नारायणाष्टाक्षरीस्तुतिः Shriman Narayana Ashtakshari Shtutih

ॐ नमो नारायणाय ।ॐ नमः प्रणवार्थार्थ स्थूलसूक्ष्म क्षराक्षर ।व्यक्ताव्यक्त कलातीत ॐकाराय नमो नमः ॥ १॥

oṃ namo nārāyaṇāya |oṃ namaḥ praṇavārthārtha sthūlasūkṣma kṣarākṣara |vyaktāvyakta kalātīta oṃkārāya namo namaḥ || 1||

न नमो देवादिदेवाय देहसञ्चारहेतवे ।दैत्यसङ्घविनाशाय नकाराय नमो नमः ॥ २॥

na namo devādidevāya dehasañcārahetave |daityasaṅghavināśāya nakārāya namo namaḥ || 2||

मो मोहनं विश्वरूपं च शिष्टाचारसुपोषितम् ।मोहविध्वंसकं वन्दे मोकाराय नमो नमः ॥ ३॥

mo mohanaṃ viśvarūpaṃ ca śiṣṭācārasupoṣitam |mohavidhvaṃsakaṃ vande mokārāya namo namaḥ || 3||

ना नारायणाय नव्याय नरसिंहाय नामिने ।नादाय नादिने तुभ्यं नाकाराय नमो नमः ॥ ४॥

nā nārāyaṇāya navyāya narasiṃhāya nāmine |nādāya nādine tubhyaṃ nākārāya namo namaḥ || 4||

रा रामचन्द्रं रघुपतिं पित्राज्ञापरिपालकम् ।कौसल्यातनयं वन्दे राकाराय नमो नमः ॥ ५॥

rā rāmacandraṃ raghupatiṃ pitrājñāparipālakam |kausalyātanayaṃ vande rākārāya namo namaḥ || 5||

य यज्ञाय यज्ञगम्याय यज्ञरक्षाकराय च ।यज्ञाङ्गरूपिणे तुभ्यं यकाराय नमो नमः ॥ ६॥

ya yajñāya yajñagamyāya yajñarakṣākarāya ca |yajñāṅgarūpiṇe tubhyaṃ yakārāya namo namaḥ || 6||

णा णाकारं लोकविख्यातं नानाजन्मफलप्रदम् ।नानाभीष्टप्रदं वन्दे णाकाराय नमो नमः ॥ ७॥

ṇā ṇākāraṃ lokavikhyātaṃ nānājanmaphalapradam |nānābhīṣṭapradaṃ vande ṇākārāya namo namaḥ || 7||

य यज्ञकर्त्रे यज्ञभर्त्रे यज्ञरूपाय ते नमः ।सुज्ञानगोचरायाऽस्तु यकाराय नमो नमः ॥ ८॥

ya yajñakartre yajñabhartre yajñarūpāya te namaḥ |sujñānagocarāyā'stu yakārāya namo namaḥ || 8||

ॐकारमन्त्रसंयुक्तं नित्यं ध्यायन्ति योगिनः । (ॐकारबिन्दुसंयुक्तं)कामदं मोक्षदं तस्मै ॐकाराय नमो नमः ॥ ९॥

oṃkāramantrasaṃyuktaṃ nityaṃ dhyāyanti yoginaḥ | (oṃkārabindusaṃyuktaṃ)kāmadaṃ mokṣadaṃ tasmai oṃkārāya namo namaḥ || 9||

नारायणः परं ब्रह्म नारायणः परं तपः ।नारायणः परो देवः सर्वं नारायणस्सदा ॥ १०॥

nārāyaṇaḥ paraṃ brahma nārāyaṇaḥ paraṃ tapaḥ |nārāyaṇaḥ paro devaḥ sarvaṃ nārāyaṇassadā || 10||

ॐ नमो नारायणाय ।इति नारायणाष्टाक्षरीस्तुतिः समाप्ता ।

oṃ namo nārāyaṇāya |iti nārāyaṇāṣṭākṣarīstutiḥ samāptā |