हरिनाममालास्तोत्रम् Shriharinamamala Stotram

गोविन्दं गोकुलानन्दं गोपालं गोपिवल्लभम् ।गोवर्धनोद्धरं धीरं तं वन्दे गोमतीप्रियम् ॥ १॥

govindaṃ gokulānandaṃ gopālaṃ gopivallabham |govardhanoddharaṃ dhīraṃ taṃ vande gomatīpriyam || 1||

नारायणं निराकारं नरवीरं नरोत्तमम् ।नृसिंहं नागनाथं च तं वन्दे नरकान्तकम् ॥ २॥

nārāyaṇaṃ nirākāraṃ naravīraṃ narottamam |nṛsiṃhaṃ nāganāthaṃ ca taṃ vande narakāntakam || 2||

पीताम्बरं पद्मनाभं पद्माक्षं पुरुषोत्तमम्पवित्रं परमानन्दं तं वन्दे परमेश्वरम् ॥ ३॥

pītāmbaraṃ padmanābhaṃ padmākṣaṃ puruṣottamampavitraṃ paramānandaṃ taṃ vande parameśvaram || 3||

राघवं रामचन्द्रं च रावणारिं रमापतिम्राजीवलोचनं रामं तं वन्दे रघुनन्दनम् ॥ ४॥

rāghavaṃ rāmacandraṃ ca rāvaṇāriṃ ramāpatimrājīvalocanaṃ rāmaṃ taṃ vande raghunandanam || 4||

वामनं विश्वरूपं च वासुदेवं च विठ्ठलम् ।विश्वेश्वरं विभुं व्यासं तं वन्दे वेदवल्लभम् ॥ ५॥

vāmanaṃ viśvarūpaṃ ca vāsudevaṃ ca viṭhṭhalam |viśveśvaraṃ vibhuṃ vyāsaṃ taṃ vande vedavallabham || 5||

दामोदरं दिव्यसिंहं दयाळुं दीननायकम् ।दैत्यारिं देवदेवेशं तं वन्दे देवकीसुतम् ॥ ६॥

dāmodaraṃ divyasiṃhaṃ dayāḷuṃ dīnanāyakam |daityāriṃ devadeveśaṃ taṃ vande devakīsutam || 6||

मुरारिं माधवं मत्स्यं मुकुन्दं मुष्टिमर्दनम् ।मुञ्जकेशं महाबाहुं तं वन्दे मधुसूदनम् ॥ ७॥

murāriṃ mādhavaṃ matsyaṃ mukundaṃ muṣṭimardanam |muñjakeśaṃ mahābāhuṃ taṃ vande madhusūdanam || 7||

केशवं कमलाकान्तं कामेशं कौस्तुभप्रियम् ।कौमोदकीधरं कृष्णं तं वन्दे कौरवान्तकम् ॥ ८॥

keśavaṃ kamalākāntaṃ kāmeśaṃ kaustubhapriyam |kaumodakīdharaṃ kṛṣṇaṃ taṃ vande kauravāntakam || 8||

भूधरं भुवनानन्दं भूतेशं भूतनायकम् ।भावनैकं भुजङ्गेशं तं वन्दे भवनाशनम् ॥ ९॥

bhūdharaṃ bhuvanānandaṃ bhūteśaṃ bhūtanāyakam |bhāvanaikaṃ bhujaṅgeśaṃ taṃ vande bhavanāśanam || 9||

जनार्दनं जगन्नाथं जगज्जाड्यविनाशकम् ।जमदग्निं परं ज्योतिस्तं वन्दे जलशायिनम् ॥ १०॥

janārdanaṃ jagannāthaṃ jagajjāḍyavināśakam |jamadagniṃ paraṃ jyotistaṃ vande jalaśāyinam || 10||

चतुर्भुजं चिदानन्दं मल्लचाणूरमर्दनम् ।चराचरगुरुं देवं तं वन्दे चक्रपाणिनम् ॥ ११॥

caturbhujaṃ cidānandaṃ mallacāṇūramardanam |carācaraguruṃ devaṃ taṃ vande cakrapāṇinam || 11||

श्रियःकरं श्रियोनाथं श्रीधरं श्रीवरप्रदम्श्रीवत्सलधरं सौम्यं तं वन्दे श्रीसुरेश्वरम् ॥ १२॥

śriyaḥkaraṃ śriyonāthaṃ śrīdharaṃ śrīvarapradamśrīvatsaladharaṃ saumyaṃ taṃ vande śrīsureśvaram || 12||

योगीश्वरं यज्ञपतिं यशोदानन्ददायकम्यमुनाजलकल्लोलं तं वन्दे यदुनायकम् ॥ १३॥

yogīśvaraṃ yajñapatiṃ yaśodānandadāyakamyamunājalakallolaṃ taṃ vande yadunāyakam || 13||

सालिग्रामशिलशुद्धं शंखचक्रोपशोभितम् ।सुरासुरैः सदा सेव्यं तं वन्दे साधुवल्लभम् ॥ १४॥

sāligrāmaśilaśuddhaṃ śaṃkhacakropaśobhitam |surāsuraiḥ sadā sevyaṃ taṃ vande sādhuvallabham || 14||

त्रिविक्रमं तपोमूर्तिं त्रिविधघौघनाशनम् ।त्रिस्थलं तीर्थराजेन्द्रं तं वन्दे तुलसीप्रियम् ॥ १५॥

trivikramaṃ tapomūrtiṃ trividhaghaughanāśanam |tristhalaṃ tīrtharājendraṃ taṃ vande tulasīpriyam || 15||

अनन्तमादिपुरुषं अच्युतं च वरप्रदम् ।आनन्दं च सदानन्दं तं वन्दे चाघनाशनम् ॥ १६॥

anantamādipuruṣaṃ acyutaṃ ca varapradam |ānandaṃ ca sadānandaṃ taṃ vande cāghanāśanam || 16||

लीलया धृतभूभारं लोकसत्त्वैकवन्दितम् ।लोकेश्वरं च श्रीकान्तं तं वन्दे लक्षमणप्रियम् ॥ १७॥

līlayā dhṛtabhūbhāraṃ lokasattvaikavanditam |lokeśvaraṃ ca śrīkāntaṃ taṃ vande lakṣamaṇapriyam || 17||

हरिं च हरिणाक्षं च हरिनाथं हरप्रियम् ।हलायुधसहायं च तं वन्दे हनुमत्पतिम् ॥ १८॥

hariṃ ca hariṇākṣaṃ ca harināthaṃ harapriyam |halāyudhasahāyaṃ ca taṃ vande hanumatpatim || 18||

हरिनामकृतामाला पवित्रा पापनाशिनी ।बलिराजेन्द्रेण चोक्त्ता कण्ठे धार्या प्रयत्नतः ॥॥ इति महाबलिप्रोक्तं हरिनाममालास्तोत्रम् ॥

harināmakṛtāmālā pavitrā pāpanāśinī |balirājendreṇa cokttā kaṇṭhe dhāryā prayatnataḥ |||| iti mahābaliproktaṃ harināmamālāstotram ||