हयग्रीवकवचम् २ Shrihayagrivakavacham 2

अस्य श्रीहयग्रीवकवचमहामन्त्रस्य हयग्रीव ऋषिः\,अनुष्टुप् छन्दः\, श्रीहयग्रीवः परमात्मा देवता\,ॐ श्रीं वागीश्वराय नम इति बीजं\,ॐ क्लीं विद्याधराय नम इति शक्तिः\,ॐ सौं वेदनिधये नमो नम इति कीलकम्\,ॐ नमो हयग्रीवाय शुक्लवर्णाय विद्यामूर्तये\,ओङ्कारायाच्युताय ब्रह्मविद्याप्रदाय स्वाहा ।मम श्रीहयग्रीवप्रसाद सिध्यर्थे जपे विनियोगः ॥ध्यानम्कलशाम्बुधिसङ्काशं कमलायतलोचनम् ।कलानिधिकृतावासं कर्णिकान्तरवासिनम् ॥ १॥

asya śrīhayagrīvakavacamahāmantrasya hayagrīva ṛṣiḥ\,anuṣṭup chandaḥ\, śrīhayagrīvaḥ paramātmā devatā\,oṃ śrīṃ vāgīśvarāya nama iti bījaṃ\,oṃ klīṃ vidyādharāya nama iti śaktiḥ\,oṃ sauṃ vedanidhaye namo nama iti kīlakam\,oṃ namo hayagrīvāya śuklavarṇāya vidyāmūrtaye\,oṅkārāyācyutāya brahmavidyāpradāya svāhā |mama śrīhayagrīvaprasāda sidhyarthe jape viniyogaḥ ||dhyānamkalaśāmbudhisaṅkāśaṃ kamalāyatalocanam |kalānidhikṛtāvāsaṃ karṇikāntaravāsinam || 1||

ज्ञानमुद्राक्षवलयशङ्खचक्रलसत्करम् ।भूषाकिरणसन्दोहविराजितदिगन्तरम् ॥ २॥

jñānamudrākṣavalayaśaṅkhacakralasatkaram |bhūṣākiraṇasandohavirājitadigantaram || 2||

वक्त्राब्जनिर्गतोद्दामवाणीसन्तानशोभितम् ।देवतासार्वभौमं तं ध्याये दिष्टार्थसिद्धये ॥ ३॥

vaktrābjanirgatoddāmavāṇīsantānaśobhitam |devatāsārvabhaumaṃ taṃ dhyāye diṣṭārthasiddhaye || 3||

ॐ हयग्रीवश्शिरः पातु ललाटं चन्द्रमध्यगः ।शास्त्रदृष्टिर्दृशौ पातु शब्दब्रह्मात्मकश्श्रुती ॥ १॥

oṃ hayagrīvaśśiraḥ pātu lalāṭaṃ candramadhyagaḥ |śāstradṛṣṭirdṛśau pātu śabdabrahmātmakaśśrutī || 1||

घ्राणं गन्धात्मकः पातु वदनं यज्ञसम्भवः ।जिह्वां वागीश्वरः पातु मुकुन्दो दन्तसंहतीः ॥ २॥

ghrāṇaṃ gandhātmakaḥ pātu vadanaṃ yajñasambhavaḥ |jihvāṃ vāgīśvaraḥ pātu mukundo dantasaṃhatīḥ || 2||

ओष्ठं ब्रह्मात्मकः पातु पातु नारायणोऽधरम् ।शिवात्मा चिबुकं पातु कपोलौ कमला प्रभुः ॥ ३॥

oṣṭhaṃ brahmātmakaḥ pātu pātu nārāyaṇo'dharam |śivātmā cibukaṃ pātu kapolau kamalā prabhuḥ || 3||

विद्यात्मा पीठकं पातु कण्ठं नादात्मको मम ।भुजौ चतुर्भुजः पातु करौ दैत्येन्द्रमर्दनः ॥ ४॥

vidyātmā pīṭhakaṃ pātu kaṇṭhaṃ nādātmako mama |bhujau caturbhujaḥ pātu karau daityendramardanaḥ || 4||

ज्ञानात्मा हृदयं पातु विश्वात्मा तु कुचद्वयम् ।मध्यमं पातु सर्वात्मा पातु पीताम्बरः कटिम् ॥ ५॥

jñānātmā hṛdayaṃ pātu viśvātmā tu kucadvayam |madhyamaṃ pātu sarvātmā pātu pītāmbaraḥ kaṭim || 5||

कुक्षिं कुक्षिस्थविश्वो मे बलिभङ्गो वलित्रयम् ।नाभिं मे पद्मनाभोऽव्याद्गुह्यं गुह्यार्थबोधकृत् ॥ ६॥

kukṣiṃ kukṣisthaviśvo me balibhaṅgo valitrayam |nābhiṃ me padmanābho'vyādguhyaṃ guhyārthabodhakṛt || 6||

