सत्यनारायणसुप्रभातम् Shrimad Annavara Satyanarayana Suprabhata Stotram

श्रीरस्तु ।उत्तिष्ठान्नवराधीश उत्तिष्ठ व्रतमोदित ।उत्तिष्ठोत्तिष्ठ विश्वेश सत्यदेव दयानिधे ॥ १॥

śrīrastu |uttiṣṭhānnavarādhīśa uttiṣṭha vratamodita |uttiṣṭhottiṣṭha viśveśa satyadeva dayānidhe || 1||

ब्राह्मे मुहूर्त उत्थाय करिष्यन्ति तव व्रतम् ।सत्यव्रतानुमोदार्थं उत्तिष्ठोत्तिष्ठ सत्वरम् ॥ २॥

brāhme muhūrta utthāya kariṣyanti tava vratam |satyavratānumodārthaṃ uttiṣṭhottiṣṭha satvaram || 2||

उत्तिष्ठ निर्गुणाकार भक्तानां पालनं कुरु ।उत्तिष्ठोत्तिष्ठ शुद्धात्मन् रत्नाद्रिवसतिप्रिय ॥ ३॥

uttiṣṭha nirguṇākāra bhaktānāṃ pālanaṃ kuru |uttiṣṭhottiṣṭha śuddhātman ratnādrivasatipriya || 3||

उत्तिष्ठ कमलाकान्त उत्तिष्ठ पुरुषोत्तम ।उत्तिष्ठानन्तपालेश त्रैलोक्यं परिपालय ॥ ४॥

uttiṣṭha kamalākānta uttiṣṭha puruṣottama |uttiṣṭhānantapāleśa trailokyaṃ paripālaya || 4||

विना सत्यदेवं कलौ नास्ति मुक्तिःसदा सत्यदेवं स्मरामि स्मरामि ।करोमीश सत्यव्रतं दीनबन्धोन चान्यं स्मरामो न चान्यं भजामः ॥ ५॥

vinā satyadevaṃ kalau nāsti muktiḥsadā satyadevaṃ smarāmi smarāmi |karomīśa satyavrataṃ dīnabandhona cānyaṃ smarāmo na cānyaṃ bhajāmaḥ || 5||

भजामि त्वदङ्घ्रिं न याचेऽन्यदेवंसदा देव याचे कृपालो भवन्तम् ।प्रभो दीनबन्धो विभो लोकरक्षिन्शरण्यस्त्वमेवास्य दीनस्य नाथ ॥ ६॥

bhajāmi tvadaṅghriṃ na yāce'nyadevaṃsadā deva yāce kṛpālo bhavantam |prabho dīnabandho vibho lokarakṣinśaraṇyastvamevāsya dīnasya nātha || 6||

न जानामि धर्मं न जानामि चान्यंत्वमेकश्शरण्यो गतिस्त्वं त्वमेकः ।अनाथं दरिद्रं जरारोगयुक्तंकृपापात्रमेनं कुरु श्रीनिवास ॥ ७॥

na jānāmi dharmaṃ na jānāmi cānyaṃtvamekaśśaraṇyo gatistvaṃ tvamekaḥ |anāthaṃ daridraṃ jarārogayuktaṃkṛpāpātramenaṃ kuru śrīnivāsa || 7||

न तातो न माता न बन्धुर्न दातागतिस्त्वं त्वमेकश्शरण्यस्त्वमेकः ।हरीशं हरेशं सुरेशं गिरीशंभजेऽहं सदाहं न जानामि चान्यम् ॥ ८॥

na tāto na mātā na bandhurna dātāgatistvaṃ tvamekaśśaraṇyastvamekaḥ |harīśaṃ hareśaṃ sureśaṃ girīśaṃbhaje'haṃ sadāhaṃ na jānāmi cānyam || 8||

