakaḥ || 23||

जलजासिद्धिरुचिरो जलजालसमो भरः ।जलजालापसंस्तुत्यो जलजाताय मोदकृत् ॥ २४॥

jalajāsiddhiruciro jalajālasamo bharaḥ |jalajālāpasaṃstutyo jalajātāya modakṛt || 24||

जलजाहारचतुरो जलजाराधनोत्सुकः ।जनकस्तुतिसन्तुष्टो जनकाराधिताधिकः ॥ २५॥

jalajāhāracaturo jalajārādhanotsukaḥ |janakastutisantuṣṭo janakārādhitādhikaḥ || 25||

जनकामोदनपरो जनकानन्ददायकः ।जनकाध्यानसन्तुष्टहृदयो जनकार्चितः ॥ २६॥

janakāmodanaparo janakānandadāyakaḥ |janakādhyānasantuṣṭahṛdayo janakārcitaḥ || 26||

जनकानन्दजननो जनकृद्धृदयाम्बुजः ।झञ्झामारुतवेगाढ्यो झञ्झामारुतसङ्गरः ॥ २७॥

janakānandajanano janakṛddhṛdayāmbujaḥ |jhañjhāmārutavegāḍhyo jhañjhāmārutasaṅgaraḥ || 27||

झञ्झामारुतसरावो झञ्झामारुतविक्रमः ।ञकाराम्बुजमध्यस्थो ञकारकृतसन्निधिः ॥ २८॥

jhañjhāmārutasarāvo jhañjhāmārutavikramaḥ |ñakārāmbujamadhyastho ñakārakṛtasannidhiḥ || 28||

टङ्कधारी टङ्कवपुष्टङ्कसंहारकारकः ।टङ्कच्छिन्नसुवर्णाभष्टङ्कारधनुरुज्ज्वलः ॥ २९॥

ṭaṅkadhārī ṭaṅkavapuṣṭaṅkasaṃhārakārakaḥ |ṭaṅkacchinnasuvarṇābhaṣṭaṅkāradhanurujjvalaḥ || 29||

टङ्काराग्निसमाकारष्टङ्काररवमेदुरः ।टङ्कारकीर्तिभरितष्टङ्कारानन्दवर्धनः ॥ ३०॥

ṭaṅkārāgnisamākāraṣṭaṅkāraravameduraḥ |ṭaṅkārakīrtibharitaṣṭaṅkārānandavardhanaḥ || 30||

डम्भसंहतिसंहर्ता डम्भसन्ततिवर्धनः ।डम्भधृग्डम्भहृदयो डम्भदण्डनतत्परः ॥ ३१॥

ḍambhasaṃhatisaṃhartā ḍambhasantativardhanaḥ |ḍambhadhṛgḍambhahṛdayo ḍambhadaṇḍanatatparaḥ || 31||

डिम्भधृग्डिम्भकृड्डिम्भो डिम्भसूदनतत्परः ।डिम्भपापहरो डिम्भसम्भावितपदाम्बुजः ॥ ३२॥

ḍimbhadhṛgḍimbhakṛḍḍimbho ḍimbhasūdanatatparaḥ |ḍimbhapāpaharo ḍimbhasambhāvitapadāmbujaḥ || 32||

डिम्भरोद्यत्कटम्बाजो डमरुध्यानतत्परः ।डमरूद्भवसंहर्ता डमरूद्भवनन्दनः ॥ ३३॥

ḍimbharodyatkaṭambājo ḍamarudhyānatatparaḥ |ḍamarūdbhavasaṃhartā ḍamarūdbhavanandanaḥ || 33||

डाडिमीवनमध्यस्थो डाडिमीकुसुमप्रियः ।डाडिमीफलसन्तुष्टो डाडिमीफलवर्जितः ॥ ३४॥

ḍāḍimīvanamadhyastho ḍāḍimīkusumapriyaḥ |ḍāḍimīphalasantuṣṭo ḍāḍimīphalavarjitaḥ || 34||