ऊरू दामोदरः पातु जानुनी मधुसूदनः ।पातु जङ्घे महाविष्णुर्गुल्भौ पातु जनार्दनः ॥ ७॥

ūrū dāmodaraḥ pātu jānunī madhusūdanaḥ |pātu jaṅghe mahāviṣṇurgulbhau pātu janārdanaḥ || 7||

पादौ त्रिविक्रमः पातु पातु पादाङ्गुलीर्हरिः ।सर्वाङ्गं सर्वगः पातु पातु रोमाणि केशवः ॥ ८॥

pādau trivikramaḥ pātu pātu pādāṅgulīrhariḥ |sarvāṅgaṃ sarvagaḥ pātu pātu romāṇi keśavaḥ || 8||

धातुन्नाडीगतः पातु भार्यां लक्ष्मीपतिर्मम ।पुत्रान्विश्वकुटुम्बी मे पातु बन्धून्सुरेश्वरः ॥ ९॥

dhātunnāḍīgataḥ pātu bhāryāṃ lakṣmīpatirmama |putrānviśvakuṭumbī me pātu bandhūnsureśvaraḥ || 9||

मित्रं मित्रात्मकः पातु वह्न्यात्मा शत्रुसंहतीः ।प्राणान्वाय्वात्मकः पातु क्षेत्रं विश्वम्भरात्मकः ॥ १०॥

mitraṃ mitrātmakaḥ pātu vahnyātmā śatrusaṃhatīḥ |prāṇānvāyvātmakaḥ pātu kṣetraṃ viśvambharātmakaḥ || 10||

वरुणात्मा रसान्पातु व्योमात्मा हृद्गुहान्तरम् ।दिवारात्रं हृषीकेशः पातु सर्वं जगद्गुरुः ॥ ११॥

varuṇātmā rasānpātu vyomātmā hṛdguhāntaram |divārātraṃ hṛṣīkeśaḥ pātu sarvaṃ jagadguruḥ || 11||

विषमे सङ्कटे चैव पातु क्षेमङ्करो मम ।सच्चिदानन्दरूपो मे ज्ञानं रक्षतु सर्वदा ॥ १२॥

viṣame saṅkaṭe caiva pātu kṣemaṅkaro mama |saccidānandarūpo me jñānaṃ rakṣatu sarvadā || 12||

प्राच्यां रक्षतु सर्वात्मा आग्नेय्यां ज्ञानदीपकः ।याम्यां बोधप्रदः पातु नैरृत्यां चिद्धनप्रभः ॥ १३॥

prācyāṃ rakṣatu sarvātmā āgneyyāṃ jñānadīpakaḥ |yāmyāṃ bodhapradaḥ pātu nairṛtyāṃ ciddhanaprabhaḥ || 13||

विद्यानिधिस्तु वारुण्यां वायव्यां चिन्मयोऽवतु ।कौबेर्यां वित्तदः पातु ऐशान्यां च जगद्गुरुः ॥ १४॥

vidyānidhistu vāruṇyāṃ vāyavyāṃ cinmayo'vatu |kauberyāṃ vittadaḥ pātu aiśānyāṃ ca jagadguruḥ || 14||

ऊर्ध्वं पातु जगत्स्वामी पात्वधस्तात्परात्परः ।रक्षाहीनन्तु यत्स्थानं रक्षत्वखिलनायकः ॥ १४॥

ūrdhvaṃ pātu jagatsvāmī pātvadhastātparātparaḥ |rakṣāhīnantu yatsthānaṃ rakṣatvakhilanāyakaḥ || 14||

एवं न्यस्तशरीरोऽसौ साक्षाद्वागीश्वरो भवेत् ।आयुरारोग्यमैश्वर्यं सर्वशास्त्रप्रवक्तृताम् ॥ १६॥

evaṃ nyastaśarīro'sau sākṣādvāgīśvaro bhavet |āyurārogyamaiśvaryaṃ sarvaśāstrapravaktṛtām || 16||

लभते नात्र सन्देहो हयग्रीवप्रसादतः ।इतीदं कीर्तितं दिव्यं कवचं देवपूजितम् ॥ १७॥

labhate nātra sandeho hayagrīvaprasādataḥ |itīdaṃ kīrtitaṃ divyaṃ kavacaṃ devapūjitam || 17||

इति हयग्रीवतन्त्रे अथर्वणवेदे मन्त्रखण्डे पूर्वसंहितायांश्रीहयग्रीवकवचं सम्पूर्णम् ॥

iti hayagrīvatantre atharvaṇavede mantrakhaṇḍe pūrvasaṃhitāyāṃśrīhayagrīvakavacaṃ sampūrṇam ||