प्रातः स्मरामि बलसत्यपदाब्जयुग्मंशीर्षोपरिस्थितगुरोरपरस्वरूपम् ।वेदान्तवेद्यमभयं धृतदेवरूपंसत्यावतारजगतीतलपावनं च । ९॥

prātaḥ smarāmi balasatyapadābjayugmaṃśīrṣoparisthitaguroraparasvarūpam |vedāntavedyamabhayaṃ dhṛtadevarūpaṃsatyāvatārajagatītalapāvanaṃ ca | 9||

प्रातर्नमामि वरसत्यविभुं पवित्रंरक्षोगणाय भयदं वरदं जनेभ्यः ।सत्यावतीसहितवीरवरस्वरूपंदीनानुपालनरतं परमादिदेवम् ॥ १०॥

prātarnamāmi varasatyavibhuṃ pavitraṃrakṣogaṇāya bhayadaṃ varadaṃ janebhyaḥ |satyāvatīsahitavīravarasvarūpaṃdīnānupālanarataṃ paramādidevam || 10||

प्रातर्भजामि वरसत्यपदारविन्दंपद्माङ्कुशादिशुभलाञ्छनरञ्जितं तत् ।योगीन्द्रमानसमधुव्रतसेव्यमानंपापापहं सकलदीनजनावलम्बम् ॥ ११॥

prātarbhajāmi varasatyapadāravindaṃpadmāṅkuśādiśubhalāñchanarañjitaṃ tat |yogīndramānasamadhuvratasevyamānaṃpāpāpahaṃ sakaladīnajanāvalambam || 11||

प्रातर्वदामि वचसा वरसत्यनामवाग्दोषहारिसकलाघनिवारणं च ।सत्यव्रताचरणपावनभक्तजालवाञ्छाप्रदातृसकलादृतभव्यतेजः । १२॥

prātarvadāmi vacasā varasatyanāmavāgdoṣahārisakalāghanivāraṇaṃ ca |satyavratācaraṇapāvanabhaktajālavāñchāpradātṛsakalādṛtabhavyatejaḥ | 12||

प्रातः करोमि कलिकल्मषनाशकर्मतद्धर्मदं भवतु भक्तिकरं परं मे ।अन्तःस्थितेन शुभभानुचिदात्मकेनसत्येन लोकगुरुणा मम सिद्धिरस्तु ॥ १३॥

prātaḥ karomi kalikalmaṣanāśakarmataddharmadaṃ bhavatu bhaktikaraṃ paraṃ me |antaḥsthitena śubhabhānucidātmakenasatyena lokaguruṇā mama siddhirastu || 13||

लक्ष्मीसमेत जगतां सुखदानशीलपद्मायतेक्षण मनोहरदिव्यमूर्ते ।लोकेश्वर श्रितजनप्रिय सत्यदेवश्रीरत्नपर्वतनिकेतन सुप्रभातम् ॥ १४॥

lakṣmīsameta jagatāṃ sukhadānaśīlapadmāyatekṣaṇa manoharadivyamūrte |lokeśvara śritajanapriya satyadevaśrīratnaparvataniketana suprabhātam || 14||

पापापहार कलिदोषहरातिदक्षश्रीमन्नगालय मनोहरसत्यमूर्ते ।कारुण्यवीक्षण महामहिमाढ्य देवनित्यं प्रभातसमये तव सुप्रभातम् ॥ १५॥

pāpāpahāra kalidoṣaharātidakṣaśrīmannagālaya manoharasatyamūrte |kāruṇyavīkṣaṇa mahāmahimāḍhya devanityaṃ prabhātasamaye tava suprabhātam || 15||

तापत्रयापहर सत्यवतीप्रसन्नदामोदरामरपते कमलासुसेव्य ।उत्तिष्ठ पालय दरिद्रजनालिबन्धोसत्यव्रतप्रिय विभो तव सुप्रभातम् ॥ १६॥

tāpatrayāpahara satyavatīprasannadāmodarāmarapate kamalāsusevya |uttiṣṭha pālaya daridrajanālibandhosatyavratapriya vibho tava suprabhātam || 16||