ढक्कामनोहरवपुर्ढक्कारवविराजितः ।ढक्कावाद्येषु निरतो ढकाधारणतत्परः ॥ ३५॥

ḍhakkāmanoharavapurḍhakkāravavirājitaḥ |ḍhakkāvādyeṣu nirato ḍhakādhāraṇatatparaḥ || 35||

ढकारबीज्जसम्पन्नो ढकाराक्षरमेदुरः ।ढकारमध्यसदनो ढकारविहितान्त्रकः ॥ ३६॥

ḍhakārabījjasampanno ḍhakārākṣarameduraḥ |ḍhakāramadhyasadano ḍhakāravihitāntrakaḥ || 36||

णकारबीजवसतिर्णकारवसनोज्ज्वलः ।णकारातिगभीराङ्गो णकाराराधनप्रियः ॥ ३७॥

ṇakārabījavasatirṇakāravasanojjvalaḥ |ṇakārātigabhīrāṅgo ṇakārārādhanapriyaḥ || 37||

तरलाक्षीमहाहर्ता तारकासुरहृत्तरिः ।तरलोज्ज्वलहाराढ्यस्तरलस्वान्तरञ्जकः ॥ ३८॥

taralākṣīmahāhartā tārakāsurahṛttariḥ |taralojjvalahārāḍhyastaralasvāntarañjakaḥ || 38||

तारकासुरसंसेव्यस्तारकासुरमानितः ।तुरङ्गवदनस्तोत्रसन्तुष्टहृदयाभ्युजः ॥ ३९॥

tārakāsurasaṃsevyastārakāsuramānitaḥ |turaṅgavadanastotrasantuṣṭahṛdayābhyujaḥ || 39||

तुरङ्गवदनः श्रीमांस्तुरङ्गवदनस्तुतः ।तमःपटलसञ्छन्नस्तमःसन्ततिमर्दनः ॥ ४०॥

turaṅgavadanaḥ śrīmāṃsturaṅgavadanastutaḥ |tamaḥpaṭalasañchannastamaḥsantatimardanaḥ || 40||

तमोनुदो जलशयस्तमःसंवर्धनो हरः ।थवर्णमध्यसंवासी थवर्णवरभूषितः ॥ ४१॥

tamonudo jalaśayastamaḥsaṃvardhano haraḥ |thavarṇamadhyasaṃvāsī thavarṇavarabhūṣitaḥ || 41||

थवर्णबीजसम्पन्नस्थवर्णरुचिरालयः ।दरभृद्दरसाराक्षो दरहृद्दरवञ्चकः ॥ ४२॥

thavarṇabījasampannasthavarṇarucirālayaḥ |darabhṛddarasārākṣo darahṛddaravañcakaḥ || 42||

दरफुल्लाम्बुजरुचिर्दरचक्रविराजितः ।दधिसङ्ग्रहणव्यग्रो दधिपाण्डरकीर्तिभृत् ॥ ४३॥

daraphullāmbujarucirdaracakravirājitaḥ |dadhisaṅgrahaṇavyagro dadhipāṇḍarakīrtibhṛt || 43||

दध्यन्नपूजनरतो दधिवामनमोदकृत् ।धन्वी धनप्रियो धन्यो धनाधिपसमञ्चितः ॥ ४४॥

dadhyannapūjanarato dadhivāmanamodakṛt |dhanvī dhanapriyo dhanyo dhanādhipasamañcitaḥ || 44||

धरो धरावनरतो धनधान्यसमृद्धिदः ।धनन्वयो धनाध्यक्षो धनदो धनवर्जितः ॥ ४५॥

dharo dharāvanarato dhanadhānyasamṛddhidaḥ |dhananvayo dhanādhyakṣo dhanado dhanavarjitaḥ || 45||

धनग्रहणसम्पन्नो धनसम्मतमानसः ।धनराजवनासक्तो धनराजयशोभरः ॥ ४६॥

dhanagrahaṇasampanno dhanasammatamānasaḥ |dhanarājavanāsakto dhanarājayaśobharaḥ || 46||

धनराजमदाहर्ता धनराजसमीडितः ।धर्मकृद्धर्मभृद्धर्मी धर्मनन्दनसन्नुतः ॥ ४७॥

dhanarājamadāhartā dhanarājasamīḍitaḥ |dharmakṛddharmabhṛddharmī dharmanandanasannutaḥ || 47||

