कृष्णाष्टोत्तरशतनामस्तोत्रम् १.२ Shrikrishna Ashtottarashatanama Stotram

अगस्त्य उवाचस्तोत्रं तत्ते प्रवक्ष्यामि यस्यार्थं त्वमिहागतः ।वाराहाद्यवताराणां चरितं पापनाशनम् ॥ २\।३६\।११॥सुखदं मोक्षदं चैव ज्ञानविज्ञानकारणम् ।श्रुत्वा सर्वं धरा वत्स प्रहृष्टा तं धराधरम् ॥ २\।३६\।१२॥उवाच प्रणता भूयो ज्ञातुं कृष्णविचेष्टितम् ।धरण्युवाचअलङ्कृतं जन्म पुंसामपि नन्दव्रजौकसाम् ॥ २\।३६\।१३॥तस्य देवस्य कृष्णस्य लीलाविग्रहधारिणः ।जयोपाधिनियुक्तानि सन्ति नामान्यनेकशः ॥ २\।३६\।१४॥तेषु नामानि मुख्यानि श्रोतुकामा चिरादहम् ।तत्तानि ब्रूहि नामानि वासुदेवस्य वासुके ॥ २\।३६\।१५॥नातः परतरं पुण्यं त्रिषु लोकेषु विद्यते ।शेष उवाचवसुन्धरे वरारोहे जनानामस्ति मुक्तिदम् ॥ २\।३६\।१६॥सर्वमङ्गलमूर्द्धन्यमणिमाद्यष्टसिद्धिदम् ।महापातककोटिघ्नं सर्वतीर्थफलप्रदम् ॥ २\।३६\।१७॥समस्तजपयज्ञानां फलदं पापनाशनम् ।शृणु देवि प्रवक्ष्यामि नाम्नामष्टोत्तरं शतम् ॥ २\।३६\।१८॥सहस्रनाम्नां पुण्यानां त्रिरावृत्त्या तु यत्फलम् ।एकावृत्त्या तु कृष्णस्य नामैकं तत्प्रयच्छति ॥ २\।३६\।१९॥तस्मात्पुण्यतरं चैतत्स्तोत्रं पातकनाशनम् ।नाम्नामष्टोत्तरशतस्याहमेव ऋषिः प्रिये ॥ २\।३६\।२०॥छन्दोऽनुष्टुब्देवता तु योगः कृष्णप्रियावहः ।ॐ श्रीकृष्णः कमलानाथो वासुदेवः सनातनः ॥ २\।३६\।२१॥वसुदेवात्मजः पुण्यो लीलामानुषविग्रहः ।श्रीवत्सकौस्तभधरो यशोदावत्सलो हरिः ॥ २\।३६\।२२॥चतुर्भुजात्तचक्रासिगदाशङ्खाद्युदायुधः ।देवकीनन्दनः श्रीशो नन्दगोपप्रियात्मजः ॥ २\।३६\।२३॥यमुनावेगसंहारी बलभद्रप्रियानुजः ।पूतनाजीवितहरः शकटासुरभञ्जनः ॥ २\।३६\।२४॥नन्दप्रजजनानन्दी सच्चिदानन्दविग्रहः ।नवनीतविलिप्ताङ्गो नवनीतनटोऽनघः ॥ २\।३६\।२५॥नवनीतलवाहारी मुचुकुन्दप्रसादकृत् ।षोडशस्त्रीसहस्रेशस्त्रिभङ्गी मधुराकृतिः ॥ २\।३६\।२६॥शुकवागमृताब्धीन्दुर्गोविन्दो गोविदाम्पतिः ।वत्सपालनसञ्चारी धेनुकासुरमर्द्दनः ॥ २\।३६\।२७॥तृणीकृततृणावर्त्तो यमलार्जुनभञ्जनः ।उत्तालतालभेत्ता च तमालश्यामला कृतिः ॥ २\।३६\।२८॥गोपगोपीश्वरो योगी सूर्यकोटिसमप्रभः ।इलापतिः परञ्ज्योतिर्यादवेन्द्रो यदूद्वहः ॥ २\।३६\।२९॥वनमाली पीतवासाः पारिजातापहरकः ।गोवर्द्धनाचलोद्धर्त्ता गोपालः सर्वपालकः ॥ २\।३६\।३०॥अजो निरञ्जनः कामजनकः कञ्जलोचनः ।मधुहा मथुरानाथो द्वारकानाथको बली ॥ २\।३६\।३१॥वृन्दावनान्तसञ्चारी तुलसीदामभूषणः ।स्यमन्तकमणेर्हर्त्ता नरनारायणात्मकः ॥ २\।३६\।३२॥कुब्जाकृष्टाम्बरधरो मायी परमपूरुषः ।मुष्टिकासुरचाणूरमल्लयुद्धविशारदः ॥ २\।३६\।३३॥