श्रीपद्मनाभ पुरुषोत्तम सत्यदेवपम्पानदीतटनिवास समस्तरूप ।संसारबन्धनविमोचन दीनबन्धोश्रीकृष्ण पालक विभो तव सुप्रभातम् ॥ १७॥

śrīpadmanābha puruṣottama satyadevapampānadītaṭanivāsa samastarūpa |saṃsārabandhanavimocana dīnabandhośrīkṛṣṇa pālaka vibho tava suprabhātam || 17||

श्रीराम एव भवदीय दयाविशेषात्सेतुं बबन्ध जितरावणराक्षसौघः ।सत्यव्रतस्य महिमा गदितुं न शक्यासत्यव्रतप्रियपते तव सुप्रभातम् ॥ १८॥

śrīrāma eva bhavadīya dayāviśeṣātsetuṃ babandha jitarāvaṇarākṣasaughaḥ |satyavratasya mahimā gadituṃ na śakyāsatyavratapriyapate tava suprabhātam || 18||

सत्यव्रतस्य फलदानवशानुबद्धसन्तानलाभकर हे प्रभुसत्यदेव ।सक्तालिरिच्छति तव व्रतसाधनं भोःउत्तिष्ठ साधय विभो तव सुप्रभातम् ॥ १९॥

satyavratasya phaladānavaśānubaddhasantānalābhakara he prabhusatyadeva |saktāliricchati tava vratasādhanaṃ bhoḥuttiṣṭha sādhaya vibho tava suprabhātam || 19||

संसेव्य साधुहृदि संस्फुरदात्मतत्त्वंसच्चित्सुखं परमनन्तमतीन्द्रियं च ।प्राप्नोति भक्त इह मुक्तिपदं स्थिरं चमां रक्ष नित्यकृपया तव सुप्रभातम् ॥ २०॥

saṃsevya sādhuhṛdi saṃsphuradātmatattvaṃsaccitsukhaṃ paramanantamatīndriyaṃ ca |prāpnoti bhakta iha muktipadaṃ sthiraṃ camāṃ rakṣa nityakṛpayā tava suprabhātam || 20||

सत्यप्रभुस्तु मनसो वचसामगम्यःवाचो विभान्ति निखिला यदनुग्रहेण ।यस्य व्रताचरणभाग्यमहं स्मरामिनारायणाच्युत विभो तव सुप्रभातम् ॥ २१॥

satyaprabhustu manaso vacasāmagamyaḥvāco vibhānti nikhilā yadanugraheṇa |yasya vratācaraṇabhāgyamahaṃ smarāminārāyaṇācyuta vibho tava suprabhātam || 21||

साम्बेन युक्तवरसत्यविभुस्वरूपःसेव्यः सदा हरिहरात्मकदिव्यमूर्तिः ।एतादृशः स्थितिरगम्यमहाविचित्रःत्वं देव पालय विभो तव सुप्रभातम् ॥ २२॥

sāmbena yuktavarasatyavibhusvarūpaḥsevyaḥ sadā hariharātmakadivyamūrtiḥ |etādṛśaḥ sthitiragamyamahāvicitraḥtvaṃ deva pālaya vibho tava suprabhātam || 22||

श्रीमन्नभीष्टवरदाखिललोकबन्धोश्री श्रीनिवास जनतापह वीरवर्य ।श्री भ्राजदन्नवरवास सुसत्यमूर्तेमां पाहि पाहि वरदाच्युत सुप्रभातम् ॥ २३॥

śrīmannabhīṣṭavaradākhilalokabandhośrī śrīnivāsa janatāpaha vīravarya |śrī bhrājadannavaravāsa susatyamūrtemāṃ pāhi pāhi varadācyuta suprabhātam || 23||

इति श्रीसत्यनारायण सुप्रभातं समाप्तम् ।

iti śrīsatyanārāyaṇa suprabhātaṃ samāptam |