धर्मराजो धनासक्तो धर्मज्ञाकल्पितस्तुतिः ।नरराजावनायत्तो नरराजाय निर्भरः ॥ ४८॥

dharmarājo dhanāsakto dharmajñākalpitastutiḥ |nararājāvanāyatto nararājāya nirbharaḥ || 48||

नरराजस्तुतगुणो नरराजसमुज्ज्वलः ।नवतामरसोदारो नवतामरसेक्षणः ॥ ४९॥

nararājastutaguṇo nararājasamujjvalaḥ |navatāmarasodāro navatāmarasekṣaṇaḥ || 49||

नवतामरसाहारो नवतामरसारुणः ।नवसौवर्णवसनो नवनाथदयापरः ॥ ५०॥

navatāmarasāhāro navatāmarasāruṇaḥ |navasauvarṇavasano navanāthadayāparaḥ || 50||

नवनाथस्तुतनदो नवनाथसमाकृतिः ।नालिकानेत्रमहितो नालिकावलिराजितः ॥ ५१॥

navanāthastutanado navanāthasamākṛtiḥ |nālikānetramahito nālikāvalirājitaḥ || 51||

नालिकागतिमध्यस्थो नालिकासनसेवितःपुण्डरीकाक्षरुचिरः पुण्डरीकमदापहः ॥ ५२॥

nālikāgatimadhyastho nālikāsanasevitaḥpuṇḍarīkākṣaruciraḥ puṇḍarīkamadāpahaḥ || 52||

पुण्डरकिमुनिस्तुत्यः पुण्डरीकसुहृद्।ह्युतिः ।पुण्डरीकप्रभारम्यः पुण्डरीकनिभाननः ॥ ५३॥

puṇḍarakimunistutyaḥ puṇḍarīkasuhṛd|hyutiḥ |puṇḍarīkaprabhāramyaḥ puṇḍarīkanibhānanaḥ || 53||

पुण्डरीकाक्षसन्मानः पुण्डरीकदयापरः ।परः परागतिवपुः परानन्दः परात्परः ॥ ५४॥

puṇḍarīkākṣasanmānaḥ puṇḍarīkadayāparaḥ |paraḥ parāgativapuḥ parānandaḥ parātparaḥ || 54||

परमानन्दजनकः परमान्नाधिकप्रियः ।पुष्कराक्षकरोदारः पुष्कराक्षः शिवङ्करः ॥ ५५॥

paramānandajanakaḥ paramānnādhikapriyaḥ |puṣkarākṣakarodāraḥ puṣkarākṣaḥ śivaṅkaraḥ || 55||

पुष्करव्रातसहितः पुष्करारवसंयुतः ।फट्कारतः स्तूयमानः फट्काराक्षरमध्यगः ॥ ५६॥

puṣkaravrātasahitaḥ puṣkarāravasaṃyutaḥ |phaṭkārataḥ stūyamānaḥ phaṭkārākṣaramadhyagaḥ || 56||

फट्कारध्वस्तदनुजः फट्कारासनसङ्गतः ।फलाहारः स्तुतफलः फलपूजाकृतोत्सवः ॥ ५७॥

phaṭkāradhvastadanujaḥ phaṭkārāsanasaṅgataḥ |phalāhāraḥ stutaphalaḥ phalapūjākṛtotsavaḥ || 57||

फलदानरतोऽत्यन्तफलसम्पूर्णमानसः ।बलस्तुतिर्बलाधारो बलभद्रप्रियङ्करः ॥ ५८॥

phaladānarato'tyantaphalasampūrṇamānasaḥ |balastutirbalādhāro balabhadrapriyaṅkaraḥ || 58||

बलवान्बलहारी च बलयुग्वैरिभञ्जनः ।बलदाता बलधरो बलराजितविग्रहः ॥ ५९॥

balavānbalahārī ca balayugvairibhañjanaḥ |baladātā baladharo balarājitavigrahaḥ || 59||