संसारवैरी कंसारिर्मुरारिर्नरकान्तकः ।अनादिर्ब्रह्मचारी च कृष्णाव्यसनकर्षकः ॥ २\।३६\।३४॥शिशुपालशिरस्छेत्ता दुर्योधनकुलान्तकृत् ।विदुराक्रूरवरदो विश्वरूपप्रदर्शकः ॥ २\।३६\।३५॥सत्यवाक्सत्यसंकल्पः सत्यभामारतो जयी ।सुभद्रापूर्वजो विष्णुर्भीष्ममुक्तिप्रदायकः ॥ २\।३६\।३६॥जगद्गुरुर्जगन्नाथो वेणुवाद्यविशारदः ।वृषभासुरविध्वंसी बकारिर्बाणबाहुकृत् ॥ २\।३६\।३७॥युधिष्टिरप्रतिष्ठाता बर्हिबर्हावतंसकः ।पार्थसारथिरव्यक्तो गीतामृतमहोदधिः ॥ २\।३६\।३८॥कालीयफणिमाणिक्यरञ्जितः श्रीपदांबुजः ।दामोदरो यज्ञभोक्ता दानवेद्रविनाशनः ॥ २\।३६\।३९॥नारायणः परं ब्रह्म पन्नगाशनवाहनः ।जलक्रीडासमासक्तगोपीवस्त्रापहारकः ॥ २\।३६\।४०॥पुण्यश्लोकस्तीर्थपादो वेदवेद्यो दयानिधिः ।सर्वतीर्थान्मकः सर्वग्रहरूपी परात्परः ॥ २\।३६\।४१॥इत्येवं कृष्णदेवस्य नाम्नामष्टोत्तरं शतम् ।कृष्णोन कृष्णभक्तेन श्रुत्वा गीतामृतं पुरा ॥ २\।३६\।४२॥स्तोत्रं कृष्णप्रियकरं कृतं तस्मान्मया श्रुतम् ।कृष्णप्रेमामृतं नाम परमानन्ददायकम् ॥ २\।३६\।४३॥अत्युपद्रवदुःखघ्नं परमायुष्यवर्धनम् ।दानं व्रतं तपस्तीर्थं यत्कृतं त्विह जन्मनि ॥ २\।३६\।४४॥पठतां शृण्वतां चैव कोटिकोटिगुणं भवेत् ।पुत्रप्रदमपुत्राणामगतीनां गतिप्रदम् ॥ २\।३६\।४५॥धनावहं दरिद्राणां जयेच्छूनां जयावहम् ।शिशूनां गोकुलानां च पुष्टिदं पुण्यवर्द्धनम् ॥ २\।३६\।४६॥बालरोगग्रहादीनां शमनं शान्तिकारकम् ।अन्ते कृष्णस्मरणदं भवतापत्रयापहम् ॥ २\।३६\।४७॥असिद्धसाधकं भद्रे जपादिकरमात्मनाम् ।कृष्णाय यादवेन्द्राय ज्ञानमुद्राय योगिने ॥ २\।३६\।४८॥नाथाय रुक्मिणीशाय नमो वेदान्तवेदिने ।इमं मन्त्रं महादेवि जपन्नेव दिवा निशम् ॥ २\।३६\।४९॥सर्वग्रहानुग्रहभाक्सर्वप्रियतमो भवेत् ।पुत्रपौत्रैः परिवृतः सर्वसिद्धिसमृद्धिमान् ॥ २\।३६\।५०॥निषेव्य भोगानन्तेऽपि कृष्णासायुज्यमाप्नुयात् ।अगस्त्य उवाचएतावदुक्तो भागवाननन्तो मूर्त्तिस्तु संकर्षणसंज्ञिता विभो ॥ २\।३६\।५१॥धराधरोऽलं जगतां धरायै निर्दिश्य भूयो विरराम मानदः ।ततस्तु सर्वे सनकादयो ये समास्थितास्तत्परितः कथादृताः ।आनन्दपूर्णाम्बुनिधौ निमग्नाः सभाजयामासुरहीश्वरं तम् ॥ २\।३६\।५२॥ऋषय ऊचुःनमो नमस्तेऽखिलविश्वाभावन प्रपन्नभक्तार्त्तिहराव्ययात्मन् ।धराधरायापि कृपार्णवाय शेषाय विश्वप्रभवे नमस्ते ॥ २\।३६\।५३॥कृष्णामृतं नः परिपायितं विभो विधूतपापा भवता कृता वयम् ।भवादृशा दीनदयालवो विभो समुद्धरन्त्येव निजान्हि संनतान् ॥ २\।३६\।५४॥एवं नमस्कृत्य फणीशपादयोर्मनो विधायाखिलकामपूरयोः ।प्रदक्षिणीकृत्य धराधराधरं सर्वे वयं स्वावसथानुपागताः ॥ २\।३६\।५५॥इति तेऽभिहितं राम स्तोत्रं प्रेमामृताभिधम् ।कृष्णस्य राधाकान्तस्य सिद्धिदम् ॥ २\।३६\।५६॥ इन्चोम्प्लेते मेत्रिचल्ल्य्इदं राम महाभाग स्तोत्रं परमदुर्लभम् ।श्रुतं साक्षाद्भगवतः शेषात्कथयतः कथाः ॥ २\।३६\।५७॥यावन्ति मन्त्रजालानि स्तोत्राणि कवचानि च ॥ २\।३६\।५८॥त्रैलोक्ये तानि सर्वाणि सिद्ध्यन्त्येवास्य शीलनात् ।वसिष्ठ उवाचएवमुक्त्वा महाराज कृष्णप्रेमामृतं स्तवम् ।यावद्व्यरंसीत्स मुनिस्तावत्स्वर्यानमागतम् ॥ २\।३६\।५९॥चतुर्भिरद्भुतैः सिद्धैः कामरूपैर्मनोजवैः ।अनुयातमथोत्प्लुत्य स्त्रीपुंसौ हरिणौ तदा ।अगस्त्यचरणौ नत्वा समारुरुहतुर्मुदा ॥ २\।३६\।६०॥दिव्यदेहधरौ भूत्वा शङ्खचक्रादिचिह्नितौ ।गतौ च वैष्णवं लोकं सर्वदेवनमस्कृतम् ।पश्यतां सर्वभूतानां भार्गवागस्त्ययोस्तथा ॥ २\।३६\।६१॥इति श्रीब्रह्माण्डे महापुराणे वायुप्रोक्ते मध्यभागे तृतीयउपोद्धातपादे भार्गवचरिते षट्त्रिंशत्तमोऽध्यायः ॥ ३६॥

agastya uvācastotraṃ tatte pravakṣyāmi yasyārthaṃ tvamihāgataḥ |vārāhādyavatārāṇāṃ caritaṃ pāpanāśanam || 2\|36\|11||sukhadaṃ mokṣadaṃ caiva jñānavijñānakāraṇam |śrutvā sarvaṃ dharā vatsa prahṛṣṭā taṃ dharādharam || 2\|36\|12||uvāca praṇatā bhūyo jñātuṃ kṛṣṇaviceṣṭitam |dharaṇyuvācaalaṅkṛtaṃ janma puṃsāmapi nandavrajaukasām || 2\|36\|13||tasya devasya kṛṣṇasya līlāvigrahadhāriṇaḥ |jayopādhiniyuktāni santi nāmānyanekaśaḥ || 2\|36\|14||teṣu nāmāni mukhyāni śrotukāmā cirādaham |tattāni brūhi nāmāni vāsudevasya vāsuke || 2\|36\|15||nātaḥ parataraṃ puṇyaṃ triṣu lokeṣu vidyate |śeṣa uvācavasundhare varārohe janānāmasti muktidam || 2\|36\|16||sarvamaṅgalamūrddhanyamaṇimādyaṣṭasiddhidam |mahāpātakakoṭighnaṃ sarvatīrthaphalapradam || 2\|36\|17||samastajapayajñānāṃ phaladaṃ pāpanāśanam |śṛṇu devi pravakṣyāmi nāmnāmaṣṭottaraṃ śatam || 2\|36\|18||sahasranāmnāṃ puṇyānāṃ trirāvṛttyā tu yatphalam |ekāvṛttyā tu kṛṣṇasya nāmaikaṃ tatprayacchati || 2\|36\|19||tasmātpuṇyataraṃ caitatstotraṃ pātakanāśanam |nāmnāmaṣṭottaraśatasyāhameva ṛṣiḥ priye || 2\|36\|20||chando'nuṣṭubdevatā tu yogaḥ kṛṣṇapriyāvahaḥ |oṃ śrīkṛṣṇaḥ kamalānātho vāsudevaḥ sanātanaḥ || 2\|36\|21||vasudevātmajaḥ puṇyo līlāmānuṣavigrahaḥ |śrīvatsakaustabhadharo yaśodāvatsalo hariḥ || 2\|36\|22||caturbhujāttacakrāsigadāśaṅkhādyudāyudhaḥ |devakīnandanaḥ śrīśo nandagopapriyātmajaḥ || 2\|36\|23||yamunāvegasaṃhārī balabhadrapriyānujaḥ |pūtanājīvitaharaḥ śakaṭāsurabhañjanaḥ || 2\|36\|24||nandaprajajanānandī saccidānandavigrahaḥ |navanītaviliptāṅgo navanītanaṭo'naghaḥ || 2\|36\|25||navanītalavāhārī mucukundaprasādakṛt |ṣoḍaśastrīsahasreśastribhaṅgī madhurākṛtiḥ || 2\|36\|26||śukavāgamṛtābdhīndurgovindo govidāmpatiḥ |vatsapālanasañcārī dhenukāsuramarddanaḥ || 2\|36\|27||tṛṇīkṛtatṛṇāvartto yamalārjunabhañjanaḥ |uttālatālabhettā ca tamālaśyāmalā kṛtiḥ || 2\|36\|28||gopagopīśvaro yogī sūryakoṭisamaprabhaḥ |ilāpatiḥ parañjyotiryādavendro yadūdvahaḥ || 2\|36\|29||vanamālī pītavāsāḥ pārijātāpaharakaḥ |govarddhanācaloddharttā gopālaḥ sarvapālakaḥ || 2\|36\|30||ajo nirañjanaḥ kāmajanakaḥ kañjalocanaḥ |madhuhā mathurānātho dvārakānāthako balī || 2\|36\|31||vṛndāvanāntasañcārī tulasīdāmabhūṣaṇaḥ |syamantakamaṇerharttā naranārāyaṇātmakaḥ || 2\|36\|32||kubjākṛṣṭāmbaradharo māyī paramapūruṣaḥ |muṣṭikāsuracāṇūramallayuddhaviśāradaḥ || 2\|36\|33||saṃsāravairī kaṃsārirmurārirnarakāntakaḥ |anādirbrahmacārī ca kṛṣṇāvyasanakarṣakaḥ || 2\|36\|34||śiśupālaśiraschettā duryodhanakulāntakṛt |vidurākrūravarado viśvarūpapradarśakaḥ || 2\|36\|35||satyavāksatyasaṃkalpaḥ satyabhāmārato jayī |subhadrāpūrvajo viṣṇurbhīṣmamuktipradāyakaḥ || 2\|36\|36||jagadgururjagannātho veṇuvādyaviśāradaḥ |vṛṣabhāsuravidhvaṃsī bakārirbāṇabāhukṛt || 2\|36\|37||yudhiṣṭirapratiṣṭhātā barhibarhāvataṃsakaḥ |pārthasārathiravyakto gītāmṛtamahodadhiḥ || 2\|36\|38||kālīyaphaṇimāṇikyarañjitaḥ śrīpadāṃbujaḥ |dāmodaro yajñabhoktā dānavedravināśanaḥ || 2\|36\|39||nārāyaṇaḥ paraṃ brahma pannagāśanavāhanaḥ |jalakrīḍāsamāsaktagopīvastrāpahārakaḥ || 2\|36\|40||puṇyaślokastīrthapādo vedavedyo dayānidhiḥ |sarvatīrthānmakaḥ sarvagraharūpī parātparaḥ || 2\|36\|41||ityevaṃ kṛṣṇadevasya nāmnāmaṣṭottaraṃ śatam |kṛṣṇona kṛṣṇabhaktena śrutvā gītāmṛtaṃ purā || 2\|36\|42||stotraṃ kṛṣṇapriyakaraṃ kṛtaṃ tasmānmayā śrutam |kṛṣṇapremāmṛtaṃ nāma paramānandadāyakam || 2\|36\|43||atyupadravaduḥkhaghnaṃ paramāyuṣyavardhanam |dānaṃ vrataṃ tapastīrthaṃ yatkṛtaṃ tviha janmani || 2\|36\|44||paṭhatāṃ śṛṇvatāṃ caiva koṭikoṭiguṇaṃ bhavet |putrapradamaputrāṇāmagatīnāṃ gatipradam || 2\|36\|45||dhanāvahaṃ daridrāṇāṃ jayecchūnāṃ jayāvaham |śiśūnāṃ gokulānāṃ ca puṣṭidaṃ puṇyavarddhanam || 2\|36\|46||bālarogagrahādīnāṃ śamanaṃ śāntikārakam |ante kṛṣṇasmaraṇadaṃ bhavatāpatrayāpaham || 2\|36\|47||asiddhasādhakaṃ bhadre japādikaramātmanām |kṛṣṇāya yādavendrāya jñānamudrāya yogine || 2\|36\|48||nāthāya rukmiṇīśāya namo vedāntavedine |imaṃ mantraṃ mahādevi japanneva divā niśam || 2\|36\|49||sarvagrahānugrahabhāksarvapriyatamo bhavet |putrapautraiḥ parivṛtaḥ sarvasiddhisamṛddhimān || 2\|36\|50||niṣevya bhogānante'pi kṛṣṇāsāyujyamāpnuyāt |agastya uvācaetāvadukto bhāgavānananto mūrttistu saṃkarṣaṇasaṃjñitā vibho || 2\|36\|51||dharādharo'laṃ jagatāṃ dharāyai nirdiśya bhūyo virarāma mānadaḥ |tatastu sarve sanakādayo ye samāsthitāstatparitaḥ kathādṛtāḥ |ānandapūrṇāmbunidhau nimagnāḥ sabhājayāmāsurahīśvaraṃ tam || 2\|36\|52||ṛṣaya ūcuḥnamo namaste'khilaviśvābhāvana prapannabhaktārttiharāvyayātman |dharādharāyāpi kṛpārṇavāya śeṣāya viśvaprabhave namaste || 2\|36\|53||kṛṣṇāmṛtaṃ naḥ paripāyitaṃ vibho vidhūtapāpā bhavatā kṛtā vayam |bhavādṛśā dīnadayālavo vibho samuddharantyeva nijānhi saṃnatān || 2\|36\|54||evaṃ namaskṛtya phaṇīśapādayormano vidhāyākhilakāmapūrayoḥ |pradakṣiṇīkṛtya dharādharādharaṃ sarve vayaṃ svāvasathānupāgatāḥ || 2\|36\|55||iti te'bhihitaṃ rāma stotraṃ premāmṛtābhidham |kṛṣṇasya rādhākāntasya siddhidam || 2\|36\|56|| incomplete metricallyidaṃ rāma mahābhāga stotraṃ paramadurlabham |śrutaṃ sākṣādbhagavataḥ śeṣātkathayataḥ kathāḥ || 2\|36\|57||yāvanti mantrajālāni stotrāṇi kavacāni ca || 2\|36\|58||trailokye tāni sarvāṇi siddhyantyevāsya śīlanāt |vasiṣṭha uvācaevamuktvā mahārāja kṛṣṇapremāmṛtaṃ stavam |yāvadvyaraṃsītsa munistāvatsvaryānamāgatam || 2\|36\|59||caturbhiradbhutaiḥ siddhaiḥ kāmarūpairmanojavaiḥ |anuyātamathotplutya strīpuṃsau hariṇau tadā |agastyacaraṇau natvā samāruruhaturmudā || 2\|36\|60||divyadehadharau bhūtvā śaṅkhacakrādicihnitau |gatau ca vaiṣṇavaṃ lokaṃ sarvadevanamaskṛtam |paśyatāṃ sarvabhūtānāṃ bhārgavāgastyayostathā || 2\|36\|61||iti śrībrahmāṇḍe mahāpurāṇe vāyuprokte madhyabhāge tṛtīyaupoddhātapāde bhārgavacarite ṣaṭtriṃśattamo'dhyāyaḥ || 36||