यज्ञोपवीतोपनिषत् Yajnopavita Upanishad

यज्ञोपवीती धृतचक्रधारी यो ब्रह्मविद्ब्रह्मविदां मनीषीहिरण्यमादाय सुदर्शनं कृत्वा वह्निसंयुक्तं स्त्री शूद्रो बाहुभ्यांधारयेत् । तस्माद्गर्भेण जायते । ब्राह्मणस्य शरीरं जायते ।श्रीविष्णुं सर्वेश्वरं भजन्ति ॥

yajñopavītī dhṛtacakradhārī yo brahmavidbrahmavidāṃ manīṣīhiraṇyamādāya sudarśanaṃ kṛtvā vahnisaṃyuktaṃ strī śūdro bāhubhyāṃdhārayet | tasmādgarbheṇa jāyate | brāhmaṇasya śarīraṃ jāyate |śrīviṣṇuṃ sarveśvaraṃ bhajanti ||

नासादिकेशपर्यन्तमूर्ध्वपुण्ड्रं तु धारयेत् ।उद्धृतासि वराहेण कृष्णेन शतबाहुनाम् ॥भूमिर्धेनुर्धरणी लोकधारिणी ॥मृत्तिके हन मे पापं त्वयि सर्वं प्रतिष्ठितम् ॥तस्माद्द्विरेखं भवति तं देवकीपुत्रं समाश्रये । अग्निना वै होत्राचक्रं पाञ्चजन्यं प्रतप्तं द्वयोर्भुजयोर्धारयेत् । आत्मकृतमाचरेत् ।आचार्यस्य सम्मुखं प्रपद्येत । तस्माद्वैकुण्ठं न पुनरागमनंसालोक्यसामीप्यसारूप्यसायुज्यं गच्छति । य एवं वेद । इत्युपनिषत् ॥(वैष्णवौपनिषदः)

nāsādikeśaparyantamūrdhvapuṇḍraṃ tu dhārayet |uddhṛtāsi varāheṇa kṛṣṇena śatabāhunām ||bhūmirdhenurdharaṇī lokadhāriṇī ||mṛttike hana me pāpaṃ tvayi sarvaṃ pratiṣṭhitam ||tasmāddvirekhaṃ bhavati taṃ devakīputraṃ samāśraye | agninā vai hotrācakraṃ pāñcajanyaṃ prataptaṃ dvayorbhujayordhārayet | ātmakṛtamācaret |ācāryasya sammukhaṃ prapadyeta | tasmādvaikuṇṭhaṃ na punarāgamanaṃsālokyasāmīpyasārūpyasāyujyaṃ gacchati | ya evaṃ veda | ityupaniṣat ||(vaiṣṇavaupaniṣadaḥ)

इति यज्ञोपवीतोपनिषत् समाप्ता ।

iti yajñopavītopaniṣat samāptā |