बलाद्वलो बलकरो बलासुरनिषूदनः ।बलरक्षणनिष्णातो बलसम्मोददायकः ॥ ६०॥

balādvalo balakaro balāsuraniṣūdanaḥ |balarakṣaṇaniṣṇāto balasammodadāyakaḥ || 60||

बलसम्पूर्पाहृदयो बलसंहारदीक्षितः ।भवस्तुतो भवपतिर्भवसन्तानदायकः ॥ ६१॥

balasampūrpāhṛdayo balasaṃhāradīkṣitaḥ |bhavastuto bhavapatirbhavasantānadāyakaḥ || 61||

भवध्वंसी भवहरो भवस्तम्भनतत्परः ।भवरक्षणनिष्णातो भवसन्तोषकारकः ॥ ६२॥

bhavadhvaṃsī bhavaharo bhavastambhanatatparaḥ |bhavarakṣaṇaniṣṇāto bhavasantoṣakārakaḥ || 62||

भवसागरसञ्छेत्ता भवसिन्धुसुखप्रदः ।भद्रदो भद्रहदयो भद्रकार्यसमाश्रितः ॥ ६३॥

bhavasāgarasañchettā bhavasindhusukhapradaḥ |bhadrado bhadrahadayo bhadrakāryasamāśritaḥ || 63||

भद्रश्रीचर्चिततनुर्भद्रश्रीदानदीक्षितः ।भद्रपादप्रियो भद्रो ह्यभद्रवनभञ्जनः ॥ ६४॥

bhadraśrīcarcitatanurbhadraśrīdānadīkṣitaḥ |bhadrapādapriyo bhadro hyabhadravanabhañjanaḥ || 64||

भद्रश्रीगानसरसो भद्रमण्डलमण्डितः ।भरद्वाजस्तुतपदो भरद्वाजसमाश्रितः ॥ ६५॥

bhadraśrīgānasaraso bhadramaṇḍalamaṇḍitaḥ |bharadvājastutapado bharadvājasamāśritaḥ || 65||

भरद्वाजाश्रमरतो भरद्वाजदयाकरः ।मसारनीलरुचिरो मसारचरणोज्ज्वलः ॥ ६६॥

bharadvājāśramarato bharadvājadayākaraḥ |masāranīlaruciro masāracaraṇojjvalaḥ || 66||

मसारसारसत्कार्यो मसारांशुकभूषितः ।माकन्दवनसञ्चारी माकन्दजनरञ्जकः ॥ ६७॥

masārasārasatkāryo masārāṃśukabhūṣitaḥ |mākandavanasañcārī mākandajanarañjakaḥ || 67||

माकन्दानन्दमन्दारो माकन्दानन्दबन्धुरः ।मण्डलो मण्डलाधीशो मण्डलात्मा सुमण्डलः ॥ ६८॥

mākandānandamandāro mākandānandabandhuraḥ |maṇḍalo maṇḍalādhīśo maṇḍalātmā sumaṇḍalaḥ || 68||

मण्डलेशो मण्डलान्तर्मण्डलार्चितमण्डलः ।मण्डलावननिष्णातो मण्डलावरणी घनः ॥ ६९॥

maṇḍaleśo maṇḍalāntarmaṇḍalārcitamaṇḍalaḥ |maṇḍalāvananiṣṇāto maṇḍalāvaraṇī ghanaḥ || 69||

मण्डलस्थो मण्डलाग्र्यो मण्डलाभरणाङ्कितः ।मधुदानवसंहर्ता मधुमञ्जुलवाग्भरः ॥ ७०॥

maṇḍalastho maṇḍalāgryo maṇḍalābharaṇāṅkitaḥ |madhudānavasaṃhartā madhumañjulavāgbharaḥ || 70||

मधुदानाधिकरतो मधुमङ्गलवैभवः ।मधुजेता मधुकरो मधुरो मधुराधिपः ॥ ७१॥

madhudānādhikarato madhumaṅgalavaibhavaḥ |madhujetā madhukaro madhuro madhurādhipaḥ || 71||

मधुवारणसंहर्ता मधुसन्तानकारकः ।मधुमासातिरुचिरो मधुमासविराजितः ॥ ७२॥

madhuvāraṇasaṃhartā madhusantānakārakaḥ |madhumāsātiruciro madhumāsavirājitaḥ || 72||

मधुपुष्टो मधुतनुर्मधुगो मधुसंवरः ।मधुरो मधुराकारो मधुराम्बरभूषितः ॥ ७३॥

madhupuṣṭo madhutanurmadhugo madhusaṃvaraḥ |madhuro madhurākāro madhurāmbarabhūṣitaḥ || 73||

मधुरानगरीनाथो मधुरासुरभञ्जनः ।मधुराहारनिरतो मधुराह्लाददक्षिणः ॥ ७४॥

madhurānagarīnātho madhurāsurabhañjanaḥ |madhurāhāranirato madhurāhlādadakṣiṇaḥ || 74||

मधुराम्भोजनयनो मधुराधिपसङ्गतः ।मधुरानन्दचतुरो मधुरारातिसङ्गतः ॥ ७५॥

madhurāmbhojanayano madhurādhipasaṅgataḥ |madhurānandacaturo madhurārātisaṅgataḥ || 75||

मधुराभरणोल्लासी मधुराङ्गदभूषितः ।मृगराजवनीसक्तो मृगमण्डलमण्डितः ॥ ७६॥

madhurābharaṇollāsī madhurāṅgadabhūṣitaḥ |mṛgarājavanīsakto mṛgamaṇḍalamaṇḍitaḥ || 76||

मूगादरो मृगपतिर्मृगारातिविदारणः ।यज्ञप्रियो यशवपुर्यशसम्प्रीतमानसः ॥ ७७॥

mūgādaro mṛgapatirmṛgārātividāraṇaḥ |yajñapriyo yaśavapuryaśasamprītamānasaḥ || 77||

यज्ञसन्ताननिरतो यज्ञसम्भारसम्भ्रमः ।यज्ञयज्ञो यज्ञपदो यज्ञसम्पादनोत्सुकः ॥ ७८॥

yajñasantānanirato yajñasambhārasambhramaḥ |yajñayajño yajñapado yajñasampādanotsukaḥ || 78||

यज्ञशालाकृतावासो यज्ञसम्भावितान्नकः ।रसेन्द्रो रससम्पन्नो रसराजो रसोत्सुकः ॥ ७९॥

yajñaśālākṛtāvāso yajñasambhāvitānnakaḥ |rasendro rasasampanno rasarājo rasotsukaḥ || 79||

रसान्वितो रसधरो रसचेलो रसाकरः ।रसजेता रसश्रेष्ठो रसराजाभिरञ्जितः ॥ ८०॥

rasānvito rasadharo rasacelo rasākaraḥ |rasajetā rasaśreṣṭho rasarājābhirañjitaḥ || 80||

रसतत्त्वसमासक्तो रसदारपराक्रमः ।रसराजो रसधरो रसेशो रसवल्लभः ॥ ८१॥

rasatattvasamāsakto rasadāraparākramaḥ |rasarājo rasadharo raseśo rasavallabhaḥ || 81||

रसनेता रसावासो रसोत्करविराजितः ।लवङ्गपुष्पसन्तुष्टो लवङ्गकुसुमोचितः ॥ ८२॥

rasanetā rasāvāso rasotkaravirājitaḥ |lavaṅgapuṣpasantuṣṭo lavaṅgakusumocitaḥ || 82||

लवङ्गवनमध्यस्थो लवङ्गकुसुमोत्सुकः ।लतावलिसमायुक्तो लतारससमर्चितः ॥ ८३॥

lavaṅgavanamadhyastho lavaṅgakusumotsukaḥ |latāvalisamāyukto latārasasamarcitaḥ || 83||

लताभिरामतनुभृल्लतातिलकभूषितः ।वीरस्तुतपदाम्भोजो विराजगमनोत्सुकः ॥ ८४॥

latābhirāmatanubhṛllatātilakabhūṣitaḥ |vīrastutapadāmbhojo virājagamanotsukaḥ || 84||

विराजपत्रमध्यस्थो विराजरससेवितः ।वरदो वरसम्पन्नो वरो वरसमुन्नतः ॥ ८५॥

virājapatramadhyastho virājarasasevitaḥ |varado varasampanno varo varasamunnataḥ || 85||

वरस्तुतिर्वर्धमानो वरधृद्वरसम्भवः ।वरदानरतो वर्यो वरदानसमुत्सुकः ॥ ८६॥

varastutirvardhamāno varadhṛdvarasambhavaḥ |varadānarato varyo varadānasamutsukaḥ || 86||

वरदानार्द्रहृदयो वरवारणसंयुतः ।शारदास्तुतपादाब्जः शारदाम्भोजकीर्तिभृत् ॥ ८७॥

varadānārdrahṛdayo varavāraṇasaṃyutaḥ |śāradāstutapādābjaḥ śāradāmbhojakīrtibhṛt || 87||

शारदाम्भोज्जनयनः शारदाध्यक्षसेवितः ।शारदापीठवसतिः शारदाधिपसन्नुतः ॥ ८८॥

śāradāmbhojjanayanaḥ śāradādhyakṣasevitaḥ |śāradāpīṭhavasatiḥ śāradādhipasannutaḥ || 88||

शारदावासदमनः शारदावासभासुरः ।शतक्रतुस्तूयमानः शतक्रतुपराक्रमः ॥ ८९॥

śāradāvāsadamanaḥ śāradāvāsabhāsuraḥ |śatakratustūyamānaḥ śatakratuparākramaḥ || 89||

शतक्रतुसमैश्वर्यः शतक्रतुमदापहः ।शरचापधरः श्रीमान् शरसम्भववैभवः ॥ ९०॥

śatakratusamaiśvaryaḥ śatakratumadāpahaḥ |śaracāpadharaḥ śrīmān śarasambhavavaibhavaḥ || 90||

शरपाण्डरकीर्तिश्रीः शरत्सारसलोचनः ।शरसङ्गमसम्पन्नः शरमण्डलमण्डितः ॥ ९१॥

śarapāṇḍarakīrtiśrīḥ śaratsārasalocanaḥ |śarasaṅgamasampannaḥ śaramaṇḍalamaṇḍitaḥ || 91||

शरातिगः शरधरः शरलालनलालसः ।शरोद्भवसमाकारः शरयुद्धविशारदः ॥ ९२॥

śarātigaḥ śaradharaḥ śaralālanalālasaḥ |śarodbhavasamākāraḥ śarayuddhaviśāradaḥ || 92||

शरवृन्दावनरतिः शरसम्मतविक्रमः ।षट्पदः षट्पदाकारः षट्पदावलिसेवितः ॥ ९३॥

śaravṛndāvanaratiḥ śarasammatavikramaḥ |ṣaṭpadaḥ ṣaṭpadākāraḥ ṣaṭpadāvalisevitaḥ || 93||

षट्पदाकारमधुरः षट्पदी षट्पदोद्धतः ।षडङ्गवेदविनुतः षडङ्गपदमेदुरः ॥ ९४॥

ṣaṭpadākāramadhuraḥ ṣaṭpadī ṣaṭpadoddhataḥ |ṣaḍaṅgavedavinutaḥ ṣaḍaṅgapadameduraḥ || 94||

षट्पद्मकवितावासः षड्बिन्दुरचितद्युतिः ।षड्बिन्दुमध्यवसतिः षड्बिन्दुविशदीकृतः ॥ ९५॥

ṣaṭpadmakavitāvāsaḥ ṣaḍbinduracitadyutiḥ |ṣaḍbindumadhyavasatiḥ ṣaḍbinduviśadīkṛtaḥ || 95||

षडाम्नायस्तूयमानः षडाम्नायान्तरस्थितः ।षट्छक्तिमङ्गलवृतः षट्चक्रकृतशेखरः ॥ ९६॥

ṣaḍāmnāyastūyamānaḥ ṣaḍāmnāyāntarasthitaḥ |ṣaṭchaktimaṅgalavṛtaḥ ṣaṭcakrakṛtaśekharaḥ || 96||

