श्रीरङ्गस्तोत्रम् Shrirangastotram

पद्माधिराजे गरुडाधिराजेविरिञ्चराजे सुरराजराजे ।त्रैलोक्यराजेऽखिलराजराजेश्रीरङ्गराजे रमतां मनो मे ॥ १॥नीलाब्जवर्णे भुजपूर्णकर्णेकर्णान्तनेत्रे कमलाकलत्रे ।श्रीमल्लरङ्गे जितमल्लरङ्गेश्रीरङ्गरङ्गे रमतां मनो मे ॥ २॥लक्ष्मीनिवासे जगतां निवासेहृत्पद्मवासे रविबिम्बवासे ।क्षीराब्धिवासे फणिभोगवासेश्रीरङ्गवासे रमतां मनो मे ॥ ३॥कुबेरलीले जगदेकलीलेमन्दारमालाङ्कितचारुफाले ।दैत्यान्तकालेऽखिललोकमौलेश्रीरङ्गलीले रमतां मनो मे ॥ ४॥अमोघनिद्रे जगदेकनिद्रेविदेहनिद्रे च समुद्रनिद्रे ।श्रीयोगनिद्रे सुखयोगनिद्रेश्रीरङ्गनिद्रे रमतां मनो मे ॥ ५॥आनन्दरूपे निजबोधरूपेब्रह्मस्वरूपे क्षितिमूर्तिरूपे ।विचित्ररूपे रमणीयरूपेश्रीरङ्गरूपे रमतां मनो मे ॥ ६॥भक्ताकृतार्थे मुररावणार्थेभक्तसमर्थे जगदेककीर्ते ।अनेकमूर्ते रमणीयमूर्तेश्रीरङ्गमूर्ते रमतां मनो मे ॥ ७॥कंसप्रमाथे नरकप्रमाथेदुष्टप्रमाथे जगतां निदाने ।अनाथनाथे जगदेकनाथेश्रीरङ्गनाथे रमतां मनो मे ॥ ८॥सुचित्रशायी जगदेकशायीनन्दाङ्कशायी कमलाङ्कशायी ।अम्भोधिशायी वटपत्रशायीश्रीरङ्गशायी रमतां मनो मे ॥ ९॥सकलदुरितहारी भूमिभारापहारीदशमुखकुलहारी दैत्यदर्पापहारी ।सुललितकृतचारी पारिजातापहारीत्रिभुवनभयहारी प्रीयतां श्रीमुरारिः ॥ १०॥रङ्गस्तोत्रमिदं पुण्यं प्रातःकाले पठेन्नरः ।कोटिजन्मार्जितं पापं स्मरणेन विनश्यति ॥इति श्रीरङ्गस्तोत्रं सम्पूर्णम् ॥

padmādhirāje garuḍādhirājeviriñcarāje surarājarāje |trailokyarāje'khilarājarājeśrīraṅgarāje ramatāṃ mano me || 1||nīlābjavarṇe bhujapūrṇakarṇekarṇāntanetre kamalākalatre |śrīmallaraṅge jitamallaraṅgeśrīraṅgaraṅge ramatāṃ mano me || 2||lakṣmīnivāse jagatāṃ nivāsehṛtpadmavāse ravibimbavāse |kṣīrābdhivāse phaṇibhogavāseśrīraṅgavāse ramatāṃ mano me || 3||kuberalīle jagadekalīlemandāramālāṅkitacāruphāle |daityāntakāle'khilalokamauleśrīraṅgalīle ramatāṃ mano me || 4||amoghanidre jagadekanidrevidehanidre ca samudranidre |śrīyoganidre sukhayoganidreśrīraṅganidre ramatāṃ mano me || 5||ānandarūpe nijabodharūpebrahmasvarūpe kṣitimūrtirūpe |vicitrarūpe ramaṇīyarūpeśrīraṅgarūpe ramatāṃ mano me || 6||bhaktākṛtārthe murarāvaṇārthebhaktasamarthe jagadekakīrte |anekamūrte ramaṇīyamūrteśrīraṅgamūrte ramatāṃ mano me || 7||kaṃsapramāthe narakapramātheduṣṭapramāthe jagatāṃ nidāne |anāthanāthe jagadekanātheśrīraṅganāthe ramatāṃ mano me || 8||sucitraśāyī jagadekaśāyīnandāṅkaśāyī kamalāṅkaśāyī |ambhodhiśāyī vaṭapatraśāyīśrīraṅgaśāyī ramatāṃ mano me || 9||sakaladuritahārī bhūmibhārāpahārīdaśamukhakulahārī daityadarpāpahārī |sulalitakṛtacārī pārijātāpahārītribhuvanabhayahārī prīyatāṃ śrīmurāriḥ || 10||raṅgastotramidaṃ puṇyaṃ prātaḥkāle paṭhennaraḥ |koṭijanmārjitaṃ pāpaṃ smaraṇena vinaśyati ||iti śrīraṅgastotraṃ sampūrṇam ||