सारसारसरक्ताङ्गः सारसारसलोचनः ।सारदीप्तिः सारतनुः सारसाक्षकरप्रियः ॥ ९७॥

sārasārasaraktāṅgaḥ sārasārasalocanaḥ |sāradīptiḥ sāratanuḥ sārasākṣakarapriyaḥ || 97||

सारदीपी सारकृपः सारसावनकृज्ज्वलः ।सारङ्गसारदमनः सारकल्पितकुण्डलः ॥ ९८॥

sāradīpī sārakṛpaḥ sārasāvanakṛjjvalaḥ |sāraṅgasāradamanaḥ sārakalpitakuṇḍalaḥ || 98||

सारसारण्यवसतिः सारसारवमेदुरः ।सार(साम)गानप्रियः सारः सारसारसुपण्डितः ॥ ९९॥

sārasāraṇyavasatiḥ sārasāravameduraḥ |sāra(sāma)gānapriyaḥ sāraḥ sārasārasupaṇḍitaḥ || 99||

सद्रक्षकः सदामोदी सदानन्दनदेशिकः ।सद्वैद्यवन्द्यचरणः सद्वैद्योज्ज्वलमानसः ॥ १००॥

sadrakṣakaḥ sadāmodī sadānandanadeśikaḥ |sadvaidyavandyacaraṇaḥ sadvaidyojjvalamānasaḥ || 100||

हरिजेता हरिरथो हरिसेवापरायणः ।हरिवर्णो हरिचरो हरिगो हरिवत्सलः ॥ १०१॥

harijetā hariratho harisevāparāyaṇaḥ |harivarṇo haricaro harigo harivatsalaḥ || 101||

हरिद्रो हरिसंस्तोता हरिध्यानपरायणः ।हरिकल्पान्तसंहर्ताहरिसारसमुज्ज्वलः ॥ १०२॥

haridro harisaṃstotā haridhyānaparāyaṇaḥ |harikalpāntasaṃhartāharisārasamujjvalaḥ || 102||

हरिचन्दनलिप्ताङ्गो हरिमानससम्मतः ।हरिकारुण्यनिरतो हंसमोचनलालसः ॥ १०३हरिपुत्राभयकरो हरिपुत्रसमञ्चितः ।हरिधारणसान्निध्यो हरिसम्मोददायकः ॥ १०४हेतिराजो हेतिधरो हेतिनायकसंस्तुतः ।हेतिर्हरिर्हेतिवपुर्हेतिहा हेतिवर्धनः ॥ १०५हेतिहन्ता हेतियुद्धकरो हेतिविभूषणः ।हेतिदाता हेतिपरो हेतिमार्गप्रवर्तकः ॥ १०६॥

haricandanaliptāṅgo harimānasasammataḥ |harikāruṇyanirato haṃsamocanalālasaḥ || 103hariputrābhayakaro hariputrasamañcitaḥ |haridhāraṇasānnidhyo harisammodadāyakaḥ || 104hetirājo hetidharo hetināyakasaṃstutaḥ |hetirharirhetivapurhetihā hetivardhanaḥ || 105hetihantā hetiyuddhakaro hetivibhūṣaṇaḥ |hetidātā hetiparo hetimārgapravartakaḥ || 106||

हेतिसन्ततिसम्पूर्णो हेतिमण्डलमण्डितः ।हेतिदानपरः सर्वहेत्युग्रपरिभूषितः ॥ १०७हंसरूपीहंसगतिर्हंससन्नुतवैभवः ।हंसमार्गरतो हंसरक्षको हंसनायकः ॥ १०८॥

hetisantatisampūrṇo hetimaṇḍalamaṇḍitaḥ |hetidānaparaḥ sarvahetyugraparibhūṣitaḥ || 107haṃsarūpīhaṃsagatirhaṃsasannutavaibhavaḥ |haṃsamārgarato haṃsarakṣako haṃsanāyakaḥ || 108||

हसदृग्गोचरतनुर्हंससङ्गीततोषितः ।हंसजेता हंसपतिर्हंसगो हंसवाहनः ॥ १०९॥

hasadṛggocaratanurhaṃsasaṅgītatoṣitaḥ |haṃsajetā haṃsapatirhaṃsago haṃsavāhanaḥ || 109||

हंसजो हंसगमनो हंसराजसुपूजितः ।हंसवेगो हंसधरो हंससुन्दरविग्रहः ॥ ११०॥

haṃsajo haṃsagamano haṃsarājasupūjitaḥ |haṃsavego haṃsadharo haṃsasundaravigrahaḥ || 110||

हंसवत्सुन्दरतनुर्हंससङ्गतमानसः ।हंसस्वरूपसारज्ञो हंससन्नतमानसः ॥ १११॥

haṃsavatsundaratanurhaṃsasaṅgatamānasaḥ |haṃsasvarūpasārajño haṃsasannatamānasaḥ || 111||

हंससंस्तुतसामर्थ्यो हरिरक्षणतत्परः ।हससंस्तुमाहात्ख्यो हरपुत्रपराक्रमः ॥ ११२॥

haṃsasaṃstutasāmarthyo harirakṣaṇatatparaḥ |hasasaṃstumāhātkhyo haraputraparākramaḥ || 112||

क्षीरार्णवसमुद्भूतः क्षीरसम्भवभावितः ।क्षीराब्धिनाथसंयुक्तः क्षीरकीर्तिविभासुरः ॥ ११३॥

kṣīrārṇavasamudbhūtaḥ kṣīrasambhavabhāvitaḥ |kṣīrābdhināthasaṃyuktaḥ kṣīrakīrtivibhāsuraḥ || 113||

क्षणदारवसंहर्ता क्षणदारवसम्मतः ।क्षणदाधीशसंयुक्तः क्षणदानकृतोत्सवः ॥ ११४॥

kṣaṇadāravasaṃhartā kṣaṇadāravasammataḥ |kṣaṇadādhīśasaṃyuktaḥ kṣaṇadānakṛtotsavaḥ || 114||

क्षीराभिषेकसन्तुष्टः क्षीरपानाभिलाषुकः ।क्षीराज्यभोजनासक्तः क्षीरसम्भववर्णकः ॥ ११५॥

kṣīrābhiṣekasantuṣṭaḥ kṣīrapānābhilāṣukaḥ |kṣīrājyabhojanāsaktaḥ kṣīrasambhavavarṇakaḥ || 115||

इत्येतत्कथितं दिव्यं सर्वपापप्रणाशनम् ।सर्वशत्रुक्षयकरं सर्वसम्पत्प्रदायकम् ॥ ११६॥

ityetatkathitaṃ divyaṃ sarvapāpapraṇāśanam |sarvaśatrukṣayakaraṃ sarvasampatpradāyakam || 116||

सर्वसौभाग्यजनकं सर्वमङ्गलकारकम् ।सर्वदारिद्र्यशमनं सर्वोपद्रवनाशनम् ॥ ११७॥

sarvasaubhāgyajanakaṃ sarvamaṅgalakārakam |sarvadāridryaśamanaṃ sarvopadravanāśanam || 117||

सर्वशान्तिकरं गुह्यं सर्वरोगनिवारणम् ।अतिबन्धग्रहहरं सर्वदुःखनिवारकम् ॥ ११८॥

sarvaśāntikaraṃ guhyaṃ sarvaroganivāraṇam |atibandhagrahaharaṃ sarvaduḥkhanivārakam || 118||

नाम्नां सहस्रं दिव्यानां चक्रराजस्य सत्पतेः ।नामानि हेतिराजस्य ये पठन्तीह मानवाः ।तेषां भवन्ति सकलाः सम्पदो नात्रसंशयः ॥ ११९॥

nāmnāṃ sahasraṃ divyānāṃ cakrarājasya satpateḥ |nāmāni hetirājasya ye paṭhantīha mānavāḥ |teṣāṃ bhavanti sakalāḥ sampado nātrasaṃśayaḥ || 119||

इति अहिर्बुध्न्यसंहितान्तर्गतं सुदर्शननामस्तोत्रं सम्पूर्णम् ।

iti ahirbudhnyasaṃhitāntargataṃ sudarśananāmastotraṃ sampūrṇam |